Wararkii: Sept 10, 2006
-
Ma dhab baa in Miless
Sanawi, C/llaahi Yuusuf iyo Sh. Xasan…
-
Daahir Riyaale oo ka
codsaday Males Sanawi in uu taageeradda ka joojiyo…
-
Xulka Qaranka
Soomaaliya oo galabta la ciyaaraya xulka …
-
Qaramada Midoobey oo
sheegtay iney xafiisyo ka furaneyso…
-
Ciidamada Maxaakimta oo
nin ku dilay Xaafadda Black Sea.
-
Warsaxaafadeed kasoo
baxay Xisbiga Ramaas
-
Dadwayne ay ciidammada
gumaysigu xidhxidheen.
Ma dhab baa in Miless Sanawi,
C/llaahi Yuusuf iyo Sh. Xasan…
Iyadoo maalmahan ay faafinayeen qaar ka mid ah warbaahinta magaalada
Muqdisho in hoggaamiyaha Liibiya uu dhex dhexaadinayo Ra’isul wasaaraha
waddanka Itoobiya Males Senawi, Madaxweynaha Soomaaliya C/laahi Yuusuf Axmed
iyo Guddoomiyaha Golaha Shuurada ee Maxaakiimta Islaamiga ah Sh. Xasan
Daahir Aweys, marka hore saddexdan xubnood waxey ka qeybgalaya
sannadguuradii 7-aad ee ka soo wareegatay dib u habeyntii ururka Midwoga
Afrika oo uu horseedkeedu lahaa hoggaamiyaha Liibiya Mucamar Al-Qadaafi,
dhammaan madaxda waddamada Afrika iyo shaqsiyaad dunida caan ka ah,
Qadaafina waxaa ka go’an siduu u mideyn lahaa qaaradda Afrika ee ay uga
dhamaan lahaayeen dagaalada Sokeeye.
Males Sanawi oo ah Ra’isul
wasaaraha waddanka Itoobiya waxa uu la dagaalanka argagixisada, ee geeska
Afrika dowladda Mareykanka kaga qaataa sannadkiiba 17-Malyan oo doollar,
sidaasi daraadeed Sh. Xasan Daahir oo uu u aqoonsan yahay nin ka tirsan
kooxaha argagixisada isla markaana wuxuu dowladda Mareykanka ka dhaadhiciyey
dhawr jeer in ninkaasi uu ka tirsan yahay shabakadda Al-Qaacidda sidaasi
daraadeed lagama yaabo inuu soo hor fariisto. Sidoo kale Sh. Xasan Daahir
ayaa u aqoonsan Males Sanawi nin wakiil uga ah dowladda Yuhuudda geeska
Afrika isla markaana waa nin ka soo hor jeeda in Soomaaliya ay hesho dowlad
iyo nabad buuxda, sidaas darteed, lagama yaabo in isna uu soo horfariisto.
Sidoo kale Madaxweynaha Soomaaliya C/llaahi Yuusuf Axmed ayaa wuxuu sheegay
in Xasan Daahir Aweys uu yahay hoggaamiyaha argagixisada ee Soomaaliya,
wuxuuna horey u sheegay inuusan waligiis soo hor fariisan doonin. Sidaasi
darteed dhab ma noqon karto iney isa soo hor fariitaan saddexdaasi xubnood
oo mid walba uu aaminsan yahay fikrad gaar ah.
Daahir Riyaale oo ka codsaday
Males Sanawi in uu taageeradda ka joojiyo…
Madaxweynaha maamulka la magac baxay Somaliland oo beryahanba booqasho ku
joogay waddanka Itoobiya ayaa kulan la yeeshay Ra’isul wasaaraha waddankaasi,
Males Sanawi, waxaana la iskula soo qaaday arrimo fara badan, oo ay ku jirto
xiriirka ka dhaxeeya labada dhinac iyo arrimaha ka taagan xuduudda u
dhaxeysa Somaliland iyo Puntland.
