Wararki: Mar 3, 2007
C/llaahi Yuusuf oo
taageere ka raadinaya wadamada Carab oo hore ugu
tilmaamey.
Madaxweyne C/llaahi Yuusuf Axmed oo horey u sheegay
in uusan wax taageere ah ka rabin wadamada Carbeed
ayaa haatan waxa uu doonayaan in uu taageere ka
raadiyo wadamada Carabta si uu taageero ugu helo
shirka dib u heshiisiinta Soomaalida oo la filayo in
la qabto 16-ka April.
C/llaahi Yuusuf waxa uu horey taageero uga waayey
wadamada Midowga Yurub iyo Mareykanka kaddib markii
ay sheegeen in dib u heshiisiinta uu wado C/llaahi
Yuusuf ay tahay mid aan socon kari waayo, ayey
yiraahdeen waxa uu C/llaahi iska indha tirayaa dib u
heshiisiinta dhabta ah.
Dhinaca kale Jaamacadda Carabta ayaa aad uga
careysan soo gelitaanka Ciidamada Itoobiya ee dhulka
Soomaaliya, iyagoo Dowladda C/llaahi Yuusuf ku
tilmaamay inay ku xadgudubtay qaranimadii iyo
jiritaankii Soomaaliya.
Jaamacadda Carabta ayaa horey u cambaareysay
duulaankii ay Ciidamada Xabashida ku soo qaadeen
dalka Soomaaliya, waxayna u soo jeediyeen Dowladda
Itoobiya in ay si deg deg ah ciidamadeeda ugala
baxdo gudaha dalka Soomaaliya.
Dalka
Talyaaniga oo qorsheynaya in Dalkiisa Martigeliyo..
Wararka naga soo gaaraya Magaalada Roma ee dalka
Talyaaniga waxay sheegayaan in Dowladda Talyaaniga
ay dhankeeda ka wado in ay dalkeeda ku martigeliso
shir dib u heshiisiin ah oo ay isugu yimaadaan
dhamaan qaybaha siyaasadda Soomaalida.
Mas’uul u hadlay Dowladda Talyaaniga ayaa waxa uu
sheegay in Dowladda Talyaaniga ay diyaar la tahay in
ay bixiso wixii qarashaad ah ee ku baxay shirkaasi.
Dhawaan ayaa la filayaa in ergey ka socda Dowladda
Talyaaniga uu soo gaaro gudaha dalka Soomaaliya,
isagoo kulamo la yeelan doona mas’uuliyiin ka tirsan
Dowladda Federaalka, si ay iskula meel dhigaan
shirka dib u heshiisiinta, sidoo kale ergeygaasi
waxa uu booqan doonaa gobolo soomaaliyeed oo uu
kulamo kula yeelan doono Odoyaasha dhaqanka. Sidoo
kale ergeygaani waxa uu booqan doonaa dalalka Yemen
iyo Ereteriya oo la sheegay inay ku sugan yihiin
mas’uuliyiin ka tirsan Maxaakiimta Islaamiga ah iyo
kooxo mucaarad ku ah Dowladda Federaalka.
Dhowr iyo Toban
Askari oo Itoobiyaan ah oo isu dhiibey Dalka ..
Dowladda Ereteriya ayaa shaaca ka qaaday in
maalintii doraad aheyd isa soo dhiibeen dhowr iyo
taban askari oo ka tirsanaa Ciidamada Itoobiya.
Ciidamadaan oo si weyn loogu soo dhaweeyey dalka
Ereteriya ayaa waxay sheegeen in ay ka soo carareen
cadaadiska uu Meles Zenawi ku hayo shacabka Dalka
Itoobiya.
Ma ahan markii ugu horeysay oo ay ciidamo Itoobiyaan
ah ka baxsadaan dalkaasi una galaan dalka Ereteriya,
iyadoo Dowladda Ereteriya horey u ballanqaaday in ay
soo dhaweyneyso cid kasta oo ka soo baxsatada
taliska Meles Zenawi.
Dowladaha Ereteriya iyo Itoobiya ayaa waxaa ka
dhexeeya cadaawada abuuran tahay sanadkii 2000
kaddib markii labada dal uu dhex maray dagaal aad u
qaraaraa oo ay ku dhinteen ilaa iyo kumanaan kun oo
Askari, hase yeeshee waxaa markii dambe soo kala
dhex galay Qarmaada Midoobey oo ka dhex dhigtay
ciidamo oo qaarkood hadda joogaan halkasi.
