SomaliTalk

Daabaco Boggan | Print

SomaliTalk: Hadalkii Wasiirka Waxbarashada DGPL waa Baroortu Orgiga ka Weyn
Hay'ada UNESCO ayaa waxbarashada Puntland ugu deeqday gaari iyo buugaag, laakiin.. Akhri...

Dowlada FKMG Ah Ee Soomaaliya oo Indhaha Ka Laabatay Ceelasha Shidaalka Ee Ay Kenya Ka Baarayso Xadka Soomaaliya... Akhri

Kenya ma Badda Soomaaliyeed ayey Shidaal Ka Qodaneysaa?
Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya Akhri

Shirkadda Range oo Sheegtay in Saddexdii bilood ee lasoo dhaafay ay Garoonka Diyaaradaha ee Garoowe siisay US$313,000
lacagtas oo aad uga badan tii ay DGPL sheegtay in shirkadu bixisay.. Akhri...

Itoobiyaan baaraya laba nin oo Soomaali. Muqdisho. AFP - Jan 13, 2006

Taangi Itoobiyaan ah oo taagan garoonka muqdisho - AFP - Dec 2006
ARAGTIDA/MAQAALLADA DADWEYNAHA EE MAANTA

Mar 11, 07: Inta beri oo laga joogo markii xabashidu gashay: Kismaayo (70), Muqdisho (74), Beledweyne (77), Baydhabo (85), Galkacyo (106),
Sarbeebtii Diinaari

Ciidamada Itoobiya oo maalmaha soo socda Gebi ahaan ka bixi doona Soomaaliya?

Ciidamada Itoobiya ee soo galay Soomaaliya bishii December sanadkii hore iyagoo gacan siinayey Dowladda Federaalka ah mar ay dagaal la gashay Maxaakiimta Islaamiga ah ayaa "la filayaa" in maalmaha soo socda gebi ahaanba ka baxaan dalka Soomaaliya.

Ciidamada Itoobiya ayaa wararku sheegeen in "xoogoodii" ay haatan ka baxeen dalka, waxayna Magaalada Muqdisho ka joogaan dhowr goobood, iyagoo doraad wareejiyey Garoonka Diyaaradaha ee Magaalada Muqdisho.

Ciidamada Itoobiya ayaa waxaa la filayaa inay maalinta beri ah wareejiyaan Dekedda weyn ee Muqdisho, iyagoo ku wareejin doona ciidamo ka socda Midowga Afrika ee nabad ilaalinta ah ee haatan ka joogaan Muqdisho kuwa dalka Uganda.

Ciidamada Itoobiya ayaa wararka qaar waxay sheegayaan in inta aysan bixin ay ka qayb-qaadaan hawlgal lagu sugayo ammaanka Magaalada Muqdisho, kadib markii Muqdisho ay noqotay goob ay maalin walba ku dagaalamaan Ciidamada iyo kuwa Dowladda Federaalka ah oo garab ah iyo kooxo kacdoon ka wada Muqdisho.

Qarax ka dhacay Suuq-Bacaad oo sababay...

Shalay galabnimadii ayaa qarax banbaano waxa uu ka dhacay meel ay isugu yimaadaan dadka oo ku taala Suuqa-Baac ee Magaalada Muqdisho, waxaana qaraxaasi ku geeryooday hal qof oo ahaa dadkii halkaa ku sugnaa.

Qaraxaan oo qalqal geliyey suuqaasi ayaa la garaneyn ciddii ka dambeysay iyo sababihii halkaasi loogu tuuray.

Dhinaca kale shalay ayaa Isgoyska Black Sea lagu dilay nin, laba kalana lagu dhaawacay, kadib markii ninka la dilay ay soo weerareen kooxo dabley ah.

Waxaa maalmahan Muqdisho ku soo kordhayey dilalka dad aan waxba galabsan iyo qaraxyada lala beegsanayo goobaha ay degan yihii ciidamada Dowladda iyo kuwa Itoobiya, tanina waxay kentay in ay cirka isku shareerto Xaaladda Nabadgelyo ee Magaalada Muqdisho.

