Wararkii Nov 10, 2006
- Maxakamadaha oo diidey
Baasaboorka Cusub...
- Muqdisho: Dood cilmiyeed oo ay
ka qayb qaateen Jaaliyadda Soomaalida Minnesota
- DFKMG oo 4 Passport kusoo Bandhgitay Nairobi
- Yusri Fooda: Soomaaliya Waan
Tagi Doonaa
- Ururka Suxufiyiinta Carabta Oo
Shir UGa Furmay Qaahira.
Maxakamadaha oo diidey Baasaboorka
Cusub...
- Buubaa: "Baasaboorkii hore ee
Soomaaliya uu sii jiri doono oo keliya muddo lix bilood ah"
- Muudey: "Baasaboorkii hore ayaa
la adeegsan doonaa ilaa dhidiba loo taagayo dowlada Soomaaliya
midaysa, taas oo xukunta dhammaan Soomaaliya."
Xog hayaha guud ee waaxda socdaalka
DFKMG ah, Cabdullahi Gaafow Maxamud oo saxaafada tusayey Baasaboorka
cusub oo ka kooban afar nooc |
Midowga Maxkamdaha ayaa diidey in ay
aqbalaan baasaboorka cusub ee ay DFKMG ku dhawaaqday. Baasaboorkan cusub
(Sida aad warbixintiisa hoos ku arki doontid lagu soo bandhigay Nairobi)
ayaa DFKMG sheegtay in aan loo macmali karin sida baasaboorkii hore ee
Soomaaliya.
Baasaboorkii hore ee Soomaaliya |
Wasiirka arrimaha dibada ee DFKMG,
Ismaaciil Maxamuud Hurre "Buubaa" oo baasaboorka cusub ka hadlaya waxa
uu sheegay in "ay (DFKMG) baasaboorkaas u sameeyeen iyagoo garwaaqsaday
in muwaadiniinta Soomaaliyeed ay u baahan yihiin baasaboor electronic ah
oo ay aqbalayaan beesha caalamku." Waxana uu intaas ku daray in "Baasaboorkii
hore ee Soomaaliya uu sii jiri doono oo keliya muddo lix bilood ah".
Buubaa waxa uu hadalka ku adkeeyey "baasaboorkaan lama macmali karo,
waana muhiim ah in Soomaalida oo dhammi baasaboorkaas soo dalbadaan".
Arrintaas waxaa si degdeg ah uga
jawaabeen Maxkamadaha Islaamiga ayagoo sheegay in aan baasaboorkaas laga
aqbali doonin garoomada iyo marsooyinka ay xukuman maxkamaduhu.
C/Raxiim Cali Muudey, afhayeenka
Maxkamadaha Islaamiga ah, oo arrintaas ka hadlayey waxa uu yiri "Baasaboorkan
cusub waxa uu sii adkayn doonaa socdaalka, waxana uu sii kordhinayaa
xiisadda iyo is-aaminaad la'aanta". Waxana uu intaas ku daray "Garoomadanada
iyo marsooyinka kale ma aqbali doonaan".
Muudey oo hadalkiisii sii wata waxa uu
yiri "Baasaboorkii hore ayaa la adeegsan doonaa ilaa dhidiba loo taagayo
dowlada Soomaaliya midaysa, taas oo xukunta dhammaan Soomaaliya." Waxana
uu hadalkiisa ku adkeeyey "Hal koox xaq uma leh in ay gaarto go'aankaan
muhiimka ah".
Muudey waxa uu adduunka kale ugu baaqay
in aysan aqbalin baasaboorkaas, waxana uu hadalkiisa ku xoojiyey in "Baasaboorkaas
looga gol leeyahay in lagu carqaladeeyo geedi-socodka nabadda Soomaaliya."
[Soo bandhigidii Baasaboorka cusub hoos ka akhri].
