SOMALITALK.COM dahabshiil
w w w . S o m a l i T a l k . c o m
SOMALITALK - WARAR

Tacsi Waxaa Maanta Ku Geeriyooday Wadanka Kenya Alle Haw Naxariistee Marxuum Maxamed Jaamac Galaydh ( Boodhe Laaye ).

Anigoo Ku Hadlaaya Magacayga iyo Kan Qoyska Reer Cali Qodax Waxaan Halkan Tacsi uga Dirayaa Caruurtii Ilma Maxamed Jaamac Galaydh iyo Hooyadood iyo Dhamaan Qoyska Reer Galaydh ( Ama Boodhayaasha ).

Waxaan Leeyahay ilaahay Samir iyo Iimaan Haynaga Wada Siiyo Adeer Marxuum Maxamed Jaamac Galaydh Boodhelaaye Si Gaar ah Caruurtiisii iyo Hooyo Ruqiyo iyo Dhamaan Reer Jaamac Galaydh ilaahayna Waxaan uga Baryayaa Marxuumka inuu Jannadiisa Ka Waraabiyo Aamiin Aamiin Aamiin

Taariikh Nololeedkii Marxuum Maxamed Jaamac Galaydh Boodhelaaye

Marxuum Maxamed Jaamac Wuxuu ka soo qalin jebey Jaamacda Beeraha ee ku taal wadanka Ingiriiska ah dabayaaqadii kontomeeyada, isaga oo ahaa nin labaad oo shahaado Jamacadeed oo beeraha soo qaatay Soomaaliya. Waxaana sanad ka horeeyey Axmed Keyse oo wadanka Masar ka soo qaatay.

Waxa uu noqday Agaasimihii Waaxda Beeraha ee Lixdanaadkii

Waxa uu noqday Maareeyihii Mashruucii Fanoole ee Ruushku bilaabay 1963

Ka dib waxa bilaabay, hirgeliyeyna Wershadihii kala ahaa Balcad ee Dharka iyoWershedii helibka ee Kismaayo.

1966 Waxa uu noqday Agaasimihii Guud ee Wasaaradii Beeraha ee Soomaaliya

Muddo kadib wuxuu hirgeliyeyna Hay'adihii ADC Wakaaladdii Horumarinta beeraha iyo Wakaaladdii Cagcagafyada iyo Beer Gashiga ONAT

ka dib waxa uu bilaabay ama hirgeliyeyn Mashruucii Lib-Soma.

Ka dib waxa ka noqday ilaa 10 waddan badan oo adduunka ah ka noqoday wakiilka Hay'adda Cuntada iyo Beeraha laga bilaabo 1972 ilaa 1994.

Markii uu ku soo laabtay Somalia waxa uu noqday la taliyaha Beeraha ee Mashruucii Waraabka ee Jannaale Buulo Mareerto iyo Mashruucii Bay Project ilaa iyo burburkii Soomaaliya.

Mr. Boodhe lagu ma soo koobi karo mashaariicda iyo waxyaabaha horumarineed ee uu soomaaliya iyo aduunkaba ka hirgeliyey ilaahay haw naxariistee Aamiin

Dhammaan Qoyska Reer Cali Qodax waxay tacsi u dirayaan Xaaskiisii Hooyo Ruqiyo, carruurta uu ka tegey oo shan wiil iyo labad gabdhood oo ay ugu weyn yihiin Axmed iyo Asma iyo carruurtii uu awoowaha u ahaa oo gaaraysa ilaa tobaneeyo. Samir iyo Iimaan ilaahay haynaga wada siiyo marxuumkana ayaan ugu ducaynaynaa Jannaddii firdowsa.

Eng. Maxamuud Maxamed Cali Qodax ( Cadami ).

qodax32@hotmail.com

Faafin: SomaliTalk.com | Feb 28, 2009

 

Kulaabo bogga www.SomaliTalk.com © www.SomaliTalk.com

La soo xiriir:

IIDHEH
XAYAYSIIS