Wararkii: Nov 23, 2006
- Golaha
Maxaakiimta oo mar kale fursad siiyey kuwa Xaalufiya Dhirta..
- Maxaakiimta oo wada ololihii la dagaalanka
Qaadka
- Jaamacadda Carabta oo Q/Midoobey ka codsatay..
- Dadweynaha Deegaanka Cabud-Waaq oo si aad..
- Ciidamada Itoobiya ee ku sugan deegaanka Iidaale..
- Ciidamo Itoobiyaan ah oo ku sii qulqulaya..
Golaha
Maxaakiimta oo mar kale fursad siiyey kuwa Xaalufiya Dhirta..
- Golaha Maxaakiimta: Dhuxusha HAA!, Qaadka
MAYA?
 21-kii bishan ayaa waxay ku ekeed mudadii labada bilood aheyd ee loo qabatya
ganacsatada dhuxusha ka dhoofisa Dekedda Ceel Macaan, waxaana la filayey in
go’aankaasi uu hirgalo hase yeeshee Afhayeenka Golaha Maxaakiimta C/raxiim Cali
Muudey ayaa waxa uu sheegay in codsi uga yimid ganacsatada mar kale loo fasaxay
in ay dhuxushooda ku dhameystirtaan balse ma faahfaahin waqtiga laga joojin
doono.
Arrintaan ayaa waxay walaac gelisay dadweynaha Soomaaliyeed oo Maxaakiimta uga
fadhiyey in ay joojiyaan dhoofinta Dhuxusha, maadaama ganacsataasi si arxan daro
ah u jarayaan Geedaha, taas oo keeni karta nabaadguur aad u ba’an.
“Waxaan Maxaakiimta uga fadhinay in ay ganacsatadaasi bulshada ka qabtaan, basle
fursad kale ayey siiyeen, sidaa darteed waa in ganacsada kalana fursad loo
siiyaan ka sii ganacsiga Qaadka” ayuu yiri nin Odey ah oo sheegay in uu aad uga
xumaaday go’aanka ka soo yeeray Maxaakiimta Islaamiga ah.
Maxaakiimta oo wada ololihii la dagaalanka
Qaadka
Waxaa Ciidamada Golaha Maxaakiimta Islaamiga wadaan ololihii la dagaalanka
qaadka, waxaana maalintii shalay ahayd qaad laga keenay Magaalada Baydhabo ayaa
ciidamada Maxaakiimta Islaamiga ee ku sugan magaalada Buur-Hakaba ku qabteen
deegaankasi.
Gaarigii lagu qabtay iyo ciddii sidayba ayaa Golaha Maxaakiimtu gacanta ku
dhigeen, waxaana halkaasi lagu gubay wixii qaad ahaa ee saarnaa gaarigaasi,
sidoo kale waxaa ciidamada Maxaakiimta Islaamiga ah ee ka hawlgala Gobalka
Banaadir ayaa iyana gacanta ku soo dhigay qaad, waxaana shalay lagu gubay
Kumaando Buliisiya, waxaana ka qaybgalay dadweyne aad u fara badan oo ku
faraxsan gubista qaadkaasi.
Maxaakiimta Islaamiga ah waxay sheegeen inay olole balaaran ku qaadi doonaan la
dagaalanka Qaadka, waxaadna arkeysaa wadooyinka soo gala Magaalada Muqdisho oo
ay ku sugan yihiin Ciidamo Maxaakiimta ka tirsan oo baaraya Gawaarida, sidoo
kale, waxaa lagu amray dhamaan ciidmada in ay sameeyaan feejiknaan dheeraad ah
oo la xiriirta la dagaalanka Qaadka.
Jaamacadda Carabta oo Q/Midoobey ka codsatay..
Jaamacadda Carabta ayaa waxay warqad qoraal ah u gudbisay Qaramada Midoobey oo
ay ka codsneyso in aan Soomaaliya laga qaadin cunaqa-bateynta hubka, iyagoo
qoraalkooda ku sheegay in haddii soomaaliya laga qaado cunqabateynta hubka ay
keeni karto dagaalo hor leh oo ka dilaaca Soomaaliya.
