MAXKAMADAHA
KISMAAYO;
TUKUHU NASIIB UU CAANO KU HELO WUU
LEEYAHAY
LAAKIIN NASIIB UU KU CALFADO MALAHAN.
Mohamed-Deeq Abdi-madar “Haldhaa”
Qoraa iyo Saxafi
Borlänge, Sweden
haldhaa35@hotmail.com
Waxaan muran ma doonto ahayn
inay Midoowga Maxaakiimta Islaamiga ah ee Soomaaliyeed ka guulaysteen dagaal
oogayshaa Soomaaliyeed ee ummada Soomaaliyeed qayrkood iyo qoomahood ka reebay
muddo 16 sanno ah. Waxaan kaloon iyana shaki iyo muran toona lahayn inay midowga
maxaakiimta Islaamiga ee Soomaaliyeed soo celiyeen amaankii iyo kala danbaytii
magaalada Muqdisho iyo gobolada ku hareeraysan.
Waxaan kaloon iyana muran ku
jirin inay maxaakiimta Islaamka ee Soomaaliyeed yihiin xoog jira oo
tixgalintiisa leh. Miisaan iyo culaysna leh. Inay yihiin nasri iyo gargaar Rabbi
oo ummaada Soomaaliyeed Ilaahay u soo diray. Inay yihiin dad ammaano iyo diin
iyo Alle ka cabsi lagu tuhmayo. Taasina ay keentay inay shacabka Soomaaliyeed
kaga kalsoonaadeen qabqablayaashii Alle iyo aakhiraba gooyay.
Waxaan kaloon iyana muran
iyo shaki ka taagnayan inay maxaakiimtu dagaal ana dhiig ku daadan kula
wareegeen gobalada Jubbooyinka iyagoo ka adkaaday Isbahaysigii Dooxada Jubba oo
ana anigu u aqaan Isbahaysigii dooxada Galgaduud.
Haddaba su’aashu waxay tahay
oo uu shaki iyo muranba ka taaganyahay, intee in la ek bay maxakamadda Islaamka
ee Kismaayo sii hayndoonta maamulka gobolada Jubbooyinka?!
Abigu ma qabo inay muddo
badan sii haynayaan mamaulka gobolada Jubooyinka. Waxaana ku sababaynayaa
dhowrkan qodob ee hoos ku yaalla.
1. Qaadka iyo
shaleemooyinka mamnuuciddooda iyagoo aan ammaankii wada sugin, dadkii isku
masaruufayayna aan wax mihnad ah u abuurin.
Markaan taas leeyahay maahan
inaan qaadka iyo shaleemooyinka u doodayo ee waxaan diidayay inay isku furaan
furin dagaal oo horleh iyagoo dagaal kale ku jiray. Sida aannu wada ognahayna
qaadku wuxuu inooga yimaada Itoobiya iyo Kenya oo aannu deris iyo colba nahay.
Nagana haysta dad iyo dal soomaaliyeed. Marka siyaasadda qaadka ee waddamadaas
waa mid qoto dheer oo aad looga baaraan degay sidii loogu burburin lahaa
dhaqaalaha, caafimaadka iyo akhlaaqda ummadda Soomaaliyeed. Waxaana fiicnayd in
ay maxkaamadda Kismaayana sidaas u ogaato oo iyaduna aad uga baarab degto,
waqtigeedana siiso.
Tallabadasa waxay ahayd
miday ku khaldameen mas’uuliyiinta maxkamadda Islaamka eeKismaayo. Waana mid ay
ka tallabsadeen midoowga maxaakiimta Islaamka ee Muqdisho
2. Awooq qeybsiga.
Tanna waxay ahayd mid ay aad ugu khaldameen wayna ku guul darraysteen markii ay
tix galin siin waayeen habka dhismaha qabiilka Soomaaliyeed. Waxayna hoggaankii
ugu sarreeyay u dhiibeen hal qabiil oo waliba hal jilib oo hoose ka sii wada ah.
Sida Sheekh Xasan Turki oo ah madax Maxaakiimta Islaamka ee Jubbooyinka iyo
Axmed Sh Maxamed (Axmed Madoobe) oo ah guddoomiyaha gobolka Jubadda hoose iyo
sii hayaha guddoomiyha gobolka Jubadda dhexe. Axmed-madoobe iyo Xasan-Turki waa
ilmo adeer, waana isu seeddi.
Markaan arrintaas durayo ama
aan dhaliilayo igama ahan inaan qabiil ahaan ku nacxayo oo ana uga soo horjeedo
oo aniguba waxaan la ahay ina adeer labadoodaba waana isu xignaa. Laakiin
waxaan diidayaa waa caddaalad-darrada ummadda loo horseedayo oo laguna sheegayo
in caddaalad iyo sinnaan lagu soo celinayo gobolada Jubbooyinka oo muddo la il
darnaa dulmi iyo caddaalad darro.
Mar ay madaxda Kismaayo
wareeysi siiyeen idaacadda BBC-da waxay sheegeen inaysan qaba qabiil waxba u
fiirin ee ay u fiiriyeen haddab ninkii meesha ku habboon oo u qalma. Taasi ma
xuma oo aniguba waan ku raacsanahay. Laakiin ma qabiilada kalaa laga waayay wax
meesha ku habboon oo u qalma inay xilkaas qabtaan inta labadan nin ee ilmo
adeerka ah isuna seeddiga ah ay kaligood isku koobayaan hoggaanka. Iskaba daa
cid kalee waxaa madaxnimada Axmed-madoowe ee gobolka Jubadda dhexe ka hor
imaanaya beesha cawlyahan oo isku wadday inay iyadu gacanta ku hayso gobolka
Jubbada Dhexe. Maaddaama oo uu Axmed Sh Maxamed (Axmed Madoobe) uu ka dhashay
beesha Maxamaed Subeer.
