Bayaan ka soo baxay Ururka Mideynta Beelaha
Waamo ee ku nool Yurub & Waqoyiga Amerika
KU: Golaha
Maxaakiimta
KU: Dhammaan
Shacabka Reer Waamo
OG: Saxaafadaha
madaxa banaan
October2-8/SHW1UMW
Bismillahi Raxmaani Raxiim
Dadka
Somaliyeed waxay u baahan yahiin inay kala gartaan Dulmiga iyo Cadaalada, Si
Somali xal loogu helo waxay u baahan tahay in la darso dhibaatoyinka ka jira
Gobolada Somaliya iyo Cadaalad xumida ka jirta meelo kamid ah Somaliya sida
Deegaanka Jubboyinka.
Maxaakiimta Maamulkii ay u sameeyen Shabeelada
Dhexe iyo Shabeelada Hoose waxay u dhiibeen dadka u dhashay Deegaankaas maxaa u
diiday in Gobolada Jubboyinka Maamulkiisa loo dhiibo dadka u dhashay Deegaanka
Jubboyinka ee og Baahida iyo Daruufaha Qalifsan ee uu ku jiro Gobolka. Magaalada
Kismaayo oo ah caasimadii 3aad ee dalka Somaliya waxaa nasiib daro ah in ay
manta ka furneen Waxbarashada Dugsiyadii Hoose, Dhexe iyo Sare bal iskaba daayee
in la furo waxaa la yaab leh in laga dhex dhistay Guryo ay wali dad dhex degan
yahiin, Hadaba Wadatashi Dheer oo ay isla qaateen Beelaha Waamo ayaa waxay soo
saareen Bayaan ay ku muujinaayaan mowqifkooda ku aadan Dib u furida iyo
Dayactirka Dugsiyadii Hoose ee magaalada Kismaayo Bayaankiina wuxuu ku soo baxay
sida hoos ku cad.
A- Waxaan maamulka ay Maxaakiimta u magacaawday
Gobolada Jubboyinka ka codsanaynaa iyagoo Qadarinaayo Baahida iyo Daruufaha
Bulsho weynta Shacabka reer Waamo in Dhammaan ay ka saaraan dadka degan
Iskuulaadka Hoose, Dhexe iyo Sare ee Kismaayo si ay ugu fududaato in Shacabka
Deegaanka ay u Dayac tirtaan Iskuulaadkooda uguna diyaar garoobaan siday
waxbarasho tayo leh ugu Diyaarin la haayeen Ubadkooda Dulman. Sidoo kale waxaan
Golaha Maxaakiimta ka cod sanaynaa inay soo Qabtaan Afartii Gacan ku dhiigle ee
Marxum Xaawo Muse sida waxash nimada leh ugu dilay Gurigeeda.
B- Ururka Mideynta Beelaha Waamo waxay ugu
baaqayaan Dhammaan Shacabka Reer Waamo meel kastoo ay joogaan inay yeeshaan
Hadaf Siyaasadeed iyo Hogaan Mideysan una diyaar garoobaan siday wax ugu Qaban
la haayeen Ubadkooda Dulman ee aan manta heysan waxbarashadii Aas Aasiga aheed.
Dhirta waxaa ugu Ayaan daran Geed ku dhex yaal War Biyood oo hadana Qalalan,
Kismaayo oo aheed Xaruntii 3aad ee Somaliya maanta waa magaalada Qabta Faqriga,
Qulubka iyo Waxbarasho la-aanta ugu weyn Somaliya.
C- Inta Reer Waamo ku dhimatay iyagoo
taageeraayo Axmed Cumar Jees Ama Maxamed Saciid Xirsi Morgan iyo inta Hanti Reer
Waamo kaga luntay Dagaaladaas Aqon yahanada Dhalinyarada Reer Waamo way ka samri
la haayen hadii Taladaasi ahaan laheyd mid ka timaaday Maskax Reer Waamo. Dadka
Reer Waamo Waxaan ugu Baaqeynaa inay si Taxadar Siyaasadeed iyo Mid Diineed leh
ooga gaab sadaan Dagaaladaan ka soo cusboonaaday Somaaliya ee Jaha wareerka ah,
Dagaal Xal ma noqdo, Xalka Somaliyana waa inuu ka yimaadaa Maskax Fiyow, waa in
Sida Xayawaanka aynaan Muruq isticmaalin ee aynu maskax Isticmaalnaa. Waxaana
kula talinaynaa Dowlada Federaalka iyo Maxaakiimta Shirka uga furmaayo Maalinta
Isniinta magaalada Kharduum inay ku xaliyaan arimaha Murugsan ee Dhex yaala, Una
tanaasulaan Shacabka Somaliyeed ee ku jiray mudada dheer Colaada, Xalkana wuxuu
ku yimaadaa wada hadal.
Hadafka Ururka Mideynta Waamo
A- In Beesha Waamo la mideeyo iyadoon loo
eegeyn Qabiil, Shaqsi, Lab ama Dhidig, D’a lana abuuro siday u wada shaqeyn la
haayeen una Xalin la haayeen Mushaakilaadka heysta Deegaankooda.
B- In la helo Dad u dhashay Gobolada Jubboyinka
oo matala Deeggaankoda
C- In la abuuro ilo Dhaqaale lana kobciyo
Hadafka Siyaasadeed ee Beesha kuna wajihan Abuuritaanka Xisbi Siyaasadeed oo ay
ku mideysan yahiin dhamman Beelaha Waamo
Aden Boqow
Gudoomiya Ururka Mideynta Beelaha Waamo ee ku nool Yurub & Waqoyiga Amerika
La xiriir: Af-hayenka Ururka Muse Cawshaan
Email: WaamoUnity2002@aol.com
Afeef: Aragtida qoraalkan waxaa leh qoraaga ku
saxiixan
Faafin: SomaliTalk.com | Oct 29, 2006
»GABAYGA
MURUGO & GABAYGA DHIBAABO | Doolaal
»Gabay:
Taariikhda Duugga ah: | Abu-cali
»ABSHIR
BACADLOW CIID MUBAARAK, MAXAABIISTA JEELKA...
»Gabay:
Guutada Hargeysiyo maxaa Gaalo Nabadeeyay | Xasan
»GABAY:
Cajaladahan lasoo duubayee noo cuntami waayey | c/naasir
»HADDAAN
TOL WAAYEY MUSLIMNA MA WAAYEY! | eelay
»Qoraaladii
iyo Gabayadii Jirdilka Sh. Maxamed Ismaciil
|