Wararkii Nov 5, 2006
- Dalka Shiinaha oo laba
jibaaraya dhaqaalhii uu siin jirey Qaarada Afrika
- Abshir Bacadle oo wata
qorigiisa iyo Booshkiisa oo gaarey safka hore..
- Dowladaha Kenya, Uganda iyo
Ethiopia oo kulan deg deg ah ku yeelanaya..
- Dowladda Mareykanka oo hub soo
gaarsiisay Dowlada Kenya..
- Iska hor imaad ka dhacay
Magaalada Baydhabo
- Cadde Muuse oo amar deg deg ah
ku soo rogey Galkacyo..
- Saadaam Xuseen maanta ma ka
badbaadi doonaa Xukun dil
- Cismaan cilmi boqore: waa
sharci darro imaatinka gudoomiyaha baaralamaanku uu ku tegeyo
muqdisho.
- Wafdigii golaha maxaakiimta ee
jiray khartoum oo kusoo laabtay muqdisho
- Markab lagu afduubtay magaalada
muqdisho meel u jirta 90km ee dhanka xeebta cadale
- GUDDOOMIYAHA BAAR-LAMAANKA OO
U...
- XUSEEN CAYDIID OO ARIMO
XAASAASI AH....
![he Beijing Summit of the Forum on China-Africa Cooperation (FOCAC) opens at the Great Hall of the People in Beijing, capital of China, on Nov. 4, 2006.](beijing3.jpg)
![](beijing06.jpg)
Ka bilow kor bidix: Madaxweynaha Soomaaliya Abdullahi
Yusuf Ahmed; Madaxweynaha Madagascar, Marc Ravalomanana iyo
madaxweynaha Kenya, Mwai Kibaki.
Hoos bidix: Ra'iisul wasaaraha Ethiopia Meles Zenawi,
madaxweynaha Chinese President Hu Jintao. Sawirka: AP, Nov 4,
2006, Beijing, China |
Dalka Shiinaha oo laba jibaaraya
dhaqaalhii uu siin jirey Qaarada Afrika
Muuse maxamuud Jisow
Somali39@hotmail.com
Muqdisho somalia
002521576666/002521653623
- DOWLADDA SHIINAHA OO SHEEGTAY
INAY....
Dalka Shiinaha ayaa sheegay in uu laba
Jibaarayo Deeqihii uu siin Jiray dalalka ku yaala Qaarada Afrika iyadoo
deeqdaasi kor loogu qaadayo ilaa shan Bilyan oo Doolarka Mareykanka ah,
iyadoo Sadexda sano ee soo socotana la siin doono lacagtaas oo si deyn
ah loo siin doono.
Hadalkan ayaa waxaa uu ka jeediyey Madaxweynaha Shiinaha Huo Jintao
isaga oo furey shir shiinaha oga furmay 50 dawladood oo Afrikaan ah iyo
dalka Shiinaha, shirkan oo logu magac daray FOCAC (Forum on
China-Africa Cooperation).
Shirkan ayaa waxaa diirada lagu saarayaa arimaha Ganacsiga ee u dhaxeeya
dalka Shiinaha iyo Africa, iyadoo walaac laga muujiyey isu imaanshaha
Tirada intaas le'eg ee dalalka Africa iyo dalka shiinaha oo lagu
micneeyey in uu yahay mid uu shiinaha ka leeyahay dano shisheeye oo ay
ugu horeyso kuwo siyaasadeed.
Dalalka Qaarada Afrika ayaa soo dhaweeyey Xirrirka Cusub ee ay la
yeesheen wadanka Shiinaha oo khuseeya dhinaca Ganacsiga .
Xukuumada Beijing ayaa iyadu dhinaceeda waxaa ay sheegtay in kulankaan
uu yahay mid Ganacsi, hase yeeshee uusan ahayn mid Siyaasad lagu lafa
gurayo.
![](chinasom.jpg)
Safka dambe: Bidix: Madaxweynaha DFKMG
Safka hore: Bidix: Ra'iisul wasaaraha Itoobiya
Abshir
Bacadle oo wata qorigiisa iyo Booshkiisa oo gaarey safka hore..
W/D Amiin Yuusuf Khasaaro
E-Mail :
amiinkhasaaro@hotmail.com
RAMADAN
INTERNET CENTER BOOSAASO.
Bishaaro Bishaaro
Bishaaro.
Waxaa uu Maamulka Ramadan
Internet Cafe Bososo ugu Bishaareynayaa Macaamiishiisa sharafta
qiima iyo qaayaha mudan in Ramadan Internet uu kuula diyaar
yahay Internet (High Speed) ah oo aad u Quality sareeya oo ku
qancin doona iyo waliba meel qabow oo aan sawaxan lahayn oo aad
ku isticmaalayso Internet High Speed ah.
