Wadada Isku Xirta Sh/hoose Iyo
Muqdisho Oo Ay Kasoo If -baxeen Burcad Hubaysan....
Wadada isku xirta gobolka sh/hoose iyo magaalada caasimada ee muqdisho ayaa
waxaa dhowaanahaba kasoo if-baxay burcad hubaysan oo dadka kasoo bara kacay
dagaalada Muqdisho jidka u gala kuwaasoo u gaysta dhac, dil,iyo weliba handadaad
ay ka furtaan waxay haystaan .
Bur-cadan ayaa badanaaba lagu arkaa degaanka buufoow bacaad oo hilaadii 5km u
jira deegaanka tuulada shalaanbood ,kuwaasoo ku hubaysan qoryaha yar-yar
islamarkaana si kusoo boodo ah ugu habsada baabuurta qaada dadka shacabka ah ee
qaxaya oo badanaaba u badan baabuurta mini buska islamarkaana rasaas ooda kaga
qaada .
Axadii gelinkii hore ayay ahayd markii labo baabuur oo nooca loo yaqaano homy-da
ee iyagu waday dad rayid ah oo kasoo barakacay magaalada caasimada ee muqdisho
ay rasaas ooda kaga qaadeen islamarkaana halkaas ay ku dhaawaceen sadex qof oo
ay ku jireaan lao haween ah iyo weliba canug yar oo afar jir ah .
Dadkan oo uu dhaawacyo halis ah ay kasoo gaareen halkaas ayaa loo kala qaaday
isbitaalada Marka oo la geeyey canuga yar iyo hooyadii halka haweenayda kalena
loo celiyey magaalada Muqdisho .
Sidoo kale labo maalmood ka hor ayay ahayd markii sidan oo kale ay rasaas ooda
kaga qaadeen bur cadani baabuurta basaska ee isaga kala goosha sh/hoose iyo
muqdisho islamarkaana ay ku geeriyootay haweenay kasoo qaxday magaalada muqdisho
islamarkaana meydakeedii la dhigay tuulada shalaambood .
Dhibaatada amaan xumo ee haysata dadka ka soo barakacaya magaalada muqdisho ee
kusoo jeeda sh/hoose ayaysan jirin cid u qalab qaadatay sidii ay wax uga qaban
lahayd amaanka iyo burcada caadaysatay dhaca iyo dilka dadka rayidka ah ,marka
laga reebo milayshiyooyin ku sugan deegaanada shalaambood iyo marka oo iyagu
mararka qaarkood ka cayriya burcada marka xiriir la sameeyo ,waloow aysan ahayn
mid joogta ah oo laysku halayn karo .
Arintan dhaca iyo dilka dadka soo barakacay ee kusoo jeeda magaalooyinka gobolka
sh/hoose ayaa kusoo beegmaya xili ay dowlada kmg ahi ay baaritaano ba'an ku
hayaan baabuurta isaga kala goosha tuulooyinka iyo degmooyinka gobolada
islamrkaana ay ka baarayaan hubka , rasaasta iyo alaabta kale ee ay kamid yihiin
waxyaalaha qarxa IWM taasina ay burcada u fududaynayso inay baabuurta oo
markoodii hore hubaysnaa ay ka helaan meel aan cidina ka celin karin.
yaasiin maxamed cali (faytin)
yaasiinfaytin@hotmail.com
Wax-garadka Iyo Isimada Gobolada Jubooyinka
Oo Cambaareeyey Weerarkii ay Maamulka S/land Ku Qaaday Dhahar.
wax-garadka iyo isimada gobolada jubooyinka ayaa cambaarayn kulul usoo jeediyey,
sida ay hadalk au dhigeen "garadarada qaawan ee gobolada waqooyi galbeed
ay kusoo qaaday degmada dhahar ee gobolka sanaag."
