Warar ku saabsan Sanaag (Ceerigaabo
oo nin ku dhintey, Badhan oo heshiis lagu gaarey iyo
Xingalool oo maamul loo sameynayo iyo Dadaalka dhuxul
joojinta)
Ceergaabo:- Magaalo
madaxda Gobolka Sanaag ayaa maalintii shalay ahayd waxa ku
geeryoodey nin dhallinyaro ah, halka mid kalena ay dhibaato
xoog lihi soo gaadhey, arintan ayaa markii hore dadweynuhu
aad ugu wareereen sababta ka danbaysey.
labada nin ayaa laga dhex helay iyagoo midna liito midna
meyd yahay gaadhi ay dhex seexan jireen oo ahaa nooca
Landcruiser-ka loo yaqaan oo qafilan. gelinkii hore ee
shalay ayaa dadku si weyn u baadi goobayeen sababta , hase
yeeshee markii uu miyiraday ninkii nolosha lagu helay ayuu
sheegay iney baabuurka dhexdiisa ku qayileen isagoo
daaqadaha ay wada xidhan yihiin, maadaama ay magaalada
Ceerigaabo qabow tahayna ay dab gir-gire ay kusoo qaateen ay
ku dhex shiteen, sidaas darteedna ay hawadu ka xidhan tahay
, uuna maqlay hadaladii ugu danbeeyey ee saaxiibkii oo leh "
daaqadda iga fur ", hase yeeshee anigu aanan waxba awoodayn.
Meydkii ninkii dhintay ayaa shalayba lagu aasay magaalada
Ceerigaabo, halka kii kalena lagu baxnaaninayo cusbitaalka
magaalada.
Dhanka kalena, waxa isla magaalada Ceerigaabo ka socota wada
hadal u furmay labadii beelood ee xurguftu ku dhexmartay
aagga Dararweyne, Xasan Aadan Doolaal ayaa warbaahinta u
sheegay in si weyn loo rajeynayo is-af-garad wanaagsan,
kadib markii ninkii dilka geystey gacanta loo geliyey
eheladii marxuumkii ku dhintay dhacdooyinkaas.
Galabta ayaa wada hadaladii loo ballansanaa dib la isugu soo
noqday, ka dib markii muddo todobaad ku dhow ay gacanta ku
hayeen ninkii falka geystey ehelada marxuumku.
mar aan galabta khadka telefoonka kula xidhiidhnay magaalada
Ceergaabo, ayaa la ii sheegay in weli shirkii uu socdo , wax
war ahina aanu kasoo bixin.
Badhan:- Magaalada Badhan ayaa lagu soo geba-gebeeyey
arrin dhowaan ka dhacday meel ku dhow magaalada Ceelbuh,
taas oo ahayd labo inan oo reer miyi ah iney isku dileen oo
midkood uu qudh baxay.
dhacdadan ayaa maalmihii la soo dhaafay si isdaba joog ah
looga wada hadlayay, waxana ugu danbayntii la isla afgartay
in wiilkii falka dilka ah geystey gacanta loo geliyo qoyskii
dhibbanaha ahaa.
Maalintii Khamiistii ayaa lagu wareejiyey eheladii marxuumka,
iyaguna isla meeshii ayey dib ugu celiyeen. maadaama si
sharfle loogu wareejiyey ayey akhyaartaasi doorteen iney mag
qaataan, taasoo amminta sidii la isula waafaqi lahaa lagu
guda jiro.
dhanka kalena, riiggii ayaa shaqadiisii meel fiican marinaya
, mar aan dad ku dhow-dhow waraystay ayaa la ii sheegay inuu
qodaalku marayo in ka badan 125 mitir, rajo weynna lagu qabo
in la gaadh biyo macaan, maadaama qodaalku marayo meel mamac
ah.
Xingalool:- Magaalada Xingalool ayaa beryahan waxa ka
socdey dadaal loogu jiro in maamul loo sameeyo, ka dib
markii maamul goboleedka Puntland u magcawday degmo.
wararkii ugu danbeeyey ee halkaas naga soo gaadha ayaa
sheegaya in la isku af-gartay in maamul la dhiso, hase
yeeshee markii qaybsigii maamulka la gaadhay ay qoysaska
qaarkood ka biyo diideen, taasoo keentay aakhirkii iney ka
insixaabaan shirarkii tashiga ahaa.
lama garanyo iney dib madasha ugu soo noqon doonaan iyo iney
sidaas ku tegayaan, waxa kale oo aan la saadaalin karin in
qoysaska kale ay sii wadan doonaan hawlaha maamul samaynta.
Dadaal Dhuxul Joojineed oo
si weyn uga socda meelo ka mid dhulka xeebta u jeeda ee
gobolka Sanaag.
waxa dhowaan si weyn loo bilaabay dadaal dhuxul jooojineed
oo lagu doonayo in aagga ay degaan beelaha Gaashaan buur ay
ku dabar goynayaan gubidda iyo goynta dhirta, arintaas ayaa
si weyn loogu ammaanay bulshada ku hawllan arintaasi ,
waxayna ka soo hooyeen guulo wax ku ool ah.