Muuse Maxamuud Jiisow
Somali39@hotmail.com
Muqdisho Somaliya
002521576666/002521653623
DFKMG oo 4 Passport kusoo Bandhgitay Nairobi
Dowladda FMG ayaa magaalada Nairobi ee caasimada
dalka kenya gaar ahaana xarunta safaarada Somalia ku soo bandhigtay 4
Passport oo Soomaali ah waxaana ka soo qayb galay munaasbadaasi
masuuliyiin ka tirsan dawlada Somalia oo uu ka mid yahay wasiirka
arrimaha dibedda Ismaaciil Max’uud Hurre (Buubaa), Raiisul ku-xigeenka
isla markaana ah wasiirka dastuurka iyo arrimaha federaalka C/llaahi
Sheekh Ismaaciil, sii haya safaarada somalia ee Nairobi Maxamed Cali
America, xog hayaha guud ee waaxda socdaalka DFKMG ah Abdullahi Gafow
Moxamud.
Waxaa ka soo qayb galay munaasabadaasi
masuuliyiin ka tirsan beesh caalamka iyo waliba safaarada dawladaha
caalamka ay ku lee yihiin dalka kenya gaar ahaana magaalada Nairobi
iyadoo masuuliyiintii dawlada Somalia ay ka codsadeen safiirada shirka
ka soo qeybgalay in dalalkooda ay aqoonsadaan Passportkan cusub oo ah
nooca (Electronic Passport ah ), iyadoo la sheegay safaaradii ay dhamaan aqbaleen
arintaaasi.
Xog hayaha guud ee waaxda socdaalka
DFKMG ah Cabdullahi Gaafow Maxamud ayaa beesha caalamka waxaa oo ugu
baaqay in dadka somaliyeed ay mudu 16 sano ah ay caalamka ka gonaayen oo
aysan wax passport la qoonsn yahay aysan haysanin.
Waxaana uu sheegay halkaasina soo
badhigay xog hayaha guud ee waaxda socdaalka DFKMG ah Cabdullahi Gafow
Maxamud 4 passport oo kala ah sidaan
1) Ordinary Passport
2) Travel document
3) Diplomatic passport
4) Service Passport
Passportkaan cusub ayaa waxaa dhawan
ansaxiyay baarlamaka Somalia ee magaalada Baydhabo oo iminka sida KMG ah
ugu sii shaqeeyo, waxaana uu Cabdullahi Gaafow Maxamud sheegay in ay filayaan in ay gabi ahaanba dalka somalia ay
gaarto baasaboorkaas cusub. (Sida kor ku xusana Maxkamaduhu ay ka hor
yimaadeen Baasaboorkaas]
Maxamed Cabdi Maxamed Bootaan
Somali Talk Nairobi Kenya
botaan1@hotmail.com
Dood cilmiyeed hal maalin ah oo ay ka
qeyb galeen 40 xubnood oo ka kala socday qeybaha kala duwan ee
bulshada ayaa lagu qabtey xarunta Resource Center ee inxa KM5 ee
magaalada Muqdisho
40kan xubnood oo ka qeyb qaatay dooddan
halka maalin ah ayaa waxa ay ka kala socdeen qaar ka mid ah gobollada
iyo degmooyinka sida Sh/dhexe, Sh/hoose, Bay & Gobolka Banaadir, waxaana
dooddan soo qabanqaabiyay xarunta Midnimada iyo xalka Soomaaliya ee
fadhigeedu yahay Gobolka Menisota ee dalka Mareykanka.
Xaruntan
oo ay madax ka yihiin dadka loo yaqaano jaaliyadda (Diaspora) ee
Soomaalida ah ee ku dhaqan dalka Mareykanka gaar ahaan gobolka Minnesota
ayaa qeybteeda Muqdisho oo uu madax ka yahay C/qaadir Max'ed Cabdulle oo
ah madaxa barnaamijyada qeybta Soomaaliya ayaa waxaa looga dooday qodobo
ay ka mid ahaayeen Xalinta khilaafaadka ka jira dalka somaliya iyo sida
nabada loo dhalin karo , iyo sida ay lagama maarmaan ay u tahay in
dhalinyarada somaliyeed ugu istaagi lahaayeen ka shaqaynta iyo meel uga
soo wada jeedsiga khilaafaadka 16ka sanno uu ku jiray dalka Soomaaliya.
