Taliyaha Ciidanka DFKMG ah Cali Madoobe oo 24 saac Baydhabo inuu kaga baxo lagu amray.

Wararka ka imaanayo magaalada Baydhabo ayaa waxay sheegayan in xiisad ay ka taagan tahay magaalad abaydhabo ee xarunta KMG ah ee ay dawlada somalia iminka ku sii shaqayso ka dib markii uu halkaasi gaaray taliyaha ciidanka booliska somaliyed Gen. Cali Madoobe looyaan oo ka tagay magaalada Nairobi maalintii axada galinkii danbe.

Taliyaha Ciidanka booliska somaliya Cali Madoobe ayaa waxaa ay ku eedeenayaan qaar ka tirsan siyaasiyinta iyo xildhibanada beelaha D&M inoo ka danbeyay layntii 4tii bishii September ka dhacay magaalada Baydhabo garoonkeeda ee lagu dilay 7 dhalin yaro maleshiyaad ah oo joogtay garoonka Baydhabo.

Arintaasi iyadoo ay taagan tahay ayaa waxaa markii oo ku laabay baydhabo Gen Cali Madoobe cirka isku shareertay arintii hore iyadoo xarunta oo ka dagay baydhabo ay isku xeereen maleeshiyaad ka amar qaata Aadan Saransoor oo ka mid ah hogaanka RRA-da intaasi ka dib ayaa waxaa shalay oo isniin ahayd magaalada baydhabo ka dhacay kulan ay ka soo qayb galeen Raisul wasaaraha somalia Cali Maxamed Gedi, Wasirka arimaha Gudaha Xuseen Caydid, Wasiirka Gaadiidka Cirka iyo dhulka Maxamed Ibraahim Xabsade iyo Xildhibano ka tirsan D&M iyadoo kulankooda saacado ka dib wax war ah aan laga soo saarin ayaa waxaa magaalada baydhabo shir saxaafadeed ku qabtay Aadan Saransoor oo shaaca ka qaaday in taliyaha booliska somalia in uu ka baxo magaalada baydhabo iyo gabi ahaanba deegaanda ay ka taliyaan isagoo hadalkisa sii wata ayaa waxaa uu yiri '' Mas'uuliyiinta beelaha D&M waxay isku aragti ka yihiin in Cali Madoobe uu 24 saac gudaheed uu isaga baxo magaalada Baydhabo, maadaama uu geeystay xasuuq ka dhan ah dadka deegaanka'' .

Deegaanka oo dagan yahay Cali Madoobe ayaa si adag amaankeeda loo adkeeayay iyadoo ciidamo badan oo ka tirsan kuwa dawlada somalia gaar ahaana kuwa madaxtooyadu ay ilaalo ka yihiin xaruntiisa iyadoo sidoo kale ilo wareed ay sheegayan in ciidamo Ethipoian ah ay ku sugan yihiin aaga uu taliyuhu joogo arrintaan ayaa timid iyadoo madaxwaynaha DFKMG C/lahi Yusuf Axmed uu ka maqan yahay dalka somalia isagoo jooga magaalada Adis Ababa.

Magaalada Galkacyo ee xarunta Gobolka Mudug ayaa waxaa wararka ka imaanayo ay sheegayan in magaaladaasi shir ay yeesheen golaha deegaanku ka arin sadeen geeridii Duqa Degmada Marxuum Xuseen Jaamac Yabaq oo mgaalada Nairobi ku dhintay maalintii miaca ahayd

 Kulankaan ayaa waxaa soo abaabulay wasiirka dawladaha hoose iyo hormarinta reer miyga Puntland Cali Cabdi Awaare waxaana soo xaadiray 22 ka mid ah 27ka oo ka kooban yahay golaha deegaanka Galkacyo iyagoo si wada jir ah halkaasi marka hore tacsi uga diray dhamaan qoyskiisa iyo cidii tiqiinay Yabaq .

Mr Awaare Wasiirka dawladaha hoose iyo horminta reer miyaga Puntland ayaa waxaa uu shaaca ka qaday in 12ka bisha November la qabanayo doorashada Duqa Degmada Galkacyo isagoo ku baaqay inta ka horeeayso in la diyaariyo musharxiinta iyo waliba arimaha la xiriira .