::: AIDS iyo SOOMAALIYA :::::

Digniin Laga Bixiyey Cudurka AIDS-ka oo Ku Faafaya Soomaaliya::

Dr. Isniino: Boosaaso waxaa jooga Dad badan oo Qaba AIDS Laakiin aan lagu dhiiran Karin in loo sheego in ay qabaan Cudurka ruuxii oo hubaysan awgii....

C/fataax Jaamac | somalitalkpl@yahoo.com
Boosaaso, Soomaaliya | SomaliTalk.com | Dec 1, 2004

Cudurka Dilaaga ee HIV/AIDS ayaa si weyn looga digey Gobolada Puntland Guud ahaan ayadoo loogu magacdaray Maxay Haweenku ugaga Nugulyihiin Ragga in uu ku dhaco Cudurka HIV/AIDS.

Gabdhihii Dhalinyarada oo Guryaha u gudbinaya fariinta Halista Cudurka IADS ee ahayd in dumarku u nugul yihiin.

Xuska maalintaas oo aad u balaaranaa ayaa lagu qabtay Xarunta Dawlada Hoose ee Boosaaso, arintaas oo ahayd mid Wacyigalin ah oo ay soo abaabushay Hay'ada wadaniya oo lagu magacaabo Association For Integration And Development (AID), waxaana kala Qayb qaatay hay'ada Caalamiga ah ee Unicef iyo Urarada Dhalinyarada Dumarka ah oo iyagu baryahaan oo dhan ka waday Wacyi galin Guryaha iyagoo ugu Garaacayay Xaafadaha si ay u gaarsiiyaan Waraaqo ay ku qoran yihiin Digniinaha looga digtoonaan karo Cudurkaa.

Munaasabadaas waxaa ka soo qayb galay Wasiirka Dowlada Hoose iyo Horumarinta Reer Miyiga Cali Cabdi Awaare, Gudoomiye Kuxigeenka Koowaad ee Gobolka Bari iyo Gudoomiye Kuxigeenka labaad ee Goboka Bari, waxaa kaloo ka soo Qayb galay Duqa Magaalada Boosaaso Rooble Gudcur iyo Marti sharaf kale oo Badan.

Wasiirka Dawladda Hoose & Horumarinta reer Miyiga oo ka hadlaya Munaasabada

Dr Isniino oo ka hadlaysa Munaasabada

Duqa Magaalada oo ka hadlaya Munaasabada AIDS

Waxaa munaasabadda oo ay Hay'ada AID xubno ka mida ay ku soo mareen Magaalada Gawaari ay ku xiranyihiin Maryo ay ku qoranyihiin Digniinaha looga digtoonaado Cudurka HIV/AIDS iyo Makarafoono Cod-dhaadheer leh ayaa ugu dambayntii waxay yimaadeen Hoolka Xarunta Dawlada Hoose oo ahayd meesha shirka lagu qabtay.

Waxaa ugu Horeentii ka hadlay Kusimaha Hay,ada AID Dr. Isniino Axmed Muse oo ka war bixisay in Cudurkaan uu halis ku hayo Adduunka Guud ahaan Gaar ahaan Afrika oo ay jiraan Malaayin Ruux oo u ildaran, Dr. Isniino ayaa tilmaantay sida uu ugu faafayo Gudaha Gobolada Puntland gaar ahaan Boosaaso oo lahayo Dad badan oo Qaba Lakiin aan lagu dhiiran Karin in loo sheego in uu qabo Cudurka ruuxii oo hubaysan awgii, horayna kuwo loo sheegay ay galiyeen halis Dhaqaatiirtii u sheegtay.

Garoonka oo ay taagan yihiin Dadweynihii
Daawanayay Cayaarta Munaasabada Maalinta AIDS

KA FOGOW SINADA & GOGOL DHAAFKA SI AAD UGA BADBAADID HIV/AIDS

Dhaqantoosinta iyo La dagaallanka HIV/AIDS-ka:
Ka digtoonaansho qorshaha shisheeye oo ah mindi laba-afle ah... Guji

Dr: Isniino ayaa ku soo dhaweysay Duqa Dowlada Hoose ee Boosaaso Rooble Gudcur oo ka warbixiyay Cudurka Dhibaatada uu ku hayo Guud ahaan Addunka Dr: Isniino ayaa ku soo dhaweysay Gudoomiye kuxigeenka koowaad ee G/Bari Yuusuf Muumin Bide oo tilmaamay halista uu leeyahay Cudurkaan HIV/AIDS waxaa uu Gudoomiye ku xigeenka ku soo Dhaweeyey Wasiirka Dowladaha Hoose Cali Cabdi Awaare oo Dadka u tilmaamay in ay kaga Badbaadi karaan iygoo fahma Diintooda Islaamaka oo Caafimaad iyo Nidaam oo dhan ay ku dhanyihiin, Waxaa halkaa Majaajilo iyo Heeso tilmaamaya Halista ay leeyaha Cudurka HIV/AIDS ku soo bandhigay Hobolada Fanka Walaalaha Bari, Waxaa kaloo Galabnimadii lagu qabtay Garoonka kubada Cagta Boosaaso Cayaar ay isaga hor yimaadeen labo Kooxood oo ay ku kala helaayaan Koob loogu magacdaray Maalinta Caalamigaa ee Cudurka HIV/AIDS koobkaa ayaa kooxdii badisay ay ku gudoonsiisay Dr. Isniino garoonka Gudihiisa.