Daahir Riyaale ayaa u gudbiyey Males Sanawi warqad qoraal ah oo uu kaga
cabanayo hub ay dhawaan dowladda Itoobiya siisey maamul goboleedka Puntland,
kaasoo ay si aad ah uga caroodeen maamulka Somaliland.
Males Zanawi wuxuu sheegay in dowladdoodu ay diyaar u tahay in xiligaani ay
dhex dhexaadiso maamulada Puntland iyo Somaliland, waxaana la sheegay in
Daahir Riyaale uu aqbalay dhex dhexaadintaasi, sidoo kale, waxaa ay labada
dhinac isla soo qaadeen arrimo la xiriira Qaxootiga Itoobiyaanka ee ku sugan
Somaliland, waxeyna isla garteen in qaxootigaasi sida ugu dhaqsiyaha badan
dib loogu celiyo dalka Itoobiya.
Xulka Qaranka Soomaaliya oo galabta la
ciyaaraya xulka …
Xulka Qaranka Soomaaliya ee da’doodu ka hooseyso 20-jirka ayaa maanta la
filayaa iney la ciyaaraan xulka qaranka ee Ruwanda
Ciyaartaan oo ka dhaceysa dalka Brundi ayaa xulka Soomaaliya, waxaa
hoggaaminaya guddoomiye ku xigeenka xiriirka Soomaaliyeed ee K/cagta Cali
Saciid iyo Yaxye Max’ed Caddow oo xubin ka ah guddiga fulinta ee xiriirka
Soomaaliyeed ee K/cagta.
Xulka Qaranka Soomaaliya muddo bil iyo bar ah wuxuu tababar ku sameynayey
magaalada Muqdisho, waxaana tababre u ahaa, Mudane Coonka, iyadoo marka uu
dhammaado ka qeyb galka tartankan ay dib ugu soo laaban doonaan magaalada
Nayroobi oo ay tababar ku sameyn doonaan, si ay ugu diyaar garoobaan tartan
hal is arag ah oo ka dhici doona waddanka Malawi.
Dhawaan ayaa ciyaar ka tirsan is reeb reebka tartanka dhalinyarada da’deedu
ka hoos- seeso 20 jirka waxaana Xulaka Soomaalya looga badiyey 2-0 balse
waxay muujiyeen cayaar wanaag.
Qaramada Midoobey oo sheegtay iney
xafiisyo ka furaneyso…
Hay’adda Qaramada Midoobey ayaa sheegtay iney magaalada Muqdisho xafiisyo ka
furan doonto, taasoo ay sheegeen iney timid kaddib markii ay u caddaatay in
ay dib ugu soo laabatay caasimadda Soomaaliya nabaddii iyo kala dambeyntii.
Wafdi ka socda Qaramada Midoobey, oo booqasho ku yimid magaalada Muqdisho
uuna hoggaaminayo madaxa gargaarka ee UN-ka u qaabilsan Soomaaliya, ayaa
waxey booqasho ku tageen goobo kala duwan oo magaalada Muqdisho ka tirsan si
ay u xaqiijiyaan nabadda ay Maxaakiimtu dib u hirgeliyeen.
Wuxuu sheegay in magaalada Muqdisho ay tahay magaalo 100% nabad ah sidaasi
darteedna xafiisyadii Qaramada Midoobey ay ku lahaayeen Nayroobi loo soo
rari doono magaalada Muqdisho, wuxuu kaloo sheegay in Qaramada Midoobey ay
ballaarin doonto hawlaheeda dhinaca gargaarka.
Dr. Ibraahim Xasan Caddow, oo Golaha Maxaakiimta u qaabilsan dhinaca
arrimaha dibadda ayaa Qaramada Midoobey kula dardaarmay iney sida ugu
dhaqsiyaha badan ay xafiiyo uga furtaan magaalada Muqdisho.