Jaamacadda Carabta waxay kula taliyeen dowladaha u ololeynaya arrintaasi in ay
ka digtoonaadaan oo ay fiiriyaan maslaxadda Ummadda Soomaaliyeed, waxay kaloo
Jaamacad carabtu sheegtay inay Qaramada Midoobey looga fadhiyay in ay isku
keento kooxaha Soomaaliyeed oo iyagu haatan qarka u saaran in uu dagaal dhex
maro, gaar ahaan Maxaakiimta Islaamiga ah iyo Dowladda Federaalka, sidoo kale
Jaamacaddu Carabtu waxay ka codsatay Qaramada Midoobey inay dib u soo nooleyso
wada hadaladii u dhexeeyay Dowladda Federaalka ah iyo Maxaakiimta Islaamiga ah
ee Magaalada Khartuum ee Dalka Suudaan.
Dadweynaha Deegaanka Cabud-Waaq oo si aad..
Wararka naga soo gaaraya Degmada Cabud-Waaq waxay sheegayaan in dadweynaha
halkaasi ku nool ay si aad ah u soo dhaweeyeen la wareegididii Golaha
Maxaakiimtu ay la wareegeen Degmadaasi, kaddib markii maalintii Doraad
Cabud-Waaq ay tageen ciidamo ka socday Golaha Maxaakiimta islaamiga ah.
Dadweynaha ku nool Cabud-Waaq ayaa waxay ka codsadeen Maxaakiimtu sidii halkaasi
looga furi lahaa Maxkamad Islaami ah oo ka mid noqota Golaha Maxaakiimta
Islaamiga ah.
Maxaakiimta ayaa horey waxay u sheegeen in gobalkii ama degmadii looga yeero ay
si dhaqsi leh ku gaari doonaan, waxayna wararka ka imaanaya Gobalada Dhexe ay
sheegayaan in ay socdaan wada hadalo u dhexeeya Culuma’udiin ku nool Magaalada
Gaalkacyo iyo Mas’uuliyiinta Maxaakiimta Islaamiga ah, kaas oo la doonayo in ay
si nabad ah Maxaakiimtu ku tagaan degmada Gaalkacyo, gaar ahaan dhinaceeda
Koonfureed, hase yeeshee maamulka Puntlnad ayaa isagu diidan arrinkaasi.
Ciidamada Itoobiya ee ku sugan deegaanka Iidaale..
Wararka naga soo gaaraya Magaalada Baydhabo waxay sheegayaan in ciidamada
Itoobiya ee ku suganaa deegaanka Iidaale oo uu doraad dagaal ku qabsaday ayaa
maalintii shalay ahayd isaga soo baxay halkaasi, kaddib markii halkaasi ay ka
firxadeen maleeshiyooyinkii deegaankaasi ku sugnaa.
Ciidamada Itoobiya oo ay la socdeen ciidamo ka tirsan Dowladda Federaalka ayaa
waxay ku raad joogeen kooxo dhawaan khasaaro gaarsiiyey Ciidamada Itoobiya,
basle ciidamada Itoobiya ayaa halkaasi kula kulmay khasaarooyin kale kaddib
markii ay mar kale weerar ku soo rogaal celiyeen kooxii maleeshiyooyinka ahaa ee
deegaanadaasi.
Ciidamada Itoobiya ayaa intii ay ku sugnaayeen Iidaale waxay kulamo la yeesheen
odoyaasha deegaanka oo lagu amray inay deegaankooda ka ilaaliyaan kooxaha
maleeshi-yooyinka ah.
Ciidamo Itoobiyaan ah oo ku sii qulqulaya..
Maalintii shalay ahayd ayaa Magaalada Baydhabo waxaa soo gaaray guuto ka tirsan
Ciidamada Itoobiya, kuwaas oo watay ilaa iyo 30 tikniko ah, waxaana ciidamadaasi
ku biireen ciidamada kale ee Itoobiyaanka ah ee ku sugan magaalada Baydhabo.
