Col. Aadan Kaalmoy oo Hadallo La Yaab Leh Ku
Hadlay:::
Su'aal: Ka warran in Kililka Shanaad la
raaciyo Soomaaliya: Jawaab: Dadkaas ayaa nagu af ah oo waa soo goyneynaa oo intaan keeneynaa, wax adduunyada lagu arkay ma ahan....
Col.
Aadan Kaalmoy Dhaqane oo sheegay in uu yahay Kornayl ku dhashay Soomaaliya,
haddase sida muuqata jooga gudaha Itoobiya, sheegayna in uu ka tirsanaan jirey
ururkii SSNF (Sheegayna in uu ururkaas Guddoomiyey kuxigeen uga ahaan jirey
Gobolka Gedo), sheegaynya in uu dhowaan ka yimid Soomaaliya ayaa waxaa
waraystay shabakada afka Zenawi/Tigreega ku hadasha, taas oo weydiisey su'aalo
la xiriira arrimaah Soomaaliya. Waxaana waraysigaas laga qaaday December 18,
2006.
Su'aalihii la weydiiyey waxaa kamid ahaa:
Waa maxay ujeedada (Maxkamadaha Islaamiga)?
Wuxuuna ku jawaabey: Ujeedadoodu waxaa weeye in
geeska Afrika laga sameeyo waxyaalo aanjirin, oo dad aan u dhalan lagu abuuro,
sida Afganistaan oo kale, iyo meelaha kale oo argaggaxisada lagu abuuro ayey
doonayaan. Dunida Islaamkeey ugu yeerayaan in ay Soomaaliya soo galaan,
Itoobiyana Afrikaan nimadii ayey eegeysaa, dowlada Itoobiya ayaana isku dayday
in ay Soomaaliya dhibka ka saarto.
Dhibka waxa
wada ayaan idiin sheegayaa: ayuu yiri, isgoo is giriirixinaaya: Ereteriya deked
ayey leedahay, Jabuutina deked ayey leedahay, Soomaaliya deked ayey leedahay.
Jabuuti ma rabto in Soomaaliya dekedeeda ay isticmaasho Itoobiya, Ereteriyana ma
rabto in Soomaaliya ay nabad noqoto oo markaas dekeda Soomaaliya ay Itoobiya
isticmaalaan ma rabaan. {Hadalkaas oo la mid ah qoraalkii ay soo saartay
wasaaradda Arrimaha dibada Itoobiya ee ku aadanaa himilada ay ka leedahay
Soomaaliya... Eeg
halkan}
Isagoo hadalkiisa sii wata waxa uu yiri:
Haddaan hadda laga hor tegin qof kasta meeshiisa ayey ugu tegeyaan, int auu ka
so sheekeeyey Itixaadkii Gedo iyo qaraxyo ka dhacay kililka shanaad ee
Soomaalida, iyo Addis ababa, iyo Nairobi iyo Tansaaniya, waxana uu yiri Ameerika
meesheeda ayaa loogu tegeyaa.
Isagoo
itoobiya u doodaya waxa uu yiri: Istaraatijayada haddii ay Soomaaliya xoog ku
yeeshaan, oo "argaggaxisada" halkaas ay xoog ku yeelato, waa istaraatijiyo weyn
oo Indian Ocean ah, meel walbana laga soo degi karo, waxaa weeye dhibka ay
Itoobiya ka qayblineso adduun weynaha waa la qaybsan doonaa, annaga Itoobiyaan
ku dhex jiraa, ciidamada Itoobiya, war ciidamo Itoobiya oo ku jira xadka ma
jiraan Soomaaliya, waxa ku jira waa wax tababar ah, dacaayada iyo hanjabaadka
loo hanjabayo, dawlad weyn oo deris ah oo xoog weyn oo walaal ah oo
qaxootiganagu ku jirana in loo hanjabo oo dadka lagu diro ma ahan, ee in laga
daayaan qabaa, Itoobiyadii hore oo jirtey iyo Itoobiyada cusub oo maanta isku
mid ma ahan, labadiiba (dowladood ee Itoobiya iyo Soomaaliya) meesha ma joogaan,
shacabkii ayaa meesha jooga, labadii isku mar ayey burbureen, itoobiya ayaa
dowlad yeelatay, Soomaaliyana ayna madax yeelan, madaxdii Itoobiya waa na soo
dhoweysey, si fiican oo qurux badan ayey noo soo dhoweysey, Jabuuti lama geli
karo qof aan fiisa wadan, Keenyna ma geli karo qof aan Fiiso wadan, xadka waa la
iska soo galaa amxaaradaa la feeraa wax wax ku yeelayaana ma jirto.
