Qaabkii looga Ciiday
Suuriya, Badhan,
Garoowe, Nairobi iyo Minneapolis/St.Paul....
. Kenya: Maxaakiimta Islaamiga ee Soomaaliyeed
oo goob fagaare ah laga taageeray....
. Somaliland oo loogu baaqay in ay degdeg
u siideyso sheekha ku xiran Hargeysa...
- Waxaa warkaan ka qayb qaatay: Asad
Caddaani, Yuusuf Maxamed, Maxamed Cabdi Maxamed Bootaan
iyo C/rizak koronto
Jaaliyadda Soomaaliyeed ee Dalka Suuriya Sidee
u Ciideen....Oct 24, 2006: Waxaa maanta oo salaasa ah si baaxad
weyn looga ciiday dhawr dal oo dunida muslinka ka mid ,sida dalka Masar
Suuriya iyo Iiraan iyo dalal kale iyada oo maalintii Isniinta ahaydna ay
Ciideen dalal aad u tiro badan, haddaba sidee Jaaliyadda Soomaaliyeed uga
ciideen dalka Suuriya.
Sawirka waxaa qaaday: Asad caddaani: SomaliTalk.com | Suuriya
Sida caadada ah Soomaalida ku dhaqan
dalka Suuriya waxay kala qayb qaateen walaalahooda u dhashay dalka Suuriya
farxadda ciida , oo si aad u qurux badan uu u dhacday fantasiyaha ciidu ,
Soomaalida oo u badan laba xaafadood oo ku yaala magaalada dimishiq oo kala
ah Masaakin oo ku taala badhtamaha Dimishiq iyo Tel ama Xornna oo ku yaala
Daafaha magaalada dimishiq ayaa laga dareemayey goobaha lagu tukanayey
salaatul ciidka.
c_xakim_g_jaaliyada_xurna_iyo_arday_quraan_akhriyaya | g_jxurna,
c_xakiim,iyo_Shiikh_C_qani.JPG
Sii-hayaha Safaaradda Soomaalida ee
Suuriya Maxamud Muuse Tarey.iyo Guddoomiyaha guud ee Jaaliyadda Fu’aad
Maxmed ayaa kala qayb qaatay Soomaalida ku dhaqan dalka Suuriya farxadda
ciida waxaana laga dareemayey rayn rayn aad u badan iyada oo qof waliba
dharkiisa ugu qurxoon soo la bistay, waxayna is dhaafsanayeen tahniyada
ciidal fidriga.
Sii-hayaha Safaaradda Soomaalida ee
Suuriya Maxamud Muuse Tarey
Sidoo kale jaaliyada Xaafadaha Tel
iyo xorna ayaa manta galinkii danbe xaflad si heersare ah loo soo agaasimay
ayna soo qaban qaabiyeen odayaasha iyo xubnaha jaaliyadda ugu firfircoon ,oo
loogu talo galay dhamaan xubnaha jaaliyada gaar ahaana caruurta Soomaalida
ayaa lagu qabtay xaafadaasi. Waxaana halkaas wacdi iyo waano ka soo jeediyey
Shiikh C/qani Faarax Mursal oo ka hadlay Tarbiyada caruurta qiimaha ay ku
fadhido iyo in loo baahan yahay waalidkastaaba caruurtiisa in uu ku dadaalo
siduu ugu toosin lahaa ilmihiisa tubta toosan, ilaahayna ka baryo in uu
caruurta u hagaajiyo.
shiikh_c_qani_oo_muxaadaro_jeedinay | iyo dadka ka soo qayb galay
Waxaa isaguna xafladaasi warbixin ka
soo jeediyey guddoomiyaha jaaliyadda qayb Tel iyo Xurna C/xakiin Xasan
Jaamac oo ka waramay muddo koban oo ku siman sagaal bilood oo ay jaaliyada
qaybta xurna jirtay in ay hawlo badan qabteen oo dhamaantood ku wajahan
dhinaca tarbiyada , wuxuuna sheegay in ay jaaliyadani u taagan tahay sidii
ay tarbiyada caruurta aabayaashood badankoodu dibada ku maqan yihiin ee
laysaga tagay iyaga iyo haweenka wax ula qaban lahaayeen.
Xafladan oo u jeedadeedu ahayd sidii
loo adkayn lahaa xidhiidhka Bulshada Soomaaliyeed ee xafadaaasi ku nool ayaa
intaasi waxaa la guda galay kadis iyo tartan caruurta lagu tarsan siinayo
, laguna guddoonsiiyey abaal marino.
