Agaasimaha waaxda
Socdaalka iyo jinsiyadaha Soomaaliya oo maanta soo
bandhigtay Baasaboorada Cusub ee Soomaaliya
Agaasimaha Waxda Socdaalka iyo Jinsiyadaha Soomalaiya C/llaahi
Gaafoow Maxamuud ayaa maanta markii ugu horreysay soo
bandhigay baasaboorrada cusub ee Soomaaliya.
C/llaahi
Gaafoow oo kula hadlay warfidiyeenada Xarunta
Nabad-sugidda Soomaaliyeed ayaa sheegay in baasaboorka
cusub ee Soomaaliya ay yeelayso uu diyaar yahay, isla
markaana uu ruux walba oo Soomaali ah qaadan karo,
waxaana uu sheegay in ruux walba oo Soomaali ah oo
haysata baasaboorro kale haysata uu qaadan karo midka
cusub ee Soomaalida.
Baasaboorkan cusub oo ah nooca Electronic-ga ah ayaa
wata hal kaar aqoonsi, waxaana uu sheegay in
baasaboorkii hore ee Soomaaliga uu ku eg yahay
07/May/2007, waxaana uu sheegay in ruuxii sita aysan
xiligaas kaddib baasaboorkii hore uusan ku safri karin.
“Soomaaliya maanta waxay ka gudubtay xayndaar kaga
xirraa xagga baasaboorka, waxaana gacan naga siisay
sameynta baasaboorradaan hay’adda ICOW oo ah Hay’ad
caalmi ah, wuxuuna ka sameysan yahay Watership oo aan la
been abuuri karin” ayuu yiri C/llaahi Gaafoow Maxamuud
oo intaas ku daray: “Baasaboorkaan waa mid Computrized
ah, waana mid la socda horumarka caalamka, lagana
aqoonsan yahay dunida”.
Dhanka kale wuxuu sheegay in laga xiri karo qofkii dambi
gala oo sita baasaboorka, iyadoo uu leeyahay raadraac,
meel uu u dhoofi karana ma jirto.
“Qof ku dhoofa baasaboorkaan waxaa ugu horreeyay
Ra’iisul wasaare Geeddi, waana mid Free Airport ah,
sidoo kale loogama dhoofi karo garoommada macmalka ah,
sidoo kalena waxaa haysta Madaxweynaha Soomaaliya C/llaahi
Yuusuf oo haatan socdaallo ku maraya dunida” ayuu yiri
C/llaahi Gaafoow Maxamuud.
Sawirada Baasaboorka hoos
ka eeg
Muuse Maxamuud Jiisow
somali39@hotmail.com
Muqdisho Somaliya
025215576666
002521653623
Faafin: SomaliTalk.com Jan
27, 2007
Daabaco
Boggan | Print
