Mar 31, 07: Inta beri oo laga joogo markii xabashidu gashay: Kismaayo (90), Muqdisho (94), Beledweyne (97), Baydhabo (105),  Galkacyo (126), Sarbeebtii Diinaari

Daabaco Boggan | Print Ceelka iyo Xaruntii Conoco, Garoowe, Soomaaliya... Akhri.... Nidaamka Islaamiga ee Wadaagga Batroolka: Laga bilaabo Morocco ilaa Indonesia: Q.3aad Qaybta: 1aad | 2aad | 3aad Dowlada FKMG Ah Ee Soomaaliya oo Indhaha Ka Laabatay Ceelasha Shidaalka Ee Ay Kenya Ka Baarayso Xadka Soomaaliya... Akhri Kenya ma Badda Soomaaliyeed ayey Shidaal Ka Qodaneysaa? Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya Akhri Shirkadda Range oo Sheegtay in Saddexdii bilood ee lasoo dhaafay ay Garoonka Diyaaradaha ee Garoowe siisay US$313,000 lacagtas oo aad uga badan tii ay DGPL sheegtay in shirkadu bixisay.. Akhri... Itoobiyaan baaraya laba nin oo Soomaali. Muqdisho. AFP - Jan 13, 2006 Taangi Itoobiyaan ah oo taagan garoonka muqdisho - AFP - Dec 2006 ARAGTIDA/MAQAALLADA DADWEYNAHA EE MAANTA

WARARKII: March 31, 2007

Warbixin: Dagaalka Muqdisho....

Dagaalkii Muqdisho ayaa Sabtidii galay maalintii saddexaad, dagaalkaas oo sii xoogeystey. Waxayna hay'adda ICRC dagaalkaas ku macnaysay "kii ugu xumaa muddo 15 sano ah."

Meydka ayaa waran waddooyinka, madaafiicda iyo hubka culus oo dhacaya ayaana suurta gal ka dhigi waayey in dhaawaca iyo meydka la qaado, ayey tiri Aljazeera. Dadka magaalada Muqdisho deggana waxay sheegeen in boqolaal qof ay dhinteen, ayaa warku intaas raaciyey.

"Ma garaneyno meel aan aadno. Waxaan ku xayirahay guryahay, meydkuna waxa uu yaalaa dariiqyada," sidaas waxaa yiri Ibraahim Ducaale oo ah weriye ka tirsan AFP oo jooga dhanka koonfureed ee magaalada xaafada Cali Kamiin. Waxana uu intaas ku daray "Ma jirto fursad lagu qaadi karo dhaawaca iyo meydka sabatoo ah hubka culul iyo lidka diyaaradaha oo dhacaya awgeed."

Xaafad gubaneysa, Muqdisho, Maarso 3, 2007. Sawirka: AFP

Salaado Yebarow, oo deggan Muqdisho, waxay hay'adda wararka ee Reuters u sheegtay "Waxaan halkan joogey 16 sano, weligayna ma arkin wax la mid ah sidan." Waxayna intaas ku dartay "Magaalada oo dhan waa la duqaynayaa si aan loo meel dayin."

Hadal uu soo saaray Wasiirka Warfaafinta Itoobiya oo laga baahiyey telefishanka Itoobiya ayaa ku andacoodey in ay dileen boqolaal hubaysan oo ka soo hor jeedey, waa sida hadalka loo dhigay 'e. Waxana hadalku intaas ku daray "Itoobiya waxay dishey 200 oo hubaysan oo ka haray Maxkamadaha Islaamiga waxaana la dhaawacay in badan."

Dhanka kale hay'adda u dooda xuquuqul Insaanka ee loo yaqaan Human Rights Watch (HRW) ayaa si kulul u eedaysay dawlahada Kenya, Ethiopia iyo Soomaaliya iyo USA, waxayna ku eedaysay in ay si qarsoodi ah u xabisayaan boqolaal qof oo ka cararaya dagaalka Soomaaliya.

"Mid kasta oo dawladahaas ka mid ah waxay qayb waji gabax ah ka qaadatay in si xun loola dhaqmo dad ka cararay aagga dagaalka," sidaas waxaa yiri hogganka HRW, Georgette Gagnon.

"Dersino dad ah ayaa la dhigay xabsiyada Itoobiya" ayuu yiri Gagnon, oo intaas ku daray "waxaa lagama maarmaan ah in Itoobiya ictiraafto in ay dadkaas hayso, una ogolaato in ay arkaan beesha caalamka oo ka madax bannaan."

Qaramada Midoobey waxay sheegtay in laga soo bilaabo bishii Febraayo ee sannadkan in Muqdisho ay ka qaxeen dad lagu qiyaasay 58,000 qof.

Faadumo Cadow oo 90-jir ah, oo hoos fadhida geed ku yaal xaydaanka cisbitaal Madiina, Maarso 31, 2007. Cidbitaalka oo xamili waayey dhaawaca dadka ak soo gaaray duqayntii Muqdisho. Sawirka: Reuters.

