Daabaco Boggan | Print

MAALMO MUHIIM AH:::

Maalmo Muhiim ku ah Jadwalka Islaamka 1427-1428

QAABKA QORISTA Qaabka Loo Qoro Wararka, Faalooyinka iyo Ra'yiga ::MUQDISHO & DHURWAAGA:: Ma dhabaa in Dhurwaaga lagu Daweeyo Dadka Jinniga qaba Guji »WARAABAHA HILIBKIISA OO LA SHEEGAY IN LA ISKU DAWEEYO »OGEYSIIS: WARAABAHA HILIBKIISA WAA SUN IYO CUDUR | Qurux

Gabayo ay is dhaafsadeen Abshir Bacadle iyo Cali Xaashi.

• Cali Xaashi: (Habaar Owliyo wuxuu qabaa ha iyo wow reeb ah)
• Abshir Bacadle: (Hana igu hadadin Owliyee qaadirka u hiili)

Cali Xaashi ayaa Gabay ka tiriyey Abshir Nuur Faarax (Abshir Bacadle), waxa uuna gabaygaasi u dhignaa sidatan:.

• Abshirow warkaan kaa helniyo hadaladaad sheegtay.
• Hamigeena kuma jirin inaad noola hawooneysid.
• Taariikhda wuu kaa haleyn hadalka qaarkiise.
• Hilibkeeni baad goysayood halacsanaysaaye.
• Gacalkaagta lama hiifo maysidoo wa habeen tagey.
• Heyb kalane helimaysidoo waan habeen tagaye.
• Ayagaa kuu dhannoo kuu tol ahoo lama huraankiiya.
• Nin hunguri horkuuguma aqoon haatanse anmoogi.
• Halgankayagii Yunisoom adaa noo horeyn jiraye.
• Dib inaad u haakowsataa kuuma habooneyne.
• Dadku waxay ku haasaawayeen sooma aan hubine.
• Habaar owliyo wuxuu qabaa ha iyo wow reeb ah.
• Hantidaad laheyd meeday sow hadalku dow maaha.
• Haad haad maxaa kaa dhigoo la hirgisaysaa.

Jawaabtii Abshir Bacadle

• Cali Xaashiyow hadalku waa kaa habeensadaye.
• Anigu hiil rabigeybaan ahay waana la hubaaye.
• Waxaa hoogayoo ba’ay wixii gaal u howl galaye.
• Iyo kuwii u hiilinahayoo heyb ku daba joogay.
• Hogga maalintii lagu riday khabar helaayaane.
• Adduunyadana ku hungoobe waxay ku haminaayeene.
• Ka heyruube meeshey khalqiga ku handadaayeene.
• Haad geed waayey sow lagama dhigin hadura gaabgaabti.
• Himbiriirsi iyo waan la rabay hogasha ceebeede.
• Ka huleele Xamar aakhirana howl kalaa sugiye.
• Hagooga xun hadey magangaleen hoos allow celiye.
• Haddaabay falkiyo haykalkii ka harqinaayaane.
• Oo mayd u heybinahayaan hanasho guuleede.
• Iyagaa hantool iyo ku ridi god iyo hadaane.
• Oo hilib ka cuni waa waxay ku haminaayeene.
• Halkaasuu ku sugi goor dhawoo hiihah loo tumiye.
• Halgankeeni Yunisoom kufribaan wada halgaadeynay.
• Adinkaa haloosigii ka lumay nagu haboonaaye.
• Nin walibana hadafkuu lahaa aakhiruu heliye.
• Habaar waxaa ahoo lagu hubaa mayd gacmo u hoorsi.
• Hana igu hadadin owliyee qaadirka u hiili.

• Hawo been ah waa wixii tolkey hodaye sow moogid.

  waxaa soo tabiyey Amiin Yuusf khasaaro

  E-Mail E-Mail: amiinkhasaaro@hotmail.com

Faafin: SomaliTalk.com | Sept 21, 2006