Shiikh Shariif oo ka Hadlay
Dagaalkii ka dhacay Bandiiradley.
Sheikh Shiikh Axmed oo ah guddoomiyaha Guddiga Fulinta ee
Maxaakiimta Islaamiga ayaa ka hadlay dagaalka ka dhacay degaanka
Bandiiradleey, wuxuuna sheegay in Ciidamada Cabdi-qaybdiid oo
gacan ka helaya kuwa puntland iyo kuwo itoobiyan ah inay weerar
ku soo qaadeen degaano fariisimo u ahaa ciidamada maxaakiimta
islaamiga oo ku yaalay degaanka barndiiradleey, wuxuuna Shiikh
Shariif sheegay in Ciidamadii soo duulay la jabiyay loona
geystay khasaare naf iyo maalba leh.
“Mar kasta waan ka soo hor jeednay inay dhacaan wax iska hor
imaad ah balse ciidamadeenii ayaa la soo weeraray si loo
fashiliyo go’aanadii ay dhawaan gaareen Guddoomiyaha Barlamaanka
iyo Golaha Maxaakiinta” isagoo intaa ku daray inaysan marnaba
weerar ku ahayn gobolada Puntland balse ay diyaar Iu yihiin in
wax kasta lagu dhameeyo is af garad iyo wada hadal.
Sheikh Shariif oo hadalkiisa sii wata ayaa intaa raaciyay in
Ciidamada Maxaakiimta ay tagayaan gobolada dalka haddii shacabku
uu u yeerto si loo xoojiyo shareecada Islaamka, isla markaana
dalka oo dhanna lagu dhaqo shareeca Islaamka, maadaama ay tahay
tan lagu gaari guul Aakhiro iyo mid Adduunyo.
Maamul Goboleedka Puntland oo
sheegay in ka tirsan Maxaakiimta ay soo weerareen..
Maamul Goboleedka Puntland ayaa ku eedeeyay Maxaakiimta
Islaamiga inay kuu soo xad gudbeen degaanadooda kaddib markii
Ciidamo ka tirsan Maxaakiimtu ay soo weerareen , wuxuuna sheegay
af hayeen u hadlay Puntland inay iska difaaceen dibna ugu
celiyeen goobihii ay ka yimaadeen.
Af hayeenku ma faah faahin khasaaraha gaaray dhinacooda, wuxuuse
u soo jeediyay shacabka ku nool Puntalad lnay qoryahooda qaataan
iskana difaacaan kooxashaas ku soo duulay.
Waxaa la arkayay gawaari ay ku rakiban yihiin samaacado oo dhex
wareegaya magaalooyinka puntland kuwaasoo dadka ugu yeerayay
inay isu taagaan difaaca degaanadooda.
Ciidamo aad u xooggan oo watay illaa iyo dhowr iyo soddon
tekniko ayaa ka soo dhaqaaqay degmada Garoowe kuwaasoo isla
shalay soo gaaray Magaalada Gaalkacyo, waxaana hadal kooban u
jeediyay Madaxweynaha Maamul Goboleedka Puntland oo sheegay in
loo baahan yahay in loo diyaar garoobo Difaaca Puntland
Ciidankaas ayaa markiiba u gudbay koofurta Gaalkacyo oo waliba u
dhaqaaqay dhinaca degaanka Dagaari oo Afartan Kiilo Mitir u
jirta Magaalada Gaalkacyo.
Waxaa kacsan xiisadda magaalada Gaalkacyo iyo magaalooyinka kale
ee Puntland iyadoo magaalooyinka qaarna lagu daadiyay waraaqo
dadka loogu baaqayo inay soo dhaweeyaan Maxkamada, waxaana
halkaa ka socda furitaanka Maxkamado Beeleedyo, waxaana
Maxkamaddii ugu danbaysey laga furay Degaanka Gol-dogob.
Ciidamo Itoobiyan ah oo u
soo dhaqaaqay..
Ciidamo Itoobiyan ah oo wata Tikniko xoog badan ayaa u soo
dhaqaaqay dhinaca gaalkacyo kuwaasoo la sheegay inay doonayaan
inay difaacaan maamul goboleedka Puntland kaddib markii ay ku
soo siqeen Maxkamada Islaamiga oo iyagu shalay qabsaday degaanka
Bandiiradleey oo dhowr iyo lixdan km u jirta Magaalada Gaalkacyo.
Ciidamadan ayaa waxaa ka soo horreeyay saraakiil Itoobiyan ah oo
iyagu kulamo deg deg ah la yeeshay Madaxweynaha Puntland Cadde
Muuse.
Waxaa Magaalada Gaalkacyo horey u joogay ciidamo Itoobiyan ah oo
tiradoodu ay gaarayso 200 oo askeri kuwaasoo Maamulku u sheegay
in ay u yimaadeen sidii ay tababaro u siin lahaayeen ciidamada
Maamul goboleedka Puntland.