Xildhibaano ka soo jeeda Gobolada
Jubbooyinka oo uga digey Barre Hiiraale…
Maalintii shalay aheyd ayaa magaalada Baydhabo waxa shir jaraa’id ku qabtay
xildhibaano ka soo jeeda gobolada Jubbooyinka kuwaasi oo shirkooda ku
sheegay inaaney marna aqabli doonin in gobolada Jubooyinka loo sameeyo
maamul goboleed, iyadoo shacabka ku nool goboladaasi aaney dib u heshiisiin
dhex marin, “Waxaan kula talineynaa Barre Hiiraale, inuu ka tanaasulo maamul
goboleedka uu damacsan yahay inuu ka dhiso gobolada Jubbooyinka”, ayuu yiri,
C/rashiid Aadan Gabiyow.
Wuxuu kaloo sheegay in Barre Hiiraale uu kala qeybin ku hayo beelaha dega
gobolada Jubbooyinka, taasoo uu sheegay iney keeni karto isku dhacyo dhex
maray beelaha dega deegaanadaasi, oo muddo 16-sano ah ku jiray dhibaatooyin
Ciidamada Maxaakimta oo nin ku dilay
Xaafadda Black Sea.
waxaa galabnimadii shaley lagu diley agagaarka Xaafadda Black Sea Degmada
Howlwadaag ee Magaalada Muqdisho Nin magaciisa lagu sheegey Siyaad Maxamuud
Hufane oo ka so jeeda Beelaha Yamanta waxaa dilkaas geystey Askari ka tirsan
Maxaakiimta
Ilaa iyo hadda lama garanayo sababha loo diley Siyaad oo si weyn looga
yaqaanay Deeganka hase yeeshee dadkii deriska la ahaa ayaa inoo sheegay in
ninkaas loo diley arrimo la xiriira Dhul ay isku haysteen Eedadiis oo iyadu
ku dacweysey Maxaakiimta
Dadkii ka ag dhawaa goobtii dilka ka dhacay ayaa abaabuley banaanbax ay kaga
xun yihiin dilka ninkaas iyadoo dadkii banaanbaxayey laga xirey ilaa iyo 15
qofood
,ciidamada Maxaakiimta ayaa si sahal ah ku wadddi karey ninkaas sidoo kale
Odayaal ka tirsan Xaafada ayaa ka codsadey Golaha Maxaakiimta in la soo
qabto ninkii Ka dambeeyey Dilkaas iyo Eedadii iyana Dacwad u haysatey ninka
la diley iyo weliba Dhalinyarada xirxiran
W/D Amiin Yuusuf Khasaaro
E-Mail: amiinkhasaaro@hotmail.com
Aan
danaysanee, maxaan inoo jidaynaa?
Warsaxaafadeed uu Sabtidii soo
saaray xisbiga mucaaradka ah ee ka jira puntland oo marka magiciisa la soo
gaabiyo loo yaqaano RPP ayaa lagu canaantay sida ay u dhaqmayaan
Baarlamaanka puntland oo ay u gadaal marsan yihiin dastuurka DGPL, kaasi oo
uu xisbigu siwayn warsaxaafadeedkiisan ugu iftiiminaya shaqada looga baahan
yahya baarlamaanka puntland iyo sida ay isugu dhigayaan iyaga oo aad moodo
in aanay shaqaba ku lahayn hawlaha adag ee horyaala.
warsaxaafadeedka xisbiga oo u qornaa sidatan .
dowlad goboleedka puntland
ramaas political party
Rpp/49/06 garoe/ 9/9/06
ku: dhamaan saxafada somalia
og: shacab waynaha puntland
ujeedo:aan danaysanee, maxaan inoo jidaynaa?
dhamaan kasoo qayb galayaasha waxaan kusalamayaa salaanta islaamka salaan
kadib waxaan idiin soo gudbinayaa warsaxaafadeedka oo ku saabsan hadalka u
jeedada kor ku qoran.
Golaha wakiilada DGPL oo hawshoodu tahay dajinta iyo ilaalinta qawaaniinta
maamulka sida baarlamaanada caalamka oo kale.
