- Senator Norm Coleman oo codkiisa ku biiriyey
wax ka qabashada xasuuqda Qaxootiga Soomaalida South Africa .
- Indhaha
iyo warbaahinta caalamka oo ku soo jeedsan doona Minnesota 2008
Senator Norm Coleman oo codkiisa ku biiriyey
wax ka qabashada xasuuqda Qaxootiga Soomaalida South Africa .
Shaafi |
Gudoomiyaha ururka Somali Action Alliance
mudane Shaafi Xaashi Cabdi ayaa cabasho qoraal ah u soo gudbiyey Senator
Coleman. Cabashadaas oo ku saabsan dilka lagu hayo qaxootiga Soomaaliyeed ee ku
nool South Africa iyo sida aanay dawladda SA xil isaga saarin joojinta dilalakan
oo waqti dheer socda. Mudane Shaafi waxaa uu Senator Coleman u sheegay in
Soomaalida Minnesota ay aad uga welwelsan yihiin dilalka lagu hayo Soomaalida
South Africa u qaxday. Waxaan nahay dad isku mid ah oo qaarkeen waxaanba la
dhalanay kuwa lagu dilayo South Africa . Farqiga noo dhaxeeyaa waa sida aan u
kala nasiib badan nahay. Annaga waxaan joognaa Minnesota oo ah meel nabad ah
ayagana waxay joogaan South Africa oo sida eyga loogu laayo .
Senator Coleman oo la xiriirey wasaaradda
arrimaha dibadda ee Maraykanka xafiiska South Africa u qaabilsan kuwaas oo
safaaradda maraykanka ee South Africa la sii xiriirey ayaa durba waxaa soo
gaarey qoraal laga soo xigtay booliska South Africa oo sheegaya in warkan la
buun buuniyey ee Soomaalida la dilay aysan ka badnayn 10 sababta loo dilayna
aanay ahayn waa Soomaali (nacayb) ee ay tahay tartan ganacsi hal suuq, colaada
Soomaalida loo qaadayna ay ku salaysnayd in ay sicir ka hoose kan dadka kale wax
ku gadaan iyo in aanay degaankaba u hoyan.
Mudane Shaafi ayaa diiday oo ganka ku dhuftay
is difaaca uu ku sheegay inuu yahay been aan la aqbali Karin iyo waxba kama
jiraan. Shaafi waxaa uu yiri xataa haddii 10 keliya la dilay waa tiro badan
taasna qiil ma noqonayso iyo cudurdaar ayadoo aan ognahay in bisha August keliya
la dilay Soomaali gaaraysa 29 qaarkoodna maydkooda
xubno lagala baxay.
Mudane Shaafi waxaa uu Senatorka ka codsaday in
dawladda maraykanka cadaadis ku badiso dawladda South Africa ilaa ay
waajibkeeda si fiican u gudato kaasoo ah sugidda amaanka Soomaalida ku nool
dalkooda. Senator Coleman waa ka aqbalay inuusan waxba ka hagran intii
karaankiisa ah asagoo xusay in ilaalinta qaxootiga uu yahay qawaaniin caalamka
isku raacay oo dawladda maraykankana ay safka hore uga jirto sugidda ammaanka
qaxootiga caalamka.
Mudane Shaafi iyo ururka uu madaxa ka yahay ee
Somali Action Alliance waxay qaban rabaan shiweyne la magac baxay la kulan
murashaxiinta (Governor/ US Senator) kuwaas oo tartan adag ku jira 2006. Mudane
Shaafi waxaa uu ugu baaqayaa Soomaalida inay ka soo qayb galaan shirkaas oo la
qaban doono Bisha October 21keeda saacadu markay tahay 1:30 pm. Goobta lagu
qaban doono shirweynahaasi waa jaamacadda Augusberg ee Minneapolis . Ka soo
qaybgal oo kala baro murashaxiinta kii wax ku taraya iyo kii aanan waxba ku tari
doonin .
