Ma Shariifka
Xamar beynnu Taageernaa mise kan Baydhabo
Ilaah baa
mahad leh. Nabadgelyo iyo naxariis nabi Muxamed korkiisa ha ahaato.
Sidaan la
soconno, Shariif Xasan waxaa doortay 275 xildhibaan oo ay soo xuleen hogaamiye
kooxeedyada Soomaaliyeed oo u badan dagaaloogayaasha iyo weliba IGAD oo gacan
weyn ku lahayd. Magaalada uu hadda doortay waa Baydhabo kaddib markuu Xamar ka
caalwaayey.
Meynu maqal
cid dagaalooge ah ama shisheeye kalaba oo soo doortay Shariifka maxkamadaha.
Shariifka Baydhabo wuxuu ka midyahay 275 qof oo sheegtay iney ilaahyo yihiin.
Qofkii la dhaca ilaahnimadoodana waa qof iyaga ilaah ka sii yeeshay. Dadka qaar
baa laga yaabaa iney isdhahaan war ninkani goormuu Takfiir noqday?! Soow meynaan
maqlin iyagoo dhahaya waxaan nahay golihii “sharci-dejinta”? Haddaba, hadday
culumo badan ka gaabsadeen iney arrinta saas u bayaamiyaan; waxaan shakilahayn
in qofkii yiraahda waxaan ahay sharcidajiye inuu ilaahnimo sheegtay.
Maxaa
Shariifka maxkamadaha loo taageeriwaayey? Ma mabdi’iisa ah in Islaamka la isku
xukumo? Ma qabiilkiisa darteed? Ma Xamarta uu joogo? Mise …? Weli ma fahmin waxa
naga khaldan. Tusaale, ka warran qof ka yimid Xamar oo ay Shariifka maxkamadaha
isku beelyihiin oo raba inuu Shariifka Baydhabo iyo Baydhabo dabo ordo! Ma
Itoobiya iyo Beesha Caalamkaa shirkii Mbaghati taageertey baa? Mise qaab Ilaah
iyo Rasuulkiisu raalli ka yihiin bey ku dabo ordeen?
Islaamku waa
kii Cumar Binu Khidaabkii (RC) oo markuu mushrika ahaa ku jiray jabbaabirada iyo
safiirrada ay Qureyshi dirsanjireen. Mana jirin meelo fog fog oo laga yiqiin oon
ka ahayn tolkiis dhexdiisa laakiin markuu Islaamka qaatay muxuu noqday? Yaa haya
wax arrintaas caksigeed ah? Micnaha qof muslim ahaa oo xukum iyo magac lahaa oo
inta Islaamka ka tegay oo gaaloobay reebay magac iyo sharaf? Lama hayo.
Waxba yeysan
na dagin markaan mar mar soo dhoweysanno xildhibaanno dhahaya: waxaan ka soo
horjeednaa Itoobiya. Caqligaa keenaya in labo dhib midka sii dhibyar la qaato.
Laakiin arrintaasi marna sharaf u keenimeyso qof aamminsan inuu xukun dejin
karo.
Talo:
gaalnimo iyo gaalo-dabo-carar wax ku weynaye; qof kastoow isku day annagoo
Ilaahay talosaaraneyna sidii waddankeenna iyo dadkeenna loo badbaadinlahaa.
Hadda waxaad maqleysaa ciidamadii ku jiray xerada Daynuunaay oo soo gadooday oo
ku soo noqday Baydhabo! Waxaa la leeyahay waxay waayey waxay ku noolaan
lahaayeen ileyn waxaynu ku xirannahay waxa ka yimaada xagga UN-ka. Laakiin
anigu waxaan arkaa in qof kasta oo Soomaaliya la xiriiro guddigii taakuleynta
abaaraha laguna diro lacag xitaa toban toban doolar dabadeedna la yiraahdo u
sameeya maamul Xamar iyagoo kaashanaya odayaasha iyo maxkamadaha. Haddii saas la
yeelo waxaa dhacaysa inaan loo baahan UN-ka. Marka aan toban tobanka ku
aruurinno waddamadaan joogno ama qof kasta markuu dadkiisa la xiriiro ha dhaho
tobankaas doolar ama lacagtaas u geeya guddigaas. Dadka qaar baa u arka arrin
khiyaali ah. Runtii, ma ahan. Ma inaan toban doolar bixinnaa khiyaali ah? Haddii
taasi dhacdo waxaa dhacaysa in guddigaas abaaruhu ay helaan malaayiin lacag ah
bil kasta. Ma umaleyneysaa in tobonaanka kun ee UN-ku bixiyo oo hoo oo ku go’da
ah loo baahnaanlahaa? Lacagahaas waxaa lagu howlgelinkaraa maamulka Banaadir, in
la furo garoonka iyo dekedda weyn, in wax laga qabto iskuullada, isbitaallada,
biyaha iyo nadaafadda.