Furitaanka doodaas ayaa waxaa ka hadlay
Madaxa barnaamijyada qeybta Soomaaliya C/qaadir Max'ed Cabdulle oo
sheegay sida ay lagama maarmaanka u tahay in dadka Soomaaliyeed ay ku
baraarugaan xallinta khilaafaadka hareeyay dalka Soomaaliya iyo sida
loogu baahan yahay in looga yool gaaro, wuxuuna ku nuux-nuuxsaday sida
looga shaqeyn karo nabadda oo laf dhabar u ah horumarka dal kasta.
Dooddan intii ay socotay ayaa xubnihii
ka qeyb galay waxay halkaasi isku weydaarsadeen su'aalooyin ku wajahnaa
qaabka iyo hannaanka loo mari karo waddada nabadda, kuwaasoo su'aalo
dhowr ah oo ay is weydiiyeen gabagabadii isku waafaqay in nabaddu ay
tahay shey lagama maarmaan ah loona baahan yahay in qof kasta hadduu
joogo gudaha iyo hadduu joogo dibaddaba uu u istaago nabadda.
Dooddan oo socotay muddo hal maalin ah
ayaa waxaa gabagabadii ka hadlay oo soo gabagabeeyay masuuliyiinta ay ka
mid ahaayeen xoghayaha Guud ee dhaqaaqa Bulshada Rayidka ahna madaxa
Hay'adda tubta Nabadda C/laahi Max'ed Shirwac iyo guddoomiyaha Hay'adda
INXA C/naasir Max'ed Yuusuf iyo Prof. Sheekh Cumar Eenow, waxayna ka
hadleen xaaladda haatan dalka Soomaaliya uu ku sugan yahay iyo sida
loogu baahan yahay in dadka ku dhaqan dibadda iyo kuwa ku nool gudahaba
ay ugu soo jeesan lahaayeen inay garab istaagaan xallinta khilaafaadka
iyo ka hortagga waxyaabaha dhalin kara khilaafaadka.
Xarunta Midnimada iyo xalka Soomaaliya
oo ay ku bahoobeen dadka Daisporada ah ee ku dhaqan dalka Mareykanka
gaar ahaan gobolka Mennisota ayaa ah dooddii ugu horreysay oo
masuuliyiin ka tirsan xaruntaasi ay ku qabtaan magaalada Muqdisho,
ujeedada laga leeyahayna ay tahay in dadka Soomaaliyeed lagu baraarujiyo
inay u dhaqaaqaan dhinaca nabadda ugana hortagaan wixii khilaaf dhalin
kara.
Muuse Maxamuud Jiisow
Somali39@hotmail.com
Muqdisho Somaliya
002521576666/002521653623
Beesha
Bah-Ararsame oo Maamul Islaami kaga dhawaaqday magaalada Laascaanood
Qormadii: c/qaadir gaabuush
Waxaa lagaga dhawaaqay magaalada laascaanood ee xarunta gobolka Sool
Maamul beeleed sida la sheegay ku salaysan shareecada islaamka ,
Maamulkaas oo ay samaysteen beel ka mid ah beel waynta beelaha
Dhulbahante ............
Beesha Bah-ararsame oo ka mid ah beelaha dhulbahante ayaa shalay (Nov 8)
kaga dhawaaqday magaalada laascaanood maamul islaami ah maamulkaas oo ay
sheegeen inuu diinta islaamka ku dhaqi doono qofka kasta oo beesha ka
mid ah ..
