Condaleezza
Rice u sheega hadey carab u taliso in anagana Illaahey noo taliyo!
Condaleezza Rice oo
muddo aan sidaasi u dheereyn madaxweyne Bush u magacaabay xoghayahiisa arrimaha
dibada waa haweeney midabkeedu madow yahay,”hadaad Soomaali tahay dhinacaas
naxariis ha ka sugin” ee waxaad ogaataa iney tahay haweeney diintaada iyo
dalkaaga cadow ku ah. Waa haweeney isku heysata iney tahay tan adduunyada ugu
cilmi badan,in badan cimrigeedakamid ahina waxey ku dhumisay siyaasada awood
sheegashada ku dhisan ee dowladeeda caalamka ku wareerisay. Waa haweeney aan
weli guursan sida la sheegayo. Haweeneydani tan iyo muddo aad u fog iyadoo
xirriir hoose iyo mid siyaasadeedba la leh reer Bush-ka ka taliya Mareykanka
ayey hadana dafirtaa iney mararka qaar ka hoos baxdo waxyaabaha u baahan ka
qabashada u baahan sidaas oo ay taheyna waxey go’aamisa waxkasta oo dhib u
horseeda dowlada ay matasho.
Condoleezza Rice
waa haweeney aamisan waxa Bush aamisan yahay ee diinta masiixiyada Islaamkunaa
yahay cadowgooda koowaad ku yihiin. Inkasteey sida Bush u fudeyd badneyn kuna
hadlin hadalo siyaasad ahaan ku habooneyn hadana waxaan shaki jirin iney kasii
xagjirsan tahay Bush-yar ee waalan.
Hadaba maqaalkan
waxaa igu kalifay inaan si deg deg ah ku qoro markaan arkay warar ku qornaa
website-yada oo sheegayey in haweeneydaasi ka codsatay nimanka cigaalada dheer
inaaneey wax taakuleyn ah siin maxaakimta Islaamiga ah ee dhawaan ka hanaqaaday
dalka Soomaaliya, haweeneydani waxey sheegtay wararkuna kasoo wareeriyeen iney
maxkamaduhu is balaarsigooda ay tahay waxey ku sheegtay in dalkaasi argagaxiso
hoy u noqon karro. Hadaba dalkeena inkastoo argagaxisada sharciyeysan ee dagaal
oogeyaalka ah gacanta u galay haweeneydan iyo dowladey matashana ku masruufiyeen
sidey u leyn lahaayeen culimadeena. Ma waxey dooneysa inta yar ee hartay in la
sii dhameystiro? Shaki kuma jirro in qorshaha dowladeeda ee ka dhanka ah waxa ay
ku sheegaan argagaxisada aan Soomaaliya ka marneyn hadaanu hadda aheyn hadafka
koowaad ee looga sii taqalusi karro culimada.
Adigoon meel kale aadin tusaale waxaa kuugu
filan qowleysatadii labaxday ”La dagaalanka argagaxisada” iyo sida loogu silciyo
culimada aamisan caqiiqada dhabta xabsiyada maamulada la baxay Soomaaliland iyo
Puntland oo ay Amxaaradu naas nuujiso. Hadaba haddii haweeneydani aamisan tahay
in carabi kaalmo ku sheega xunta ay naga jari karaan ama yeelayaan waxa ay iyadu
tiraahdo, Waxaan u sheegayaa dhowr erey waa tan hore ee carabi addigey Illaahey
kuu aamisan tahaye, annagu uma aragno iney dad yihiin hadeyse yihiin Falastiin
bey wax u qaban lahaayeen. Lubnaan oo indhahooda shanta yihiin baa dagaal maalin
cadeey lugu qaaday kuna fiirsanayeen qaarkoodna sheegeen in Xisbullaah ay
mas’uul ka tahay waxa dalkooda qabsaday.
Midda xigta
inkastoo Soomaalida Islaam sheegato Qabiilkuna kala geeyey hadana Illaahey baan
aaminsanahaye waxaad nagu heyso nugu soo daa! Carabina wax noomatirin iney na
dulmiyeen mooyaanee ugama baahnin bariis iyo baasto. Waxaanse ku afjarayaa
qoraalkan gaaban, Haddaad carab u taliso ogow annagana in Illaahey noo taliyo”
Ikraam Cali-kaar
ikraam@journalist.com
Afeef: Aragtida
qoraalkan waxaa leh qoraaga ku saxiixan
Faafin: SomaliTalk.com | Oct 5, 2006
Daabaco
Boggan | Print
