Eng: Ali Darwiish Mohamed/Kamal Dacas MPLS MN USA 
alidahir.darwiish@gmail.com

Marka koowaad kusoo dhowaada Kismaayo oo ah magaalo madaxda  sedexaad ee Somaaliya. Marka labaad aad iyo aad ayaa la’idiinkuga mahad celinayaa imaashaha aad timaadeen Kismaayo waayo majirto cidkale oo idinkaga mudanaan leh.Sidaa darteed waxaa loo baahanyahay in aad wax ka qabataan nabadgalyada iyo hurumarka gobolka.Marka sedexaad ogaada guulaha istraatiiji yadeed ee aad gaarteen waxaa kamid ah qabashada kismaayo.waxaana loo baahanyahay in meelaha kale ee la midka ah aad dag dag ku gaartaan. Midakale  guushani waa mid xaga alle ka ahaatay waana mid mudan in si wanaagsan loo xuso. Waana ognahay in aad howl culus faraha kula jirtaan oo waliba bilow ah, waxaan idin leenahay haka daalina. Inkastoo wadadu tahay wado aad u qodxa badan hadana waxaa lagama maarmaan ah in aad samir kaalmeysataan.Waligiina cadaalada lajira, waayo wadadan iyo mid kadaranba ragbaa maray oo ku guuleystay waxeyna kaashadeen Alle,samir iyo cadli. Hadeydan caddalad  ku dadaalin wanaaga aad qabateen waari mayo bal waxuu keeni doonaa burbur iyo xan ,xumaan iyo xiqdi.

Waxaan kaloo idiin sheegaynaa magaalada aad timaadeen waa magaalo weyn dadkuna waxey baahi weyn uqabaan in nidaam loo sameeeyo.Sidaas darteed waxaan idinkula talinaynaa in aad raadisaan waxgaradka deegaanka si  loo gaaro guusha oo dhameystiran waxaana lagama maarmaan ah in aad ogaataan!!!

1. In aad u timaadeen bulsho toban iyo lixsano dusha looga taagnaa sidii bulshada xamar ay aheyd qablal Maxaakiim
2. In aad sugtaan nabadgalyada iyo difaaca magaalada
3. In aad mudnaanta sedexaad siisaan isugu yeertaanka dhamaan waxgaradka deegaanka sida ISIMADA Beelaha, Aqoonyahanada, Culumada.
4. In aad samaysaan maamul (administration), ay xubin ka yihiin dhamaan  beelaha degga gobolka.
5. In aad u cadaalad fashaan ummadaa dhibka kusoo jirtay mudaada dheer
6. Xiriir wanaagsan lasameeya dadka caqliga usaaxiibka ah ee kunool gobolka
7. Samaynta muumul loo wada dhanyahay ogaada guusha ayuu soo dhoweynayaa.
8. In aad magaalada ka dhigtaan magaalo Soomaaliyeed oo qof walba oo muwaadin ihi ku soo hirto maalkiisana gashan karo.
9. In aad maleeshiyada deegaanka xareysaan, dhaqan Celina u sameysaan.
10. In aad maamulkiina ku fidisaan degmooyinka gobolka oo dhan. Sida ugu dhaqsaha badan oo eydaan noqon sidii qolyihii idinka horeeyay ee dekeda dhuuqi jiray.
11. In aad dadka deegaanka ka raadsataan kalsooni dheeraad ah  idinka oo siinaya talada deegaankooda. Hadii kale waxaa la idiin arko gumeysi cusub.
12. In aad qabataan shirweyne lagu dhisayo maamul goboleed  kaasi oo lagu saleynayo degmooyinka. Maamulkaas oo aan qabiil loo eegeyn.

Eng: Ali Darwiish Mohamed/Kamal Dacas MPLS MN USA 
alidahir.darwiish@gmail.com