• Akhri: Civilian deaths mount in Mogadishu

Maxamed Deeq Abuukar Aruuni oo laba joodari madaxa ku sitey isagoo ka sii baxaya magaalada Muqdisho ayaa waxa uu hay'adda wararka ee AP u sheegay in uusan weligiis ka bixin Muqdisho, laakiin maanta uu ka qaxayo sababtoo ah madafiicda aan loo meel dayin oo lagu sio ridayo xaafadaha Muqdisho.

Jicamadii ayey ahayd markii diyaarad ka mid ah kuwa ka qayb qaadanaya duqaynta Muqdisho gantaal lala helay oo ay kusoo dhacday Muqdisho. Ruqiya Shaafi Muxyadiin oo deggan Muqdisho waxay tiri: Diyaaradu waxay hawada ka soo dhacday iyadoo gubaneysa, siday u sheegtay AP.

Afhayeen u hadlayey madaxweynaha DFKMG ayaa Sabtidii qiray diyaaradii Jimcadii laga soo ridey Itoobiya.

• Akhri: Artillery fire, mortar shells rain down on Somalia in third day of fighting

WARARKII: MARCH 30, 2007:

Galkacyo: Ciidamo Itoobiyaan ah oo Soo Galay Puntland.

• Ciidamada Itoobiya oo Kusii Jeeda Boosaaso?

Ciidamo tiradooda lagu sheegay in ku dhaw kun askari ayaa soo galay gudaha Magaalada Galkacyo ee xarunta Gobalka Mudug maalintii khamiista ee ay bishu ahayd 29 March.

Ciidankan ayaa ka soo gudbay xadka dalka Itoobiya iyaga oo aan la sheegin ujeedadooda dhabta ah ee ay u yimaadeen Galkacyo halka ay wararkalena ay sheegayaan in ay ku jeedaan Ciidankani Magaalooyinka Garoowe iyo Boosaaso.

Maahan markii ugu horaysay ee ciidamo Itoobiyaan ah ay soo galaan magaalada galkacyo balse waxay noqonaysaa markii ugu horaysay ee ay ciidamo itoobiyaan ah u jihaystaan magaalada Boosaaso oo sida la sheegay ay ciidamadani ku sii jeedaan maal maha soosocda, sidoo kalena maahan markii ugu horaysya ee ay Garowe yimaadaan ciidamo itoobiyaan ah iyada oo ay mararbadan imaanjireen ciidamo iyo saraakiil lagu sheegi jirey tababarayaal ah Magaalada xarunta u ah Puntland ee Garowe halkaasi oo ay mararbadan tababaro ku sii yeen ciidamada daraawiishta puntland qaybo badan oo ka tirsan xiligii uu C/laahi Yuusuf madaxwaynaha ka ahaa puntland balse ilaa iyo intii uu C/laahi yuusuf ka tagay puntland noqdayna madaxwaynha Somalia lama hayo askari ka danbeeyay oo itoobiyaan ah oo yimaada Garowe.

Ciidamadan oo ku huybaysan qoryaha lidka diyaaradaha iyo kuwa fudud watana ugu yaraan 7 gaari ayaa ka yimid dhanka dalka Itoobiya waxaana la dejiyey xaruntii Warshadaha ee magaaladda Gaalkacyo.

Arinkan ayaa ku soo beegmaysa iyada oo Madaxwaynaha Dawlad Goboledka Puntland uu ku sugan yahay dalka Itoobiya maalmihii ugu danbeeyayna halkaasi oo madaxwaynha iyo Taliyaha Daraawiishta Col. Carays ay ku suganyihiin halkaasi iyada oo arimaha ciidamadan soo galay puntland uu qayb ka yahay safarkooda sidoo kale Cade Muuse ayaa la sheegay in uu wali kulamo la leeyahay raysal wasaaraha Itoobiya Malez zanawi.

Cade Muuse ayaan ilaa iyo hada la shaacin xiliga uu ka ambabaxayo dalka Ethiopia iyo in uu ku soo laaban doono puntland ama uu meel kale u sii safridoono ilaa iyo hadana lamahayo warar rasmi ah oo ku saabsan waxyaabihii uu Cadde Muuse kala hadlay madaxda Dalka Itooobiya iyada oo haadda lagu baraarugay Ciidamadan Itoobiyaanka ah ee yimid Galkacyo haadana ay dadbadani iska waydiinayaan waxa ku xigi doona imaanshaha Ciidankan Itoobiyaanka ah.

Magaaalada Ganacsiga ee Boosaaso waxaa ku taal dekeda ugu weyn gobolada hadda Puntland.

Dekeda Boosaaso. Sawirka: GoogleEarth

Dadka siyaasadda odorosa ayaa tilmaamay in qorshaha ay Itoobiya waddo uu yahay mid ka tarjumaya siyaasadda Itoobiya ee sidii ay gebi ahaanba ku qabsan lahayd Soomaaliya, iyadoo ay jiraan qoraalo ay qaar ka mid ah Itoobiya cadaysay, gaar ahaa  qoraal ay hore u faafisay wasaaradda Arrimaha Dibadda ee Itoobiya ee ku salaysan Soomaalida.. Akhri halkan....

• Akhri: YAA GABLAMI, YAASE GOOD DILI?