Ramadan Internet Center waxa uu
ku yaalaa Deegaanada Dowlad Goboleedka Puntland gaar ahaan
Magaalada Takada leh Ee Boosaaso oo ah Xurunta Gobolka Bari,
hadii aan kuu sii tilmaamo waxa uu ku yaal wadada soo aada suuqa
weyn ee laamiga ka timaada hormartana Shirkada Isgaarsiinta ee
Netco waxa uuna ku dhagan yahay Xawaalada Amal Express Boosaaso.
Wixii Faah Faahin ah oo Intaas dheer Fadlan kala xiriir Maamulka
Ramadan Internet Center Boosaaso Taleefoonadooda oo kala ah
Sidan.
Tel 002525 794002,2525 727441,2525 824140.
E- Mail
Ramadaninternet@hotmail.com
Bososo Puntland Somalia. |
Abwaan Abshir Nuur Faarax ayaa dib ugu
soo laabtay Magaalada Muqdisho markii uu gaaay wajiga hore ee halka ay
isku hor fadhiyaan Maxaakiimta iyo Ciidamada Itoobiya, isagoo ka hadla
safarkiisana waxa uu yiri “hadafkeygu dagaal ma aheyn, ee wuxuu ahaa
sidii aan niyadda ugu soo dhisi lahaa ciidamada ku sugan safka hore”,
waxa uuna intaa sii raaciyey, “Ciidamada ku sugan safka hore waxay
ahaayeen kuwo u fadhiya rac rac, qola kastana guubaabo ayaan siinayey,
wax i farax geliya mooyee wax kale ma arag, niyadoodu aad bay u sareysay,
waxaana ciidamadaasi ku jira safka hore maalin walba booqda dad aad u
fara badan waxaa is dib dhaafaya Gawaari kuwaas oo sida alaabo lagu
dhiiragelinayo ciidamada”.
Abshir Bacadle oo hadalkiisa sii
wata waxa uu yiri “Dhallinyarada ku jirta safka hore waxa uu afkoodu u
badnaa Shariifku maa mar un na fasaxo si qaarkeen Janada uga quraacano
inta kalana ay Baydhabo gacanta ugu dhigto”, waxa uu intaa ku daray
“Dhallinyarada safka hore ku jirta nin xiiso u qaba Xamar ma jiro ee
waxay u ekaayeen niman dalkooda iyo dadkooda la haysto oo doonaya inay
ka xoreeyaan”.
Abshir Bacadle wuxuu sidoo kale sheegay in dhallinyaradaasi ku
sheekeysana-yeen guulihii Islaamku gaaray gaar ahaan dagaalkii Beder,
iyo Tobankii Asxaabi ee janada loogu bishaareeyey, sidoo kale, Abshir
Bacadle waxa uu sheegay inuu uga sheekeeyey dhallinyaradaasi halgankii
Axmed Gurey, Sayid Max’ed Cabdule Xasan, Sheekh Bashiir iyo
Aasaasayaashii SYL.
Dowladaha Kenya, Uganda iyo Ethiopia oo kulan deg
deg ah ku yeelanaya..
Waxaa la filayaa in todobaadkaan gudihiisa magaalada Adis-Ababa kulan
deg deg ah isugu imaan doonaan wadamada Kenya, Itoobiya iyo Yugaandha,
waxaana kulankaasi looga hadli doonaan sidii saddexda wadan ciidamo deg
deg ah ugu diri lahaayeen Dowladda Federaalka bartamaha bishan.
Dowladahan ayaa iyagu horey u
ballanqaaday inay Dowladda Federaalka u soo diri doonaan ciidamo nabad
ilaalin ah ayaa haddana waxaa si weyn arrintaasi uga soo horjeeda
Maxaakiimta Islaamiga ah oo sheegay inay goob kasta kula dagaalami
doonaan. Barnaamujka keenista ciidamada Shisheeye waxaa wata Dowladda
Itoobiya oo iyadu horey ciidamo u keentay Magaalada Baydhabo oo xarun u
ah Dowladda Federaalka, iyadoo Ra’isul Wasaaraha Dalka Itoobiya uu horey
u sheegay in dowladda Itoobiya ay ka go’an tahay inay difaacdo Dowladda
Federaalka, kulankaan ayaa Dowladahani waxay ku kala qaybsan doonaan
goobaha ciidamadooda la geyn doono ee gobalada Dalka Soomaaliya, iyadoo
Dowladda Itoobiya loo xilsaaray inay Ciidamadeeda ay degaan gobalka Bay,
Gobalada Dhexe iyo deegaano ka tirsan Maamul Gobaleedka Puntland.
Sidoo kale ciidamada Kenya iyo
Yugaandha ayaa iyana ku soo wajahan gobalada Jubbooyinka, waxa uuna
haatan dhaqdhaqaaq xoogan ka socdaa deegaano ka tirsan W/bari Kenya ee
ay Soomaalidu degto, waxaana maalmahan lagu soo gurayey deegaanadaasi
ciidamo keenyaan ah iyo kuwo Yugaandheys ah waxaana la sheegay in
taakuleyn ugu xoogan ay ka helayaan Dowladda Mareykanka, iyadoo ciidamo
aan sidaasi u badneyn oo Mareykan ah ay haatan ku sugan yihiin deegaano
ka tirsan W/Bari Kenya. Warku waxa uu intaa ku darayaa in dadweynaha ku
nool gobaladaasi ay aad uga soo horjeedaan in Soomaaliya looga duulo
deegaanadooda.