Waxaa laga cabsi qabaa in Ciidamada Maxaakiimta Islaamiga iyo
kuwa Itoobiyanka inay foodda is daraan, waxaana lagu waramay in
Ciidamada Maxaakiimtu ay gaareen Gurmadyo fara badan oo qaarkood
ka tegay Muqdisha Hiiraan iyo gal gaduud.
Warar dheeraad ah oo ku saabsan
dagaalkii ka dhacay Deegaanka Bandiiradley..
Waxaa isa soo taraya Khasaaraha dagaalkii ka dhacay Deegaanka
Bandiiradleey oo u dhaxeeyay Maxaakiimta Islaamiga iyo Ciidamo
Is Bahaystay oo ka kala socda Cabdiqaybdiid, Puntland iyo qaar
Itoobiyan ah., dagaalkan oo ah mid soo noq noqday ayaa ah kii
ugu xoogganaa iyadoo la isku adeegsaday noocyada kala duwan ee
Hubka, waxaana dagaalkan uu ka bilowdey dhowr jiho oo ku aadan
degaanka Bandiiradleey, Ciidamada Maxaakiimta Islaamiga ayaa u
suurta gashay inay halkaas ka soo hooyaan guulo la taaban karo
kaddib markii ay u gacan gashay degaanada Bandiiradleey, Seddax
Higlo iyo Dagaari, waxaana Ciidamada Maxaakiimta la sheegay inay
Labaatan Km u jiraan Magaalada Gaalkacyo, waxaa kaloo la sheegay
in Ciidamada Maxaakiimtu ay qabsadeen dhawr gaari oo tiknika ah
oo labo ka mid ah ay ahaayeen Taangiyo ay lahaayeen Ciidamada
Puntland, waxaana Ciidamada Maxkamadaha ka dhintay Shan Askeri,
waxaana ka dhaawacmay illaa lix kale oo dhaawacooda loo qaaday
Isbitaalka Istarliin Caruush oo ku yaala degmada Guri Ceel
iyadoo dhaawaca Puyntladina loo qaaday Magaalada Gaalkacyo,
halka uu dagaalku ka dhacay ayaa waxaa ka bara kacay dad fara
badan oo u yaacay dhinaca baadiyaha si ay noloshooda u bad
baadiyaan, labada dhinac ee dagaalku u dhaxeeyo ayaa waxaa soo
gaaraya Gurmad, waxaana Maxaakiimtu Gurmad uga tegay Gobolada
Sh.Dhexe, Hiiraan iyo Galgaduud halka kuwa Puntland-na uu gurmad
ka soo gaaray Magaalloyinka Boosaaso, Garoowe iyo Baydhabo,
Ciidamo Itoobiyan oo ku hubasan hubka noocyadiisa kala duwan
ayaa u soo dhaqaaqay dhinaca Magaalada Gaalkacyo kuwaasoo
difaacaya Maamul Goboleedka Puntland, waxaana difaac kan la mid
ah ay Itoobiyanku ay ka wadaan magaalada Bydhabo oo ay ku sugan
tahay Xukuumada Federaalka. Waxaa dareen xooggan uu ka jiraa
gobolada Maamul Goboleedka Puntland oo la sheegay in lagu
daadiyay Waraaqo lagu soo dhawaynayo Maxaakiimta Islaamiga,
sidoo kale waxaa Beelaha loogu baaqay inay furtaan Maxkamado
Islaami ah.
Madaxweyne C/llaahi Yuusuf
oo ka baaqsaday safar uu ku tagi lahaa..
Madaxweyne C/llaahi Yuusuf Axmed oo la filayey in uu Maalinta
Talaada ah soo gaaro Magaalada Gaalkacyo ayaa safarkiisii dib u
dhac ku yimid kaddib markii dagaalo ay ka dhaceen agagaarka
magaalada Gaalkacyo oo u dhexeeya Maxaakiimta Islaamiga ah iyo
kuwa Puntland.
C/llaahi Yuusuf Axmed ayaa la filayey inuu bulshada ku nool
Puntland kala hadlo arrimaha ku soo kordhay dalka gaar ahaan
xiisadaha ka jiray Puntland kaddib markii deegaano ka tirsan
Puntland looga dhawaaqay Maxaakiim Islaami ah.
Madaxweyne C/llaahi Yuusuf ayaa lagu waday in uu talaada saacado
joogo Gaalkacyo kaddibna uu u duulo dalka Jabuuti oo uu ka
qaybgalayo Shirka Wadamada Comenza, basle warar ayaa waxay
sheegayaan in xaaladdu is bedesho uu madaxweyne C/llaahi Yuusuf
si dhaqsi leh ku soo gaari doono Magaalada Gaalkacyo ee Gobalka
Mudug.
Markabkii laga afduubtay
Ceel-Macaan oo shalay ku soo xirtay Dekedda Weyn ee..