Ayaa maalin walba ka leexda waajibaadkoda shaqo iyag oo aysan ka ahayn aqoon
la'aan iyo khibrad la'aan toona ee ay ka tahay dan shaqsi oo kaliya.
1- waxaa nasiib daro ah in ay sanadkasta ansixiyaan miisaaniyadii hore iyaga
oo aan loo keenin xisaabcelin tii hore ah oo muujinaysay sidii ay ku baxday
taas oo sharaf dhac ku ah golaha wakiilada DGPl.
2- waxaa kale oo fajiciso ah ansixinta shirkadaha baarista macdanta iyaga oo
aan arag lifaaqyada ka kooban 60 Bog oo ay ku cadahay dhamaan heshiisyada
qaybahooda kala duwan arintaas oo ceeb ku ah isla golaha.
3- waxay baasgareeyeen xeerkii shaqaalaha guud iyada oo aan la dhisin
xiriirkii guud ee ururada shaqaalaha.
4- waxay ansixiyeen jiriifka Badda iyaga oo aan ka fakarin waydiina
xukuumada dhismaha ciidanka ilaalada xeebaha DGPL.
A- Dhanka kale waxay ka baaqsadeen inay dawlada wax ka waydiiyaan gabood
falka dawladu ka gaysatay adeegyada soo socda.
1- Arimaha nabadgalyada oo faraha ka baxay
2- Mushahaar la'aanta ciidan iyo shaqaalahaba
3- Dhamaan wasaaradaha dawlada ee fadhiidka noqday
4- Faragalinta arimaha garsoorka
5- Sawaxanka kayeeraya ardayda dugsiyada sare gaar ahaan form 4da sida
gambool secondary school oo kale
6- Lunsashada hantida umada
7- Dhamaan wax qabad la'aanta adeegyada bulshada.
Hadaba isku soo wada xooriyoo golaha wakiilada ma waxay kaga uruurtay maxaan
inoo jideeynaa taasina waxay muujinaysaa khiyaamo shacab iyo in ay qayb ka
yihiin gabood falka ay xukuumadu shacabka ka gashay.
Hadaba golaha wakiiladu DGPL ma xildhibaanaa mise waa xildhabeelo.?
Waxaan warsaxaafadeeda ku soo gaba gabaynaynaa shacab waynoow miyaysan dan
inoo ahayn in aan ka tashano kooxaha isku bahaystay danaysiyada gaar
ahaaneed oo aysan haboonayn inaan uga gudubno sida ugu dhakhsaha badan sidii
aynu wax uga qaban lahayn.
Xisbiga Ramaas wuxuu diyaar u yahay sixida iyo wax ka qabashada dhamaan
dhibaatooyinka ka jira puntland wuxuuna soo dhawaynayaa figradihiina.
Gudoomiyaha xisbiga Ramaas
mudane Daahir ciiro
email: daahirciiro@hotmail.com
mobile: 747090
Waxaa soo tebiyey: Koronto
Faafin: SomaliTalk.com | Sept
10, 2006
Barnaamijkii
Radio Xoriyo
08 September
2006
Ciidammada cadowga oo laga eryay meelo
ay xarumo ka dhigteen.
Dadwayne ay ciidammada gumaysigu
xidhxidheen.
Itoobiya oo lagu eedeeyay lunsashada
cuntada gargaarka ah.
Banaanbax ciidammo shisheeye ka dhan ah
oo Muqdisho ka dhacay.
======================
Wariyaha RX uga soo warrama dalka
Ogaadeenya ayaa noo soo sheegay in ciidammada xoreynta Ogaadeenya ay
ciidammada gumaysiga Itoobiya ka caydhiyeen seddex meelood oo ka tirsan
deegaanka Garigo’an, kuwaasoo ay cidammada gumaysigu xarumo ka
samaysteen.