Dowladda Mareykanka oo hub soo
gaarsiisay Dowlada Kenya..
Warar ka imanaya Kenya ayaa waxay sheegayaan in Dowladda Mareykanka ay
hub soo gaarsiisay Ciidamada wadanka Kenya, hubkaas oo xoogiisa laga
dejiyay gobalada W/Bari ee Dalka Kenya. Dowladda Mareykanka ilaa iyo
haatan lama oga sababaha ay hubkaasi u gaysay Kenya, balse warar ayaa
waxay sheegayaan in dowladda Mareykanka ay ugu talagashay sidii loola
dagaalami lahaa waxa loogu yeeray kooxaha Argagixisada ah ee ku sugan
Dalka Soomaaliya.
Sidoo kale Dowladda Mareykanka ayaa waxa ay soo gaarsiisay Dowladda
Kenya doomaha dheereeyaa si loola dagaalamo kooxaha Burcadda ah iyo
kooxaha kale ee argagixisada ah ee ku sugan Dalka Soomaaliya.
Dowladda Kenya horey ayey u beenisay in ay duulaan ku tahay dalka
Soomaaliyeed, waxayna sheegtay inay ka shaqeyneyso sidii ay Soomaaliya
mar kale cagaheeda isugu taagi lahayd, hase yeehsee waxaa arrintaani wax
kama jiraan ku tilmaamay Maxaakiimta Islaamiga ah oo sheegay in Dowladda
Kenya ay noqotay dowlad u adeegeysa caddowga Soomaali-yeed ee Itoobiya.
Iska hor imaad ka dhacay Magaalada
Baydhabo
Shalay maqribnimadii ayaa gaari Tikniko ah oo ay leedahay Dowladda
Federaalka oo marayey duleedka Magaalada Baydhabo ayaa waxaa soo
weeraray kooxo hubeysan waxayna rasaas la beegsadeen Gaarigii Tiknikada
ahaa, waxaana iska hor imaadkaas ku dhintay saddex qofood oo labada
dhinac ah. Kooxdii falka gaysatay ayaa baxsaday, iyadoo nin u hadlay
Ciidanka Booliiska ee Dowladda Federaalka uu sheegay inay ku raad
joogaan raggii ka dambeeyay falkaasi, waxaana xalay magaalada ka jiray
cabis xoogan iyadoo ciidamada Dowladda iyo kuwa Itoobiyaanka ay
bilaabeen feejignaan xoog leh.
Cadde Muuse oo amar deg deg ah ku
soo rogey Magaaladda..
Madaxweynaha Maamul Gobaleedka Puntland Gen. Cadde Muuse ayaa amar deg
deg ah ku soo rogay Magaalada Gaalkacyo ee Gobalka Mudug, kaddib markii
halkaasi looga dhawaaqay maxkamad Islaami ah oo ay yeelatay beel ka mid
ah Beelaha dega gobalada Puntland.
Cadde Muuse oo shalay kulan la yeeshay Odoyaasha iyo Waxgaradka gobalka
Mudug, ayaa waxa uu sheegay inaysan marnaba ogolaan doonin in
deegaanadooda lagu soo duulo iyadoo la huwan yahay magac Diimeed, isagoo
sheegay in wixii maanta ka dambeeya gobalka Mudug lagu soo rogay amar
deg deg ah kaas oo soconaya saddexda habeenimo ilaa labo iyo tobalka
subaxnimo.
Mar uu ka hadlayey is haysadka u dhexeeya Dowladda Federaalka iyo
Maxaakiimta ayaa waxa uu sheegay in C/llaahi Yuusuf lagu colaadinayo
beesha uu ka soo jeedo, isagoo sheegay in Dowladda Federaalka ay iska
difaaci doonto kooxahaasi.
Saadaam Xuseen maanta ma ka
badbaadi doonaa Xukun dil
Sarkaal u hadlay Dowladda Mareykanka ayaa waxa uu sheegay in maanta la
xukumi doono Saadaam Xuseen, isagoo sheegay in lagu xukumi doono dil
kaddib markii lagu eedeeyey in uu dilay 140 qofood oo la sheegay in uu
ku dilay deegaanka Dujeyl.
Waxaa heegan buuxa la geliyey ciidamada wadanka Ciraaq iyo kuwa
Mareykanka, iyado jidadka la soo dhoobay ciidamo aad u xoogan, hase
yeeshee waxaa socda qaraxyada iyo weerarada lagu hayo ciidamadaasi oo ay
wadaan kooxaha ka soo horjeeda duulaankii lagu soo qaaday wadanka Ciraaq.