Gawaaridii oo Dhex maraysa Magaalada oo sheegaya Qatarta Cudurka AIDS

Gawaaridii oo ay ku xiran yihiin Calaamadihii Digniinta Cudurka AIDS

Waxaa ayagana halkaa ka hadlay Gudoomiyaha Ururka Haweenka Gobolka Bari Maryan Gaduudo iyo Xubno kasocda Hay'adaha kala duwan ee dawliga ah iyo kuwa aan Dowliga ahayn.

Dhaqantoosinta iyo La dagaallanka HIV/AIDS-ka:
Ka digtoonaansho qorshaha shisheeye oo ah mindi laba-afle ah... Guji

JAWHAR::: Waraysi: Gabar Soomaaliyeed oo Qabtey AIDS & ka Akhri Halkan

waxaa munaasabado ku saabsan maalinta aidska aduunka ee kowda sebtenber lagu qabtay xarumo badan oo ay ka midtahay xarunta unitrian community college oo hoy u ah ururada maxaliga ah ee ka jira gobolada jubooyinka gaar ahaan magaalada kismaayo oo marka lasoo gaabiyo loo yaqaano jubbo net,

hadaba munaasabada lagu qabtay maanta xarunta unitrain community college ayaa waxaa kasoo qayebgalay ururada dhalinyarada ururada haweenak culumaa udiin waxgarad iyo maamulka dagmada ayadoo ay halkaas ay qudbado kala duwan kasoo jeediyeen marti sharaftii kasoo qayebgashay munaasabadaasisla markaana ugu baaqay bulsho weyenta soomaaliyeed inay ka feejignaadaan cudurka dilaaga ah ee h.i.v,

mar uu munaasabadaas hadal wacyi galin ah uu kasoo jeediyay gudoomiyaha dagmada mudane daahir maxamed cilmi (daahir carabeey)ayaa waxa uu oga digay dhalin yarada soomaaliyeedinay xakameeyaan nafsadooda iskana ilaaliyaan waxa ay naga xarintay diinteene suuban ayna ku dhaqmaan waxyaaba munaasabka ah ee ay nafarayso diintena,

sidoo kale waxaa saakay lagu arkayay laamiyada magaalada kismaayobanaanbax wacyi galineed oo ay soo abaabuleenururada bulshada oo si wayen ay oga dhexmuuqdeenururka dhalinyarada r.h.y.m oo taakulo ka hayestay madaxa xafiiska hay ada overcee magaalada kismaayo cabdilaahi sheeq isxaaq,

banaanbaxaan ay maanta sameyeen ururada maxaliga ah ee ku sugan kismaayo ayaa waxa uu ku salayesnaa wacyigalin iyo baraarujinta bulsho wayenta ku dhaqan kismaayoayagoo watay boorar ay ku qoranyihiin halkudhagyo looga soo horjeedo cudurka dilaaga ah ee aids ayan oga digayaan dhalinta maanta gogol dhaafka sharci darada ku salaysan,

hadaba gudoomiyaha ururka rhym muqtaar cali xuseen( ilka case)oo aan mar wax kawaydiinay sababta maanta uu ururka uu gadoomiyaha u yahay uu u soo abaabulay banaanbaxaan ayaa waxa uu ku jawaabay waxaa waajib naga saaranyahay wax walba oo dan u ah bulshada ku dhaqan kismaayo iyo nawaaxigeeda haday ahaan lahyed baraarujin waxtar iyo anagoo goor hore u diyaar garownay maalintaan muhiimka ah,

sidoo kale waxaa munaasabad midan lamid ah oo lagu soo dhawaynayo xarunta maalinta aidska aduunka lagu qabtay xarunta hay ada samafalka ah ee bisha cas halkaasoo ay isagu tageen dhaqaatiirta iyo howol wadeenadaka howolgala isbitaalka guud ee magaalada kismaayo ayagoo sidoo kale ugu baaqay bulshada inay ka feejignaadaan cudurka dilaaga ah ee aidska oo aan laga helin halkaan qalabhii lagu baari lahaa,