Madaxweyne Shariif Waa La Caleema Saaray, Horayna Waa Loo Amiiray ,Waa
Sideesa Markaan Hogaankiisa.
Fariin ku socoto Shariif Shikh Axmed Madaxweynah Soomaliya
Abadllah Moallim Mahamud(Abdullahi Siyaasi)
Moallem10@hotmail.com
Meel aad u fog ha ka doonin isku mid ahaanshaha imaantinga Shariif Shikhh Axmed
kolkuu ahaa hogaamiyihi Isutaga Maxaakimta iyo markan oo Shariifka loo doortay
hogaanka u sareeyo ee waddanka Somaaliya ,balsa su'aasha waxay ku aadan tahay
kala duwanaashaha u dhaxeeyo, waa sidee dad la dhaqankiisa iyo hogaamintiisa
kolkuu ahaa madaxa Isutaga Maxaakimta iyo markaan uu Shariifka noqday
madaxweynaha Soomaliya siduu noqon-doonaa dad la dhaqankiisa iyo qaabka uu rabo
in uu ku hogaansha waddanka Soomaaliya .
Iyadana waxaa isweydiin mudan, Shariifka maxaa kaga kordhay khibrad ahaan
muddada gaaban ee u dhaxeyso masu'uliyadan iyo tii hore ee isutaga Maxaakimta
iyo wixi waddankeena ka dhacay muddadaas gudaheeda.
Dhinaca kale markaan u rogo qoraalka inta aanan u gelin ka faalaynta arrimahaas
hore oo dhan ,Soomaaliweyn iyaga Shariifka maxay ka sugaysaa, maxaysa kula talin
lahayd in uu iyaga ku hogaamiyo isaga oo ka sal guurayo dhibatooyinki
waddankeena ka aloosnaa labaatan sano oo cijaaf ahaa,
Sharif Shikh Axmed waa astaanta nabada ee Somaaliya ,waa Hiiro geesi ah,dulqaad
badan,go'aan adag ,dhegaha u dhiga ruuxwalba, dabeecad wacan, cara yar ,tala
keen iyo tala raacba ah, waa hogaamiyihi horkacay kooxdi ugu horeysay ee aduunka
tustay in aan nahay dad dalkooda nabadayn kara ,marki kooxdaas lagu madax
adeegay(waa isutagi Maxakimtee), burburinta maamulkeedana loo adegsaday DFKM oo
ay garab taagan yihiin Aduunweynaha oo gacanta midig ku wato cadawga
koowaad(Tigree) ee ummadda Soomaaliyeed, Shariif Shikh Axmed waa haddana
shaqsigi ugu horeeyay oo horkacay kooxdi isku magcawday isbahaysiga dib-xoreynta
dalka Soomaaliyeed ee lagaga dhawaaqay Dalka Aritree(Asmara), Shariifka waa
shaqsiga ay isaga iyo asxaabtiisa garteen mar kale in dowladda Aritree aynan ka
dhab ahayn taabagelinta goolka isbahaysiga ee looga dhawaaqay dalkaas Aritree oo
isaga ahaa in ciidanka Xabashida dalka Somaliya looga xoreeyo si dhaqsiya,
iyadoo la adeegsanayo Muqaawamo iyo siyaasadba. Shariifka garasha keddib wuxuu
dhaqsi u go'aansaday in uu fadhiga isbahaysiga u soo raro Dalka Jabuuti oo iyada
goor walbo lagu yaqiin in ay u taagan tahay sida ay walaalahooda Soomaliyeed uga
kaalmeyn lahayd sidi ay dib ugu soo noqon lahaayeen bulshada Caalamka Dhaxdeeda.
Ugu danbeyn Sharif Shikh Axmed waa hogaamiya u dul qaatay qadaf badan oo kaga
imaanayay qaar badan oo asxaabtiisa ka mid ah, iyaga oo ku eedaynayo in uu
Shariifka ka weecday halganki loogu jiray ciidanka Xabashada oo dalkeena laga
xoreeyo, Shariif Shikh Axmed dul qaad badan iyo abaabul siyaasadeed oo xoogan
keddib wuxuu ka mira dhaliyay in ay Tigreeda ciidankeedi dib ugala baxdo
dalkeena ,waxaa kale oo uu ka dhabeeyay mar kale in ay Soomaliweyn heshiis dhax
mari karo gudaheeda si kasto oo ay ugu kala fog yihiin xaga fikirka, kolkuu wax
ku darsaday barlamaanki iyo dowladi iyaga sabab u ahaa keenista ciidanka
cadowgeena soo jireenka ahaa, Sharif Shikh Axmed wax isku darsi keddib wuxuu
xalay(31/01/2009) qalin ku jiro gacanta geesiyayaal Soomaaliyeed ku qoray in uu
yahay astaanti nabada ee Soomaaliyed kolki ay 293 xildhibaan oo isugu jiro
kooxihi ku heshiiyay dowlad midnimo qaran codkooda si buuxda u siiyeen Shariif
Shikh Axmed.
