Wararkii: Nov 20, 2006
- Dowladda Federaalka oo soo dhaweysay
hadalkii ka..
- Maanta oo looga diyaar-garoobayo
Baydhabo soo dhaweynta
- Xulka Qaranka Soomaaliya oo maanta u
ambabaxaya Itoobiya.
- Bandowgii Magaalada Muqdisho oo gebi
ahaan la qaadey..
Dowladda Federaalka oo soo dhaweysay hadalkii
ka..
Mas’uuliyiinta ugu sareysa Dowladda FEderaalka sida Madaxweyne C/llaahi Yuusuf
Axmed iyo Ra’isul Wasaare Geeddi ayaa si weyn u soo dhaweeyay hadalkii ka soo
yeeray Dowladda Mareykanka in si dhaqsi leh Soomaaliya looga qaado
cunaqabateynta hubka si ay u fududaato in Soomaaliya ay galaan Ciidamo nabad
ilaalin ah oo ka socda wadamada Afrika gaar ahaan ku dhow dhow Soomaaliya.
Mas’uuliyiintaani waxa ay sheegeen in ay habooneyd in mar hore cunaqabateynta
hubka laga qaado Soomaaliya, iyagoo sheegay in Dowlado fara badan oo ka tirsan
caalamka ay ka dhaadhiciyeen sidii loo qaadi lahaa cunaqabateyntaasi, waxayna ku
tilmaameen talaabadani mid fududeyneysa in Dowladda Federaalka sanooyinka u
haray ay dib u bilowdo hawlaheedii . Dowladda Mareykanka ayaa waxay sheegtay in
Q/Midoobey looga baahan yahay in ay si dhaqsi leh uga qaado Soomaaliya
cunaqabteyta hubka, hase yeeshee dolwdo kale ayaa Dowladda Mareykanka kula
taliyey in haddii Soomaaliya laga qaado cunaqabteynta hubka ay Soomaaliya noqon
doonto goob loo beec geeyo hubka, isla markaana ay ku hardamaan Dowladaha
deriska la ah Soomaaliya, waxayna Dowladda Mareykanka u soo jeediyeen in
codsigaasi ay dib u fiiriso, waxayna sheegeen in haatan ay haboon tahay in lagu
sii giijiyo cunaqabateynta hubka ee Soomaaliya, ee lagu soo rogay 3/3/1992.
Maanta oo looga diyaar-garoobayo Baydhabo soo
dhaweynta
Maanta ayaa la filayaa in Magaalada Baydhabo uu gaaro Wakiilka Qaramada Midoobey
ee Soomaaliya Francois Fall waxaana magaalada Baydhabo haatan ka socda diyaar
garoow loogu jiro soo dhaweynta ergeysaasi oo ay la socdaan wakiilo kale oo ka
socda beesha Caalamka.
Francois Fall ayaa waxa uu wadaa qorshayaal uu isugu soo dhaweynayo Dowladda
Federaalka ah iyo golaha Maxaakiimta oo iyagu qarka u saaran in uu dagaal dhex
maro.
Waxa uuna qorshihiisa ugu weyni ay tahay sidii Magaalada Khartuum ay mar kale
isugu imaan lahaayeen Dowladda Federaalka iyo golaha Maxaakiimta si loo dhameeyo
khilaafka u dhexeeya labadaasi xubnood.
Ergeygaani marka uu soo dhameysto booqshadiisa Magaalada Baydhabo waxa uu ku soo
fool leeyahay magaalada Muqdisho si uu kulamo ula yeesho Golaha Maxaakiimta uga
dhaadhiciyo in dib loogu laabto kulankii dib u heshiisiinta ee Magaalada
Khartuum oo ay waday Dowladda Suudaan, hase yeeshee raga siyaasadda u kuurgala
waxay sheegayaan inaysan waxba ka soo bixin doonin qorshayaasha uu wato
ergeygaasi.
Xulka Qaranka Soomaaliya oo maanta u
ambabaxaya Itoobiya.
