Kaluumaysada reer Kismaayo oo ka Cabanaya
Maraakiibta Shisheeye ee ka Jilaabta Badweyenta Soomaaliya
faysal xaaji siyaad muumin
kismaayo soomaaliya
faysalsiyaad@hotmail.com
Waxaa qaylo dhaan xoog leh kasoo yeeraysaa
kaluumaysatada reer kismaayo oo ka cabanaya maraakiibta shisheeye oo ka
jilaabta bad weynta soomaaliya gaar ahaan xeebaha ku teedsan kismaayo iyo
nawaaxigeeda oo ay sheegeen in ay ku sooo badanayaan maraakiibta iyo
doonyaha ajanabi ee jalaabashada xoogaleh ka wada,
Kaluumaysada reer kismaayo ee ka cabanaya
maraakiibta ajanabi ee kaluumaysiga ka wada xeebaha soomaaliya ayaa waxaa ka
mid ah cabdulaahi indho buur oo sheegay in maraakiib iyo doonyo hubaysan oo
ajanabi ah ay xaalufin ba'an ka wadaan badweynta soomaliya islamarkaana ay
dhib faro ba'an ku hayaan doonyaha yar yar ee ay ayagu kaga jilaabtaan
gudaha badwenta.
Hadaba dhibaatooyinka uu sheegay indho buur
in ay maraakiibta shisheeye ay ku hayaan kaluumaysatada soomaaliyeed ayaa
waxa uu ku sheegay in ay kamidtahay in ay si sharci la aan ah ay isaga
qaataan shabakadaha ay kaga jilaabtaan badaha iyo in ay waxyeelo u geyestaan
hadii ay markab ajanabi ah ay kulmaan doon ay wataan dadka ka jilaabta
badaha ee soomaaaliyeed tasoo ay ku macneeyeen arin ku tala gal ah isagoo ku
tilmaamay arintaas in ay tahay cabsi xoogan ay ka qabaan xeebaha soomaaliya
ayna ogyahiin in samayenayaan fal sharciga ka baxsan oo hadii ay falkan oo
kale ku sameyen lahayeen wadan dowladi ka jirto ay mudan lahaayeen xabsi
daa'in iyo waliba dil.
Sidoo kale waxa u sheegay indho buur in
maraakiinta shisheeye ay qashin iyo waxyaabo sun ah ay ku soo daadiyaan
xeebaha soomaaliya gaar ahaan xeebaha ku teedsan gobolkan j/hoose ayadoo uu
sheegay in bartamahii sanadkan lagu dhex arkay jasiirad kamid ah jasiiradaha
ku dhodhow magaalada kismaayo oo lagu magacaabo kooyaamo oo todobaatan kilo
km u jirta kismaayo lagu arkay haan weyn oo daboolan oo aan lagaraneyn waxa
ku jira islamarkaan ceegaagaysa goob dhowr iyo toban km u jirta xeebta
kooyaamo, sidoo kale waxaa jira in la arko mararka qaar kaluunka iyo
naflayda yaryar ee bada ku jirta oo ayagoo mayd ah soo caariya soona dhoobma
afka hore ee xeebaha taasina ay keento sunta ay maraakiibtan shisheeye ku
shubaan xeebaha soomaaliya islamarkaana aysan jirin cid ilaalisa oo u
xilsaaran ilaalinta bada iyo khayraadka dabiiciga ah ee bada ku jira taasina
ay ka midtahay dhibaatooyinka laga dhaxlay dowlad la aanta 14 ka sano ka
jirta dalkan burburay ee soomaaliya
Faysal xaaji siyaad muumin
kismaayo soomaaliya
faysalsiyaad@hotmail.com
Faafin: SomaliTalk.com | Dec 17, 2004
![](/2004/nov/mindhoo.jpg)
Shirweynihii Koowaad ee Ururka
Indhoolayaasha Soomaaliyeed oo Muqdisho Ka Dhacay
| Warbixin
![](../samsam/samsa.jpg)
Samsam Axmed Ducaale
Kulaabo bogga www.SomaliTalk.com
|