Waxgarakan iyo isimadan oo kulan balaadhan ku yeeshay hotel ilyaas ee magaalada
kismaanyo Isniintii ayaa cambaareeyey, sida ay hadalka u dhigeen, sida
gardarada ah ee waqooyi galbeed ay ugu tumanayso nabada islamarkaana ay ku
tilmaameen weerar indho la,aan ah ,iyadoo ay sheegeen inay nabadu qaali tahay
loona baahan yahay xiligan in nabada la xoojiyo.
Prof. c/risaaq xaaji oo kamid ahaa aqoon-yahanada kasoo jeeda gobolada
jubooyinka islamarkaana hadalo kasoo jeediyey kulankan ayaa sheegay inay aad uga
xun yihiin weerarada ay ciidamada reer waqooyi galbeed kusoo qaadeen dhahar
islamrkaana ay cambaaraynayaan ,taasoo uu ku tilmaamay mid wiiqaysa nabada iyo
wada noolaanshaha iyadoo uu ku baaqay inay ka fiirsadaan maamulka waqooyi
galbeed dadka wada dega ee walaalaha ah sidii ay xasiloonidooda u xoojin
lahaayeen .
sidoo kale prof,xaaji ayaa intaas inay maamulka som-land aysan dadka shacabka ah
qasbin ama aysan u maqlin nin shaqo tegey ee ay ka fiirsadaan taageerada
shacabkan iyo halka ay kasoo jeedaan taasina ay xaqiiqdeedu tahay in shacabka
reer dhahareed ay ka tirsan yihiin maamulka punt-land waa siduu hadalka u
dhigaye ,islamarkaana uu ku tilmaamay kuwa gobolka kasoo jeeda ee taageersan
maamulka hargaysa kuwo shaqo tegey laakiin aysan meteli karin shacabkan.
waxaa kaloo hadalo ka yiri halkaas ugaaska beelaha harti waamood ugaas Baqoow oo
sheegay inay cambaaraynayaan islamarkaana aad uga xun yihiin weerarada uu ku
tilmaamay gardarada.
Ugaaska ayaa intaas ku daray in dadku kala deegaan yahay islamarkaana ay dheceen
dagaalo qabiilaysi ah taasina umadu nin kastaaba uu deegaankiisa ka taliyo ,waxaana
maanta humaaga kasaarayaa inay umada gobolada sool, sanaag iyo buuhoodleba ay
yihiin maamulka punt-land taasina aysan wax shaki ah ku jiri karin.
Ugaaska ayaa sidoo kale ugu baaqay umada degta gobolada SSC inay aayahooda ka
tashadaan islamrkaana ay isimada , waxgaradka iyo aqoon-yahankaba inay fadhiga
ka kacaan oo ay umadooda cadeeyaan halka iyo masiirkooda umadeed raacsan yihiin
,oo ay u midoobaan sidii umada goboladaasi hal maamul isugu raaci lahaayeen .
Si kastaba ha ahaatee kulankan oo ahaa mid ay kasoo qayb galeen waxgarad ,aqoonyahano
,iyo isimo ayaa lagu cambaareeyey maamulka som-land weerarada ee ay kusoo
qaadeen Dhahar oo asalkoodu yahay dad nabadeed islamarkaana ka tirsan maamulka
punt-land .
yaasiin maxamed cali (faytin)
yaasiinfaytin@hotmail.com
Faafin: April 16, 2007
Wasiirada iyo
ciidamada Somaliland ee ka soo noqday Dhahar oo soo gaadhey Ceerigaabo
.Wasiirka Gaashaandhigga ee SL oo xilka laga
qaaday...
.Ciidamada Puntland oo oo gacanta ku haya Dhahar...
Wararka oo dhan ka
akhri halkan....
Senator Coleman oo warqad dacwo ah
oo ku saabsan tacadiga iyo barakaca loo geystay shacabka Muqdisho gaarsiiyey
Jendayi Frazer...
Akhri...
![](/terry/arrowleft.gif)
![](/terry/arrowright.gif)
|