Ka
waran waxay shegeen (Maxkamaduhu) in ay kililka shanaad ee Soomaalida soo
raacinayaan, oo Soomaali midaysan la sameeyo, arrintaas sidee u aragtaa, markii
la weydiiyey waxa uu ku jawaabey: Taas maalinkii ay qabsadeen Kismaayo ayey
ku dhawaaqeen, Jabuuti waa ka reebeen waxayna yiraahdeen Kenya iyo Itoobiya
meelaha ay Soomaalidu degto dadka deggan dad Muslin ah ma ahan, Soomaalida ayaan
soo raacineynaa, Muslinimada ayaana bareynaa ayey yiraahdeen oo ajandahooda (qorshahooda)
ugu jirta. Waxaa markaas la weydiiyey, go'aankaas go'aan sax ah miyaa mise
waa khaldan yihiin.
Wuxuuna
ku jawaabey: go'aan khaldan waaye, dawlad halkaas jirta, oo dadkaas ayaa nagu af
ah, oo waa soo goyneynaa, oo intaan keeneynaa, wax adduunyada lagu arkay ma ahan.
Dastuur ayey Itoobiya leedahay ee iyaga maxaa ka khuseeya, dastuurkooda iyagaa
leh haddey goosanayaana iyagay khuseysaa, ma dastuurka Itoobiyaa qolada
Itixaadka ah wax ka sheegi karaan, waa arrimo khaldan oo an la malayn karin, waa riyo weeye, dhalanteed weeye.
{Waa hadal u dhigma kii
GEEDDI hore u
sheegay}.
Halkan ka Daawo col. Kaalmoy:
Qaybta
1aad |
Qaybta 2aad
GEFKII
GEEDDI.........::
Ra'iisul wasaaraha Dawladii Soomaalida loogu soo dhisay Kenya oo gumeysata NFD
oo ah dhul Soomaaliyeed ayaa sheegay in NFD & SoomaaliGalbeed aysan Gumaysi ku
jirin, hadalkaas markii uu yiri safarkii ugu horeysey ee uu Jawhar kaga ambabaxo
waxa uu u aadey Itoobiya oo Gumeysata SoomaaliGalbeed. Fikradaada ka dhiibo
arintaas..
[
DHEGEYSO
HADALKII GEEDI].. AKhri
Qoraaladii arrintaas lag aqoray
"Waxaan Rabnaa in aan Soomaaliya Ka Asaasno
Dowlad Cilmaani ah (oo wax Diin ah Shaqo Ku Lahayn), Iyaguna Waxay rabaan in ay
Soomaaliya Ka Asaasaan Dowlada Islaami ah" DFKMG
"We Want to Create Secular State in
Somalia, They Want to Create Islamic State In Somalia"
DAAWO VOA:::
Waraysiga
TV oo dhamaystiran ka daawo halkan..
DHEGEYSO:: Dowlad Secular
ah ayaan rabnaa in aan asaasno
Mar la weydiiyey Ciid Beddel in sababta uu Maraykanku xilligan qaraarka
cunaqabataynta ka qaadida Soomaaliya u soo hor dhigay Qaramada Midoobey in ay
tahay in Soomaaliya ay joogaan Argaggixiso, waxana uu ku jawaabey "MAYA".
Hadalkaas ah in aan Soomaaliya Argaggaxiso joogin waxa uu si toos ah uga hor
imanaya hadaladii Madaxweynaha iyo Ra'iisul wasaaraha DFKMG (ee uu Ciid Beddel
wakiilka u yahay) ee hore Soomaaliya ugu sheegeen in ay joogaan Arggagixiso.
|
Ciid Beddel Maxamed oo ah Ku-xigeenka
wakiilka Soomaaliya u fadhiya xarunta Qaramada Midoobey
oo ka jawaababyey su'aalo ku saabsan Itoobiya iyo Soomaaliya, kuwaas oo December
13, 2006 laga
weydiiyey Telefishanka Voice of America, ayaa ku jawaabey "Waxaan rabnaa
in aan Soomaaliya ka Asaasno Dowlad 'Secular'
ah (diin iyo aakhrino toona shaqo ku lahayn), iyaguna (Maxkamadaha) waxay rabaan
in ay Soomaaliya ka Asaasaan Dowlad Islaami ah". Waxana uu intaas ku daray in
arrintaasi ay tahay tan keentay xiisadda u dhexeysa Maxkamadaha iyo
Dowlada Federaalka Kumeelgaarka. [Kelmedda "Secular" qaamuuska Soomaaligu
waxa uu ku macnaynayaa sidan: Secular = cilmaani (ee cilmi-adduun ku salaysan,
oo diin iyo aakhiro toona aan ku lug lahayn.)].
DHEGEYSO::
Hadalkaas ka dhegeyso Halkan.
DAAWO::: Waraysiga
TV oo dhamaystiran ka daawo halkan..