Waxaa la yaab leh in Saadaam lagu haysto 140 qofood, hase yeeshee
Mareykanka imisa ayuu ku dilay dalka Ciraaq, waxaa la sheegay in ay kor
u dhaafeyso kumanaan kun oo qofood, kuwaas oo ay ku jiraan qoysas la
waayey kaddib markii ay ku habsadeen madaafiicdii ay ciidamada
Mareykanku ridayeen.
Dib u raac wixii ka dhacay Faluuja, Bacquuba, Ramaadi, waxaa la sheegay
in halkaasi ay ka dhaceen xasuuqyadii ugu ba’naa dunida.
Mar la wareystay Saadaam Xuseen waxa uu sheegay in uusan halganku
istaagi doonin xitaa haddii la dilo, waxa uuna u soo jeediyay dadka reer
Ciraaq in ay dagaalamaan inta ay dalkooda ka xoreynayaan caddowga ku soo
duulay.
Saadaax Xuseen ayaa waxaa lala xukumi doonaan todobo qofood oo ay
dhamaantood yihiin dad si aad ah isugu dhow, waxaa ku jira nin ay isku
Hooyo yihiin, sidoo kale waxaa ku jira rag ay ilmo habreed yihiin.
Dadweynaha Ciraaq ayaa dhegta u taagaya xukunka maanta lagu ridayo
Saadaax Xuseen, waxayna dadkii qaarkii sheegeen in uusan kuleyl iyo
qabow midna ku hayn dilkiisa.
W/D Amiin Yuusuf Khasaaro
E-Mail :
amiinkhasaaro@hotmail.com
Cismaan cilmi boqore: waa sharci darro
imaatinka gudoomiyaha baaralamaanku uu ku tegeyo muqdisho.
yaasiin maxamed cali (faytin)
yaasiin2006@hotmail.com
002521-580916
Gudoomiyekuxigeenka Golaha Baarlamaanka
Soomaaliya Md Cusmaan Cilmi Boqore ayaa Sharcidaro ku tilmaamay
socdaalka uu Gudoomiyaha Baarlamaanka shariif Xasan Barito ku imaan
doono Magaalada Muqdisho isagoo cadeeyey inaanu kawar qabin Go'aankaasi,
Baarlamaankuna uu ka shiri doono, Go’aankoodana ay soo saari doonaan,
waana dhamaatay wakhtigii Fowdada.
Mr Boqore oo Saxaafada uwaramay ayaa
muujiyey sida uu uga walaacsan yahay go'aan qaadashada shaqsiga ah ee uu
ku dhawaaqay Shariifka isagoo soo Qaatay qodobo ku jira axdiga KMG ah oo
aan aqbaleynin in Shaqsi baarlamaanka katirsan aanu Go'aan kaligiis
qaadan karin taasoo uu sheegay iney isla arki doonaan Xildhibaanada,
sidoo kale madaxa warfaafinta Maxkamadaha C/raxiim Cali Muudey ayaa isna
Xamar ka sheegay iney gogol udhigeen Xukuumada Federaalka, cidii
dhinacooda u soo fakatana ay soo dhawaynayaan.
''anigu warbaahinada ayaan kamaqlay
macaadalaahiye warka Gudoomiyaha uu ku sheegayo inuu Muqdisho tegi doono
Maalinta Axada ah taasina waxa uu sharcigu kaqabo maaha waanuna wada
arki doonaa Mudanayaasha ayaana kawada shiri doona''ayuu yidhi Cusmaan
cilmi boqore oo hada ah Kusimaha Gudoomiyaha Baarlamaanka oo intaasi
raaciyey marar badan ayuusan Shariifku nala tashanin waxuuna u muuqdaa
mid keligiis tashada balse u jooinmayno ayuu isagoo ka xun carabka ku
adkeeyey.
Si kastaba ha ahaatee Gudoomiyaha
Baarlamaanka Shariif Xasan Sheekh Aadan ayaa si kadis ah Magaalada
nairobi kaga dhawaaqay inuu qorsheynayo socdaal uu ku aado magaalada
Muqdisho si uu ula hadlo Madaxda maxaakiimta isagoo sheegay inay dfkmg
ahi tahay mid dib u heshiisiineed oo aysan qasab ku ahayn in cidi ogaato.
Markab lagu afduubtay magaalada
muqdisho meel u jirta 90km ee dhanka xeebta cadale
Koox budhcad badeed ah oo toddobaadkan gudahiisa ku afduubatay markab
xamuul xeebta degmada cadale oo muqdisho u jirta inka yar 95km ayaa
waxay dalbadeen lacag madax furasho oo gaadheysa hal milyan oo doolar si
ay u sii daayaan markabka iyo 14 shaqaale oo saaran, waa sida uu maanta
sheegay sarkaal xagga badaha ah oo u dhashay waddanka Kenya.
