MAQAALKA MAANTA::: Hoggaamiyayaasha Muslimiinta Maanta iyo Khasaarintooda Maalka Dadweynaha...Akhri.....

Daabaco Boggan | Print Ceelka iyo Xaruntii Conoco, Garoowe, Soomaaliya... Akhri.... Nidaamka Islaamiga ee Wadaagga Batroolka: Laga bilaabo Morocco ilaa Indonesia: Q.3aad Qaybta: 1aad | 2aad | 3aad Dowlada FKMG Ah Ee Soomaaliya oo Indhaha Ka Laabatay Ceelasha Shidaalka Ee Ay Kenya Ka Baarayso Xadka Soomaaliya... Akhri Kenya ma Badda Soomaaliyeed ayey Shidaal Ka Qodaneysaa? Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya Akhri Shirkadda Range oo Sheegtay in Saddexdii bilood ee lasoo dhaafay ay Garoonka Diyaaradaha ee Garoowe siisay US$313,000 lacagtas oo aad uga badan tii ay DGPL sheegtay in shirkadu bixisay.. Akhri... Itoobiyaan baaraya laba nin oo Soomaali. Muqdisho. AFP - Jan 13, 2006 Taangi Itoobiyaan ah oo taagan garoonka muqdisho - AFP - Dec 2006 ARAGTIDA/MAQAALLADA DADWEYNAHA EE MAANTA

 Dagaallo lagu jabiyay ciidammada gumaysiga Itoobiya  Wariyaha Radio Xoriyo uga soo warrama Xarunta Dhexe ee JWXO ayaa noo soo sheegay dagaallo dhawr ah oo dhex maray ciidammada xoreynta Ogaadeenya iyo kuwa gumaysiga Itoobiya, dagaalladaasoo si ba¢an loogu jabiyay ciidammada saama la-luudka ah ee gumaysiga Itoobiya.

02/04/07 waxay ciidammada xoreynta Ogaadeenya weerar mir ah ku qaadeen ciidammada gumaysiga ee fadhigoodu yahay magaalada Dannood, waxayna gaadhsiiyeen khasaare badan oon faahfaahintiisa la haynin.

03/04/07 cutubyo ka tirsan ciidammada xoreynta Ogaadeenya ayaa sidoo kale weerar mir ah ku qaaday ciidammada gumaysiga ee fadhiya magaalada Dannood, waxayna gaadhsiiyeen khasaare aad u culus.

04 iyo 06/04/07 ciidammada xoreynta Ogaadeenya ayaa weerar mir ah ku qaaday ciidammada gumsiga ee fadhigoodu yahay magaalada Gunagado, waxaana weerarkaas ciidammada gumsuiga loogu gaystay khasaare aan faahfaahintiisa dib ka soo sheegi doono.

04/04/07 waxaa ciidammada gumaysiga baabuur lagaga gubay meesha lagu magacaabo Duud-ciid, waxaana halkaas kaga dhintay in ka badan 25 askari, tiro badan oo kalana way kaga dhaawacmeen.

06/04/07 dagaal ciidammada xoreynta Ogaadeenya iyo kuwa gumaysiga ku dhex maray Barraajisaale, waxaa ciidammada gumaysiga lagaga dilay 6 askari, waxaa sidoo kale lagaga dhaawacay 8 askari. Ciidammada gumaysigu sidii caadada u ahayd waxay ku gaydhadeen magaalada Barraajisaale, iyagoo magaalada dab qabadsiiyay maalin ka dib markii dagaalkaasi dhacay.

07/04/07 dagaal ka dhacay Lix-irridoodka Yucub, waxaa ciidammada gumaysiga lagaga dilay 10 askari, waxaa sidoo kale lagaga dhaawacay 15 askari.

Cilmiga Hindisaha (Engineering) ee Laga Dhaxlay Islaamka.. Daawi Vedio-gan Halkan ka daawo: Vedio

09/04/07 ciidammada xoreynta Ogaadeenya ayaa weerar gaadmo ah la beegsaday xero uu ciidanka gumaysigu ku leeyahay Qodobaha, oo ku taalla duleedka magaalada Wardheer, waxaana weerarkaas loogu gaystay khasaare lixaad leh. Ciidanka gumaysiga ayaa markii weerarkan lala beegsaday wuxuu ku mashquulsanaa daawashada cajalad muuqaal ah, waxayna ciidammada xoreynta Ogaadeenya ku guulaysteen inay ciidanka gumaysiga ka qabsadaan qaybsadaan qaybo xeradaas ka mid ah oo habaynkaas oo dhan ka talinayen, ka dibna ay iskood uga baxeen markii ay waabirigii ahayd.  

Ciidammada gumaysiga ayaa subaxnimadii denbe ku cadha-baxay dadwaynaha ku dhaqan magaalada Wardheer, iyagoo rasaas oodda kaga qaaday dadwayne aan waxba galabsanin, halkaasna ku dhaawacay gabadh lagu magacaabo Ardo Axmed.  

