YAA UGU LACAG BADAN ADUUNKA SANADKA 2008?
Abdul Arts
Abdularts@hotmail.com.
Ismaaciil Saxaaf.
Saxaaf@hotmail.com
WARREN BUFFET OO NOQDAY NINKA UGU TAAJIRSAN
DUNIDA IYO BILL GATES OO U DHACAY 3-AAD.
Kadib 13 sano shaqsigii ugu Qanisanaa Caalamka
oo ah Milkiilaha Shirkadda Microsoft Bill Gates
ayaa waxuu ku yimid hoos u dhac tartanka Qofka
ugu lacag badan dunida kadib markii uu galay
kaalinta seddexaad, kadib markii uu ka gadaal
maray Warren Buffet oo ah nin Mareykan ah iyo
Carlos Slim Helu oo ah nin Maxican ah. asal
ahaanna kasoo jeeda Lubnaan, Buffet iyo Gates
ayaana sidaas ku noqday labada Shaqsi ee
Mareykan ah oo ku jira Liiska tobanka nin ee ugu
lacag badan Aduunka.
Sida aynu kasoo xigannay Jariirada Forbes oo wax
ka qorta liiska Bilyoneerada Aduunka Warren
Buffet waa Shaqsiga ugu taajirsan Aduunkan aynu
kunoolnahay kadib markii ay lacagtiisu gaartay
$62 Billion waxaana lagu tilmaamaa ninkaan
inuu sare u kacay $10 billion sanad gudahiis
taas oo keentay inuu dhulka ku jiido Bill Gates
oo faa'idey sanadkan $2 Billion kaliya
waxuuna haystaa Gates $ 58 Billion waxaana la
sheegay inay Microsoft hoos u dhacday iyadoo la
ogaa qeylo dhaantii kasoo yeertay bishii hore
uuku doonayay inuu ku iibsado Yahoo $45 Billion
.
Warren Buffet oo ah 77 jir waa ninka iska leh
shirkadda Maalgelinta ee Berkshire Hathaway ayaa
la sheegay inuu yahay maal galiyaha ugu
wanaagsan dalka Mareykanka taas oo keentay inuu
si dhaqso ah kor ugu kaco dhaqaalahiisa uu isla
markaana ka galo kaalinta koowaad Bill Gates 13
sano hoggaanka u hayay dunida shaqsiga ugu
lacagta badan balse xeeldheerayaasha ka oo
hadleen arrimahaasi ayaa sheegay in laga yaabo
inuu Soo laabto Gates oo uu hadana ka
taajirsanaado Warren Buffet maadaama uu yahay
nin maskax furan hadana intabadan ku maqan soo
saarista Barnaamijyo anfacaya Caalamka.
Hadaba waxaa jirta in ninka Muslimka ah ee ku
jira liiska sare ee billonerada aduunka ee soo
kordheysa lacagtooda uu yahay Ganacsadaha
Sacuudiyaanka ah ee Amiir Waliid Bin Talaal oo
ka mid ah Boqortooyada Sacuudiga, waxuuna
kujiraa kaalinta ninka 19-aad Waleed ayaa lagu
xasuustaa deeq uu gaarsiiyay Soomaalida Kililka
Shanaad ee Ethiopia asagoo ugu deeqay $2 Million
dhanka waxbarashadooda.
Liiska maal Qabeenada Aduunka waa sidan.
1-Warren Buffett 77 Jir u Dhashay Mareykan
Lacagtiisana $62 billion leh shirkada Berkshire
Hathaway.
2-Carlos Slim Helś iyo Qoyskiisa 68 jir u
dhashay MexicoLacagtiisana $60 billion leh
Shirkada Isgaarsiin.
3-Bill Gates 52 jir u dhashay Mareykanka
Lacagtiisana $58 billion leh Microsoft.
4-Lakshmi Mittal 57 jir u dhashay India
Lacagtiisana $45 billion Leh Warshad Birta.
5-Mukesh Ambani 50 jir u dhashay India
lacagtiisana $43 billion Leh shirkad Patrol iyo
Kiimikada.
6-Anil Ambani 48 jir u dhashay India
Lacagtiisana $42 billion leh shirkada
Diversified ee maalgelinta.
7-Ingvar Kamprad and family 81 jir u dhashay
Swedan Lacagtiisana $31 billion Leh Shirkadda
Ikea.
8-K.P. Singh 76 jir u dhashay India Lacagtiisana
$30 billion Leh Shirkad Dhulalka iyo Guryaha
Kireyso.
9-Oleg Deripaska 40 jir u dhashay Russia
Lacagtisana $28 billion Leh Warshad Aluminum.
10-Karl Albrecht 88 jir u dhashay Germany
Lacagtiisana $27 billion Leh Dukaamada Aldi
Supermarkets.
Abdul Arts
Abdularts@hotmail.com.
Ismaaciil Saxaaf.
Saxaaf@hotmail.com