Andrew Mwangura oo xubin ka ah barnaamijka kaalmeynta badmaaxayaasha oo
ku sugan magaaladda Mombasa ee dalka Kiinya ayaa sheegay in uu socdo
wadaxaajood la doonayo in lagu sii daayo markabka ay kooxdan budhcad
badeeda ay heystaan oo la yiraahdo MV Veesham1 oo ah markab xamuul oo ka
diiwaan gashan dalka Imaaraadka Carabta waxayna koox budhcad badeed ah
ay markabkani afduubteen maalintii Khamiista ee toddobaadka aynu soo
dhaafnay meel xaga xeebta kaga beegan degmada cadale ee gobolka sh/dhexe.
"Dableyda Soomaalida waxay dalbadeen hal milyan oo doolar oo ay ku
deynayaan MV Veesham 1 iyo shaqaalaha saaran," ayuu yidhi Andrew
Mwangura isaga oo intaasi sii raaciyay in shaqaalaha markabka saaran in
ay isugu jiraan afar u dhalatay dalka Hindiya, afar u dhalatay dalka Sri
Lanka, labo Pakistaani ah, labo Itoobiyaan ah iyo mid u dhashay dalka
Eretria.
Andrew Mwangura waxuu intaasi uu sii raaciyay in wada xaajoodka socda uu
u dhaxeeyo budhcad badeeda markabka heysata iyo ganacsadaha uu u
kireysnaa markabka.
MV Veesham oo culeyskiisa uu dhan yahay 2,285-tonne ayaa u kireysnaa in
uu dhuxul ka qaado Soomaaliya oo uu geeyo magaaladda Dubai waxaana lagu
afduubtay meel ku aadan xeebta magaaladda Cadale oo sagaashan iyo shan
kilo mitir waqooyi bari kaga aadan magaaladda Muqdishu waxuuna
afduubkiisa uu dhacay ka dib markii uu ka tegay dekeda xeebta ah ee Ceel
Macaan.
Si kastaba ha ahaatee afduubka markabkaan ayaa kusoo beegmaya xili ay
golaha maxaakiimta islaamiga ahi ay gacanta ku hayaan xeebaha ku
dhereran magaalada muqdisho ilaa dhanka sh/dhexe iyo magaalada kismaanyo
,sidoo kale Afduubka markabkan ayaa dhaliyay cabsi ah in biyaha
Soomaaliya ay mar kale ku soo korodhay .
Wafdigii golaha maxaakiimta ee
jiray khartoum oo kusoo laabtay muqdisho
Wafdigii golaha maxaakiimta uga qayb gelay shirkii khartoum ee burburay
ayaa galabta kusoo laabtay magaalada muqdisho ,waxaana halkaas kusoo
dhoweeyey masuuliyiinta golaha maxaakiimta iyo shacabka magaalada
muqdisho ku nool qaar ka tirsan
Wafdigan ayaa ka koobnaa 16 xubnood oo uu horkacayo madaxa waaxda
arimaha dibadda ee golaha maxkamadaha islaamka Prof. Ibraahim Xasan
Caddoow oo soo gaadhay magaalada Muqdisho ayaa ka war bixiyay safarkii
ay ku tageen magaalada Khartoum oo uu sheegay in uu fashilmay qabsoomida
wareega 3aad ee wada hadalada dowladda FKMG iyo golaha maxkamadaha
islaamka .
Sidoo kale Waxa uu sheegay in xalka Somalia uu ku jiro mugdi loona
aanaynayo dalalka Ethiopia iyo Kenya oo aanu uga digayno inay faraha
kala baxaan arimaha Somalia, isagoo ku eedeeyay dowladda Somalia in ay
diiday xitaa 15 maalmood oo dib loo dhigay kulanka.
" Waa naga go'an tahay inaanu sii wadno wada xaajoodka si xal looga
gaadho arimaha Somalia, laakiin waa in IGAD laga saaraa meesha" ayuu
yidhi Prof. Ibraahim caddow oo sheegay in IGAD ay iska wataan dowlado
gaar ah oo Ethiopia ay ku jirto.
Sidoo kale Prof. Ibraahim Caddow ayaa soo hadal qaaday digniinihii ka
soo yeedhay Mareykanka oo uu ku wargalinayay muwaadiniintiisa in ay ka
feejignaadaan weeraro argagixiso oo ka yimaada dhanka Somalia, iyadoo
Prof,.Caddow uu arinkaasi ku tilmaamay waxba kama jiraan.
" gobolka waxaa falal argagixiso ka wada Males Zenawi" ayuu si cadho
xoogani ka muuqato u yidhi mr.Caddow oo la hadalayey saxaafada .
Si kastaba ha ahaatee Imaatinka wafuudaan ayaa ku soo beegmay xilli
Maxkamadaha islaamka ay ku baaqeen gogol nabadeed oo lagu qabanayo
magaalada muqdisho taasoo ay u gacan haatinayaan cid kasta oo kusoo
raacda qaab siyaasadeed ,sidoo kalena uu gudoomiyaha baarlamaanku kusoo
jeedo maalinta berito ah magaalada muqdisho .