04/09/06 waxay ciidammada xoreynta
Ogaadeenya weerareen seddex goobood oo ka tirsan Garigo’an oo
ciidammada gumaysiga Itoobiya ay xarumo ka dhigteen, waxayna ciidammada
xoreyntu ku guulaysteen inay cadowga ka caydhiyaan meelihii uu fadhiyay
oo dhan. Weerarradan seddexda ah waxaa ciidammada lagaga dilay 8 askari,
waxaa sidoo kale lagaga dhaawacay 7 kale.
Wariyuhu wuxuu kaloo noo soo sheegay
dagaal kale oo ka dhacay meesha lagu magacaabo Bannaan-diyaarad, oo ka
tirsan degmada Fiiq, kaasoo dhexmaray ciidammada xoreynta Ogaadeenya iyo
kuwo saama-la-luudka ah ee gumaysiga Itoobiya. Dagaalkan waxaa
ciidammada gumaysiga lagaga dilay 11 askari.
Dadwayne ay ciidammada gumaysigu
xidhxidheen.
Ciidammaa gumaysiga Itoobiya ee ka
hawlgala dalka Ogaadeenya ayaa dadwayne rayad ah ku xidhxidhay meelo
kala duwan oo gobollada Ogaadeenya ka mid ah.
Mgaalada Jigjiga waxaa dhawaan lagu
xidhxidhay dadwayne rayad ah oo loo qaqabtay qaraxyo dhawaan ka dhacay
magaalada Jigjiga. Dadkaas waxaa ka mid ah;
1- Macruuf oo aanaan magiciis oo buuxa
haynin
2- Sulub oo isagana magaciisa oo buuxa
aanaan haynin
3- Deeq Jawhar iyo
4- Axmed-nuur Dhagawayne, oo isaga aan
laga warhaynin meesha ay geeyeen.
Magaalada Galaalshe waxay sidoo kale
ciidammada gumaysigu ku xidhxidheen dadwayne rayad ah oo u fara badan,
waxaanan nagacyadooda helnay dadka kala ah;
1- Shariif Kamaal
2- C/naasir Maxamed Wali
3- Cumar C/raxmaan
4- Xasan-Dayib Gurxan iyo
5- Mukhtaar Sh Daahir (Dhuun-qori) oo
loo xidhay inuu hayso dhuunta qri BKM ah.
Magaalada Garbo waxay sidoo kale
ciidammada gumaysigu ku xidhxidheen dadwayne aad u badan oo ay ku jiraan
15 dumar ah, waxaana ka mid ah dadka aan magacyadooda helnay;
1- Nuur C/qaadir Dalal
2- Wali Axmed Cabdi
3- C/llaahi Macalin Maxamed Carrablow
4- Jamaal Halable Afdhuub
5- Asad Cabdi Xasan
6- Mustafe Deeq (Bisad)
7- Fahiima Sh Cali Xasan iyo
8- Ardo-Faaris Muxumed
Dhinaca kale markii ay taariikhdu ahayd
02/09/06 waxay ciidammada gumaysiga Itoobiya dab qabadsiiyeen aqallada
reero dhawr ah oo uu masuul ka ahaa ninka lagu magacaabo Ibraahim Cabdi
Sahal.
Markii ay taariikhdu ahayd 03/09/06 waxay
sidoo kale ciidammada gumaysigu magaalada Qabridaharre ku gubeen
xamuulkii saarnaa toban baabuur oo ay ka soo qaqabteen meelo kala duwan
oo Ogaadeenya ka mid ah. Baabuurta tobanka ah ee xamuulkooda lagu gubay
magaalada Qabridaharre waxay ka mid ahaayeen 12 baabuur oo ay lahaayeen
dad isugu jira reer Ogaadeenya iyo reer Soomaaliya oo ciidammada
gumaysigu qabsadeen. Labo baabuurtaas ka mid ah ayay sii daayeen, ka dib
markii ay laaluush ka qaateen.
Warar lagu kalsoon yahay ayaa sheegaya in
ciidammada gumaysigu ay wixii tayada lahaa ee babuurtaas saarnaa, sida
qalabkii elagtaroniga ahaa ay iyagu qaateen, ka dibna ay gubeen
waxyaabihii aan qiimaha lahayn. Tobankan baabuur waxaa wali haysta
ciidammada gumaysiga, waxaana la filayaa inay la wareegi doonaan.
