NIN SIGTAY MA NOOLA; Isku deygii dilka Madaxweynaha
YUSUF SHABAC II
yusufshaba@yahoo.com
Sept 27, 2006
September 18, 2006 waxa la isku dayey in la dilo ama
la argagax geliyo Madaxweynaha Jamhuuriyadda
Dimoqoraadiga Soomaaliyeed Mudane Cabdilaahi Yusuf
Axmed Yey. Hase yeeshee, waxa lagu guuleystay in la
dilo inka badan toban, marka lagu daro Madaxweynaha
walaalkiis, waxa kale oo lagu guuleystay in la
argagixiyo Madaxweynaha iyo dhamaan Mas’uuliyiinta ku
sugan gobolka Baydhabo. Ilaa iyo hadda lama sheegin
labada gaari ee is qarxisay iyo cidda ka dambeysay,
dadkii soo dirayna ma aysan sheegan welina ma aysan
dhiman. Markii la qabtay Kismaayona waxa la sigay
magaalada Baydhabo. Sidaa awgeed nin sigtay ma noola!
Waxa laga hayaa Sheikh col, Xasan Daahir Uweys in uu
yiri, “looma baahna ciidan shisheeye, ee madaxweynaha
iyo barlamaankaba nabad haddii aysan ku haysan
Baydhabo ha yimaadeen Xamar, ama ha inoo ogolaadeen in
aan inagu ku ilaalino deegaankooda Baydhabo” Hadalkaan
markii uu yiri wixii ka dambeeyey dad badan baa
maleeyey in ay Maxkamadaha ka dambeeyeen qaraxyadii
Baydhabo ee isku dayga dilka madaxweynaha. Dad fara
badan oo xog-ogaal ah, ayaa iyaguna iska dhaadhiciyey
in ay arintan ka dambeeyeen xubno ka mid ah
baarlamaanka iyo weliba ra’iisul wasaaraha.
Markii aan wareystay dad ku dhaqan deegaankaas
Baydhabo, waxa ay ii sheegeen in ay jiraan dad tiro
badan oo aan rabin Dawladda Federaalka oo jeclaan
lahaa in ay Maxkamada islaamiga ahi ay la wareegaan
dalka oo idil.
Dad fara badan ayaa si toos ah u taageersan Maamulka
Maxkamadaha Islaamiga ah, dadka qaarna waa ay ka soo
horjeedaan. Kuwa maxkamadaha taageersani waxa ay
aaminsan yihiin xukunka ilaah in aan lays hortaagi
karin in la taageerona ay tahay shey muqaddas ah. Kuwa
ka soo horjeedana waxa ay dood ka dhigtaan dadka
Maxkamadaha wada in ay u badan yihiin hal jifo, waxana
u muuqda in uu hal qoys la wareegayo dalka oo idil
isaga oo isku qarinaya Shaal diineed. Xaqiiqada ilaah
baa ogsoon, oo waxa uu yiri Cumar Ibnu qidaab (RC)
“Naxnu naxkumu thawaahir, walaahu yatawala-alsaraa’ir”
Taas oo ay macneheedu tahay waxa aan dadka ku
xukumeynaa waxa aay inoo muujistaan, waxa ay
qarsadaana ilaah baa wali u ah”
Kuwa maxkamadaha diidaan, gaar ahaan kuwooda wax
garadka ah, waxa ay farta ku fiiqaan dhowr shey oo
muhiim ah, waxana ka mid ah: In Madaxweynihii hore,
Mudane Cabdilqaasim Salaad Xasan, uu la kulmay
madaxweynaha Liibiya afar maalmool ka dib markii
maxkamaduhu qabsadeen deegaan Gobolka Banaadir June 6,
2006., si uu uga soo qaado lacago gaaraya $400 oo
Milyan, lacagahaas oo uu Madaxweynaha Liibiya uu u
balanqaadey in uu siin doono jabhadii Xamar ama
Soomaaliya oo dhan nabad ku soo celisa sanadkii
1996kii. Ka dibna uu u ambo baxay dalka Ukreyn si
madaxweynihiii hore Cabdi-qaasim uu ugu soo iibiyo
maxkamadaha hub ah nooca fudud.