Saddex nin oo
shalay lagu toogan lahaa Dugsiga sare ee Booliska oo...
Maalintii shalay ahayd ayaa Dugsiga Sare ee
Booliiska waxaa la damacsanaa in lagu toogto saddex
nin oo ka tirsanaa ciidanka Dowladda Federaalka
kadib markii ay dileen saddex nin oo kale oo iyana
ka tirsanaa Ciidamada Dowladda.
Raggaan oo ay xukuntay maxkamad Milatari ayaa waxaa
halkii lagu toogan lahaa ku sugnaa mas’uuliyiin ka
tirsan Dowladda Federaalka oo uu ka mid ahaa Wasiir
ku xigeenka Gaashaandhiga Salaaad Cali Jeele iyo ku
xigeenka Duqa Magaalada ee dhinaca nabadgelyada iyo
Siyaasadda Shaaweeye.
Waxaa dhacday markii ciidamadii waday saddexdaa soo
gaaray irida hore ee Dugisga Sare ee Booliiska ay
nimankii gaarigii ka boodeen, waxaana lagu riday
rasaas, balse nasiib daro waxaa baxsaday labo ka mid
ah, halka mid kalana uu dhaawac soo gaaray.
Salaad Cali Jeele ayaa waxa uu sheegay in Dowladda
Federaalka ku raad joogto labada dhinac ee kale,
isagoo sheegay in goob kasta oo ay galaan uga daba
tagi doonaan.
Beelaha
Soomaaliyeed oo diyaargarow ugu jira..
Beelaha Soomaaliyeed ayaa diyaargarow ugu jira
shirka dib u heshiiisiinta ha ee uu ku dhawaaqay
Madaxweyne c/llaahi Yuusuf Axmed.
Durbadiiba waxay bilaabeen beelahu latashiyo iyo
kulamo is dabajoog ah oo ay kaga arisanayaan shirka
dib u heshiisiinta ah oo lagu wado in uu dhaco 16-ka
April.
Beesha Daa’uud (Abgaal) ayaa shalay kulan ku
yeelatay Hotel Global, waxaana kulankaasi ka
qaybgalay Odoyaal, Waxtarad iyo Siyaasiyiin ka
tirsan Beesha, waxaana ka mid ahaa Xuseen Jilacow
iyo Siyaasiga lagu magacaabo C/llaahi Sheekh Xasan.
Beesha ayaa waxay isku raacday in la dhiso guddi
siyaasadeed iyo guddi dhaqan, waxaana la filayaa in
maalmaha soo sodcda lagu dhawaaqo.
W/D Amiin Yuusuf Khasaaro
E-Mail
amiinkhasaaro@hotmail.com
Madaxweynaha
Uganda Muxuu Kula Dardaarmay Ciidankiisa aadaya
Soomaaliya?
PRESIDENT
Yoweri Museveni yesterday (March 1, 2007) flagged off the
UPDF contingent to Somalia, sternly warning
the soldiers against illicit love affairs
with Somali women.
| New Vision, Uganda
PRESIDENT Yoweri Museveni said: “I have
heard that you went to doctors who found out
that you do not have these dudus (HIV/AIDS).
Take care of your lives when you go to
Somalia. You have had enough women here.” |
Source:
Newvision |
Madaxweynaha Dalka
Uganda, Yoweri Museveni, ayaa (March 1, 2007)
khudbad dardaaran ah waxa uu u jeediyey ciidamada
militariga Ugandha ee aadaya Soomaaliya. Wixii ugu
weynaa ee uu kala dardaarmayna waxay ahayd dumark
Soomaaliyeed.
Museveni waxa uu
luqadda afka Sawaaxiliga isagoo kula hadlayey
ciidamada u socda Soomaaliya uu ku yiri: "Waxaan
maqlay in ay idin bareen dhakhaatiir kuwaas sheegay
in aydin qabin bahalkaas loogu yeero HIV/AIDS.
Naftiina u taxadara marka aad tagtaan Soomaliya.
Dumar idinku filan waxaan ku haynaa halkan."
