NIN GANACSADE AH IYO SARKAAL BOLICE AH AYAA LAGU DHEXDILAY GAARI PL AH OO AY SAARNAAYEEN DAD RAKAAB AH

Labo nin oo la sheegay in mid ka mid ah uu ahaa sarkaal, kan kalena uu ahaa ganacsade ayaa lagu dhex dilay baabuur nooca Koostarka ah oo ka yimid dhinaca suuqa xoolaha  una socday dhinaca suuqa bakaaraha  xilli uu baabuurkaasi marayey waddada warshada meel u dhow saraha Ceymiska.

Xiriirka Khadka taleefanka ku dhexmaray Max’ed dheere & Barre Hiiraale

Warar lagu kalsoon yahay oo aan u ka helnay ilo muhiim ah ayaa sheegaya in uu jiro xiriir khadka taleefanka ay ku wada yeesheen guddoomiyaha guddiga siyaasadda maamulka gobolka Sh/dhexe Max’ed Cumar Xabeeb (M/dheere) & wasiirka dib u dhiska & dib u dejinta Barre Aadan Shire (Barre Hiiraale), waxaana ay warar ku dhow dhow xiriirka labada nin sheegayaan in ay ka wada-hadleen dhacdooyinkii u danbeeyey ee dalka gaar ahaan dagaalka haatan ka socda magaalada muqdisho iyo waliba kulanka dowlada oga socda magaalada beydhabo oo sida la wada ogsoonyahyaba aysan taagersanayn labadoduba.

Max’ed dheere oo horay si weyn ugu taageeri jiray dowladda federaalka ayaa mar qura la soo baxay mucaaradnimo xoogan oo uu kala hor-yimid madaxweynaha dowladda federaalka C/llaahi Yuusuf Axmed, waxaana muddooyinkii u danbeeyey uu billaabay in uu xiriiro la sameeyo hogaamiyeyaasha hubeysan oo horay dagaalo afka ah ay u dhexmareen.

ilaa iyo hada lama garanayo waxaa ay isku waafaqeen labadaan hogaamiye ee khadka telfoonka ku wada hadlay balse waxaa ay meel gooni haatan oga soo wada jeedaan dowlada FKG ah ee somaliiyeed taasoo ay qilaafsanyahiin.

cabdi khadar Nuur | cabdiqadar84@hotmail.com

Wasiirka Qorsheynta Qaranka Mudane Jurile oo Brussels uga qayb galaaya aqoon is waydaarsi loo furey Wasiiro ka socda 14 dal iyo Madaxwayne Yusuf iyo Ra’iisulwasaare Geedi oo dhowaan laga sugaayo Brussels, iyagoo ku saxiixi doona heshiis taariikhi ah
 

Furitaanka seminaarka ayaa waxaa ka hadlay Madaxa Horumarinta Gudiga Midoowga Yurub Mudane Louis Michel, oo halkaasi kaga dhawaajiyey qorshaha Yurub iyo barnaamijka horumarinta,.

Aqoon swaardisaagan dhinaca Soomaaliya markii laga eego waa markii ugu horeysey muddo 15 sano ah uu wasiir ka socda Soomaaliya kasoo qayb galo seminaar ama aqoon is waydaarsi heer caalami ah oo arrimahaan looga hadlaayo.
Mudane Jurile oo iiga warbixiyay dareenkiisa ku aadan seminaarkan ayaa ku tilmaamay ka qayb galka seminaarkaan inuu yahay guul usoo hoyatey shacabka Soomaaliyeed iyo dowlada Soomaaliyaba.

Imaatinka Mudane Juriile ayaa kusoo beegmay xilli uu magaalada Brussels ka socdo shir waynaha Midoowga Yurub oo ay Brussels ku sugan yihiin dhamaan madaxda iyo ra’iisulwasaareyaasha Midoowga Yurub.

Dhinaca kale waxaa maalmaha fooda nagu soo haaya la filaayaa in ay magaalada Brussels soo gaaraan Madaxwaynaha Dowlada ku meel gaarka ah Mudane Cabdullaahi Yuusuf iyo Ra’iisul Wasaare Geedi oo kulamo kala duwan la qaadan doonaa madaxda Midoowga Yurub iyo madaxda dowlada Belgium.

Maalinta talaadada ah ayaa lagu wada in ay hishiis wada saxiixdaan Madaxwaynaha Soomaaliya iyo Madaxa Gudiga Midoowga Yurub Mr. Barroso, heshiiskaan oo ah mid u ogolaan doona dowlada Soomaaliya in la siiyo deeqo iyo dhaqaalo loogu talo galay dib u dhiska Somaaliya oo ka gaar ah midka gargaarka ah, heshiiskaani ayaa ah mid dabo socda kulan ay bishii November 2005ta wada yeesheen Ra’iisul Wasaaraha Soomaaliya Mudane Geedi iyo Madaxa Horumarinta Gudiga Midoowga Yurub Mudane Michel oo uu ku balan qaaday inuu gaarsiin doono Soomaaliya dhaqaalo kala duwan oo iskugu jira gargaar bini’aadanimo iyo mid dib u dhis intaba.

Dhinaca kale Madaxwaynaha Soomaaliya Mudane Yuusuf ayaa maalinta talaadada soo socota ah wuxuu la kulmi doonaa Ra’iisul wasaaraha dalka Belgium Mr. Verhofstadt.

Saida Sheikh Ahmed (VIP)
EU Press Section
Brussels Belgium
saidavip1@yahoo.com