Dadka wax indho-indheeya qaar ka mid ah, ayaa
saadaalinaya in ay Soomaaliya ku noqon doonto dagaal
sokeeye oo uu dhiig badan uu ku quban doono, kuwa kale
oo qalbi fayawna waxa ay saadaaliyaan, in uu soo
afjarmay dhibaatooyinkii haystay Ummada Soomaaliyeed,
oo ay ka mid ahaayeen, dil, dhac kufsi iyo kale oo ka
sii foolxun kuwa aan sheegay. Maqaal aan soo daabacay
labo sano ka hor, oo aan ku magacaabey, “halgankii ugu
dambeeyey” waxa aan ku saadaaliyey in ay iska hor iman
doonaan Col, Xasan Daahir Uweys oo wata wadaado fara
badan iyo Col Cabdilaahi Yusuf oo isaguna wata ciidamo
cilmaani ah, oo uu Cabdilaahi Yusuf uu ka bixi doono
dalkii sidii Northern Alaayansigii Afghaanistaan
“Axmed Shaah Mascuud”
Gacan shisheeya inta ay na dhex taalona taladeena dab
inoo shidi mayso. Itoobiyo iyo Eretareeya waxa ay
dabayaaqadii 2001kii kala saxiixdeen xabad joojin
dhamaan doonta dhamaadka bisha November ee sanadka
aynu ku jirno, haddii aysan ku heshiin deeganada ay
weli isku haystaan. Sidaa awgeed, Eretareeya waxa ay
dooneysaa dagaal hor leh in ay Itoobiya kaga oogto
Bari iyo Koonfur iyada oo adeegsanaysa Jabhadaha
Ooramada iyo (Ogadenya) Soomaalida deggan Itoobiya
dhulalka ay inaga haysato. Itoobiyana waxa ay
dooneysaa in ay ciidamo lixaad leh dhigto dhabarka
Jabhadaha ONLF iyo Ooramada, iyada oo markaa ku
mar-marsiiyoon doonta in ay ilaalinayso dawlada
Soomaaliya ee deggan Baydhabo.
In ay wiilasha hogaaminaya Maxkamadaha Islaamiga ahi
la wareegaan maamulka Kismaayo iyaga oo aan weli qaban
Marka ama Baydhabo fariin weyn baa ku jirta.
Inkasta oo uusan shey waliba ahayn sida uu u muuqdo,
hadana waxa ila wanaagsan in aan wanaajino malaha aan
ka qabno wadaadada. Maxaa yeelay waxa uusan ilaah
raali ka ahayn ma sii jiri karaan mudo fara badan, oo
waa ay dumayaan. Sidaa awgeed ilaah aan talo saarona
oo aan rajayno mustaqbal fiican.
YUSUF SHABAC II
yusufshaba@yahoo.com
Afeef: Aragtida qoraalkan waxaa leh qoraaga ku
saxiixan
Faafin: SomaliTalk.com | Sept 27, 2006
»Damiir
Xumada Somalida iyo Damaashaadka Xabashida | M.X.Cilmi
»Shan
sanno kadib Dagaalkii Argagaxisada Guulo malaga Gaaray?
»Yaa
ku dhibtooday yaase ku diirsday isbeddelka Muqdisho?
| Wallays
»Calankeenii
maxaa dheeliyey oo hoos udhigay??? | Kaneec
»Ma Dhabbaa, In
Ayan Soomaalidu Wax Wadaqabsiga Ku... | Jooje
»OGEYSIIS:
WARAABAHA HILIBKIISA WAA SUN IYO CUDUR | Qurux
»Baydhabo:
Guri ay Martidiisu Gubeyso!
| Taysiir
»Baydhabo:
Dagaal ma Fadaannaw... | A. M. Yusuf
»IGAD:
Musiibo loo soo diray Soomaaliya! | Diiriye
»Geeridii
naxdinta lahayd ee sarihii mataanaha ahaa
»IGAD
MA WAXAY NOOGU YABOOHAYSAA (ARMY & AIDS)? FAALO
»DONOQI QUFACDAY
MEEL LAGA RAACAYNA MA OGEE HORTA XAGEE
»Maxaa sababay in
uu hoos u dhaco dhegeysiga Puntland ee...
»WARAABAHA
HILIBKIISA OO LA SHEEGAY IN LA ISKU DAWEEYO
»Muxuu ku
salaysnaa shir-madaxeedkii IGAD ee Magaalada Nairobi?
»Baaq-qaylo
dhaameed (Golaha Wadatashiga & Iskaashiga...)
»Wiil Soomaaliyeed oo mudo 16-sano ku dhibaataysan Baydhabo
»Adigoo jiran
haygu soo noqonin!!! | M. Macallin
»Warsaxaafad:
Cambaarayn dawlada Kenya |
Eng. Idiris
»Warsaxaafad: SOO
DHOWEYN HESHIISKII KHARTOUM | Eng. Yarisow
»IRAN WAA CADAW
ARXAN-DARAN OO SUNIGU LEYAHAY | Khalid
»AFXUMADA
AFQURAC RER LAASCAANOD MA KA DHIIDHIN WAYEEN
»Waa
Kuma Qofka Gabay Kaalintiisi, Aabe Mise Hooyo? | Jooje
»Soomalida iyo Xabsiga da,a yarta ee London (dhambaal
argagax leh!)
»MAQAALADA KALE
EE MAANTA:::
KA AKHRI HALKAN... GUJI..
|