Taageerid Baaqii waxgaradka Muddulood ee waqooyiga Ameerika iyo Yurub oo laga taageeray Sweden

Shir ay ku yeelatay jaaliyadda Muddulood ee magaala madaxda Iswiidan ee Stockholm 27/02/2007, falanqeyn iyo doodo dhaadheer oo ku saabsan xaaladda dalkeennu marayo waqtigaan xaadirka ah kaddib, waxay ku gaartay go'aannada soo socda:

1) In si buuxda loo taageero baaqii waxgaradka iyo aqoonyahannada Muddulood ee ku nool waqooyiga ameerika iyo yurub ee 25/02/2007;

2) In la cambaareeyo qabsashada Ciidammada Tigreega ee dalkeennaIyo xasuuqa ay ka wadaan;

3) In kaalinta beesha Muddulood ee waqtigan adag ee dalku ku jiro ahaado mid cad oo ku saleysan taageeriid hiil iyo hooba leh ee dhaqdhaqaaqyada ummadda soomaaliyeed uga soo horjeeddo ciidammada shisheeye ee dalka qabsaday;

4) In weecinta go'aammadii shirkii dib u heshiisiineed ee Keenya Uusan Muddulood cidna xulufo kula ahayn kana soo horjeedo wixii ay ummaddu wadalahayd in koox gaar ah kelideed ku takrifasho;

5) In beesha Muddulood looga digo shirarka waqooyiga Mudisho ka Socda kuwaasoo ah shirqoollo lagu damacsan yahay in ummadda looga qariyo abaabullo dagaallo sokeeye iyo xasuuq isir sifeeyn oo ay wadaan ciidammada tigreegaiyo dabadhilifyadoodu;

6) In joogitaanka ciidammada tigreega iyo kuwa dabadhilifka ah ee lagu sheegayo kuwa qaran ee ku soo qulqulaya Muqdisho loo arko kuwa halis ku ah beesha Muddulood gaar ahaan iyo guud ahaan beelaha la deriska ah iyo kuwa ay haybta wadaagaan.

Waxaan ugu dambeyn beesha Muddulood ku boorrinaynaa in ay ilaaliyaan midnimada ummadda iyo inaysan gabin kaalintii hormuudnimo ee lagu yiqiin teer iyo waqtiyadii dhaqdhaqaaqa gobannimodoonka ilaa waqtigan xaadirka ah,layskana ilaaliyo inaysan dhicin siduu ka digay abwaankii ku tiriyay shiribkan: Ubbo ay abeeso ku jirtoow - Abgaal Cusmaan ku istanjoo rabaa.!!

Waxaa qoray Hormoodka iyo waxgaradka beesha muddulood ee Stockholm.

1. Maxamed Mukhtar Shiikh
2. Xassan Isloow Axmed Mxamud.
3. Inj. Cali Shiikh Xassan.
4. Xamdi Axmed Caraay
5. Abukar Cabdulle (dhabareey).
6. Cabdi Dhuxul Maxmauud
Wa Billaahi Towfiiq.

La xiriir: ahmed Mohamed | ahmedmohamed450@hotmail.com

Stockholm, 02/03/2007.

 

---

• 9:30-ka Fiidnimo Waqtiga Fadhi ku Dirirka

---