Maamul beeleedkan islaamiga ah ayaa dhisidiisu ka danbaysay sida ku cad
qoraalka gudiga maamul usamaynta beeshaasi , shirwaynihii ay beelaha
dhulbahante ku yeesheen 20 bishii juun 2006 Hotel Xamdi ee magaalada
Laascanaood , shirkaas oo ay goob joog ka ahaayeen dhamaan cuqaasha ;
Isimada beelaha dhulbahante , sidoo kale waxaa isna xafladii xidhitaanka
shirwaynahaas beelaha dhulbahante ee qaadashada ku dhaqan ka shareecada
islaamka goob joog ka ahaa Madaxwayne ku xigeenka Dowlad goboleedka
puntland xassan daahir Afqudhac .
Maamul beeleedkan islaamiga ayaa ilaa hada la shaacin siyaasad ahaan
cida uu taageero siyaasadaha kala duwan ee ka jira Somalia , waloow uu
sheegay Chief Caaqil C/kariin Axmed saleebaan oo shirgudoominayey
Madashii lagaga dhawaaqay maamulkan , in uusan ka baxsanayn maamulkoodu
dowlad goboleedka puntland ..
Maamul beeleedka Islaamiga ah ee beeshan ayaa dhaqan gali doona Sida uu
xaqiijiyey Prof: C/salaan tungun , 1 /January/2007, sidoo kale waxaa uu
Prof; noo xaqiijiyey in la diyaariyey Miisaaniyadii sandka soo socda
lagu howl gali lahaa ..
Tan iyo markii koonfurta Somalia ay ka dilaaceen maxaakiimta shareecada
islaamka ee Somalia waxaa ka jiray guud ahaan dalka Somalia
dhaqdhaqaaqyo badan oo ay somalidu ku doonayso in la isku xukumo xukunka
shareecada islaamiga ah , iyo in talada wadanka ay la wareegaan wadaada
somalidu , taas oo ay ka biyo diideen Maamulada puntland ,, Somaliland
iyo waliba Dowlada federaalka ee Somalia ..
C/qaadir Gaabuush, Laascaanod Somalia
Yusri
Fooda: Soomaaliya Waan Tagi Doonaa
Wariyaha caanka ah ee soosaara
barnaamijka Sir Culus(سرى للغايه) ee laga
daawado Telefishinka Al jazeera Yusri Fooda ayaa xalay ku marti
qaaday magaalada Dimishaq tiro Wariyayaal ah kulankan oo aan ka qayb
galay ayaa waxaa igu weliyay wariyaha soomaaliyeed Asad Cadaani
Ibraahim Yusri waxaa lagu waydiiyay su'aalo ku aadan tajribadiisii
dhanka warbaahinta gaar ahaan sida uu ku helo xaqiiqooyinka
xasaasiga ah kuwaas oo ay warfidiyeenka qaar ku tilmameen in aysan
gaari karin laamaha sirdoonka caalamka kuwa ugu taagta roon
Imaatinka
Fooda ee magaalada Dimishaq ayay dadka daawada barnaamij yadiisa
filayeen in laga mamnuucay waddanka Syria ka gadaal markii uu kal
hore ka gud bay xadka Syria si sharci darro ah isagoo u socda
waddanka Ciraaq si uu u diraariyo barnaamijkii laga daawaday bishii
9aad ee sanadkan TV ga Al Jazeera ,barnaamijaas
waxa u uga waramay sida ay u dagaalamayaan mujaahidiinta Ciraaq
isalamakaana ay uga gudbaan xuduudaha wadamada dariska la ah Ciraaq
iyadoo aanan marin laamaha socdaalka ee wadamasaas taasoo lo
yaqaan (Tahriib)
Kulankan oo socday 6dii maqribnimo ilaa 9:30 fiidnimo ayuu kaga
sheekeeyay halista diyaarinta barnaamijka ka soo wajahda iyo
khataraha soo food saara mar walaba o uu xaqiiqo goobayo( waxaan
