Dib u Qooraanso
W/D:
Amiin Yuusuf Khasaaro
E-Mail
amiinkhasaaro@hotmail.com
Muqdisho,
Soomaaliya
Bulshada Soomaaliyeed waxay
haatan ka sheekeeyaan lixdii bilood waxyaalihii ay heleen,
waxayna dadka qaarkii ku tilmaameen lix bilood oo ka
wanaagsan lix sano.
`Hadaba Maalinkii ay midoobayeen maxaakiimta Islaamiga ayaan
waxaan ka qayb galay xafladdii ay ku midoobayeen maxaakiimta
waxaana xafladdaas ka qayb galay illaa seddax Boqol oo ergo,
waxaana markii danbe la isku af gartay in midowga
maxaakiinta islaamiga madax looga dhigo Shiikh Shariif
Shiikh Axmed, hasa yeeshee Shiikhu waa uu diiday xilkaas,
wuxuuna yiri “Xilkani ma qabanayo waayo waa xil aad u culus”,
markii uu Shiikh Shariif diiday inuu qabto xilkaas ayaa
waxaa la bilaabay in qaar ka mid ah dadkii ka qayb galay
munaasibaddaasi inay cimaamado saaraan, kuwana Koofiyado
ayay u geliyeen halka qaar kalena ay jilbaha ka qabsadeen,
aakhiritaankii Shiikh Shariif waa ogolaaday codsigaasi,
wuxuuna ballan qaaday inuu naf iyo maalba u huri doono
nabadgelyada waddanka. ,Aan dib u qooraansano waxyaabihii ay
qabteen maxkamadihii Islaamiga, waxay markiiba dagaal la
galeen qab qablayaashii dagaalka oo ay dhamaantood dalka ka
saareen iyagoo u arkayay raggaasi inay ahaayeen aabayaashii
xumaanta, waxaan u suurta gashay inay dalka ka saaraan,
dadkuna ima oran weligood qab qablayaasha dagaalka ayaa
sidan loo geli doonaa.
Waxay bilaabeen maxkamadaha inay la dagaalamaan kooxaha bur
cadda ah, waxayna meel fagaare ah ku toogteen laba dhalin
yara ah oo bur ah, waayo Soomaalida ayaa tiraahda Indho run
bay ku Ooyaan, halkaasna waxaa looga reystay bur caddii iyo
tuugadii.
Waxay u soo jeesteen inay dagaal xoog leh la galaan kooxihii
muqaadaraadka, waxayna maalin waliba meel fagaare ah ku
gubayeen xashiish iyadoo dadka lagu qabtana horey laga gayn
jirey maxkamad, waxay is tusiyeen maxkamada islaamiga ah in
qaadku isaguna uu ka mid yahay wax yaabaha nabadgelyada
carqaladda ku ah waxayna go’aansadeen inay joojiyeen,
taasina waa u suurta gashay, sidoo kale waxa ay bilaabeen in
gebi ahaanba ay mamnuucaan shineemooyinka oo iyana ka mid
ahaa goobaha laga faafiyo xumaanta isla markaana dib u dhac
u keenaya wax barashada. Hawshii maxkamadaha waa ay sii
ballaaratay waxa ay bilaabeen inay gacanta uu u soo galo
dahamaanba hubkii waa weynaa, waxaana digniin la siiyay
suuqa kala Iibsiga hubka ee cir toogte, waxaana lagu yiri
xabbad haddii aan maqalno dhawaaqeeda idinka ayaa u qoolan,
waxaana dhacday in labadii qof ee hub kala iibsanaysa
tijaabada hubkaas ay ula bixi jireen meel ka baxsan muqdisho.