Itoobiya oo lagu eedeeyay lunsashada
cuntada gargaarka ah.
Ururka Oromada ee OLF ayaa xukuumadda
Ioobiya ku eedeeyay inay cuntada gargaarka ah u istcmaasho hub ay ku
aamusiiso dadka baahan ee waxyeelladu ka soo gaadho abaaraha Itoobiya ku
soo noqnoqda, sidaas wuxuu ururku ku sheegay bayaan ka soo baxay
xafiiskiisa arrimaha dibada u qaabilsan.
Ururka OLF wuxuu bayaankiisan ku sheegay
in cuntooyinka gargaarka ah ee dalalka reer galbeedka iyo ururrada
samafalku bixiyaan ayna gaadhin dadka aaaraha ku tabaalooba, balse ay
xukuumadda Itoobiya u adeegsato aalado siyaasadeed oo ay dadwaynaha ku
cadaadiso.
Ururku wuxuu bayaankiisan ku sheegay inuu
marar badan oo hore ku celceliyay in xukuumadda Itoobiya ciidammadeeda
ku quudiso cuntada gargaarka ama ay dadwaynaha ka iibiso waxyaabaha
gargaar ahaanta loogu keenay.
Wuxuu kaloo ururku sheegay inuu sidoo kale
beesha caalamka marar badan u sheegay in xukuumadda Itoobiya cuntada
gargaarka ah u isticmaasho awood siyaasadeed oo ay adwaynaha ku kasbato,
iyadoo cuntada siisa dadka siyaasadeeda daacadda ah oo kaliya.
Ururka OLF wuxuu tusaale u soo qaatay
waxyaabaha hadda ka dhacaya xarumaha lagu kaydiyo cntooyinka gargaarka
ah Shashemenne, Wolayita iyo Addis Ababa ee ay gacanta ku hayaan
hay’adaha Oxfam iyo Alula Care. Cuntooyinkan waxaa loogu talagalay dadka
abaaraha ku waxyeelloobay ee ku sugan Oromiya iyo Ogaadeenya, hase
yeeshee amar si toos ah uga yimid xukuumadda fadaraalka ah ayaa meelo
kale loogu raray iyadoo dad kale laga iibiyay.
Ururka OLF wuxuu bayaankiisan ku sheegay
in bishii Juun e sannadkan oo kaliya la lunsaday raashiin gargaar ah oo
qiimihisu kor u dhaafayo 100,000 oo dollarka Maraykanka ah, sidaas
darteed wuxuu deeq bixiyayaasha ugu baaqay inay ku dadaalaan sidii ay
gargaarka iyagu u gaadhsiin lahaayeen dadka u baahan. Wuxuu sidoo kale
beesha caalamka, dawlada Maraykanka, Midowga Yurub iyo Midowga
Afrikabaka codsaday inay cadaadis ballaadhan saaraan xukuumadda Itoobiya,
si ay u oggolaato in ururrada samafalka ahi ay grgaarka iyagu
gaadhsiiyaan dadka baahidu u hayso.
Banaanbax ciidammo shisheeye ka dhan ah
oo Muqdisho ka dhacay.
Maalinii talaadada ahayd waxaa caasimada
dalka Soomaaliya ee Muqdisho ka dhacay bannaanbax ballaadhan oo dadwyane
aad u fara badan ka soo qayb galeen, kaasoo lagu diiddan yahay in dalka
Somaaliya loo iro ciidammo shisheeye ah oo nabad ilaalin u taga.
Bannaanbaxan waxaa soo agaasmay Golaha
Maxamadaha Islaamiga, waxayna dadwaynihii ka soo qayb galay ku
dhawaaqayeen hal-ku-dhegyo ka dhan ciidammada la filayo inay Soomaaliya
u soo diraan dalalka xubnaha ka ah urur goboleedka IGAD. Dadwaynaha
bannaanbaxan ka qayb galay ayaa ku dhawaaqayay erayo muujinaya in
ciidammada IGAD aan Soomaaliya looga baahnayn.