Soomaalida ku dhaqan dalka Suuriya oo
lagu qiyaaso ilaa shan kun ayaa waxa ay u badan yihiin haween iyo caruur,
kuwaas oo isugu jira qoysas laga soo celiyey wadamada reer galbeedka iyo
qoysas ka soo barakacay dalka soomaaliya, inta badan qoysaskaasi lama
joogaan raggu, waxayna nolosha ka soo deberaan qurbaha fog.
Waxayna qoysaskaasi la kulmaan
dhibaatooyin dhinaca caruurta ah , gaar ahaan dhinaca tarbiyada , siiba
wiilasha.
Asad Caddaani
Dimishiq Suuriya
Muslimiinta reer Minnesota oo camiray waddooyinka
Farasmagaalaha Minneapolis si ay oogaan Ciida...
Waaberigii maanta (Isniin Oct 23, 2006) ayaa
muslimiinta Minnesota waxa si aan kala har lahayn u soo camireen bartamaha
magaalada Minneapolis (xarunta Minneapolis convention center) si ay u oogaan
salaadda ciida, waxa ay ahayd muuqaal aad qurxoon oo muslimiintu gebi ahaan
isugu hambalyaynayeen cibaadada bisha Raamadaan ee ay soo dhamayteen. Goobta
salaada lagu tukanayey waxaa isugu yimid carruur iyo cirroole, rag iyo dumar,
looma kala harin, ayadoo dadka wajiyadooda ay ka muuqatey farxad. Waxaana lagu
qiyaasay taariikhda Minnesota in ciidani ay ahayd tii ay ka soo qayb galeen
Muslimiinta ugu tirada badan oo hal goob isugu yimaada, dadkaas oo tirada ugu
badan ay ahayeen Soomaali.
Sawirka hoose waa: Muslimiinta
oo ka soo dareeray salaadii ciida, xarunta Minneapolis convention center
Sawirka: SomaliTalk.com | Minneapolis, USA | Oct 23, 2006
Magaalada Badhan ee Gobolka Sanaag oo
Maanta looga Dabaal dagayo Munasaabada Ciidul Fitriga.
Dad weyne aad u fara badan oo raxan raxan ah,
una socda Salaada Ciidal Fitriga kuwaasoo isuguna jira rag iyo dumar iyo
caruurba ba aadna u labisan ayaa saakay si weyn oga ciidey magaalada badhan
ee gobolka sanaag.
Dadweynaha oo isi salaamayay isuguna hambalyeynayey Munaasabadda ciida
fidriga ayaa lagu arkayay wadooyinka waa weyn ee magaalada badhan , iyadoo
Takbiirta salaada Ciida saaka laga maqlayay dhamaan Masaajida magaalada
Badhan iyo Goobo Badan oo kale.
Wadooyinka magaalada badhan ee gobolka sanaag
ayaa aad u camirnaa iyadoo dadka badan kood ay muujinayeen ku
faraxsanaanta maalinta ciidda sidoo kale goobaha ciyaaraha caruurta lagu
sameeyo ayaa aad u buux dhaafay waxaana ka muuqatay farxad sare caruurta iyo
waliba dadka waawayn ba.
Magaalada badhan ayaan shalay dadka badankiisu uusan ka ciidin iyadoo shalay
laga la ciidey dhamaan dunida muslinka iyo guud ahaanba gobolada soomaaliya
magaalada badhan ayaa shalay laga soomanaa iyadoo ay xir naayeen dhamaan
meherada ganacsiga magaalada badhan.
Isku soo wada duuboo si aan kala har la hayn
oo ayaa maanta looga ciidey magaalada badhan ayadoo dadkii shalay ciidey ay
maantana la ciidayeen dadka maanta ciidayay.
Yusuf Maxamed Ismail (Gaduudow)
Bososo,Puntland,Somalia
Qaabkii looga Ciiday Magaalada Nairobi iyo
Sawirada Somali Talk ka soo qaaday Sir-Cali Muslim Club iyo khudbadihii laga
jeediyay...
Magaalada Nairobi ee caasimada dalka Kenya oo
ay ku nool yihiin boqolaal kun oo Soomaali ah ayaa waxaana salaada ciida lagu
tukaday xarunta wanyn ee lagu magcaabo Sir Ali Muslim Club iyadoo dhammaan dadka
goobta salaada yimid ay ka muuqatay wajiyadooda faraxada ciidul Fidiriga .
