16-kii sano ee dagaalka
sokeeye ka socday Soomaaliya, waxay dhibaatadu gaartay meel
kasta, oo ay ugu horeyso bulshada, haddaba maqaalkan oo aan
ugu magacdaray (Cirkii oo Duceynaya), waxa uu xambaarsan
yahay arrimo fara badan, qof waliba waxa uu la yaabi doonaa
waxa loola jeedo cirka duceynaya.
Markii Maxaakiimtu qabsadeen
Muqdisho iyo qaar ka mid ah Gobalada dalka, waxay neefi ka
soo fuqday intii dhibaato ka soo gaartay dagaalkii Sokeeye.
Dadka Soomaaliyeed waa kuwo
ay erey bixintoodu aad u sareyso, markii la eryay Dowladdii
Max’ed Siyaad Barre waxa uu hubkii gacanta ku galay shacabka
Soomaaliyeed, waxaana soo baxay suuq loogu magacdaray “Suuqa
Cirtoogte”, waayo qof kasta oo tijaabinaya hub waxa uu u
ridaa dhinaca Cirka.
16-kaas sano, cirka waxaa
maalin walba lala dhacayay hub noocyadiisu ka duwan yihiin
xanuunkaas cirku cid uu u sheegto ma garaneyn, waxaa maalin
walba ka soo yeerayey cabashooyin uu bulshada kaga
codsanayey in laga dhaafo hubka maalin walba lagu
tijaabinayo.
Cirka oo hadlay ayaa yiri
“Maalintii iigu darneyd waxa ahayd maalinkii la saaray
Max’ed Siyaad Barre, waxaa igu soo dhacay rasaas noocyadeedu
kala duwan tahay hadba dhinac ayaan u boodaa, saqiir iyo
kabiirba rasaasta way ila dhacayeen, ayagu farxad ayey
muujinayeen anna dhibaato iyo waxyeelo ayaa I soo gaareysay,
maalinkii xigay waxay ahayd oo xasuusta igu reebay maalinkii
USC ay gacanta ku dhigtay Magaalada Kismaayo, waxaa I saaqay
rasaas isugu jirtay kuwo guduudan iyo kuwo jaale ahba,
maalin walba, waxaa is iraahdaa goorma ayaa ka baxeysaa
dhibkaan iyo murugadaan, waxaa maalmahaas ka sii darnaa
maalinkii General Caydiid loo magacaabay in ay uu noqdo
Guddoomiyihii USC, waxaa is dhahaayey waa lagaa neefin
doonaa hubka lagu ridayo, hase yeeshee USC halkeedii ayey ka
sii miistay, iyagu way faraxsan yihiin, aniga waxaa I gaaray
dhaawacyadii ugu cuslaa”.
Cirka waa uu sii hadlay oo
yiri “Waxa iigu yaab badnaa markii canug yar oo 11 jir ah
loo dhiibay qori AK47 ah, waxaana u dhiibay Aabbihii,
wiilkii ayaase ku yiri ‘Aabbe qoriga inteen ku ridayaa, waxa
uuna ku yiri Cirka, waan naxay, oo waxaan iskula hadlay
xitaa ilmihii yaryaraa kuma cafinayaan, hoogayoo iska
dhintay, Ilaah ayaa mar kasta baryey, in uu dhibkaani iga du
l qaado” “Waxaa iigu sii yaab badneyd markii iyana loo
dhiibay qori M-16 Haweeney, iyadoo la dhacdhaceysa oo garan
la’ meel ay u rido ayaa waxaa lagu yiri ‘Naahoow qoriga
cirka ku seyri, wixii xumba ma xaawaa iska leh ayaa hoosta
ka iri, waxaase niyadda iigu jirtay in Dumarku ka naxariis
roon yihini Ragga, hase yeeshee qayb ku lahaayeen
waxyeeladii la I gaarsiinayey, inkastoo ragga ay iigu
badnaayeen oo iyagu habeen iyo maalinba igu soo fiiqayey
hubka noocyadiisa kala duwan, Ducadeydii ayaan sii watay,
waxaan mar kasta Allaah ka baryey in uu iga bixiyo dhibkaan
igu gaamuray, Inkastoo aan ku soo koobi karini dhibkaas,
haddana waxaan xasuustaa habeen ka mid ah habeenada oo
dhinac waliba ay iiga soo dhaceen hub noocyadiisu ka duwan
yahay, waa habeenkii uu bilowday dagaalkii afar biloodka
ahaa, inkastoo hubka xoogiisu ku dhacayey dhulka, haddana
waxaa isoo gaarayay hub aan ka yareyn midkii lagu waday
dhulka, habeenkaas dhibaatada waxaa ila qaybsaday Dhulka,
Geedaha, Xawaanaadka, Guryaha iyo Dadka, waxaana dhibkaan ku
jirnay mudo dhowr bilood ah, mar is iri waan nasatay ayaa
haddan meeshii laga sii Miisay dhibkii la igu hayey, dhinaca
aan sida weyn uga sheeganayo waa dhankaa iyo suuqa laygu
magacdaray ee Cir Tooge, halkaas oo aan si aad ah uga
bislaaday, Ilaah Mahadiis maanta waan nastay, waxaana
mahadeeda iska leh, Maxaakiimta Islaamiga ah oo gebi ahaanba
mamnuucay in wax huba ah lagu dhex tijaabiyo bulshada
Dhexdeeda ha yaraado ama ha weynaado”.
Qof walba oo caqli u
saaxiib ah waa uu la socdaa in hub lala gaarin ama lala
Karin cirka, hase yeeshee dulucda sheekadeyda waxay tahay
sidii aan dadka u dareen siin lahaa, dhibaatada baahsan ee
ka taagenyd tijaabinta hubka, ee bulshada dhexdeeda loo
isticmaalayey, dadkaas oo ay waxyeelo kala duwani ka soo
gaari jirtay tijaabada hubka, sida naxdin, Shook, Argagax
iyo Cabsi, waxaan maqlay ama la ii sheegay in Haweenay Uur
leh oo laga dul riday hubkaasi ay ilmihii banaanka keentay,
marka Cirku waxa uu ka taagan yahay Dadka Deriska la ah
goobaha lagu tijaabiyo hubka, haatanna mahad balaaran u
jeedinaya Midowga Maxaakiimta Islaamiga ah, sidoo kale waxaa
mahad tan la mid ah jeedinaya Dadka kale oo iyana uu gaari
jiray dhawaqa rasaasta, Xayawaanaadka, Geedaha iyo Wixii
kaloo la mid ah.
Isku soo duuboo, Duceydii
cirka illaah waa uu aqbalay oo maanta waad aragtaa in cirkii
damaashaadayo, macnaha deggan yahay, urta rasaastana ka
ammaan helay,