Jariidada New
Vision ee ka soo baxda Ugandha oo arrintaas ka
hadleysey waay tiri: Madaxweyne Yoweri Museveni oo la
dardaarmayey ciidamada u ambabaxaya Soomaaliya waxa
u didgniin culus ku siiyey in ay iska ilaaliyaan la
macaamilka (xagga jacaylka/galmada) dumarka
Soomaaliyeed. [warning
the soldiers against illicit love affairs with
Somali women.]
Nin oday ah oo
Soomaali ah oo hadalkaas loo sheegay ayaa yiri: "Madaxweynaha
Uganda waxa uu u gafey Mujtamaca Soomaaliyeed, gaar
ahaan dumarka Soomaaliyeed, hadalkasuna waa mid
dhalin doona cadaawad dheer oo dhex marta shacabka
Soomaaliyeed iyo ciidamada Ugandha ee imanaya
Soomaaliya."
Weli ma jiro
mas'uul Soomaaliyeed oo hadalkaas ka jawaabey.
Ciidamada uu
dardaaranka siinayey madaxweyna Ugandha ee u
ambabaxayey Soomaaliya waxay tiradoodu ahayd 1,605,
waxaana dumar ka ahaa saddex.
DFKMG oo Eedayn
Kulul u Jeedisey Hay'adaha NGO-ga ee Jooga
Soomaaliya
Wasiirka
DFKMG u qaabilsan Dib u heshiisiinta iyo Jaaliyadaha,
Maxamed Cabdi Xayir "Maareeye" oo shir jaraa'id ku
qabtay magaalaad Baydhabo (Feb 24, 2007) ayaa si
kulul u eedeeyey hay'adaha NGO-ga ee ku sugan dalka
Soomaaliya. Wasiirku waxa uu si kulul hay'adaha NGO
ugu eedeeyey in ay qayb weyn ka yihiin dhibaatada
aan dhamaanayn ee Soomaaliya. Waxana uu ku eedeeyey
in hay'adahaas NGO-ga ay Soomaaliya beesha caalamka
kaga raadsadaan lacago, marka ay lacagtaas soo
helaan aan cidna kula xisaabtamin. Lacagtaas oo,
ayuu yiri, ay boqolkiiba 70% ku bixiyaan
dalxiiskooda, hoteelada iyo guryaha qaaliga ah ee
Kenya iyo meelo kale oo adduunka ah. Boqolkiiba 20%
lacagtaas ahna waxay ku kiraystaan, ayuu yiri,
diyaarado hawada dhulka Soomaaliya kusoo gala si
sharci darro ah, kuwaas oo subaxdiina yimaada
galabtiina noqda, halkii ay dalka ka shaqayn
lahaayeeneen...
Dhegeyso
Hadalkii Maareeye.
Feb 19, 2007
ayey ahayd markii Madaxweynaha DGPL, Cadde
Muuse, uu aammaanay hay'adaha NGO oo uu kula kulmay
magaalada Garoowe, waxana uu sheegay in
hay'adaha NGO ee fadhigoodu yahay Garoowe ay hawl wanaagsan qabteen. Isagoo arrintaas ka hadlaya
Gen. Cadde Muuse waxa uu yiri: "Qolooyinkii United Nation-ka
IYAGOO DHAN waa noo yimaadeen kulligood wax fiican bay noo
qabteen iyagana si aad iyo aad ah ayaan ugu mahad naqayaa
iyo waxyaalahay qabteen."
Dhegeyso
Hadalkii Gen. Cadde.
Waxaa taas ka sii
horeysey in Wasiirka Wasaaradda Maaliyadda ee DGPL, Maxamed C. Y.
Gaagaab uu dhaliil u jeediyey hay'adaha Samafalka ee jooga
Soomaaliya. Xilligaas oo uu Wasiirku la hadlayey dad
Soomaaliyeed oo jooga magaalada Minneapolis ee dalka
maraykanka waxa
hadaladdiisii ka mid ahaa "Ha'adaha dalka Soomaaliya jooga
waxay isu haystaan in ay yihiin madaxweynihii dalka."
Dhegeyso Hadalkii Gaagaab...
Daabaco
Boggan | Print
ARAGTIDA/MAQAALLADA
DADWEYNAHA EE MAANTA