Goobta ciida lagu tukayay ayaa waxaa khudbado
ka jeediyay culumo badan oo ka tirsan dalka Kenya waxaana ka mid ahaa Imanka
masjiada wayn ee la yiraahdo Jamia Masjid ee ku yaal farsa-magaalaha Nairobi
Fadiilatul Shiekh Maxamed Saalax iyo waliba Shiekh Maxamed Cusmaan oo ka mid ah
culumada Kenya ugu caansan kana soo jeeda qowmiyada somalida ee ku nool Kenya.
Shiekh Maxamed Saalax ayaa Khudbadii ka
jeediyay halkaasi ka dib markii uu salaada dadka islamka ah tujiyay isagoo
khudbadiisa ku soo qaatay arimo badan waxaana ka mid ahaa arimaha uu ka hadlay
in la sii wato cibaadada eebe hadii uu dhamaatay bishii ramdaan markaasina waxaa
uu sheegay in loo baahan yahay shaqooyinka wan wanagasan ee muslimintu in ay
yihiin kuwa loo bahan yahay in lagu saleeyo diinta oo markaasi laga dheeeraado
wax kasta oo dhib ah.
Ciida maanta ayaa ahayd mid la isku khilaafay
shiekha ayaa yiri '' dadka Kenya muslimiin joogta ayaa yiri ciidaan maanta waa
mid ay leeyihiin somalida, laakiin ciidaan waa mid ka dhaxayso islaamka oo dhan
maleh Somali, ma leh kikuyu ma leh carab ma leh hindi waxaa leh islaamka dunida
waxaa laga arkay bisha magaalada Garissa ' ayuu yiri Shiekh Maxamed Saalax '
Sawirka: SomaliTalk.com | Nairobi, Kenya, Oct 23, 2006
Dhanka kale Shiekh Maxamed Cusmaan oo ka mid ah
culumada ugu waawayn Kenya kana mid ah imaamyada masjidka jamia ayaa waxaa uu ka
hadlay siyaasada Somalia khudbad dheer oo uu halkaasi ka jeediyay isagoo yiri 'Shacabka
soomaaliyeed 16 sano ka dib maanta waxay doonayan in lagu xukumo sharciga
islaamka kaas oo ka saaray dhibkii ay ku jireen 16 sano' Sheikhu ayaa hadalkiisa
isagoo si wata waxaa uu yiir '' Shaati ayaa la soo xirtay ayaan maqlaa marar
badan kuwa sidaas leh idinkuba shaati xirta fiican sida maxaakinta oo kale''
iyadoo dadkii shiekha ku ag dhawa ay hal mar takbiir qaadeen hadalkiisa awgiis.
Khudbada ka dib ayaa isla Goobtii masalaha
ahayd Sheikh waxaa uu shir saxafadeed ku qabtay oo ay SomaliTalk.com goob joog
ka ahayd, waxaana aan waydiinay warka ka soo baxay gudoomiyaha gobolka North
Eastern Kenya ee lagu eedeeyay xubno ka tirsan baarlamaanka oo ka soo jeeda
gobolkaasi in ay wadaan abaabul ciidan oo lagu taageerayo maxaakimta islaamiga
ah ee soomaliyeed, isagoo uga jawabay '' warkaasi ka soo yeeray gudoomiyaha waa
mid ka fog xaqiiqada xildhibaanada waqooyi bari Kenya arimahaas lagu eedey waa
mid aan jirin balse waxaanu nahay dad isku af iyo isku diin ah oo walaalo ah
marka waan ku farax sanahay guusha iyo khayrka ay gaareen shacabka somaliyeed ee
aanu walaalaaha nahay.
Waana markii ugu horaysay oo meel fagaare ah
dalka Kenya oo idil laga taageero maxaakimta islaamiga ah ee soomaliyeed tan iyo
intii ay la wareegeen kala danbaytii iyo sharcigii dalka Somaliya inta badan
koonfurta bishii june 5teedii ka dib 4 bilood oo dagaal dhiig aan yareen ku
daatay una dhexeeyay ciidmada maxaakinta islaamiga ah ee somaliyed iyo waliba
maleeshiyadkii isbahaysigii labaxay dagaalanka 'argaggaxisada'.