Waxyaabaha kale ee maxkamaduhu ay qabteen waxaa ka mid ah in
dad laga haystay guryahooda iyo hantidooda muddo 16 sana ah
dib loogu celiyo, waxayna yiddi diilo gelisey in dad fara
badan ay dib ugu soo laabtaan Muqdisho. Laga soo bilaabo
Gaalkacyo illaa Raas Kambooni ayay dadka iyo gaadiidkaba ku
marayeen si nabadgelya ah iyagoon haba yaraatee wax cabsi ah
aan qabin, waxaana dib u bilawday in gawaarida iyo dadka
safarka oo ay wadaan habeenkii meel cidla ah ku hooydaan
iyagoon haba yaraatee wax wel wel ah qabin.
Maxkamada Islaamiga waxay dib u fureen garoonkii diyaaradaha
iyo dekeddii weyneyd ee Muqdisho waxaana raja wayn sii
gashay shacabka Soomaaliyeed oo marnaba aan ku riyoon in dib
loo furi doono labadaasi goobood.
Maxkamadaha Islaamiga waxay bilaabeen inay dagaaal la galaan
ganacsato ku sheegga waddanka soo geliya raashiinka dhaca,
waxayna meel fagaare ah ku gubeen kumanaan kun oo raashiin
dhacay ah. Waxaa kaloo Xusid mudan in maxkamaduhu dadka ay
bareen inay is caawimi karaan oo ay ka maarmi karaan gacan
shi sheeye, tusaale Abaarihii, Fatahaaddii iyo
musiibooyinkii kale. Waxyaabaha kale ee ay maxaakiintu
qabteen waxaa ka mid ah inay nadiifiyeen dhamaanba jidadka
magaalada Muqdisho oo iyagu wehelka u ahaa 16kii Sano ee la
soo dhaafay qashin buuro noqday, waxaa la yaab leh in bohol
wayn oo ku taalay degmada Wardhiigleey oo dadkii degganaa
marnaba ku hawoon meeshaan ayaa la dayac tiri doonaa ayaa
iyaduna lagu sameeyay dayac tir ballaaran, waxaa kaloo
maxkamaduhu ay dayac tireen xarumihii wasaaradaha iyadoo
xitaa ay bur buriyeen gobo si sharci darra ah loo degganaa.
Xukunkii curdanka ahaa waxaa uu kolba heer soo maraba waxa
ay maxkamaduhu bilaabeen inay xitaa heshiisiyaan beelihii
dagaalku u dhaxeeyey oo mudadii lixda bilood ahaa oo ay
jireen oo aan la maqal laba beelood ayaa isku dhacday.
Waxyaabaha ugu yer oo ay qabteen waxaa ka mid ah in
xaywaanka Dameerka la yiraahdo oo awal dhibaato ku qabay
birta laga geliyo afka ayaa waxa ay maxkamaduhu amreen in
caygaas birta ah laga saaro laguna bedelo xarrig caadi ah.
Waxaas ay maxkamaduhu soo qabteen ayaa markii ay timaadey
dawladda oo kaashanaysey ciidamada Itoobiya ayaa waxaa dib u
soo laabtay wixii xumaan ahaa ee ay maxkamaduhu reebeen sida
dhicii, af duubkii, dilkii, kufsigii iyo gabood faladii kale
ee waa weynaa iyadoo dib loogu laabtay guryo iyo dhulal
maxkamaduhu dadkooda horey ugu celiyeen dadkii lahaa, waxaa
kaloo soo laabtay in meel fagaare ah lagu kala iibsado
daroogooyinkii, waxaa kaloo dhacday in la farsameeyo qamriga
loo yaqaano Calaqa, isku soo duuboo Maxkamaduhu waxay na
tusiyeen ama dadka ku raja geliyeen in ay wax qabsan karaan
W/D Amiin Yuusuf Khasaaro
E-Mail amiinkhasaaro@hotmail.com
Mobile-ka
3310 soo Rogaal celi : Waxaan waddanka imid iyadoo ay ka
talinayaan qab qablayaasha..
Guji
Faafin: SomaliTalk.com | Feb 8,
2007
![](/terry/arrowleft.gif)
![](/terry/arrowright.gif)
|