Dareenka Soomaalida K/Africa iyo Doorashadii
Madaxweynaha Cusub ee ANC, Zuma...
Soomaalida dalkani Koonfur Africa ku nool ayaa si weyn u aaminsan in Zuma uu
ka saari doono dalka, ganacsiyadodana ku wareejin doono dadka dalka u dhasahy,
hase yeeshee ra'yigaasi ma ahan mid hubanti ah, mana jirto cid si rasmi ah
arrintaasi u shaacisey, dadka Zuma taageerana waxay leyihiin waa dacayad laga
faafiyey, hadaba aan dib u yara eegno hal qodob oo qeer sheeg ah.
Zuma wuxuu taageero xoogan ka heysta madaxweynaha dalkka
Libya Mucamaral Qadafi, iyo madaxweynaha dalka Angola,
muddo sanado ka hor ah waxaa saxaafada si weyn loogu
faafiyey in labadaasi madaweyne eey lacag soo siiyeen
Zuma si uu af gambi ugu sameeyo Mbeki, arrintaaso muran
weyn ka dhalisey dalka, hadaba maxaa iska quseeya
arrintani iyo tan aan maqaalka oga hadlayo?, Qadafi waa
ninkii dhisey ururka midowga afrika, oo qaba in afrika
eey yeelato hal lacag, hal ciidan, iyo hal baasaboor,
shirkii ugu dambeeyey ee AU madaxdoodu kulmeen oo
arrimahaasi mideynta afrika looga wada hadlay Mbeki ayaa
is hortaagay qorshahaasi mideynta ah, waxaana lagu
eedeyaa inuu reer galbeedka u yahay kiyaawe eey afrika
oga dhex adeegtaan, sidaasi darteen mar haddii Qadafi
iyo Zuma eey isku siyaasad ka yihiin arrimaha qaarada,
soomaaliduna eey qaarada ka mid tahay, waxaa la oran
karaa ma jirto wax eey soomaalidu ka cabsato.
Dhanka kale Zuma in badan ayuu ku celceliyey in uusan
wadan siyaasad ka duwan tan iminka u degan ANC.
Doorashadii ANC iyo warbixin
dheeraad ah:
Abaaro fiidkii ah (Dec 19, 2007) ayaa lasoo saarey natiijadii
sida weyn looga war dhowrayay ee doorasahadii xisbiga ANC,ee ka
dhacday jaamacad ku taala magaalo madaxda gobolka Lipopo ee
Polokwane.
natiikaduna waa sida tan :
1-madaxxweynaha ANC: Jacob Zuma , wuxuu heley 2 329 cod.
halka Thabo Mbeki uu heley 1505 cod, sidaasna uu ku guuleystay
Zuma
2-Madaxweyne ku xigeen, ANC:, Kgalema Motlanthe, oo heley
2346, halka hawneeyda wasiirka arimaha dibada ah Nkosazana
Dlamini-Zuma eey heshey 1444 cod, sidaas Motlanthe oo horey u
ahaa xoghayaha guud ee ANC uu guuleystey (garabka zuma)
3-Gudoomiyaha ANC:, Baleka Mbete waxay heshay 2 326 cod
(gabadhani waa gudoomiyaha baarlamaanka ee dalka hadda), halka
Joel Netshitenzhe uu heley 1 475 cod, sidaasna Baleka eey ku
guuleysatay (garabka Zuma).
4-Xoghayaha guud ee ANC: Gwede Mantashe wuxuu heley 2 378
cod, halka Mosiuoa Lekota,(ninkani waa wasiirka difaaca dalka,
waana nin aad garabka zuma eey u necebyihiin, inta badana
saxaafada la caaya zuma), wuxuu heley 1 432 cod. sidaas uu
guusha ku heley Gwede (garabka Zuma).
5-Qasnad hayaha (Treasurer), Mathews Phosa 2 320 cod, halka
Phumzile Mlambo-Ngcuka eey heshay 1 374 cod (gabadhani waa
madaxweyne ku xigeenada dalka, ee lagu bedelay Zuma markii
xilkaasi Mbeki uu ka qaadey 2005 tii), sidaasna waxaa ku
guuleystay Phosa (garabka Zuma).
6-Ku xigeenka hoghayaha guud, Thandi Modise 2 304 cod, halka
Thoko Didiza, eey heshay 1 455 cod, (waa labo gabdhood oo aan
si weyn loo aqoonin,) sidaasna waxaa ku guuleystey Thandi oo ah
garabka Zuma.
Madaxweynaha ANCThabo Mbeki (bidix) oo
u mhambalyaynaya madaxweynaha loo doortay ANC ee Jacob
Zuma - Sawirka:
Reuters |
Sida muuqada dhamaan xubnihii lixda golaha sare waxaa wada
xayuubsaday Zuma iyo taagerayaashiisa, sidaas darteed waa ANC
cusub, balse eey lagamamaarmaan aheyn ineey ahaato ANC mideysan,
waxaana xaqiiqo ah in wa cusub u baryey South Africa oo ah dalka
afrika ugu qanisan, doorasahadani oo aduunka oo dhami isha lagu
hayay ayaa ayaa u dhacday si xaq ah, oo muran la'aan ah, walow
bilowgii shirka maalintii axada eey soo baxeen shagashooyin
farta ku fiiqaya ku shubasho iyo wax is daba marin,
Zuma oo wali uu ku socdo baaritaan ku saabsan dacwad xaga
musuqa ah oo mudaba ku socotey, ayaa shaki weyn laga qabaa
mustaqbalkiisa siyaasadeed, waxaan la filayaa in uu yahay
musharaxa ANC doorashooyinka guud ee 2009 ka dhacay, goortaasoo
mudada xafiiska ugu egyahay madaxweynaha iminka xilka haya
Thabo Mbaki , dadka maalgashiyada ku sameeya dalka ayaa shaki
weyn ka qaba dowlad uu Zuma hogaan ka yahay sida eey ugu aamini
karaan hantidooda ineey ku maalgashadaan dalkani, waayo waxaa
laga aaminsanyahay in uu yahay nin la wareegi doona hantida
dalka shosheeyaha ah, balse Zuma ayaa markasta beeniya
arrintaasi, muddo yar ka hor shirkani lagu doortay wuxuu socdaal
ku kala bixiyay wadamoi badan oo reer galbeed si uu ugu qanciyo
in uusan wadan siyaasado burbur u keenaya hantidooda dalka eey
ku maalgashadaan,
Zuma waa nin dadka dalka eey aad u jecelyihiin, gaar ahaab
dad fuqurada ah, wuxuuna markasta sheegaa in uu faqriga ka dul
qadi doono dadka dalkiisa, zuma oo ahaa halgamaa af iyo adinba
kaga hortagay xukunkii midab takoorka, ayaanan lahayn aqoon sare
oo siyaasadeed, hase yeeshee dadka garabkiisa ah ee iminka lala
doortey ayaa ah dad heerkoodu aqoontu uu sareeyo, waxaana laga
war dhowri doonoo sida eey wax u dhacaan bilooyinka fooda inagu
soo haya.
c/nasir axmed sh. bashir saxansoxo. Email:
saxansoxo1@hotmail.com Faafin: SomaliTalk.com | Dec 20, 2007
|