Jaaliyadda Digil iyo Mirifle ee Atlanta  oo si kulul u cambaareysey falkii Foosha xumaaa ee lagu laayey dhalinyaraddii garoonka Baydhaba. 

Shir degdeg ah oo ay isugu yimaadeen aqoonhanahadda, Culuma’udiinka, haweenka iyo Dhalinyaradda Jaaliyadda Digil Iyo mirif ee ku nool Magaaladda Atlanta ee dalka Mareykanka iyo nawaaxigeeda ayaa lagu qabtey xarunta Jaaliyadda ee Atlanta xaley. 

  Shirkaasi waxaa loogu doodey falkii foosha xumaa ee ay geysteen ciidamadda Booliska

Dowladda KMG ee Somaaliya oo uu hogaaminayey taliyaha Ciidanka Booliska Somaaliyeed Cali Madoobe.  ayna ku dhinteen 7 Dhalinyaro u dhashey degaanka iyadoo tiro kalena ay ku dhaawacmeen. 

Dood dheer ka dib jaaliyadda waxay isla garteen in falkani uu ahaa mid gardaro cad ah oo aan loo dulqaadan Karin, meel ka dhac aan geedna loogu soo gaban loogu geystey

Qowmiyadda Digil iyo Mirifle. Sidoo kale waxaa looga dooday fadhigaasi Maamulka uu rabo in uu dhoodhoobo Barre Hiraale oo ku sheegey JUBA LAND. 

Ugu danbeyntii waxay ka soo saareen qodobo muhiim ah oo ay u dirayaan Maamulka Degmadda Baydahaba iyo Dowladda KMG ah, qodobadaasina waxay kala yihiin:- 

1-In Maamulka gobolka Bay oo ka masu’uul ah dadka u dhashey degaanka ay la xisaabtamaan dadkii dilkaa iyo dhaca geystey.

    2- In degdeg looga saaro Ciidanka la wareegey garoonka diyaaradaha ee Baydhaba,   Dibna loogu soo celiyo gacanta maamulka gobolka.. 

3-In la sharciga lala tiigsado dadkii laayey dhalinyaradaai , waayo gardaro cad ayaa  lagu laayey..sidoo kale ragii ka danbeeyey dilkii hore ugu dhacey gobolka , weliba  ragii geystey dilkii Marxuum Cabdalla Derow Isaaq  iyo dhaawacii sharciyaqaan Ahmed iyo Gudoomiyaha degamdda baydhabo. 

4. In aan loo dul qaadan Karin dhacdo tan la mid ah oo gobolkani lagu sameeyo, waayo tani ma aha tii koowaad hore ayaa loo laayey dadka gobolka madaxdooda , tan iyo intii ay soo degtey dowladda magaaladda Baydhabo.

5. In laga hortago maamulka lagu sheegey Juba Land oo la rabo in lagu abuuro dad dhul ayan u dhalan ,madaxna looga dhigo madax aan isir u galin gobolka.

   6 -  Ugu danbeyntii  waa in Dowladda ay ilaalisaa oo dhowrtaa dadka iyo degaanka  Ay martidda u tahay. 
 

                  Jaaliyadda DM Atlanta,Georgia,USA

                    Seaofknowlage@yahoo.com

Waxaa soo tebiyey:
OMAR SUFI | Email: abasheikhusa-ga@hotmail.com

---

Garoowe: Hayada MSF Holand iyo xukuumada puntland oo maanta kualan yeeshay.

Wafdi ka socda hayada MSF holand oo uu hogaaminayo Mr: Caned oo ah ninka u fadhiya xafiiska nairobi hayada MSF  holand ayaa soogaaray caasimada puntland ee garowe halkaas oo uu kulamo kula qaatay madax ka tirsan xukuumada puntland.

Kulan  ay wada qaadeen masuuliyiinta haayada MSF holand ka socotay iyo madaxwaynaha puntlanad oo kadhacay madaxtooyada plnd ayaa la isla meel dhigay in  haayadu ay hawlaheeda si toos ah u wadato islamarkaana ay qaadato masuuliyada hawlaha caafimaadka ay kawado gobalka mudug dhankiisa waqooyiga oo ay hadyadu dib shaqo ay uga bilaabayso kadib markii laxaliyay khilaafkii soo kala dhexgalay masuuliyiin ka tirsan puntland iyo haayada MSF holand kaasi oo sababay in ay haayadaasi ka baxdo gobalka mudug islamarkaana ay joojisay hawlihii caafimaad ee ay kawaday gobalkaasi mudug.

kulan kale oo qaatay saacado ayna wada yeesheen masuuliyiinta haayada MSF iyo wasiiro ka tirsan xukuumda puntland oo uu ka mid yahay wasiirka caafimaadka Mr: c/rixmaan dhagawayne, wasiirka qorshaynta Mr: cabdi salaad, gudoomiyaha gudiga caafimaadka puntland Dr:Maxamed jaamac salaadiyo agaasimada caafimaadka puntland iyo masuuliyiin kale oo ka hawlgala arimaha caafimaadka ayay ku ayideen kulankii horay u dhexmaray madaxwaynaha puntland iyo madaxda  haayada MSF islamarkaana la shaaciyaya in haayadu ay hawlaheeda si habsami leh u wadato.