Sidii aan
marar badan sheegay, haddii Xamar hagaagto waxaan Ilaah ka fileynaa in waddanka
intiisa kalana hagaagidoono. Laakiin wataas iyadoo ay labo sano ku dhowdahay
waxii la soo dhoodhoobay; waxa keliya oo soo ifbaxayaa waa Itoobiya oo rabta
iney labo faras hal mar wada kooreysato. Ileyn wataas la leeyahay: Itoobiyaa
safiir ka furatay Hargeysa! Waxaa dad ugu caqli xun nin inta culumadiisii,
magaaladiisii iyo qabiilkiisii ka tagay iska dabogalay sheeko ay wataan
dagaalooge iyo cadowgii Soomaaliyeed. Anigu waxaan is dhahaa waxay ku
fiicantahay in Shariifka maxkamadaha lagu beddelo nin kale oo ka socda mid ka
mid ah “4.5” ileyn dadkiisii baa iska raba sidaas e’. Shalay korneylka iyagaa
doortay; maantana iyagaa raba iney inta Xamar ka tagaan Baydhabo aadaan.
Fiicnaan lahadaa hadday intaas keliya ku ekaan lahayd! Waxay sii rabaan in wixii
ka badbaaday dadkii iyo magaaladii Xamar ay inta hay’ado sirdoon lacag ka soo
qaataan ay sii baabi’iyaan. Marka caqligeedu waa Xamar aan burburrino; Baydhabo,
“Puntland” iyo “Somaliland” ha baraareenne. Dagaaloogayaasha Xamar keliya
khaladka ma laha ee waxaa wax ku leh qabiilka halkaas degen oo dhan ileyn iyagaa
dagaaloogayaashaas u arka halyeeyo.
C/Waaxid
C/hi Khaliif
London, UK
cabdulwaxid@hotmail.com Afeef:
Aragtida qoraalkan waxaa leh qoraaga ku saxiixan
Faafin: SomaliTalk.com | May 4, 2006
XABSIGA THAILAND:::
»Waraysi Ku saabsan Wiilasha Ka Tirsan Ciidamada Puntland [Dhegeyso]
.Warqado is-Khilaafsan
oo uu Cabdi Cali Cigaal ka Qoray 3da Soomaalida
.Soomaalida NewZealand oo Baaq u diray Madaxweynaha DFKMG & DGPL
»Saddexdii Soomaalida ahaa oo lagu Xakumay min Toban
(10) Sano ..
»XABSIGA
THAILAND:::
01 |
02 |
03 |
04 |
05 |
06 |
07 |
08 |
09
|
10 |
11 |
12 |
13 |
14 |
Nin dilay Macallin Dugsi Qur’aan oo lagu Qisaasay Muqdisho
»Shariif Xasan “Ra’isul
Wasaare Geeddi wax lagu qanci karo..
»Shiikh Xasan Daahir “Ciidamo
laga keenay gobol gaar ah ma..
»Xuseen Caydiid oo la filayo
in maalinta beri ah uu soo gaaro
»C/llaahi Macallin “Hay’adaha
Caalamiga ah waxaan ugu..
»Iska hor imaad shalay ka
dhacay Magaalada Baydhabo…
»Shir ay London ku yeesheen
Jaaliyadda Digil & Mirifle
»Dagaallo dhex-maray
ciidammada xoreynta & kuwa cadowga
Wararka oo dhan
ka akhri halkan... Guji... May 3
| 
Daabaco
Boggan | Print
C/Waaxid
C/hi Khaliif