Barre Hiraale oo Fashilay Qorshe
maxkamad cusub oo laga furi lahaa baardheere .
Wasiirka gaashaandhiga dfkmg ah barre
hiiraale ayaa fashilyey Qorshe ay Maxkamadaha Islaamiga ahi ka wadeen
Gobolka Gedo gaar ahaan magaalada baardheere kadib markii Maleeshiyo
daacad u ah Barre Hiraale ay is hor istaageen Maxkamad Islaamiga ah oo
laga furi lahaa Magaalada Baardheere.
3 nin oo xidhiidh la leh maxakamadaha
islaamiga magaalada muqdisho oo wadadaado ah ayaa la dhaawacay kuwa
kalena waa la soo qabqabtay kadib markii ay isku dayeen in Magaalada
Baardheere ka furan maxkamad Islaami ah oo hoos tagta Golaha Maxkiimta
Islaamka ee muqdisho .
Maleeshiyada Barre Hiraale oo ku xoog
badan Gobolka Gedo ayaa diiday in wax dhaqdhaqaaq ka fuliyaan Gobolkaas
Maxkamadaha Islaamiga, waxaana hoos loo dhigay dhaqdhaqaaqa kooxaha
Wadaadada ah ee ku xidhan Maxkamadaha Islaamiga.
Dadka dhaawaca uu soo gaadhay ayaa
waxaa ka mid ahaa wakiilka shirkadda Hormuud Aadan jaamac (Aadan
Jeegeeye.), iyadoo dadkii dhaawacmay la dhigay isbitalka magaalada
baardheere oo xilligaan aanu wax adeegyo caafimaad ah ka jirin
Si kastaba ha ahaatee barre hiiraale oo
ay golaha maxaakiimta islaamiga ahi kaga xoog roonaadeen gobolada
jubooyinka ayaa dhaqdhaqaaqyo uu ku xakamaynayo siyaasada wadaadada ku
xidhan maxaakiimta ka bilaabay gobolada gedo .
yaasiin maxamed cali (faytin)
yaasiin2006@hotmail.com
002521-580916
GUDDOOMIYAHA
BAAR-LAMAANKA OO U...
Muuse maxamuud Jisow
Somali39@hotmail.com
Muqdisho somalia
002521576666/002521653623
Iyadoo maalmihii ugu dambeeyay ay soo baxayeen warar kala duwan oo ku
saab-sanaa imaanshaha magaalada Muqdisho guddoomiyaha baar-lamaanka
Shariif Xasan Sheekh Aadan ayaa haatan waxaa maanta si weyn magaalada
Muqdisho loogu soo dhowey-nayaa guddoomiyaha baarlam-aanka Shariif Xasan
oo isagu maalmahan ku sugnaa magaa-lada Nairobi ee dalka Kenya.
Shariif Xasan Sheekh Aadan oo Maanta hotelka Grand Regency oo uu ka
degganaa magaalada Nairobi qado sharaf ugu sameeyay xubno xildhibaano ah
oo gaaraya oo 40 xubnood ayaa daboolka ka qaaday inuu haatan u istaagay
sidii uu wax uga qaban lahaa dhex-dhexaadinta dowladda Federalka
Soomaa-liya iyo Maxkamadaha Islaamiga oo kulan dhowaan ay ku yee-sheen
magaalada Khartoum ee dalka Suudaan uu fashil ku dhamaaday.
"Dowladdu waa dowlad dib u heshiisiineed, waxaana u istaagay inaan wax
ka qabto intii tabarteyda ah xaaladda cakiran ee dalka Soomaaliya si aan
dhiig dambe ugu qaadan, haddii aan ku guuleysan waayana ceeb ma ahan
waana isaga harayaa" ayuu yiri Gudoomiyaha baarlamaanka Shariif Xasan
Sheekh Aadan, wuxuuna intaasi raaciyay "Wax alla wixii aan awoodi karo
inaan qabto ayaa waajib igu ah, waayo ayuu yiri "Baydhabo inaan joogno
oo ciidamo ajnabi ah nagu ilaali-yaan wax micno ah ma samey-neyso,
dowladduna inaysan dhinac u dhaqaaqin oo ay Baydhabo ku lugaduubnaato
xal Soomaaliyeed kuma jiro" ayuu sii raaciyay hadalkiisa Shariif Xasan
Sheekh Aadan.
Shariifku waxa uu yiri "Ciddii iga aqbasho iyo ciddii aan iga aqbalinba
waxaan diyaar u ahay anigoo ka duulaya in dowladdu ay tahay dowlad dib u
heshiis-iineed inaan wax ka qabto arrimaha dib u heshiisiinta, waana
taas waajibaadka na saaran ayuu yiri Shariif Xasan Sheekh Aadan oo
maanta si weyn loogu soo dhoweynayo magaalada Muqdisho.
