SomaliTalk

89 Askari oo Itoobiyaan ah oo ka fakaday Dagaalada Soomaaliya ayaa gaarey Yemen: Warbixin

Wararka ka imanaya dalka Yemen ayaa tibaaxay in ciidamo Itoobiyaan ah oo ka fakaday dagaalada Soomaaliya in ay gaareen dalka Yemen, gaar ahaan magaalada Arqa oo 600 km koonfur ka xigta magaalada Sanca ee dalka Yemen. Ciidamadaas oo tiradoodu dhantahay 89 askari.

Waxaa warku sheegay in ciidankaasi ay badda cas kaga gudbeen doon ay ka raaceen magaalada Boosaaso ee Gobolka Bari.

Sarkaal Itoobiyaan ah ayaa laga soo xigtey in uu sheegay in isaga iyo ciidanka ay ka soo fakadeen ciidamadii Itoobiyaanka ahaa kaddib markii dagaalku meel kharaar gaarey.

Sarkaalkaas oo magaciisa ku sheegay Muxammed Xasan oo u waramayey warbaahinta ayaa sheegay in uu yahay Askari ka tirsanaa ciidamada Qalabka sida ee Itoobiya ee ka qayb qaatay dagaalkii maxkamadaha Islaamiga ee Soomaaliya ay la galeen. Waxana uu sheegay in aysan ka fileyn in dagaalku uu heerkaas aadka u kulul gaari doono ama uu isu bedeli doono ku dhufo oo ka dhaqaaq.

Sarkaalka Itoobiyaanka ah waxa uu intaas ku daray in ciidamo badan oo Itoobiyaan ah ay kasoo fakadeen Soomaaliya kaddib markii ay dhex galeen "cadaab holceysa", waa sida uu hadalka u dhigay'e.

Baarlamaanka DFKMG ee fadhigiisu yahay magaakada Baydhabo ayaa Talaadadii (Apr 17, 2007) waxa uu xilkii ka qaadeen 31 xildhibaan. Waxaana arrintaas ku dhawaaqay Sheekh Aaden Madoobe oo hadda afhayeen u ah baarlamaanka DFKMG.

Baarlamaanka DFKMG oo tiraduusa guud dhanthay 245 ayaa la sheegay in talaadadii ay madasha joogeen 150 xildhibaan. Go'aankaas ay qaateena waxaa ganafka ku dhuftay Shariif Xasan Sheekh Aadan oo hadda jooga dalka Eritrea.

Bosaso: Madaxwayne kuxigeenka Puntland oo ku eedeeyay dagaaladii ka dhacay dhahar dad reer muqdisho ah.

Apr 17, 2007: Madaxwayne kuxigeenka Puntland Xasan Daahir Afqurac oo maanta ka hadlayay shir ka dhacayay xarunta Gobalka Bari ee Bosaso oo looga hadlayay amaanka Puntland ayaa maruu hadal ka jeedinayay ku eedeeyay dagaalkii ka dhacay in ay hurinayaan ganacsato reer muqdisho ah oo iminka ku sugan magaalada Harga Geys.

Xasan Daahir Afqurac ayaa sheegay in dagaaladii ugu danbeeyay ee ku dhexmaray Magaalada Dhahar Maamulada Somaliland iyo Puntland ay ku lugleeyihiin dad reer Muqdisho ah oo looga itaal roonaaday dagaaladii halkasi ka dhacay.

Xasan Daahir Afqurac Madaxwayne kuxigeenka puntland waxa kale oo uu sheegay in kuwani aysan doonayn dawlada KG ee Somalia si dawlada loo waxyeeleeyana culayska loo saro puntland maadaama ay puntland tahay gobalo Nabad ah taabacsana dawlada Somalia.

Sidoo kale Xasan Daahir waxa kale oo uu sheegay in dagaalkan looga golahaa sidii loo maja xaabin lahaa heshiis dhexmaray puntland iyo Emaaraadka carabta kaasi oo ku saabsanaan iskaashiga, horumarinta dhaqaalaha puntland, balaarinta dekeda, dhamaystirka garoonka Bosaso iyo ganacsiga, balse uu xasan daahir sheeegay in heshiiskaasi sidii loogu tala galay uu ku dhacay allena uu ugu mahadinayo.

A/rizak koronto
Garowe puntland

Buuhoodle: Wafdi wasiiro Puntland ah oo gaaray Buuhoodle.

Wafdi balaaran oo uu hogaaminayo wasiirka arimaha Diinta iyo awqaafta A/rizak Abdulle geesood ayaa gaaray maanta duhrkii Magaalada Buuhoodle ee xarunta Gobalka cayn.