Tirada ciidamada Itoobiya ee ku sugan Magaalada Baydhabo ayaa waxay gaareysaa
ilaa iyo 4-kun oo Askari oo Itoobiyaan ah, waxaana dadka qaar ay sheegeen in
maalinba maalinta ka dambeysa ciidamada Itoobiya ay si aad ah ugu sii
qulqulayaan Magaalada Baydhabo.
W/D Amiin Yuusuf Khasaaro
E-Mail amiinkhasaaro@hotmail.com
Faafin: SomaliTalk.com | Nov 23, 2006
Madaxweynihii Hore ee Jamhuuriyada Jabuuti
Xaaji Xasan Guuleed Abtidoon oo geeryoodey.
Madaxweynihii hore ee Jamhuuriyada dalka
Jabuuti Xaaji Xasan Guuleed Abtidoon ayaa habeen hore ku geeryoodey dalka
jabuuti waxaana shalay lagu duugey magaalada Jabuuti ee jamhuuriyada dalka
Jabuuti.
Eebe ha u naxariistee Madaxweynihii hore ee jamhuuriyada jabuuti Xaaji Xasan
Guuleed Abtidoon ayaa habeen hore saqdii dhexe ku geeriyooday gurigiisa oo ku
yaale magaalada jabuuti isagoo markaasi da'diisu ahayd shagaashan jir (90).
Taariikh Nololeedkii Xasan Guled Abtidoon.
Eebe Ha u naxariistee Madaxweynihii hore ee jamhuuriyada dalka jabuuti xaaji
Xasan Guuleed Abtidoon waxa uu talada dalka jamhuuriyada Jabuuti qabtey
24/6/1977 oo ahayd xiligii uu xornimada qaatey dalka jabuuti waxa uuna ahaa
madaxweynihii ugu horeeyay ee Jamhuuriyada jabuuti.
Madaxweynihii hore ee jamhuuriyada jabuuti Xaaji Xasan Guuleed Abtidoon waxa uu
talada dalka hayay muddo dhan 22 sano, wuxuuna ahaa halgamaa u soo halgamay
xornimada jamhuuriyada jabuuti.
Eebe Ha u Naxariistee Madaxweynihii hore ee jamhuuriyada jabuuti Xaaji Xasan
Guuleed Abtidoon waxa uu ku dhashey tuulo yar oo ku taala deegaanka degmada
lughaye ee waqooyiga dalka soomaaliya waxa uuna dhashey sanadku markuu ahaa
1916kii.
Eebe Ha u naxariistee Madaxweynihii hore ee dalka jabuuti Xaaji Abtidoon waxa uu
ahaa Madaxweynihii ugu horeeyay ee soo mara dalka jabuuti waxa uuna ahaa 90 sano
jir waxaana shalay lagu aasey xaafada belbela ee degmada jabuuti waxaana tacsi
tiiraanyo leh u direy dhamaan madaxda dalka jabuuti oo uu ugu horeeyo
madaxweynaha jabuuti ee haatan Mudane Ismail Omar Gelle.
Eebe ha u Naxariisto Xaaji Xasan Guuleed Abtidoon.
W/d Yusuf Maxamed Ismail (Gaduudow)
E-mail yusufgaduudow@hotmail.com
Bososo.Somalia
Nov 22, 2006
Warbixin dheeraad
oo ku saabsan Dagaalo ka dhacay Iidaale..
»Sheekh
Max’ed Idiris “Waxaan ogaaday in dadka Soomaaliy..
»Maanta
oo laga yaabo in Soomaaliya laga qaado...
»Hay’adda
WFP oo raashin ka qaybisay deegaanka Raadaarka
»Ugaas
Maxamuud Diiriye “Maxaa ku dhacay Dhakhaatiirta..
»Dugsiga
Caynaan oo xusay maalinta Macalinka...
Wararka oo dhan
ka akhri halkan... Guji... Nov 22
DADKA REER
AFGOOYE OO CABSI KA MUUJIYEY IN WABIGA SHABEELE UU KU FATAHO.
|
Daabaco
Boggan | Print