Diyaarad laga soo ridey Itoobiya. Aljazeera

Maarso 30, 2007: Wararka ugu dambeeyey ee ka imanaya magaalada Muqdisho ayaa tibaaxay in maanta (Jimce) duhurkii diyaarad helikopter laga soo ridey ciidamada Itoobiya. Waxaa wararku intaas ku dareenin diyaaradu dhacday kaddib markii lala helay gantaal ah nooca lidka diyaaradaha. Diyaaradaas oo qayb ka ahayd diyaaradihii ilaa shalay duqaynayey magaalada Muqdisho.

Dad arkayey markii diyaardu soo dheceysey ayaa sheegay in diyaaradaasi dhacday iyadoo holceysey.

Dagaalkii shalay bilowday ayaa meeshiisii ka sii socdey maanta oo Jimce ah, kaas oo sii xoogeystey. Aljazeera waxay werisey in rasaas laga maqlayey meel u dhow Villa Soomaaliya.

• Akhri: Somali violence downs helicopter

Dab ka soo baxaya aagga Garoonka Diyaaraha Muqdisho, kaddib markii diyaarad helikopter ah gantaal lala helay. Maarso 30, 2007. Sawirka: AP

Shalay ayey ahayd markii Ciidamada Itoobiya laga gubey gaari nooca Uuraalka, sida ku cad warka hoose.

• AKhri: Helicopter Bombing Insurgents Shot Down in Somalia

Ugu Yaraan Toddoba Ciidamada Itoobiya oo Khamiistii Lagu Diley Dagaalkii Muqdisho

Maarso 29, 2007: Wararka ka imanaya magaalada Muqdisho ayaa tibaaxay in dagaalkii Khamiistii ka dhacay magaalada ay ku dhinteen ugu yaraan 30 qof oo badankoodu shacab ah, inkasta oo tirada dhabta ah ee shacabka ku dhintay ama ku dhaawacmay dagaalkaas aan la xaqiijin karin.

Waxaa wararku intaas ku dareen in dagaalkii Khamiistii ay ku dhinteen ugu yaraan 7 askari oo ka tirsan ciidamada Itoobiya, iyadoo ay jiraan warar tirada intaas aad uga badanaya. Waxaana wararku sheegeen in gaari nooca Uuraalka loo yaqaan laga gubey ciidamada Itoobiya. Waxaana meyka askartaas la sheegay in lagu jiidey wadooyinka magaalada Muqdisho.

Dagaalkan ayaa waxaa ka qayb qaatay diyaaradaha dagaalka ee helikoptarada ee Itoobiya kuwaas oo duqeeyey Muqdisho.

Guri holcaya, Muqdisho, Sawirka: AFP, Mar 29, 2007

Prof. Cali Maxamed Geeddi oo Diyaarad Militari oo Itoobiyaan ah keentay Afgooye:29/12/06, Sawirka: AP Geeddi oo aan Weli Ka Jawaabin eedayntii ahayd in "uu Mas'uul ka ahaa Mamnuucidii Dhoofinta xoolaha Akhri

• VOICE: Interview with Ken Menkhaus .....    VOA
• The Plan -- according to U.S. General Wesley Clark (Ret.) | Youtube...
• The taste of Somalia | Burlington Free Press

Taliyaha Ciidanka Booliska Puntland oo Shaqadii Lagu Soo Celiyey...

(Maarso 29, 2007): Wararka ka imanaya Puntland ayaa sheegay in wareegto uu saaray Madaxweyne Kuxigenka DGPL, Xasan Daahir Afqurac, uu ku caddeeyey in shaqadii lagu soo celiyey Taliyihii Ciidanka Booliska Puntland ee shalay xukunka laga fariisiyey. Wareegtada ayaa la sheegay in lagu raali geliyey taliyaha Ciidanka DGPL, Siciid Cali Xaaji Siciid, waxaana la sheegay in sababtii shaqada looga fariisiyey taliyaha ay ahayd mid khaldan oo aan sal iyo raad toona lahayn.

Madaxweyne kuxigeenka ayaa ahaa kii markii hore ansixiyey wareegto uu soo saaray wasiirka arrimaha Gudaha ee DGPL ee jagada looga qaaday taliyaha, taas oo su'aasha is weydiinta leh ay tahay: Maxaa madaxweynuhu arrinta markii hore u hubsan waayey intii uusan ansixin in jagada laga qaado taliyaha?.

Warka qaabkii jagada markii hore looga qaaday talihaha hoos ka akhri:

Ciidamada Itoobiyaaan ah oo Galay Kulliyaddii Hore ee Jaalle Siyaad..
.Warar dheeraad ah oo ka soo baxay qarixii Darmooleey..
.Saraakiil ka tirsan Uganda la kulmaya Odayaasha Beelaha
.Maxaa ka soo baxay kulankii Yuusuf iyo Qabqablayaasha..
.Wafdi ka socda Midowga Afrika oo ku soo fool Muqdisho..
.Soomaaliya iyo Itoobiyaan lagu daadiyey Xeebaha Yemen..
Wararkii oo dhan ka akhri halkan.... Mar 28