Arrintu soow noqon mayso
maansadii uu Yamyam 1970kii u tiriyay markuu dhashay kacaankii 21kii oktoobar ee
sannadkii 1969kii, ee uu ku lahaa;-
Maxaad ugu dhawaaqdeen,
caddaalad aan laga dhabaynayn
Maxaad noogu dhalateen,
kuwii hore ma dhaantaanee
3. Siyaasad yarida
Xasan-turki. Sheekh Xasan-turki wuxuu ku hadlay oo idaacadaha u sheegay dhowr
jeer erayo aan ku habboonayn siyaasadda iyo waaqaca maanta lagu jiro. Wuxuuna
garan wayay inuu cadoowgiisa kala hormariyo oo intuu mid ka taqalusayo kan
kalana dhoollaha u caddeeyo. Maahayn inuu puntland, Somaliland iyo dawladda ku
meelgaraka ah ee tabarta daran ee Baydhabo fadhida afka la aado isagoon Kismaayo
gacanta ku qaban oo aan xasilin. Taasina waa mid maangalka ka soo horjeeda.
Islaamka iyo masaakiintana wax dan ah oo ugu jirtay ma ayasan jrin in iyadoo
furin lagu jiro, furin kalana laysku furo.
Anigu waxaan arkayaa haddii
aan wax laga baddalin habka iyo siyaasadda manta ay ku maamulayaan madaxda
maxkamadda Islaamka ee Kismaayo. Inay horseedayaan colaad iyo dagaal horleh oo
deegaanka dillaaca. Waxaan kaloon aad uga baqayaa inay hoggaanka gobolada
Jubbooyinka si sahlanku lumiyaan. Waxayan soomaalidu ku maahmaahdaa
“Tukuhu ayaan ama nasiib uu
caanaha ku helo wuu leeyahay, laakiin nasiib uu ku calfado malahan, oo markuu
caanaha helo intuu qarka kaga istaago ayuu iska gambiyaa”
Hoggaanka Xasan-turki ee
Maxkamadda Islaamka ee Kismaayana waa sida tukuhaas oo nasiib uu ku calfado
malahan.
Mohamed-Deeq Abdi-madar “Haldhaa”
Qoraa iyo Saxafi
Borlänge, Sweden
haldhaa35@hotmail.com
Afeef: Aragtida qoraalkan waxaa leh qoraaga
ku saxiixan
Faafin: SomaliTalk.com | Oct 11, 2006
»Qoodhiin
iyo Xeradiin Maxaa Baajuun & Jareer Looga Qadiyay J/Hoose
»Hooyadii
labaad ee Rasuulka calayhissalaam | Zahra
»Xaalada
Hubka Nukliyeerka Ee W/kuuriya Halkee mareysaa?
»Difaacid
Bayaankii Harti-waamo | M.N.Salaad
»Rice u sheega
hadey carab u taliso in anagana Illaahey noo taliyo
»Hilinka La
Haboon Maxkamadaha Islaamiga iyo Dawlada
»Bayaan: Beesha
Harti-Daarood ee Waamo ee UK
»Sooyaalka
magaalada Kismaayo & Soo Dhaweyntii Maxkamadaha
»Badbaadiyayaasha
Geeska Africa "maxkamadaha" | Cali
»Lamood
noqonse wayday "maxkamadaha" | Jamaal
»BURBURKII
QABYAALADA IYO MAXKAMADAHA | Liibaan
»Hadba meel ku
duul duul darajiyo wanaag maleh | Mahad
»Hawsha
koowaad oo sugaysa maxkamadaha kismaayo | xasan
»Warqad furan
oo ku socoto maamulihii hore ee Dalsan Dubai | Axmed
»MUSAAFURINTA
SHACAB SOOMALIYEED GOBALADA PUNTLAND
»KU:
MAXAAKIMTA KISMAAYO | Darwiish
»MAXKAMADO
CALANKII GUBAY & DOWLAD DALKEEDA CADAW
»MAXKAMADUHU
KA WEYN WAX SOMAALI U GAAR AHAYN | xariiri
»Ramadaan
Fursad Mudan In laga Faa’idaysto | Saciid
»Ramadaan
Kariim | Qormadii C/xakiim Jooje
.Soomaalidu
lama rabo, iyagana ismarabaan
.SOOMAALIDA
IYO DHAQAMADA CUSUB (INTIXAAR)
.Degmooyin
dulman!: Afgooye, Shalaanbood, Baraawe
.MAXAA
LA GUDBOON (DFKM IYO MMI)
.Dacaayad
ka dhan ah Diinta islaamka oo bilaabtay
.Cabdullaahi
Yuusuf Ma Maamuli Karo Soomaaliya
.Gabayo ay is dhaafsadeen Abshir Bacadle & Cali
Xaashi
»MAQAALADA KALE
EE MAANTA:::
KA AKHRI HALKAN... GUJI..
| 
Daabaco
Boggan | Print