Dhibaatooyin kala duwan oo gumaysigu u gaystay dadwaynaha  

Wariyaha Radio Xoriyo uga soo warrama gobolka Jarar ayaa noo soo sheegay dadwayne rayad ah oo gumaysigu dhibaatooyin kala duwan u gaystay.  

Markii ay taariikhdu ahayd 27/03/07 waxay ciidammada nacabka ah ee gumaysiga Itoobiya magaalada Dhagaxbuur ku xidhxidheen dadka kala ah;

1-    Maxamed C/llaahi (Gilic-Gilic). Ninkan ayaa la sheegayaa inuu ahaa guddoomiye ku xigeenka xafiiska caafimaadka ee degmada Dhagaxbuur.

2-    Fatxi Macalin Khaliif, oo seddex bilood ka hor ay ciidammada gumaysigu ku kufsadeen aagga Dhagaxbuur, isla markaana uur ku soo baxay.

3-    Aaden Qonof

4-    Cabdi Maxamed Xaaji iyo

5-    Xasan Maxamed Daba-cadde.  

28/03/07 waxay sidoo kale ciidammada gumsyigu degmada Dannood ku xidhxidhen dadka kala ah;

1-    Daahir Carrabey Macalin

2-    Baajicaar Ibraahim Alifle

3-    Khadar-indhoole yuusuf Taani iyo

4-    Macruuf Macalin C/raage  

03/04/07 magaalada Qabridaharre waxay sidoo kale ciidammada gumaysigu ku xidhxidheen dadka kala ah;

1-    Cabdi-madoobe Yuusuf Jihaad

2-    Sh Cabdi Yuusuf Cali

3-    Shaafici Yuusuf Xiirey

4-    Ina Shariif Macruuf, oo magaciisa hore aanaan haynin.

5-    Afar boolis ku-sheegga magaalada ka tirsanaa, oo magacyadooda aanaan helin

6-    Ugaas Maxamed Ugaas Duullane, oo sidoo kale gurigiisii iyo hantidiisiiba lala wareegay iyo Sh Xasan Xareed, oo isaga markii denbe la sii daayay.  

Waxay sidoo kale ciidanka gumaysigu jidhdil nafta kaga qaadeen Alle ha u naxariistee  Buraale Cumar Gaas markii ay taariikhdu ahayd 03/04/07. 04/04/07 waxay sidoo kale ciidammada hororka ah ee gumaysiga Itoobiya ku xidhxidheen magaalada Dhagaxbuur gabdhaha kala ah;

1-    Foosiya Xaaji Axmed iyo

2-    Caasha mahdi Mursal

JWXO oo bayaan ka soo saartay arrimaha Soomaaliya  Jabhadda waddaniga Xoreynta Ogaadeenya JWXO ayaa bayaan ka soo saartay arrimaha Soomaaliya iyo xasuuqa ay ka wadaan ciidammada gumaysiga Itoobiya dalka Soomaaliya. JWXO waxay beesha caalamka ku baraarujisay in ciidammada gumaysiga ee qabsaday dalka Soomaaliya ay denbiyo dagaal ka galeen dadwaynaha soomaaliyeed. JWXO waxay beesha caalamka u sheegtay in ciidammada gumsyigu ay xarumo millatari ka samaysteen goobaha ay rayadku u badan yihiin, isla markaana ay gaysteen denbiyada ay ka midka yihiin xidhayga, jidhdilka, kufsiga iyo boobka hantida gaarka ah ee dadwyanaha.  

JWXO waxay shaaca ka qaaday in duullaankii ay Itoobiya ku qabsatay dalka Soomaaliya uu colaad ka abuuray gobolka Geeska Afrika oo dhan, waxayna Itoobiya ugu baaqday inay sida ugu dhakhsaha badan oo shuruud la¢aan ah ciidammadeeda ugala baxdo dalka Soomaaliya.  

JWXO waxay sidoo kale dadwaynaha soomaaliyeed ugu baaqday inay khilaafaadkooda iska illoobaan oo si dhab ah ugu guntadaan sidii ay arrimohooda wadaxaajood ugu dhammaysan lahaayeen. JWXO waxay dadwaynaha soomaaliyeed ugu baaqday in dadwyanaha Ogaadeenya uu ku garab taagan yahay dagaalka ay iska difaacayaan gumaystada Itoobiya.  

Jabhadda OLF oo gumaysiga khasaare u gaysatay.

Garabka millatariga ee Jabhadda OLF ayaa sheegay inuu ciidammada gumaysiga Itoobiya ka dilay in ka badan 11 askari, seddex baabuurna ka gubay, ka dib markii uu dagaal kula galay woqooyiga galbeed ee gobolka Oromiya.      

29/03/07 cututubyo ka tirsan ciidammada OLF ayaa weerar ku qaaday ciidammada gumaysiga ee fadhiya meel lagu magacaabo Odolo, oo ka tirsan degmada Horro Guduru, oo ku taalla woqooyiga Oromiya, waxayna weerarkaas ku furteen hub iyo qalab millatari oo kale.