![](s1.jpg)
Inj. Aadan Xaaji Saalax oo dhowaan booqday aaggaasi ayaa
sheegay in go'aanno laga qoray intaan hawsha la gelin lagu
guulaystey fulintooda, taasoo keentay in si adag looga
hortago xaalufinta dhulka.
guddida arimahaas u xil saaran ayaa sidan ah :
1-C/laahi Xasan Cali
2-Maxamed Xasan Maxamuud
3-Maxamed Maxamuud Guure
4-Faarax Maxamed Shoocaar
5-Bashiir Maxamed Shoocaar
6-Warsame Cabdi Khayre
7-Siciid Maxamed Muuse
8-Maxamed Jaamac Cabdi
9-Axmed Jaamac Cabdi
10-Maxamed Ciise Cali
11-Cali Nuur Cali
12-Guure Huruuse
13-Cali Siciid Maxamed
14-C/laahi Maxamed Barre
15-Cabdi Shire Guuleed
16-Cabdi Cabdalle Awaare
17-Axmed Faarax
18-Maxamed Maxamuud Axmed
19-Maxamuud Axmed Cali
20-C/laahi khayre
21-Muuse Gegaweel
Waxaa madax u ah C/laahi Xasan Cali (Luga Xeedho) Tel#
729262
Maxamuud Ciyoon/Cabdirisaq MX Cali
Email:
ciyoon10@hotmail.com
Faafin: SomaliTalk.com |
Feb 11, 2007
Dowlada
FKMG Ah Ee Soomaaliya oo Indhaha Ka Laabatay Ceelasha
Shidaalka Ee Ay Kenya Ka Baarayso Xadka Soomaaliya...
Waxaa dhowaanahanba isa
soo tarayey ceelal shidaal ah oo laga baarayo deeganada
xadka Soomaaliya oo ay dowlada kenya ku guda jirto,
islamarkaana ay wararku tibaaxeen in meelaha ay ka baarayso
ay yihiin deegaano ku yaala gudaha wadanka soomaaliya, ayaan
waxaan dadaalo dheeraad ah u galay bal si aan wax uga ogaado
arrintan sida ay u aragto dowlada kmg ah ee Soomaaliya.
Akhri
warka oo dhan....
WARBIXIN
KU SAABSAN XAALADDA YAASIIN KILWE OO KU XIRAN BERBERA
Dhahar:- Yaasiin Kilwe
Cismaan waxa uu ku dhashay kuna soo barbaaray degmad Dhahar
ee gobolka sanaag sanadku markuu ahaa 1981kii, waxa uu ku
soo qaatay waxbarasha asaasiga ah dugsiga H/Dhexe ee degmada
Dhahar, waxa uu markii ugu danbaysayna arday ka ahaa
Jaamacadda bariga Afrika ee Boosaaso, sanadii 2003 bishii
11aad isaga oo ku jira fasax ayuu safar u aaday magaalada
Hargaysa, nasiib darro waxaa lagu xiray halkaas, isaga oo
lagu eedeeyay inuu lacag ka soo dhacay meel u dhaxaysa Tog
Wajaale iyo Jigjiga oo ka mid ah kililka shanaad ee
Ethiopia, arrintaasi oo ah mid aan jirin maxkamadduna ay
waxba ku wayday sida ay caddaysay 05/06/2006 dii.
AKhri warkan oo dhan....
Zakariya
Xaaji:-Waa In Loo Diyaargaroobaa Sidii Tegreega Dalka Looga Xorayn Lahaa
Xildhibaan Zakariya X.Maxmuud oo isagu ka mid ah guddiga
arrimaha dibada ee Golaha wakiilada, isla markaana xubin
joogta ah ka ah baarlamaanka Carabta ayaa xaflad lagu qabtay
magaalada Dimishiq taas oo lagu soo dhaweynayey xildhibaanka
ka sheegay in ay Soomaalidu u diyaar garowdo sidii ay
dalkooda uga xorayn lahaayeen xoogaga Tegreeyga ee ku soo
duulay.
Xafladan oo ay ka soo qayb galeen dadaweyne aad u tiro badan
iyo xubno ka socday Safaaradda Soomaalida ee dimishiq gaar
ahaan xoghayaha Safaaradda C/raxmaan Barqiya, guddoomiyaha
Jaaliyadda Soomaaliya Fu’aad iyo Shiikh C/casiis Calas ayaa
waxa uu Zakariye ku dheeraaday Taariikhdii soo jireenka
ahayd e u dhaxaysay Shacabka soomaaliyeed iyo Dawladda
Itoobiya ee ay gadhwadeenka ka yihiin qawmiyada Tegreey...Akhri...
Shirkadda
Range oo Sheegtay in Saddexdii bilood ee lasoo dhaafay ay
Garoonka Diyaaradaha ee Garoowe siisay US$313,000
lacagtas oo aad uga badan tii ay DGPL sheegtay in shirkadu
bixisay..
Akhri...
Lacag dhan $3 million
ilaa $7 million oo ay kala Qaybsanayaan Range iyo DGPL
Lacagtaas oo qarsoodi ahayd waxaa
shaaca ka qaaday wargeyska Herald ee ka soo baxa Australia...
Akhri....
Kenya
ma Badda Soomaaliyeed ayey Shidaal Ka Qodaneysaa?
Dawladda Kenya ayaa dardar gelisey
baaritanka batroolka ay ka wado xeebta, waxaana soo baxay warar tibaaxaya...
Akhri...
DGPL oo Caddayn weydey Meesha ay ku Baxeen
Lacagihii ay hore u Bixiyeen Shirkadaha Macdanta
Madaxweyne Cadde Muuse oo ku sugan Dubai oo
kulan la yeeshay shirkadaha ayaa la sheegay
in...
Akhri...
![](/terry/arrowleft.gif)
![](/terry/arrowright.gif)
|