Wafdigan wasiirku hogaaminyao ayaa sidoo kale waxaa ka mid ah 2wasiir kuxigeen iyo hal xildhibaan sida ay wararku sheegayaan.

ujeedada wafdigan ayaa lagu shegay u kuur galida iyo turxaan bixinta waxyaabihii la kala tabanayo iyo sidoo kale xaalada amaan ee golabka.

wasiirka ayaa sheegay in ay qayb kayihiin wafdiyo wasiiro ah oo lookala diray qaybo badan oo dalka ka mid ah sida uu sheegay wasiirka diinta iyo awqaafta A/rizak Abdulle Geesood oo isagu hogaaminaya wafdigan booqanay Buuhoodle oo maanta halkaasi gaaray.

Wafigan ayaa ka hor inta aysan gaarin Buuhoodle waxay siimareen meelo badan oo Gobalada Sool iyo Cayn ka mid ah.

A/rizak koronto
garowe Puntland

Masuuliyiinta DGPL oo ku dhawaaqay xaalad dagaal.

17 April 2007. Garoowe.

Waxaa maanta lagu qabtay shir looga hadlayey amniga DGPL Xarunta Maamulka Gobolka Bari ee Magaalada Bosaaso.

Shirkaan ayaa waxaa ka soo qayb galay M/weyne Ku xigeenka ahna ku simaha Madaxweynaha DGPL, Xasan Daahir Maxamuud(Afqurac), Wasiirka Maaliyadda DGPL

Dr. Maxamed Cali Yuusuf(Gaagaab), Wasiiro ku xigeenno, Maamulka G.Bari, Ganacsato, Isimo , Aqoonyahano iyo Masuuliyiin kale oo aad u fara badan.

Waxaa hal kaas ugu horayn khudbad ka jeediyey M/weyne Ku Xigeenka ahna Ku simaha M/weynaha DGPL, Xasan Daahir Afqurac oo sheegay in dalku uu haatan ku jiro xaalad dagaal, Xasan Daahir Maxamuud ayaa ku eedeyey in ay ku lug lahaayeen dagaaladii ka dhacay degmadda Dhahar kooxo Ganacsato Muqdisho ka yimid oo ku sugan Hargeysa una jooga halkaas sidii ay khalkhal u gelin lahaayeen amaanka Puntland ka dib markii looga awood roonaaday fawdadii ay ka wadeen magaalada Muqdisho waa siduu hadalka u dhigaye, Mudane, Afqurac ayaa sheegay in Somaliland ay ku socoto been ay u sheegeen wadaan dowlado shisheeye oo u balan qaaday aqoonsi haddii ay soo gaaraan xuduudihii uu gumeysigu ka tagay balse DGPL ay iska difaaceen oo xoog uga saareen deggaamadaas.

Dhanka kale, ayuu M/weyne K/Xigeenka DGPL ku tilmaamay arrintaan mid lagu burburinayo Dowlada Federaalka Ku meel gaarka ah ee loo dhan yahay.

Maadaama ay Puntland ka tirsan tahay Nidaamka Federaaliga ah markii ugu horeysayna aqoon-satay.

Si kastaba ha ahaatee waxaa cadaynaya in ay Puntland ka go�an tahay xaalada dagaalku diyaargarowga Ciidamadda Daraawiishta oo si aad ah looga dareemayo dhamaan goboladda Maamul Goboleedka Puntland iyagoo ku sii qulqulaya Goboladda Sanaag Bari iyo Sool.

Iyadoo Wareegto uu soo saaray Wasiirka Maaliyadda DGPL uu ku sheegay in lo diyaar garoobo sidii loo difaaci lahaa dalka uguna baaqay dadweynaha Reer Puntland in ay iska iloobaan wax yaalaha dhexdooda ah, meel-na looga soo wada jeensado difaaca dalka, asagoo xanibay lacagihii adeegyada xafiisyada Dowladda iyo kuwii fadlanta oo uu ku sheegay in lagu difaacayo dalka.

Maxamuud Cumar Bille
mcbille@gmail.com | Garoowe

Faafin: SomaliTalk.com | April 18, 2007

Wiil Soomaaliyeed oo Si Arxan Darro ah Loogu Diley magaacalada Capetown ee Koonfur Afrika
wiilka oo da'diisa lagu qiyaasay 24-jir ayaa lagu dhextoogtey dukaan, waxaana magaciisa la oran jirey... Akhri...