Guddoomiyaha Guddiga Fulinta Maxkamadaha
Islaamiga Sh Shariif Sh Axmed oo bannaanbaxaas ka hadlay ayaa sheegay in
qorshaha ah in ciidammo shisheeye la geyo dalka Soomaliya ay wadato
xukuumadda Itoobiya oo kaliya, oo ayna la wadaagin dalalka kale ee
xubnaha ka ah urur goboleedka IGAD.
Sh Shariif wuxuu dawlada Uganda uga digay
inay cidammo u dirto dalka Soomaliya, wuxuuna sheegay in askaiga hadhow
kaga dhinta Soomaaliya ay iyadu masuul ka tahay.
08
September 2006.
Axmed
Gaal-Eri
Info@radioxoriyo.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 25 MB ee dhererkeedu
yahay 11865 KHZ,iyo internetka Radioxoriyo.com,Ogaden.com Maalmaha
Talaadada iyo Jimcaha 7: 30PM waqtiga Afrikada Bari
Qaar ka mid ah ardayda dugsiyada Gobolka
Banaadir oo ka qeyb qaatay nadaafadda gobolka..
Waxaa maalintii shalay
aheyd, qaar ka mid ah ardayda dugsiyada gobolka Banaadir
ay ka qeyb qaateen ololihii nadaafadda ee ka socday
magaalada Muqdisho, waxaana shalay isugu soo baxay arday
tira badan oo isugu jira wiilal iyo gabdho, oo ka kala
socday dugsiyada Al-Fajri iyo Kulmiye, wuxuuna
bartilmaalmeedkooda dhinac nadaafada uu ahaa inta u
dhaxeysa Golihii Murtida iyo Madaadalada ee Tiyaatarkii
Qaranka iyo deegaanka Eeneeya oo ka tirsan degmada
Xamarweyne, sidoo kale, waxey ardaydaasi nadaafadda ka
fuliyeen gurigii hooyooyinka, Carwadii hore ee Ex-Fiyoore
iyo jidadka gala Ceelgaab.
Aradayda oo ay ka
muuqatay xamaasad iyo waddaninimo ayaa si aad ah uga
qeyb qaatay nadaafaddaasi, waxaana soo abaabulay Midowga
Ardayda Gobolka Banaadir, oo uu horkacayey C/naasir
Max’ed Sheekh Nuur, wuxuuna sheegay mar aan wareysaney
in todobaad kasta maalinta Khamiista ay joogto noqon
doonto, isagoo sheegay iney soo bilaabeen 24-kii bishii
August isagoo sheegay in meelo badan oo ka tirsan
gobolka Banaadir ay ka fuliyeen hawlaha nadaafadda.
Sidoo kale, waxaan la
kulanay Macalin Xasan Sheekh C/llaahi, wuxuuna sheegay
in ardaydu ay yihiin kuwo iskood isku soo abaabulay isla
markaana aad ugu xiisa qaba iney wax u qabtaan
waddankooda.
Xalwo, Max’ed Faarax oo
ka mid ah ardayda dugsiyada ee ka qeybqaatay ololaha
nadaafadda ayaa waxey tiri, “Waalidiinteena ayaa nooga
sheekeyn jiray wax la yiraahdo Iskaa wax u qabso,
anagana ubadkeena ayaan uga sheekeyn doonaa hawshan
nadaafadeed”.
Gobolka Banaadir ayaa
haatan waxaa dib u soo laabatay bilicsamidiisii dhinaca
nadaafadda, hase ahaatee, su’aasha isweydiinta mudani
waxey tahay magaalo ay dagan yihiin ilaa iyo laba malyan
oo qof, waxa ay maalin waliba soo ka yimaada qashin fara
badan, waxaa loo baahan yahay in qashinkaasi la maareeyo,
oo meel loo yeelo.
Daabaco
Boggan | Print