Daabaco Boggan | Print

Muxuu ku salaysnaa shir-madaxeedkii IGAD ee Magaalada Nairobi?

Tan iyo markii Dawladda FKMG ah ee Soomaaliyeed lagu yagleeyey Xarunta Dalka Kenya ee Nairobi sanadkii 2004tii ayaa waxaa soo ifbaxayey dalabyo ku celcelisa oo lagu doonayey in Soomaaliya lagu keeno ciidamo shisheeye,kuwaasoo lagu macneeyey inay gacan ka siindoonaan Dawladda FKMG ah xagga ammaan,islamarkaasna ciidankaasi shaqadiisu ku ekaan doonto ilaalinta Goobaha Dawladda iyo tababaro la siiyo Ciidan lagu talo jiro in dalka soomaaliya loo sameeyo.

 

Dawladda FKMG ah ee Soomaaliya ayaa waxay si weyn u codsanaysay inay lagama maarmaan u tahay xasilinta Soomaaliya helitaanka ciidamo nabadl ilaalineed,iyadoo ku doodaysa dhibka baaxadda weyn  ee ka dhacday soomaaliya iyo weliba hubka faraha badan ee gacanta ugu jira Shacabka oo idil balse tillaabadaasi ayaa waxaa si weyn uga horyimid qabqablayaashii hore ee Magaalada oo markaas ahaa Wasiiro ka tirsanaa Dawladda FKMG ah,waxaana intaas dheeraaday inay jireen sidoo kale Xubnaha ka tirsan baarlamaanka  oo diidmo qayaxan ka muujiyey keenista ciidamo shisheeye dalka.

 

Inkastoo Qabqablayaashii dagaalka iyo Xubnihii taageersanaa ciidanka Shisheeye ka soo wada horjeedeen,hadana laguma tilmaami karin wadaniyiin balse waxay ka sinaayeen kana midaysnaa inaan dalka la keenin Xoogag shisheeye,taasina waxay irdaha u furtay in kala qaybsan ku yimaado Dawladda FKMG ah,iyadoo kala fariisatay Magaalooyinka Muqdisho iyo baydhabo balse dedaal dheeraad ah oo uu ku dhaqaaqay Madaxweynaha Yemen Cali Cabdalle Saalax wuxuu horseeday inay heshiiyaan  Madaxweynaha Soomaaliya Cabdullaahi Yuusuf Axmed  iyo Guddoomiyaha baarlamaanka Shariif Xasan Sh.Aadan,waxayna mirihii ka dhashay noqdeen inay Dawladda meel qur ah isugu timaado.

 

Sikastaba ha ahaatee, ilaa iyo markii Maxaakimta Islaamiga ah meesha ka saareen Qabqablayaashii mudada dheer ku noolaa jaqidda dhiiga shacabka Soomaaliyeed,ayna uga awood roonaadeen gacanta ku hayntii Magaalada Muqdisho ee Caasumadda Soomaaliya ayaa waxaa isa soo tarayey welwel laga qabo Maxkamadaha islaamig ah,taasoo ah inay meesha ka saaraan Dawladda FKMG ah,waxaana walaac midkaas ka qoto dheer ka muujiyey horumarka Maxkamadaha Dawladda Itoobiya oo u aragtay inay halis ku yihiin,waxayna amuurahaasi sababeen inay Itoobiya ciidankeeda si bareer ah u soo galo gudaha dalka Soomaaliyeed,iyadoo ku andacoonaysa inay ka difaacayso Dawladda FKMG ah in Maxaakimtu duulaan ku soo qaadaan

 

Hase yeeshee,wixii xiligaas ka dambeeyey ayaa waxay dalalkii u ololaynayey keenista ciidamo shisheeye dalka codsigoodii laba jibaareen,iyagoo ku tilmaamay keenista ciidankaas mid muhiimad weyn u ah dhinaca ammaanka,laakiin Maxkamadaha Islaamiga ah ayaa iyagu marna mooqifkooda aan qarinin,iyagoo sheegay inay si weyn u diidan yihiin in quwado shisheeye la keeno Soomaaliya,waxayna intaas ku dareen inay dagaal kala horimaan doonaan hadiiba ay cag soo dhigaan ciiddda Soomaaliya,iyadoo tillaabadaas hoos u dhigtay rajadii lagu doonayey in ciidamo huwan shaar nabad ilaalineed lagu soo galiyo dalka.