Wasiirka Caafimaadka ee Puntland Dr, Dhagawayne ayaa waxa uu sheegay in kulankaasi uu is afgarad ku dhamaaday iyada oo maalinnimada birrito ah lagu balansan yahay in la soo saro qoraal wada jir ah oo ku aadan heshiisyada ay gaareen.

Sikastaba haayada MSf holand ayaa gobalka mudug waxay ka fulin kartay hawlo caafimaad oo aad ay ugu diirsdeen dadka deegaanka iyo guud ahaan somali badan kuwaasoo ka heli jiray ispitaalka guud ee magaalda gaalkaccyo oo ay haayadu gacanta horay ugu haynjirtay, hawlo caafimaad  oo joogto ah.

Kadib markii ay haayada iyo maamulka puntland uu soo kala dhexgalay khilaaf xoogan oo sababay in ay haayadu ka baxdo waqooyiga mudug  kaasi oo sababay in ay lunto ama la waayo adeegii caafimaadka  gobalka mudug,

Garoowe:Maalinta Xaalada bini’aadamka Caalamka oo Garoowe laga xusay .

Xaflad siwayn loo soo agaasimay oo ay soo qaban qaabisay wasaarada haweenka iyo qoyska ee maamul gobaleedka puntland ayaa lagu qabtay isla wasaarada xarunteeda oo ku taala caasimada puntland ee Garowe.

Xafladan oo ay ka soo qayb galeen masuuliyiin badan oo ka kala socda qaybaha xukuumada, bulshada rayidka ah  ee ku dhaqan magaalada garowe ayaa ugu horaynba waxaa hadal qoto dheer ka soo jeedisey wasiirka  arimaha haweenka iyo qoyska marwo caasha geele diiriye oo iyadu ku deeraaday waxyaabah ay haweenku qabteen mudooyinkii dagaalka sokeeye ka jiray dalka iyo kahor intaanu dagaalkuba dhicin.

Mrs: caasa geele diiriye ayaa tiri haweenku waa lafdhabarka qoyska waa barbariye qoyska waxay dulqaad u yeesheen in ay ka soo dhalaalaan hawl adag oo raga lagasugay oo ay haweenku dhabarka u riteen mudadii dagaalka sokeeya  kadib  waxaana soo food saaray dhibaato aad u qoto dheer haweenka somaliyeed  meel walba oo ay joogaan haweenka somaliyeed waa isku mid  waxaana soogaara dhibka ugu badan iyaga oo mararka qaar lagula kaco kufsi dil iyo jirdil dhac iyo barakicin intaba, dagaalkii sokeeye ee dalka kadhacay waxa uu aad u saameeyay haweenka soomaliyeed ayay tiri marwo casha geele  diiriye.

Wasiirka qorshaynta puntland oo isna halkaasi ka hadlay ayaa sheegay in haweenka somaliyeed meel walba oo ay joogaan ay yihiin kuwa mudnaanta leh isla markaan ay yihiin kuwa lagu diirsaday   bur burkii kadib waxaana la ogaaday kaalinta haweenka uu ku leeyahay bulshada dhexdeeda waana mid aan la xaqiri karin ayuu yiri wasiirka qorshaynta puntland oo munaasabadii algu xusayay maalinta  xaalada bini aadamka caalamka ee ka dahcaday garowe.

Si kastaba munaasabadii maanta  ayaa waxaa lagu soo bandhigay ruwaayad ka turjumaysa xaalada ay ku sugan yihiin haweenka soomaliyeed taasi oo qiiro wadaninimo ah galisay dhamaanba xubnihii  isugu yimid munaasabadaas lagu xusayay maalinta xaalada bini aadamka caalmak ee lagu qabtay caasimada puntland ee garowe.

waa markii ugu horaysa  ee munaasabadaan lagu xusayo maalinta xaalada bini aadamka caalamka lagu qabto guda dalka somalia  isla markaana ay soo qaban qaabiyaan haween taasi oo xataa laga soo qayb galiyay haayado badan iyo madax ka tirsan maamulka puntland iyafa oo la garwasday in haweenka soomaliyeed ay  yihiin udub dhexaadka guriga  oo aan marna la xaqiri karin.

GAROOWE : Duqa Degmada Garoowe oo Arabacadii u furay  Golaha Degaanka  Workshop la xiriira waajibaadka Golaha laga doonayo.

Duqa degmada garowe C/qaadir Cismaan Salaad (foodcade) ayaa Arbacadii u furay golaha deegaanka degmada garowe workshop la xiriira waajibaatka horyaala golaha iyo sidii golaha deegaana garowe ay sare ugu qaadi lahaayeen aqoontooda la xiriirta  hawlaha loo igmaday ee laga doonayo in ay wax badan ka qabtaan iyada oo waayadaan danbe uu habac ku yimid hawlihii loo doortay golaha degaanka degmada garowe  oo aan sidii la doonayn u shaqaynayn mudooyinkaan danbe  dad badan ayaa is waydiinaya  halka laga haysto golaha deegaanak degmada garowe oo aan qaban wax lataaban karo tan iyo markii la dhisay golaha deegaanka degmada garowe.

 Mr Food-cade wuxuu sheegay in Workshop-kan uu hormuud ka yahay dhawr Workshop oo loo qaban doono Golaha iyo Guddiyada Xaafadaha.