Golaha Baarlamaanka oo ansixiyey in Xukuumadu ku shaqeyso Muqdisho..

Kulan ay shalay isugu yimaadeen Xubnaha Baarla-maanka ayaa waxaa looga hadlay arimo la xiriira sidii ay Dowladda ugu shaqeyn lahayd Magaalada Muqdisho.

Dood dheer iyo falanqeyn kadib waxaa la isku raacay in xukuumadda ay ku shaqeyso Magaalada Muqdisho, sidoo kale madaxtoonyada ayaa ka mid ah go’aanka Baarlamaanka ee ah in Xukuumadda iyo madaxweynuhu ku shaqeeyaan.

Xubnaha dowladda ayaa la filayaa inay soo gaaraan Muqdisho todobaadka Soo socda, iyadoo maalmaha soo socda lagu waramay in ay Muqdisho ka bilaaban doonto hawlgal aad u balaaran oo lagu sugayo ammaanka Magaalada Muqdisho, kaas oo ay ka qayb-qaadan doonaan ciidamada xoogga dalka Soomaaliyeed iyo kuwa booliiska.

Soo gelitaanka Dowladda ee Magaalada Muqdisho ayaa dadka siyaasadda u kuurgala waxay sheegayaan in ay ka dhalan karto iska hor imaadyo iyo dagaalo ka dhaca Magaalada Muqdisho, kaas oo dadka rayidka ah ku gaysan kara khasaare naf iyo maalba leh, waxayna dadku codsadeen in Dowladda marka hore sugto Magaalada Muqdisho.

Guddoomiye cusub oo loo doortay ururka Samo..

Waxaa maalintii shalay kulan isugu yimid Waxgarad, Odoyaal iyo Siyaasiyiin ka tirsan ururka Samo waxaana kulankaasi looga hadlay sidii ururka Samo u yeelan lahaa guddoomiye cusub.

Dood dheer iyo falanqeyn kadib waxaa la isku raacay in Guddoomiye loo doorto Ibraahim Maadaay Axmed.

Guddoomiyaha mar uu hadlay Doorashada kadib waxa uu sheegay in ururkiisa uu soo dhaweynayo shirka dib u heshiisiinta Soomaaliyeed oo dhawaan la filayo in lagu qabto Muqdisho, waxa uuna sheegay in aysan mar dambe ogolaan doonin in wax lagu qaybsado 4.5, isagoo sheegay in Beelaha Ururka Samo ay ka kooban yihiin lix beelood.

Guddoomiyaha cusub waxa uu sheegay in uu dadaal u gali doono sidii uu isugu keeni lahaa beelaha Jareerweyne, waxaa kaloo uu sheegay in ururka Samo uu soo dhaweynayo in wada hadal lala yeesho cid kasta oo wax tabeysa si loo soo gebagabeeyo xaaladda qasan ee ka taagan Soomaaliya, waxaa kaloo halkaasi ka hadlay Ugaaska Beesha Jareerweyne Ugaas Axmed Sheekh Maxmed iyo Guddoomiye ku xigeenka Samo Axmed Sheekh Abuukar, waxayna dhamaantood sheegeen in ay soo dhaweynayaan Guddoomiyaha cusub.

W/D Amiin Yuusuf Khasaaro
E-Mail amiinkhasaaro@hotmail.com

20-kooxood oo ansixiyey Go’aankii ee Guddiga Fulinta Xiriirka soomaaliyeed ee kubbadda Cagta ee ahaa in Xilka laga qaado..