Markabkii dhawaan lagu afduubtay Ceebaha Ceel-Macaan, kooxdii
afduubteyna ay gaysay Deegaanka Xarardheere ayaa waxaa halkaasi
ku soo furtay ciidamo ka tirsan Maxaakiimta Islaamiga ah oo soo
badbaadiyey markabkaasi iyo shaqaalihii saarnaa, sidoo kalana
gacanta ku dhigay 8 burcad ah oo markaasi afduubatay.
Markabkaan oo shalay ku soo xirtay Degmada Muqdisho ayaa
munaasabad ka dhacday dushiisa, waxaa ka qaybgalay Guddoomiyaha
Guddiga Fulinta Maxaakiimta Islaamiga ah Sheekh Shariif Sheekh
Axmed iyo Madaxa Amniga ee Maxaakiimta Sheekh Yuusuf (Indha-Cadde)
iyo waliba mas’uuliyiin kale, waxa uuna Sheekh Shariif sheegay
in si dhaqsi leh maxkamad loo soo taagi doono raggaasi, waxa ay
shareecadu ka qabtana la marsiin doono.
Diyaarado sida hub oo
gaarey Magaalada Gaalkacyo..
Wararka naga soo gaaray Magaalada Baydhabo ayaa waxa ay
sheegayaan maalintii shalay ahayd laba diyaaradood ay ka qaadeen
magaalada Baydhaba Rasaas iyo sahay kale ee millateri kuwaasoo
isla shalayba ka degay Magaalada Gaalkacyo, Hubkaas oo loogu
tala galay in looga hor tago Ciidamada Maxaakiimta ee ku sii
dhawaanaya Magaalada Gaalkacyo.
Hubkan ayaa waxaa la sheegay inay bixisay xukuumadda Itoobiya,
balse warar kale ayaa sheegaya in hubkani uu yahay mid ay lahayd
Xukuumadda Federaalka oo ku xaysnaa Bakhaar ku yaala Magaalada
Baydhabo, sidoo kale gawaari sidda shixnad Hub ah ayaa ka soo
dhaqaaqday Magaalada Boosaasoo iyagoo ku soo wajahan magaalada
Gaalkacyo, waxaana hubkaa loogu tala galay in looga hor tago
faafitaanka maxkamadaha ee maamul goboleedka Puntland.
Dhinaca kale Gen.Cadde Muuse oo xirtay dharkii ciidamada ayaa
waxa uu ku dhawaaqay amar deg deg ah oo lagu soo rogay
Degmooyinka Maamul goboleedka iyadoo dadkana looga digay inay
sameeyaan dhaqaaq iyo waliba inay abaabulaan shirar siyaasadeed
iyadoo degaanada maamul goboleedkaas todobaadkii dhawaa laga
furay dhowr maxkamadood oo hoos tagaya midowga maxaakiimta
islaamiga/
W/D Amiin Yuusuf Khasaaro
E-Mail amiinkhasaaro@hotmail.com
Hay’adda
Danwadaag oo Waxqabadkeedi kusoo bandhigtay Magaalada Birmingham
Xaflad aad u ballaaran oo lagu
soo bandhigayay waxqabadka Hay’adda Danwadaag, ayaa maanta oo
Axad ah, taariikhduna tahay 12/1//06, ka dhacday hallka
shirarka ee xarunta ( Small Heath Youth & Community Centre ).
Xafladaas oo ay kasoo qeyb galeen dadweyne aad u fara baddan,
oo ka kala yimid xaafadaha ay ka kooban tahay magaalada
Birmingham.
Xafladaas waxaa ugu horeynti
Muxaadaro ka hadleysay Allah ka cabsiga iyo samafalkaba kasoo
jeediyay Shiikh Maxamed Aaden oo ka mid ah culimada Soomaaliyeed
ee ku nool magaalada Birmingham. Waxaa isaguna halkaas warbixin
isugu jirtay maqal iyo muuqaalba kasoo jeediyay Xoghayaha
hay’adda Cabdixakiim Jaamac Jooje, oo runti si qoto dheer uga
hadlay taariikhda iyo heerarki aysoo martay hay’adda. Waxa
isaguna kalimad isugu jirtay baraarujin iyo mahadnaqba kasoo
jeediyay gudoomiyaha hay’adda Cabdicasiis Yuusuf Jaamac.
Hay’addu waxey mahdnaqa
ballaaran usoo jeedinaysaa dadweynaha reer Birmingham, qaas
ahaan Haweenka reer Birmingham kaalinti lama ilaawaanka ah ay ka
qaateen qabsoomida kulankaas.
Ugu danbeysti waxaa halkaas
hay’adda l;oogu sameeyay dhaqaale ururin ( Fund Raising ) oo wax
loogu qabanayo Baahi xagga iskuulada ah oo ka jirta Soomaaliya.
By:- Maamulka Hay’adda
Leicester UK.
Laxiriir: saicentadv@yahoo.com