- TAARIIKH KOOBAN::::
Taariikhyahannada Muslimiintu marka ay sharaxaad ka bixinayaan kemedda
"Secular" waxa xusaan ficiladdii Mustafa Kemal Atatürk (Dhammaadkii
dagaalkii Koowaad ee Adduunka). Mustafa Kamaal waxa uu dalka Turkiga oo ahaan
jirey dal Islaami ah ka dhigay "Secular State", si uu taas
u hirgeliyo waxa uu sameeyey arrimo ay ka mid ahaayeen: Ardaydii dhigan jirtey
dugsiyada Quraanka inta laga saaray ayaa la geeyey iskuulo ah "Secular
Schools", waxa uu baab'iyey maxkamadihii Islaamiga ahaa iyo shareecadii
Islaamiga, waxana uu ku bedel Qaanuunka madaniga (civil code) laga soo
minguuriyey xeerkii dalka Switzerland, iyo xeerarka fal-dembiyeedyada (Penal
code) laga soo minguuriyey xeerarka dalka Talyaaniga. Waxa uu mamnuucay
khimaarka ay gabdhuhu isku asturaan. Mustafa Kamaal waxa kale oo uu bedeley magacyadii magaalooyinka,
sida magaaladii caanka ahayd ee Taariikhda ku lahayd Islaamka ee
Constantinople oo uu u bixiyey Istanbul. Waxa uu baab'iyey
luqadii carabiga ee dalka Turkiga laga adeegsan jirey, waxa uu mamnuucay
koofiyadii ay raggu xiran jireen waxana uu yiri raggu waa in ay u lebistaan
sida reer Yurub. Waxa uu fasaxay oo weliba dhiiri geliyey in la cabo Khamriga,
dadkuna ay soo saari karaan Khamri, isla mar
ahaantaana xitaa dowladu ay yeelan karto wershado soo saara Khamriga. Muddo
gaaban ayuu dal Muslim ahaa kaga dhigay dal "Cilmaani"
(secular = Aan Diin iyo Aakhiro toona shaqo ku lahayn.). [Qoom Allah ma
bedelo haddii aysan gacmohooda Isku bedelin].
-
Suuradda Ar-Racad, Aayadeeda 11, qayb ka mid ah ayaa macneheedu yahay:
"Allah ma dooriyo wax dad ku suganyahay intay ka doorinayaan waxa naftooda
ku sugan" {Qur'aan 13:11}.
- Xadiis uu weriyey Muslim, kana soo weriyey
Abuu Saciid al-Khudri ayaa macnihiisu ahaa: Rasuulkii Allah (Naxariis
iyo Nabadgelyo Korkiisa ha ahaatee) ayaa yiri: "Haddii mid idinka mid ah uu
arko shey ama wax xumaan ah, waa in uu ku suuliyaa gacmihiisa; haddii uusan
taas awoodin waa in uu markaas ku suuliyaa carrabkiisa, haddii uusan taas
awoodina waa in uu qalbiga ka nebcaadaa- taas oo ah iimaan kan ugu diciifsan".
Faafin: SomaliTalk.com | Dec 18, 2006
Ethiopia: Soomaaliya waxaan kula jirnaa Dagaal
Dec 5, 2006: Bereket Simon oo ah la
taliyaha ra'iisul wasaaraha Itoobiya waxa uu Radiyaha VOA u sheegay in Itoobiya
ay dagaal kula jirto Soomaaliya. Dhegeyso: Hadalkii
Ethiopia waxay dagaal kula jirtaa Soomaaliya (MP3) - [Isha:
VOA]
HFKMG: Soomaaliya Ciidan
Itoobiyaan ah ma joogaan
Dec 6, 2006:
Ciid Beddel Maxamed [Idd
Bedel Mohamed] oo ah Ku-xigeenka
wakiilka Soomaaliya u fadhiya xarunta Qaramada Midoobey
oo su'aal laga weydiiyey Ciidamada Itoobiyaanka ah ee ku sugan Soomaaliya, waxa
uu sheegay in aan ciidamo Itoobiyaan ahi joogin Soomaaliya, isagoo weriyihii
su'aas weydiiyey ugu jawaabey ma garanayo meesha aad ka heshay warkaas...
Halkan ka daawo... [Isha:
UN]
AP: 6,000 ilaa 8,000 oo ah Ciidamo Itoobiyaan ah oo
ku sugan Soomaaliya...
Dec 7, 2006: Warbixin ay qortay
ha'adda wararka ee AP ayaa sheegtay in ay heshay warara sir-Qarsoodi ah oo
sheegaya in Soomaaliya ay ku sugan yihiin
6,000-8,000
oo ah ciidamada Itoobiya. [Isha:
AP]. Mar
sii horeyseyna ayey ahayd markii uu ra'iisul wasaaraha Itoobiya si rasmi ah u
qiray in ciidamadiisu ay ku jiraan gudaha Soomaaliya.
Kongo, Tansania &
USA: Qaraarka Qabyada ah
Golaha
Ammaanka: Isagoo
xasuusanaya qaraarradiisii hore ee quseeyey xaaladda Soomaaliya...AKhri....
Qaraarkii Golaha
Ammaanka ee Nov 29, 2006
Golaha Ammaanku Wuxuu
Cambaareynayaa “Qulqulka Hubka ee sida weyn uga socda dalka Somalia...
Akhri
Xuquuqda
Qoraalka Copyright Akhri..