Maalintii shalay ahayd Hotel Muqdisho Ex- Daameeye ee Magaalada Muqdisho ka dhacay shir-weyne aan caadi aheyn oo ay isugu yimaadeen kooxaha hoos yimaada Xiriirka Soomaaliyeed ee K/cagta, waxaana kulankaasi looga hadlay dhowr qodob oo kala ah, in la kala qaato warbixin guud oo la xiriirta waxyaabihii u qabsoomay xiriirka Soomaaliyeed K/cagta markii lagu doortay Magaalada Bqydhsbo, ansixinta go’aankii Guddiga Fulinta ee ahaa in xilka laga qaado Guddoomiyaha xiriirka Soomaaliyeed ee K/cagta Muxiyadiin Darbaweyne kadib markii lagu eedeeyey in uu lunsaday lacago uu lahaa xiriirka Soomaaliyeed ee K/cagta, ansixinta Miisaaniyadda Xiriirka ee 2007, ansixinta hanti dhowr madax banaan, taariikhda la qabanayo shirweynaha xiriirka Soomaaliyeed ee k/cagta.

Kulankaan oo ay ka qaybgaleen ilaa iyo 20 kooxood ayaa waxaa halkaasi looga dooday qodobadii la soo hordhigay, waxaana goob joog ka haa mas’uuliyiin ka tirsan Guddiga Olimbikada Soomaaliyeed iyo Agaasimaha Wasaaradda Dhallinyarada iyo Isboortiga Cusmaan Max’ed Gacal. Mas’uliyiinti ka socotay kooxaha ayaa u mahadceliyey guddiga fulinta ee Xiriirka Soomaaliyeed ee K/cagta, sida ay u badbaadiyeen xiriirka Soomaaliyeed ee K/cagta, waxay kaloo mas’uuliyiintaasi sheegeen in loo baahan yahay in la horumariyo xiriirka Soomaaliyeed ee K/cagta. Gebagabadii waxay kooxuhu ansixiyeen go’aankii guddiga fulinta xiriirka Soomaliyeed ee K/cagta ee ahaa in xilka laga qaado Muxiyadiin Xasan Cali Darbaweyne, waxaana u codeeyey 20- kooxood, iyadoo shan kooxna ka aamuseen. Mas’uuliyiinta kooxaha waxa ay guddoomiye ku meel gaar ah u doorteen Guddoomiye ku xigeenkii koowaad ee xiriirka Soomaaliyeed ee K/cagta Siciid Max’ed Nuur (Mugaanbe), Agaasimaha guud ee Wasaaradda Dhallinyarada iyo Isboortiga Dowladda Federaalka Mudane Gacal ayaa u mahadceliyey mas’uuliyiinta kooxaha sida xoriyadda leh ee ay u doorteen Guddoomiye Siciid Mugaanbe, waxa uuna u soo jeediyey mas’uuliyiinta kooxaha iyo guddiga fulinta xiriirka Soomaaliyeed ee K/cagta u soo jeediyey inay la shaqeeyaan guddoomiyaha cusub.

Kulankaan oo qaatay dhowr saacadood ayaa waxaa kaloo ka hadlay mas’uuliyiinta guddiga olombikada Soomaaliyeed oo iyana si aad ah u soo dhaweeyey isbedelka weyn eek u yimid Xiriirka Soomaaliyeed ee K/cagta, waxayna ka codsadeen Guddoomiyaha ku meel-gaarka ah inuu si cadaalad ah ugu shaqeeyo K/cagta, waxaana shirweynahan xiriirinayey xoghayaha Xiriirka Soomaaliyeed ee K/cagta C/Qani Siciid Carab.

Guddoomiyaha ku meel gaarka ah ee Xiriirka Soomaaliyeed ee K/cagta Siciid Max’ed Nuur (Siciid Mugaanbe) oo isna ka hadlay goobtii doorashada ayaa sheegay in uu waa-cusub uu u baryey xiriirka Soomaaliyeed ee K/cagta, isla markaana waxa uu sheegay in uu ku shaqeyn doono si cadaalad ah, isagoo u soo jeediyey mas’uuliyiinta kooxaha inay gacan ku siiyaan xilkaasi loo dhiibay.