Xulka qaranka Soomaaliya ayaa maanta la filayaa in uu u ambabaxo dalka Itoobiya
oo uu kaga qaybgalayo Tartana Qaramada Bariga iyo Bartamaha Afrika.
Wafdiga Xulka Qaranka waxaa hogaaminaya Guddoomi-yaha xiriirka Soomaaliyeed ee
K/cagta Muxiyadiin Xasan Cali Darba-Weyne, waxayna inta ay joogaan dalka
Itoobiya ay yeelan doonaan ilaa iyo afar kulan.
Xulka Qaranka oo mudo bil ah diyaar garoow ugu jiray tartankaasi ayaa waxaa
laylinaya labo tababare oo u dhashay dalka Kenya, waxaana keenay labadaan
tababare Xiriirka K/cagta Soomaaliyeed, oo isagu doonaya in uu soo saaro
cayaartooy tayo leh oo magac iyo maamuus u soo hoyda dalka.
Inta uu socdo tartankaani ayaa waxaa dhacaya shirweynihii ururka CECAFA oo isna
looga hadli doono waxyaabihii u qabsoomay mudada sanadka ahayd gaar ahaan
dhinaca K/cagta, wuxuuna shirkaani ka dhacayaa Magaalada Adis-Ababa ee dalka
itoobiya
Bandowgii Magaalada Muqdisho oo gebi ahaan
la qaadey..
Kulan ay isugu yimaadeen xubanah ugu sarsareeya Golaha Maxaakiimta Islaamiga ah
ayaa waxaa lagu go’aamiyey in gebi ahaanba la qaado bandowgii saddexda habeen
saarnaa Magaalada Muqdisho, kaddib markii banaanbaxyo rabshado wata ay ka
dhaceen Muqdisho kuwaas oo looga soo horjeeday joojinta Qaadka.
Bandowgaan lagu soo rogay Magaalada Muqdisho waxa uu saameyn ku yeeshay
dadweynaha ka ganacsada Maqaayadaha, Haweenka gada Caanaha iyo kuwa Qudaarta,
iyadoo intii uu socday bandowgaasi ay si weyn ugu hogaansameen Dadweynaha
Magaalada Muqdisho, waxaana la arkayey iyadoo marka ay soo dhowdahay saacadda
bandowga u kala yaacaya guryahooda.
Bandowgaan ayaa waxaa qaadistiisa si weyn u soo dhaweeyay dadweynaha ku nool
Magaalada Muqdisho, iyadoo dhibaato ku qabatay bandowgaasi, sidoo kale mas’uul u
hadlay maxaakiimta ayaa waxa uu sheegay in sababaha loo qaaday bandowga ay tahay
kaddib markii ay dib u soo laabatay xasiloonidii Magaalada Muqdisho oo aysan ay
joogsadeen banaanbaxyadii ay dhigayeen dadweynuhu.
W/D Amiin Yuusuf Khasaaro
E-Mail amiinkhasaaro@hotmail.com
MUQDISHO IYO KUTUMASHADA XUQUUQDA MARQAANKA
Muqdisho oo "dubaabku" ku heesay!! - Ku
tumasho Xuquuqda Marqaanka!!
Qore: Mohamed Ahmed Wallays | Yaaqshiid
- Muqdisho |
inawallays@yahoo.com
Jooojintii qaadaka, dadka muqdisho siyaabo kala
duwan ayay u arkaan, qaar waxay u arkaan fursad ay naftooda ku xakameeyaan, qaar
waxay u arkaan dhib soo gaaray dhaqaalohooda, qaar waxay u arkaan faaido
dhaqaale oo u soo hoyatay, qaar waxay u arkaan mid lugu deg-degay, qaar waxay u
arkaan ku tumasho xuquuda marqaanka ee uu waadinku leeyahay!!
Si
kastaba ha ahaatee dadkii qaadka laba canley jirey maanta kama muuqadaan
kabarradii, waabihii iyo jikooyinkii ay ku fadhi-xumayn jireen, waxay u kala
baxeen kuwo fursad ka dhigtay oo u dhaqaaay inay dantooda raacdaan, kuwo uu
dubaabku fara ba'an ku hayo oo is duuduubay iyo kuwo weli raadiyeyaasha dhegta
ku haya oo ka dhursugaya hay'daha xuquuqul insaanka!