Soo dhoweynta Shariifka ayaa Maanta waxaa loo saaray guddi xildhibaano
ah oo ka kooban 15 xubnood kulan ay ku yeesheen dhowr xildhibaan oo ku
sugan Muqdisho hotelka Ambasador iyo magaalada Muqdisho.
Kulankaan ayaa mudanayaasha Baarlamanka Somalia waxa ay ka soo saareen 4
xildhibaan oo kala ah Xildhibaan Xasan Dhimbil warsame, Cali C/laahi
Cosoble, Cabdi Xaashi C/laahi iyo waliba Cabdi wali Sheekh Muuddeey.
Xildhibaan Shariif Saalax oo shir Guddoominayay kulankii Maanta ayaa
waxa uu saxaafadda u sheegay in xubnahooda ku sugan magaalada Muqdisho
ay gaarayaan ilaa 45 mudane, iyagoo xusay in wax weyn ay ka badali
doonaan ismariwaaga ka dhex aloolsan dowladda iyo Maxkamadaha haddii
Gudoom-iyaha baarlamaanka uu soo gaaro magaalada Muqdisho.
Arrintan ayaa sidoo kale waxaa gaashaanka ku dhuftay xildh-ibaanada kala
ah: guddoomiye ku xigeenka baarlamaanka Cismaan Cilmi Boqorre iyo
xildhibaano kale oo sheegay in howsha Shariifku uu ka wado magaalada
Muqdisho ay tahay mid isaga u gaar ah.
XUSEEN CAYDIID OO ARIMO XAASAASI AH....
Dowladda Federalka somalia ayaa sheegtay inay hayaan cadeymo muujinaya
inay Kooxo dagaal yahano Carab iyo Shis-heeye ah oo ay ka mid yihiin
xubno ka tirsan Muslimiinta Maraykanka ay taageerayaan Maxaakiimta, isla
markaana ay qeyb ka yihiin Deggenaansho la'aanta ka jirta dalka Somalia
Ku xigeenka Ra'isul wasaaraha dowladda Federalka, ahna Wasiirka Arrimaha
Gudaha, Eng. Xuseen Max'ed Caydiid, ayaa sheegay inay Dowladdiisu hayso
Macluumaad iyo cadeymo muujinaya inay Kooxo Dagaalyahanno Carab ah iyo
kuwo Ajnabi ah oo ay ka mid yihiin qaar ka tirsan Muslimiinta dalka
Maraykanka inay la safan yihiin dhinaca Maxaakiimta, waa sida uu hadalka
u yiri.
Eng. Xuseen Caydiid waxaa uu hadalkaasi ku sheegay Wareysi Khaas ah oo
Maanta lagu soo daabacay Wargeyska Asharqal Awsad ee ka soo baxa
Magaa-lada London, wuxuuna tilmaa-may in Joogitaanka dagaal yahanadaasi
Ajnabiga ah ay u sabab tahay Mushaakilka amaan xumidda ee ka jira dalka
Somalia iyo dalalka ku hareeraysan Geeska Afrika.
Mar wax laga weydiiyey inuu faah faahiyo Kooxaha dagaal yahannadda
shisheeyaha dalalka ay u kala dhasheen, waxa uu sheegay inay ka kala
yimaadeen dhowr Dal oo Carab iyo Islaam ah, oo ay ka mid yihjiin Masar,
Sacuudiga, Yeman, Pakistan, Afganistan. Indonesia iyo qaar ka tirsan
Muslimiinta Maraykanka, waa sida uu hadalka u dhigay.
Isagoo arrintaasi ka hadlaya waxa uu Carrabka ku dhuftay inay doonayaan
inay arrintaasi ka galaan Wada xaajood, in-kastoo uu ka gaabsaday inuu
sii faahfaahiyo cidda ay Wada-xaajoodka kala galayaan iyo dhinacyadda ay
la kaashan doonaan.
Ma jiraan warar madaxbannaan oo xaqiijinaya Eedeymaha ay Mas'uuliyiinta
dowladda Feder-alka ku sheegaan inay Dagaal yahanno Shisheeye ah ay
taageeraan Maxaakiimta, iyadoo ay Madaxda Maxaakiimta gaa-shaanka ku
dhufteen eedeym-ahaasi, kuna casuumeen Khub-uro Caalamka ka socday inay
kormeer baaritaan ah ku yimaadaan goobaha ay Maxkamaduhu ka taliyaan, si
ay u ogaadaaan waxa ka jira inay dagaal yahanno shisheeya ah la safaan
yihiin Ciiddamadda Maxkamadaha.
Mar wax laga weydiiyey inay Madaxweynaha dowladda feder-alka C/laahi
Yuusuf iyo Mas'uul-iyiin sarsare ee dowladda Federalka ka wada
hayaamay-aan Magaalladda Baydhabo oo ay Ciiddamadda Maxkamadaha ku soo
wajahan yihiin, wuxuu sheegay inuusan haba yaraatee jirin qorshe ay
Madaxweynaha iyo xubnaha kale ee Dowladda kaga hayaamayaan Xaruntooda
KMG Somalia ee Baydhabo, xitaa haddii ay Ciiddamadda Maxkamadaha soo
weeraraan.