C/llaahi Aabow oo ku hadlayey Magaca kooxaha ayaa waxa uu sheegay in wixii haatan xiriirka looga baahan yahay in uu la yimaado qorshayaal ay ku qanci karaan dhamaan Ummadda Soomaaliyeed si Kubbadda cagtu u gaarto horumar la taaban karo.

Bilihii la soo dhaafay ayaa guddiga fulinta ee Xiriirka Soomaaliyeed ee K/cagta waxaa u socday kulamo ay kaga hadlayeen sidii wax looga qaban lahaa lacago uu lunsaday Guddoomiyihii xiriirka Muxiydiin Xasan Cali iyo ku dhaqmi la’aanta dastuurka Xiriirka Soomaaliyeed ee K/cagta, taasina waxay keentay in guddigu isku raacay in xilka laga xayuubiyo Muxiyadiin Xasan Cali Darba-Weyne, waxaana si ku meel gaar ah loogu dhiibay Siciid Mugaanbe.

W/D Amiin Yuusuf Khasaaro
E-Mail amiinkhasaaro@hotmail.com

Wakiilka Isboortiga Puntland ee skandeneefiyanka oo qalab Isboorti la gudoonsiiyay

xaflad ka dhacday Denmark kuna saabasaneyd qalab ispoorti oo kala duwan oo ay gudoonsiyiinaayeen Somali Community ee Denmark ayaa waxaa halkaas lagu gudoonsiiyay wakiilka ispoortiga u fadhiya skandeneefiyanka dowlad goboleedka puntland Saadaq Aden Mohaméd (suujino)

Cabdirashiid Sheekh (Siyaasi) oo ka mid ah mas’uuliyiinta saree ee Somali Community ee Denmark ayaa ahaa ruxii gudoosiiyay qalabka isboorti wakiilka isboortiga Puntland u fadhiya skandeneefiyanka Saadaq Aden Mohaméd (suujino).

“waxaan mar walba ku dadaalnaa sidii aan ku hormari laheyn isboortiga Soomaaliyeed, inagoo u heelan inaan kor u qaadno sumcaddda Isboortiga Soomaaliyeed” ayuu yiri Cabdirashiid Sheekh (Siyaasi) oo ka mid ah mas’uuliyiinta saree ee Somali Community ee Denmark oo intaas sii raaciyay inay dadka Soomaaliyeed meel kasta oo ay joogaan ay diyaar u yihiin sare u qaadida isboortiga Soomaaliyeed.

Sidoo kale waxa uu sheegay Cabdirashiid Sheekh (Siyaasi) inay kaalmadaan aysan noqoneyn tii ugu horeesay oo ay siiyaan Maamul goboleedka Puntland, wuxuuna carabka ku adkeeyay inay bixin doonaan kaalmooyin kale oo sare loogu qaadi doono isboortiga Soomaaliyeed.

Ugu dambeentii waxaa halkaas ka hadlay wakiilka ispoortiga u fadhiya skandeneefiyanka dowlad goboleedka puntland Saadaq Aden Mohaméd (suujino) oo mahadcelin balaaran u jeediyay Somali Community ee Denmark, wuxuuna sheegay in loo baahan yahay in Jaaliyadha kale looga baahan yahay inay ku daydaan Jaaliyada Denmark.

“Ma ilaabi doono dadaalka iyo gacanta ay na siiyeen Somali Community ee Denmark, waxaana xusi doonta taariikhda” ayuu yir wakiilka ispoortiga u fadhiya skandeneefiyanka dowlad goboleedka puntland Saadaq Aden Mohaméd (suujino) oo cadeeyay in qalabkaas isboorti uu wax weyn ka tari doono sare u qaadida isboortiga Puntland.

Xafladaas waxaa goobjoog ka ahaa ciyaartooy hore oo Soomaaliyeed iyo Jaaliyada Soomaaliyeed Denmark, waxeyna aheyd mid si weyn loo soo agaasimay looguna mahad celiyay Somali Community ee Denmark.

Maxamuud Axmed Xasan ( Xuurshe)
xuurshe114@hotmail.com
Muqdisho-Somalia
Tel:002521-5573321