Shariifka waxaa lagu xasuustaa in uu hogaanka u qabtay lixdi bilood oo ay
Isutaga Maxaakimta ka taliynayeen koofurta Soomaliya inteeda badan ,waxaasa
jabkoodi keddib banaanka u soo baxday kooxihi hoos imaanayay maamulka Shariifka
in ay ahaayen kooxo aad ugu kala fog xaga fikirka ,taas waxay iyada daliil u
tahay in Shariifka yahay nin dulqaad badan ,maamul hufan.caadil ah ,meel ku
mideyn karo dad kala fikir duwan ,hadafka uu hiigsanaayo yaqaan ,dhibka
waddankiisa ka jira aad uga war qabo iyo sida looga baahan hogaanka in uu ahaada
mid sabar badan ,kala garanaayo goorta dabcsanaan loo baahan yahay iyo goorta
loo baahan yahay qaadashada go'aan adag.
Shariif Shikh Axmed oo ay ummadda Soomaaliyeed maanta ku tuhmayso in uu yahay
ruux aad u yaqaan dadkiisa waxay ka rabaan in uu iyaga ku maamulo ,iyo in uu
yahay ruux yaqaan sidi uu ula dhaqmi lahaa bulshada Caalamka oo iyada dalkeena
ka aqrisatay fikara kala duwan oo ay ka soo fooxayso tuhun fara badan oo laga
qabo in aaanan ahayn dad u istaagi karo maareynta dadkooda iyo dalkooda iyo isla
markaasna aanan ahayn dad la imaan karo qaabsame ay ula dhaqmaan aduunweynaha
kale ee aan la wadaagno masaalixi kala duwan iyo iyagana deris shaki badan ka
qabo in aan u taagan nahay dad kol walba diyaar u ah deris xumo iyo ka shaqaynta
burburinta nidaamyada kala duwan ee deriska noo ah ,xaga fikirkana aan aad ugu
kala fog nahay.
Shariifka waxaan ka rajeynaynaa in uu khibrad badan ka helay laga soo bilaabay
maalinti loo magacaabay madaxa Isutaga Maxaakimta ilaa xalay oo loo doortay
Madaxweyne iyo muddadi u dhaxaysay intaa oo uu duur-jooga ahaa, sidaa darteed
waxay ummadda ka suagaysaa in uu dhayo boog ku raagtay ummadda Soomaaliyeed oo
iyada daawadeeda tahay Cadaalad, sinaan iyo go'aan qaadasho wacan, la tashiya
badan keddib.
Shariifka waxaan kula talinaynaa in uu maanka ku haayo hogaan kasta guushiisa in
ay ka timaado dadka ugu dhow dhow ama la taliyayaashiisa ah, daacadnimada ay u
haayaan hadafka suuban ee uu hiigsanaayo, sidaa darted waxaan kula talinaynaa in
uu aad uga fiirsado ragga uu ka dhiganayo la taliyayaal, sidoo kale iyadana
waxaan kula talinaynaa feejignaan dheeri ah iyo ka fogaanshaha in uunan shaqo u
dirin ruux aanan ku haboonayn makaanka shaqdaas loo diray, mas'uuliyeedadana
aanan garanayn ,waxaan kula talinaynaa dhegaysiga dhinac walbo oo dacwo u keeno
iyo dhinaca uu dacwada ka yahay dacwa keenaha hore, si looga fogaado cadaalo
daro mar kale soo noolayso isku dhac ama kala fogaansha soo kala dhax-galo dad
wada dhashay, masaalixa dalkoodana ka wada dhaxeeyo.
Somalida waxay tiraahdaada "ood dhacmeed sida ay u kala koreyso ayaa loo kala
qaadaa", ama waxaa kale oo ay yiraahdaan "luga dhooqo mid mid ayaa loo baxshaa",
waxaan uga jeedaa in aad ogaato howlaha ku horyaalo in ay fara badan yihiin,
sidaas darteed in aad u kala hor mariso sida ay u kala culays badan yihiin ama
sida ay u kala horeeyaan u baahnaanshahooda.
Somaali waxay tiraahdaa "hadal badan, haan ma buuxsho" Shariif waa lagu caleema
Saaray ,taana kama imaan meel cidla ah ,sidaa darteed wixi laguugu bartay yaanan
lagaa weyn, dhinaca kale waxaad talada ku darsataa in ay naga buuxaan dad badan
oo cadaw ku ah nabad ka dilaacdo dalka Soomaaliyeed, dadkaa waxay isugu jiraan
dad u adeega dano dowlada kale iyo ,dad ay aad ugu weyn tahay qabyaalada iyo dad
caadifiyiin ah oo aanan kala sarrin Karin halka cadawga ka jiro iyo halka
saaxibka ka jiro ,kuwaasna waxaa ka mid ah kuwi ayaan dhoweeto kuugu tuhmi jiray
in aad ka weecatay halkangii dalka looga xoreynayay Ciidanki Tigreeda,
Ummadda Soomaaliyeed maanta diyaar ayey u tahay la shaqayntaada Shariif Shikh
Axmed ,waxayna kaa rabaan in aad adiga iyo iyaga iska kaashataan sidi aan mar
kale ugu soo noqon lahayn bulshadaha caalamka dhaxdooda, annaga oo gacanta
midigna ku sidano kitaabkeena oo isaga looga sal koro cadaabka aakhiro ,gacanta
bidixna ku sidana aduunyada sidi aan nabad ugu wada noolayn lahayn ,annaga
aduunyadaas ka yeelayno jid wacan oo aan u marno helitaanka aakhira
suuban.31/01/2009
Abadllah Moallim Mahamud(Abdullahi Siyaasi)
Moallem10@hotmail.com
Faafin: SomaliTalk.com | Feb 1, 2009
Daabaco
Boggan | Print