Waxaase hubaal ah haddii uu qaadku ahaan jirey meesha ay quudkooda ka helaan
qoysas badan, inuu sidoo kale ahaa musiibo ku habsatay bulsha weynta
soomaaliyeed, oo dhaadhaan ka dhigtay maskaxdii iyo muruqii ay umaddu ku
tashanaysay.
Waxaan Allaah ka baryaa inuu meel ka fiican ka risaq siiyo dadkii noloshaooda ka
raadsan jirey qaadka , umadda soomaaliyeed ee weli qaadka ku harsannna uu u soo
diro cid meesha ay joogaan ka mamnuucda!!
= Shirib Abwaan Bacadle =
Qare iya moos-ba qaad ka roon
Ka qarash yar kana quud macaan
Qiyaamana laysu qabsa maa!!
Waxaa xusid mudan in ra'yi bixin ay sameeyaan idaacadaha Muqdisho in dadka ugu
badan ee sida diirran usoo dhaweeyey joojinta qaadka ay ahaayeen haween.
kuwaasoo isugu jiey hooyooyin wiilashooda qaadku dooriyey, walaalo ka naxsanaa
il-xumada walaalohood iyo xaasas ku dhibtooday raggoodii uu qaadku xiska ka
kabaabyeeyey oo uu ka suuliyey xanuunkii masuuliyadda!
Nabee mahdiyaa u dhashay!!
Nabee dhuroobaa u dhashy!
Nabee dhur iyo dhaqan beelaa ka dhintay!!
-Shirib-
Allow ku raaji ra'ligaan rafaadkii waa ka raysannee!
Mohamed Ahmed Wallays
Yaaqshiid - Muqdisho
inawallays@yahoo.com
Faafin: SomaliTalk.com | Nov 20, 2006
Madaxwaynaha DGPL oo soo saaray wareegto
Wareegto lagu siinayo xaq askarigii ku geeriyooda
hawlgal ama ku dhaawacma difaaca Puntland, warkaas iyo Khilaaf soo kala
Dhexgalay DGPL iyo DFKMG:::
Ka akhri
halkan.....
»Beesha
Gumasoor oo go'aansatay ku dhaqanka shareecada Islaamka
»Sool/Sanaag:
Baaq ku saabsan Qaadashada Shareecada Islaamka
Ganacsade Soomaaliyeed oo lagu diley Magaalada Port Elizabeth ee
Koonfur Afrika:::
Ganacsadaha oo loogu soo galay dukaankiisa ayaa...
Guji...
Muqdisho: Saameyn
intee la'eg ayuu ku yeeshay Bandowgii
»Qaad
fara badan oo markii saddexaad lagu gubey Muqdisho
»Sheikh
Shariif: go’aano gebi ahaan lagu mamnuucay Qaadka
Wararka oo dhan
ka akhri halkan... Guji... Nov 18
Culimada
Puntland oo shir la Qaadanaya Maamulka Gen: Cadde Muuse
Culimadan oo maalmahanba uu shir
uga socday Boosaaso ayaa ka soo kicitimay Galkacyo si ay..
Guji
Nov 18
Sweden: Dumar Soomaali ah oo qaad dacwad loogu soo
oogay
Cisbitaalka Carafaat oo lagu soo gabagabeeyey hawl
indho fiiq ah
Liibiya oo
beenisey in ay maxkamadaha siiday Taageero iyo warar
kale oo googoos ah...
ka
akhri halkan... Nov 18
Afhayeenka maxakmada al-cadaala ayaa soo dhoweeyey
baaqa kasoo yeedhay isimada iyo waxgaradka gobolada
Sool/Sanaag/Cayn
Warbixin: Jawrfalka lagula kacay Ardayda Dugsiga
Sare ee Gambool - Garoowe
iyo
Warsaxaafadeed: Xisbiga Ramaas oo Dhaliilo iyo
Talooyin usoo jeediyey Wasaaradda Waxbarashada DGPL
Guji... Oct 27
|