Eng. Xuseen Caydiid ayaa ku nuuxnuuxsaday inuu Madaxwe-ynaha dowladda
Federalka gaashaanka ku dhuftay Hindise loogu soo jeediyey in Xaruunta
dowladda Federalka laga wareejiyo Baydhabo, lana geeyo Degaan kale oo
aad u Nabdoon, gaar ahaan Magaaladda Muqdi-sho ama Gaalkacayo, wuxuuna
Madaxweynuhu sheegay inuu isagu noqon doono qofka ugu dambeeya ee ku sii
hari doono Magaalladda Baydhabo haddii la soo weeraro.
Ra'isul wasaare ku xigeenka dowladda Federalka, ahna Wasiirka Arrimaha
Gudaha ee dowladda Federalka Somalia, Eng. Xuseen Max'ed Caydiid, waxaa
kaloo wax laga weydiiyey waxa ka jira inay Dowladaha Kenya iyo Itoobiya
soo dirayaan ciidamo difaaca Magaaladda Baydhabo, wuxuuna sheegay inay
labadaasi Dowladood diyaar u yihiin inay ciidamo soo diraan, si ay u
difaacaan Masla-xada ay ku leeyihiin dalka Somalia, waxayse ciidamadaasi
ku koobnaan doonaan ilaalinta Xuduudka dheer ee ay la wadaagaan dalka
Somalia.
Eng. Xuseen Caydiid waxaa kaloo wax laga weydiiyey aragtida uu ka qabo
Gudoomi-yaha Gudiga Shuurada ee Maxaakiimta Sheekh Xasan Daahir Aweys
iyo inuu yahay Hoggamaiye Nabadeed, waxa uu yiri: "Waxaad og tahay in Sh.
Xasan Daahir Aweys waalid iiga yahay dhinaca Hooyadda, isla markaana ay
Walaalo yihiin Xaaska aan qabo, waa Sarkaal hore iyo Nin hawl kar ah,
Waxaan rumeysnahay inuu Nabadda nala xaqiijin karo".
BAARDHEERE RABSHADO GACAN KA
DHALIYAY OO KA
Magaalada Baardheere ee gobolka Gedo ayaa waxaa ka dhacay rabshado ay
dad ku dhaawacmeen, iyadoo bandow lagu soo rogay magaaladaasi,
isgaarsiintiina ay jareen malee-
shiyada Barre Hiiraale.
Bandow waqtiga la qaadayo aan la cayimin ayaa lagu soo rogay degmada
Baardheere ka dib markii rabshado sababay dhaawacyo ay ka dhaceen gudaha
magaalada, taasoo ugu dambeyntii keentay in goobaha ganacsiga iyo
isgaarsiinta la xiro, isla markaana dadweynaha magaalada ay la soo
daristo cabsi xoogan.
Bandowga magaalada oo si rasmi ah u hirgalay ayaa ahaa amar ka soo baxay
wasiirka G/dhigga dowladda Somalia.
Seddax ruux oo labo ka mid ah xaaladooda ay aad u liidato ayaa dhaawacyo
ay ka soo gaareen is rasaaseyn ka dhac-day xarunta shirkadda
isgaa-rsiinta hormuud, iyadoo israsaa-seyntaasi ay u dhaxeysay ilaalada
shirkadda Hormuud iyo kuwa wasiirka Gaashaandhigga.
Dadka dhaawaca uu soo gaaray ayaa waxaa ka mid ahaa wakiilka shirkadda
Hormuud Aadan jaamaca (Aadan Jeeg-eeye), iyadoo dadkii dhaawac-may la
dhigay isbitalka magaal-ada baardheere oo xilligaan aan wax adeeg
caafimaad ah ka jirin.
Rabshadahaan ayaa daba joogay kulan qado ah oo la filayay in ay yeeshaan
golaha odayaasha degmada Baar-dheere iyo qaar ka mid ah culuma'udiinka
oo waxyar ka dib ay is hortaag ku sameeyeen ciidamo uu wato Col. Fartaag
oo rasaas ku kala eryay dadkii goobta isugu yimid.
Col. fartaag oo waxyar ka dib la hadlay Idaacad k ahadasha Muqdisho ayaa
ku eedeeyay culuma'udiinka kulanka la lahaa odayaasha degmada Baardheere
in ujeedadooda ay aheyd sidii ciidamada Maxkamadaha islaamka loogu soo
dhaweyn lahaa degmada Baardheere, mana aqbali doono arinkaasi, waxaa-na
ka qaadi doonaa talaabo cid kastoo sidaa sameysa.
Muuse maxamuud Jisow
Somali39@hotmail.com
Muqdisho somalia
002521576666/002521653623