Dhanka kale Maamulka Somaliland ayaa waxaa uu
ugu baaqay in ay sii dayso wadaadka ku xiran magaalada Hargaysa isagoo ugu
baaqay in ay si dag dag ah u sii dayaan wadaadkaas waxaana uu yiri kan ku xiran
Harygasa iyo kan ku xiran Kuba waa iskugu kay mid oo waa walaalahayn.
Sawiradii ciida Nairobi hoos ka daawo.
Sawiradan waxaa qaaday: M.C.M. Bootaan | Naorobi, Oct 23, 2006
Maxamed Cabdi Maxamed Bootaan
Somali Talk ,Nairobi ,kenya
Botaan1@hotmail.com
Garowe:
Caasimada DGPL ee Garowe oo si wayn looga ciiday ciidii maanta.
Kumanaan kun oo dadwaynaha reer Garowe ah ayaa
isugu soo baxay Salaadii ciida fagaaraha istaadiyowga Mire Awaare ee magaalada
Garowe oo ah goobta salaadaha Ciida lagu tukado.
Dadwaynaha magaalada Garowe ayaa iyaga oo raxan
raxan u soconayay watayna dhar quruxbadan oo ay si wayn ugadanayeen maalmihii
ugu danbeeyay buuxdhaafiyayna goobaha ganacsiga iyaga oo munaasabada ciida
darteed isu diyaarinaya in ay si wayn muslimiinta dunida ula qaybsadaan farxada
ay ku jiraan muslimiinta maanta.
Fagaaraha istaadiyowga Mire Aware oo salaadii
ciidan inta badan dadku ay ku tukadeen ayaa waxaa salaadii ciidan ee maanta ka
dhacday Istaadiyowga kala qayb galay mas'uuliyiin badan oo ay ka midyihiin
madaxwaynahe Kuxigeenka puntland Xasan Dahir (Afqurac), oo isagu ku booriyay
dadwaynihii salaada tukaday in ay dalkooda difaacdaan iskana ilaaliyaan waxa ka
soconaya koonfurta somalia ayna xirtaan albaabadooda oo uu ku sheegay in ay
yihiin laba albaab ee waqooyi iyo koonfurt kuwaasoo haday xirtaan buuyiri
shacabku iyaga oo kaashanaya dawlada in ay ka badbaadayaan dhibka katagan
koonfurta somalia iyo dhamaan wixii qulqulatoyin ah.
Duqa Degmada Garoowe C/qaadir Cisaan (food-cadde)
ayaa dadwaynaha reer Garoowe ku dhiiriya in ay nabadda ka shaqeeyaan maadaama ay
Nabaddu tahay waxyaalaha ay barwaaqada ay haystaan reer Puntland ay ku gaareen
ay tahay Nabadda oo ay ka shaqeeyaan.
Suldaan Siciid Maxamed Garaase oo gaba gabadii
soo gunaanaday salaadii ciida ayaa halkaasi ka sheegay arin ay dhamaan shacabku
dhagaha u wata taagayeen taasi oo ah in uu suldaanku yiri anagu waxaanu nahay
salaadiintii aaday Jabuuti, waxaanu jabuuti u aadnay Nabada Puntland, qofku waxa
uu dhiso guri ama maamul ma burburiyo, puntland salaadiin ayaa dhistay mana
suurta galayso in ay salaadiintii dhisay Puntland ay hadana dib u burburiyaan
taasina waa wax aan dhici karo suurtagalna maahan.
Suldaanka ayaa sheegay in si wada jir ah wax
loo wada qabso islamarkaana lala shaqeeyo maamulka si maamulku uu u guto
waajibaadkiisa hormarka iyo nabadgalyada dalkana la xoojiyo, ugu danbayntiina
suldaanka ayaa ugu duceeyay dhamaan umada muslimiinta ah in ilaahay ka saaro
dhibka ciidan ciideedana uu ilaahy ku gaarsiiyo Barwaaqo iyo baraare.
A/rizak koronto
Garowe Puntland
CIID MUBAARAK::::
SomaliTalk.com: Waxaan muslimiinta ugu
hambalyayneynaa ciida barakaysan oo ah maanta..
Akhri..
»IIDAHA
iyo SALAADAHOODA
»Fidrada
Sida Loo Bixin Lahaa
Faafin: SomaliTalk.com | Oct 23, 2006
Daabaco
Boggan | Print