Jaaliyadda Ogaden ee Minnesota oo la kulmay xafiiska Coleman
Sidoo kale Senator Coleman waxaa uu ku
mashquulsan yahay codsi uga yimid jaaliyadda Ogaden ee Minnesota oo ku saabsan
nin curyaan ah oo ka mid ah Soomaalida Minnesota degan oo ay dawladda Ethiopia
xirtay xilli uu booqanayey qoyskiisa oo degan Jigjiga.
Indhaha
iyo warbaahinta caalamka oo ku soo jeedsan doona Minnesota 2008
Saacado yar ka dib markii la shaaciyey go’aanka
xisbiga Jamhuuriga ee ah in xisbigu shiweynihiisa ( GOP convention) uu ku qabsan
doono twin cities waxaa buuxsamay boos celiska hoteelada hadda jira iyo kuwa
dhismaha ku soconaya hadda oo aan weli diyaar ahayn. Labada duq magaalo iyo
dhamaan masuuliyiinta gobolka waxaa ay bilaabeen sidii ay ugu diyaar garoobi
lahaayeen culayska ay leeyihhin 5 taas maalmood.
Xisbiga Jamhuuriga waxaa uu maalmahaas
Minnesota u imaanayaa inuu dhigo fantasiya iyo dabaal deg iyo inay Minnesota ka
iclaamiyaan qofka xisbiga jamhuuriga ugu tartami lamaa madaxwenenimada
maraykanka iyo ku xigeenkiisa, Waxaa kale oo ay filayaan in Minnesota iyo
gobolada ku dhow dhow xafladdu saamayn ku yeelato oo ay jeclaysiiso xisbigooda.
Wufuuda xisbiga jamhuuriga ee 2008 waxaa lagu
qiyaasayaa 30,000 waxaase la socon doono banaanaxayaal iyo weriyeyaal badan oo
caalamka ka kala iman doona. Waxaa la xoojin doonaa amaanka magaalada waxaana
lagu talo gelayaa hawl aad u culus.
Minnesota waxay filaysaa inay ka faaiido lacag
dhan 150 million ilaa 180 million iyo magac sababtoo ah xafladdan kama yara
cayaaraha olympikada oo Minnesota lagu qabtay. Mudo bil ah ayaa la filayaa in
shaqooyin badan abuurmaan , Waxaan shaki ku jirin in shikadaha waaweyn iyo
hoteelada, maqaayadaha, basaskam, dayuuradaha, iyo tagsiilayaashuba ka faaiidi
doonaan,
Senator Coleman ayaa aad uga shaqeeyey keenista
shirweynaha xisbiga Jamhuuriga Minnesota asagoo ka shukaamis badnaa madaxda New
York iyo Florida oo ayagana tartan ba’an kula jirey Minnesota . Coleman waxaa
uu weliba ka shaqeeyey in shirka lagu qabto guri uu asaga u dhisay St. Paul
waqtigii uu duqa magaalada ka ahaa magaaladaas oo lagu magacaabo Excel Energy.
Senator Coleman ayaa xaqiijiyey inuusan ku
jirin hami madaxweyne nimo isla markaana diidi doono haddii la weydiisto inuu
noqdo murashax madaxweyne ku xigeen ee uu ku qanacsan yahay inuu u adeego reer
Minnesota . Dadka siyaasadda indho indheeyese waxay leeyihiin taasi waa jawaab
siyaasi oo siyaasiyiinta waa isbed bedelaan markay arkaan fursad bislaatay.
ENGLISH VERSION::: READ
HERE
mnwardere@yahoo.com
Minneapolis, MN, USA
Faafin: SomaliTalk.com | Oct 2, 2006
Nin Soomaali ah oo
lagu dilay K/Afrika
kadibna lagala baxay Xubnaha Jirka ee Muhiimka ah sida Maskaxda,
Wadnaha, beerka, Kilyaha, iyo...
Guji...
| 
Daabaco
Boggan | Print
