- Garowe: Dawlada
hoose ee Magaalada Garowe oo bilowday hawlo lagu
sifaynayo wadooyinka Magaalada.
- Garowe: Tababar
Maanta ugu soo xirmay kuuliyada tababarka macalimiinta
sharciyaqaano
Garowe: Dawlada hoose ee Magaalada Garowe oo
bilowday hawlo lagu sifaynayo wadooyinka Magaalada.
Apr 8, 2007: Dawladda Hoose ee Magaalada Garowe ayaa bilowday hawlo lagu
banaynayo wadooyinka dhexmara Magaaladda kuwaasi oo in badan oo ka mid ah ay
xirmeen kadib xiliga ay dhamaadaan dhismayaashu markaasoo ay dadka wax loo
dhisaa ay ka tagaan haraadiga dhismayaasha sida dhagaxa, Ciida, DHoobada.
Duqa degmada Garowe C/qaadir Foodcade ayaa maanta shaaca ka qaaday in dadwaynaha
lagu wargaliyay tiro ka dhawrjeer balse aanw ali arintaas wax laga qaban hadase
wixii ka danbeeya aan loo dulqaadan karin.
Duqu waxa uu sheegay in ay jiraan baabuur iska rogo ah kuwasi oo meelaha dhagaxa
iyo ciidu taal lagu qaadayo kadibna la gaynayo meelaha lawada leeyahahay sida
goobaha waxbarashada, caafimaadka iyo wixii la mid ah cidii iyadu is xilqaanta
oo gurigooda ka banaysa wadooyinkisana lagu mahadinayo hawsha ay qabteen.
Luul Jaamac oo iyadu ka mid ah urur wadani ah oo wada wacyi galin wax looga
qabanayo banaynta wadooyinka magaalada ayaa sheegtay in halkudhiga ay u
halqabsadeen ay tahay Haka daalin danta guud.
Duqa dagmada Garowe ayaa sidoo kale sheegay in ay jiraan shirkado kala
qaybqaadanaya hawshaan oo uu sheegay in ay socondoonto ilaa inta la sifaynayo
wadooyinka oo dhan, shirkadahaas ayuu duqu ka xusay shirkada Isgaadhsiinta Golis,
xawaalada Dahabshiil iyo shirkada korontada Gobalka Nugaal ee NEC.
Waxana uu sidoo kale Duqu ugu baaqay shacabka Gobalka Nugaal in ay ka
qaybqaataan hawlaha danta Guud wax looga qabanayo.
A/rizak koronto
Garowe puntland
Garowe: Tababar Maanta ugu soo xirmay kuuliyada
tababarka macalimiinta sharciyaqaano
Apr 8, 2007: Tababar ay soo qaban qaabisay Haayaddaha Diakonia iyo UNDP
Tababarkaan oo soconayay mudo hal bill ah ayaa maanta lagu soo gabagabeeyay
halkii uu ka soconayay ee Gtech.
Ugu horaynba waxaa xafladii xiritaanka tababarkaan ka soo qayb galay madax
kakala socota Haayadaha Diakonia iyo UNDP iyo wasiirka cadaalada ee puntland A/rizak
Abdulle Geesood.
Madaxa sharciyada Haayada Diakonia Mr: Jaylaan
oo halkaasi ka hadlay ayaa sheegay in Mashruucaani uu bilowday 2000 ayna qaban
qaabisay Haayadda Diakona islamakraana ay la kaashatay UNDP sidoo kalena Mr:
jaylaan wuxuu sheegay in UNDP ay mashquurcaan oo kale ka fulisay Somaliland
puntland ay kawado Isaga oo ugu baaqay in ardayda ka faaiidaysatay mashruucani
ay uga faaiideeyaan mushtamaca intiisa kale.
Wasiirka caddaalada DGPL A/rizak Abdulle Geesood oo isaguna halkaasi ka hadlay
ayaa ugu horaynba mahad u celiyay Haayaddaha Diakonia iyo UNDPL sidoo kalena
wasiirku waxa uu mahad balaaran u celiyay macalimada barnaamijkan jully oo iyadu
bixinaysay tababarkan.
Wasiirka ayaa ka codsaday Haayadda Diakonia iyo UNDP in ay ku dadaalaan sidii
loo samaynlahaa kuuliyad dhinaca sharciyada ah oo waliba laga hirgaliyo Garowe
gaar ahaana kuuliyada lagu lamaaniyo ayuu yiri wasiirku kuuliyada tababarka
macalimiinta ee Magaalada Garowe.
Wakiilka Haayada Diakonia u fadhiya magaalada Garowe Siciido Xirsi Cigaal oo
iyaduna halkaasi ka hadashay ayaa ugu baaqday ka soo qabgalayaasha tababarkaan
in aysan dayicin casharadii ay halkaasi ka barteen islamaraana ay iyagu yihiin
kuwa bari hagaya mustaqbalka sharciyada puntland.
A/rizak koronto
Garowe puntland
Apr 9, 2007
Gen. Cadde Muuse oo Ammanay
Hay'adaha Samafalka...
Madaxweynaha DGPL, Cadde
Muuse, ayaa Isniin Feb 19, 2007 magaalada Garoowe kulan kula
yeeshay hay'adaha samafalka ee fadhigoodu yahay magaaladaas,
waxana uu sheegay in hay'adaha samafalka ee jooga Garoowe
inay hawl wanaagsan qabteen. Isagoo arrintaas ka hadlaya
Gen. Cadde Muuse waxa uu yiri: "Qolooyinkii United Nation-ka
IYAGOO DHAN waa noo yimaadeen kulligood wax fiican bay noo
qabteen iyagana si aad iyo aad ah ayaan ugu mahad naqayaa
iyo waxyaalahay qabteen."
 Dhegeyso
Hadalkii Gen. Cadde.
Mar sii horeysey ayey ahayd
markii Wasiirka Wasaaradda Maaliyadda ee DGPL, Maxamed C. Y.
Gaagaab uu dhaliil jeediyey hay'adaha Samafalka ee jooga
Soomaaliya. Xilligaas oo uu Wasiirku la hadlayey dad
Soomaaliyeed oo jooga magaalada Minneapolis waxa
hadaladdiisii ka mid ahaa "Ha'adaha dalka Soomaaliya jooga
waxay isu haystaan in ay yihiin madaxweynihii dalka."
Dhegeyso Hadalkii Gaagaab...
Afeef: Aragtida qoraalkan waxaa
leh qoraaga ku saxiixan
Faafin: April 9, 2007
ARAGTIDA/MAQAALLADA
DADWEYNAHA EE MAANTA
| 
Daabaco
Boggan | Print
Dowlada FKMG Ah Ee Soomaaliya
ARAGTIDA/MAQAALLADA
DADWEYNAHA EE MAANTA