sugayay 45 maal mood si aan ula kulmo Ramzi Bin Shaybah isku duba
ridihii qaraxyadii 11 sep lagu weeraray Maraykanka mudadaas ma
aanan ogayn halkan aan ku suganahay hasa ahataee waaan hubay in aan
joogo Pakistan iyo Afgahanistan midokood waxaan ku baraarugayn
aniga oo hor fadhiya Ramzi iyo Khalid kuwaasoo ii sheegay in aan la
joogi doono 48 saacadood ) Yusri waxa uu sheegay in Ramzi uga
sheekeeyay qaabkii loo diyaariyay weerarka iyo cin waanada dadbadan
oo ay asxaab ahaayeen dhalinyaadii weerarka qaadday si aan
macluumaad badan uga raad sado
Mar uu
ka hadlayay shabakadda al Jazeera ayuu yiri: waxaan ku haystaa
xoriyad aan kaga siidaayo barnaamijkayga iaydoo aanay cidina
faafreeb ku samayn waxaana uusii raaciyay waxaan ka soo shaqeeyay
British Broadcasting Corporation, The Gardiun iyo sharikaad badan
oo war baahineed hasa ahaatee
xoriyadda aan ku haysto Al jazeera kuma aanan helin dhamaan
meelahaas aan ka shaqeeyay
Wariye
Yusri waxa uu ii sheegay in amuuraha dahsoon ee Geeska Afrika uu ka
samayn doono banaamij isla markaana uu hayo waraaqo ay madaxda
kooxaha dagaalka Soomaaliya ay u direen wakaalado sirdoon kuwaas
oo lagu curyaamiyay qayba badan oo ka mid ah shacabka Soomaaliya
waxaana uu intaa ku daray in uu wali wado raadin waxyaaba badan oo
dahsoon
Yusri fooda soosaaraha barnaamijka sir culus oo u dhashay waddanka
Masar waxa uu noqday wariyaha ugu caansan Dhulka Carabta dhanka
xaqiiqa raadinta kaas oo ay shabakadda Aljazeeran ee fadhigeedu
yahay magaalada Dooxa ee dalka Qadar ku heshay sumcad wanaagsan
iyadoo xiliga uu soogalayo barnaamijka Sir Culus ay inta badan Dadka
af carabiga ku hadla ay horfadhiyaan Telefishinka si ay u daawadaan
xogta cusub ee uu keenay Yusri Fooda.
Ururka
Suxufiyiinta Carabta Oo Shir UGa Furmay Qaahira.
Ururka
Saxafiyiinta Carabta ayaa shir uga furmay magaalada Qaahira ee dalka
Masar maalinimadii shalay iyadoo uushir guddoominayo Mudane Dr
Ibraahiim Naafic guddoomiyaha Ururka,
Waxaa halkaas yimid
xoghayayaasha 19 Urur ooka dhisan waddanka Carabta shirkan ayaa
lagu eegayaa tan iyo maalinta bari ah amuuraha ka taagan dhulka
Carabta iyo dhibaatooyinka lagu hayo war fidiyeenka Carabta iyadoo
si gaar ah loo eegayo dhibaatoyinka soogaara wariyayaasha ka hawl
gala Ciraaq, Soomaaliya, Suudaan Falastiin Iyo lubnaan sidookale
waxa uu maktabku ka hadlidoonaa diyaarinta kibaas sanadeedka
hanaanka saxaafadda Carbeed sidookale sidii loo hor marin lahaa
xariirada caalamiga ah ee uu Ururku la leeyahay Ururka Caalamiga ah
ee warfidiyeenka Adduunka iyo mac'hadka caalamiga ah ee nabad
galyada saxafiyiinta
Aadan sh xassan
Damascus Syria
Daabaco
Boggan | Print
SOOMAALIDA
DIBADDA IYO ISBEDELADA CUSUB!:: Qormadii Sh. Xasan
Jaamici... 
Hay’adda
DBG oo soo Bandhigtay Khatarta 15 Haamood oo ku soo Caariyey Xeebaha
Soomaaliya...