Wada hadaladii Dawladda FKMG ah iyo Maxkamadaha ku dhexmaray Khartoum dhamaadkii June ee sanadkaan ayaa wuxuu soo celiyey rajadii dadka Somaaliyeed ee ahayd inay mar ishoodu qabato Qarankii oo mar kale luguhiisii isku taagay,taasina waxay dhicisowday ka dib markii labada dhinac isu jeediyeen eedeymo la isu marinayey dhanka Saxaafadda,laakiinse gabagabadii ayaa waxay labada Garab mar kale isugu yimaadeen Khartoum kulan,kaasoo looga gol lahaa in la isugu soo dhaweeyo farqiga u dhaxeeya Maxkamadaha iyo Dawladda FKMG ah.

 

Hadaba waxaa is weydiin mudan maxaa kulanka Madaxweynayaasha IGAD ku soo beegay Shirka Khartoum iyo muxuuse salka ku hayaa ame ku salaysan yahay?

 

Runtii waa su,aal aan si sahal ah looga jawaabi karin,waxayna u baahan tahay inaad sameysid u kuur galid iyo weliba indhaindhayn dheeraad ah si aad jawaab ugu heshid su,aasha ku noqnoqonaysa niyadda iyo laabta dadka,hadaba inkastoo ay sidaas u adag tahay hadaan isku jawaabteeda waxaa shirkaan lagu soo beegay xili wadahadaladii Khartoum ee dhexmarayey Dawladda FKMG ah iyo Wafuudii Maxaakimta ku tillaabsadeen fahan isafgarad iyo rajo wanaag,kaasoo ugu yaraan dabcin karayey xiisadii colaadeed ee tagnayd iyo in jawiga guud wax laga badalo.

 

Sidaas darteed wakhtiga Shir-madaxeedka IGAD ayaa waxa uu ku astaysan yahay ame ku lambarsan yahay in lagu fashilayo shirkii Khartoum ee la filayey inay labada dhinac la yimaadaan ficilo iyo oraaho lagu badbaadin karo Ummadda Soomaaliyeed,taasoo irdaha u furi karta in awood qabsi iyo midaw dhexmaro Dawladda FKMG ah iyo Maxkamadaha Islaamiga ah,waxaana kulankaan hoos galiska ah ku dedaalay qabashadiisa Ra,iisal wasaaraha Itoobiya Meles Senawi iyo Madaxweynaha Kenya Mwai Kibaki,ka dib markii Meles socdaal deg deg ah shirka ka hor uu ku tagay Uganda iyo Kenya.

 

Waxayna ka baaqashada Madaxweynayaasha dalalka Sudan,Jabuuti,Ereteeriya iyo Uganda muujinayaan farqiga kala duwanaadeen ee u dhexeeya IGAD,marka ay timaado keenista Ciidamada IGADSOM dalka Soomaaliya,taasoo waji gabax ku ah Hoggaamiyaasha Gobalku tiillaabadii ay ku raadinayaa inay isku aragti noqdaan arrimaaha Soomaaliya,waxaana la gudboon shacabka soomaaliyeed inay meel iska dhigaan khilaafka iyo ishaysiga dhexdooda ah,islamarkaasna u soo jeestaan inay u midoobaan difaaca dalkooda  oo cadaw soo jireen ah uu rabo inuu si sahlan ku qabso,ayna meesha ku baab’ado Qaranimadii dalku.

 

 Jaamac Ismaaciil Dharbaaxo

dharbaaxo@yahoo.com

---

Fuustooyinka Sunta ee ku Duugan Jidka Garoowe-Bosaso
TV-ga Rai ee Talyaaniga ayaa soo bandhigay baaritan cusub oo cadayn u ah sunta halista ah ee ku duugan Soomaaliya, baaritaankaas oo afar qaybood ah oo af Talyaani ah ka daawo halkan: Qaybta 1 | Qaybta 2 | Qaybta 3 | Qaybta 4
Video-ga si aad u daawatid soo rogo barnaamijka windows media player
Akhri: Cilmi Baaristii Sunta ku Duugan Soomaaliya | 2000 | Dr. Bashir

---

• Dr. Alnajjar oo Aad uga Dayriyey Xaalada Soomaalida.... | Sept 2, 2005

MINNEAPOLIS::: ARDAY QALIN JEBISEY:::::::: GUJI [WARAR HORE]

---

Kulaabo bogga  www.SomaliTalk.com 
© www.SomaliTalk.com

---