Muqdisho: Haweeney Ninkeedii ka Gubtey Meel Halis ah

Mar aan booqday isbitaalka carafat ee  magaalada muqdisho ayaan waxaan kula kulmay nin magaciisa  la yiraahdo Cabdi Cali Warsame   oo xaaskiisu ay kadib markii ay ka masayrtay la beegsatay biyo ay soo karkarisay isaga oo u diyaar garoobay waqtigiisii nasashada. 

Haweenayda  falkaas geysatey ayaa magaceeda waxaa naloogu sheegay  Faadumo Warsame oo kadib markii ay si naxariis daro ah u gubtay ninkeedii  ay baxsatay oo aan ilaa iyo hada meel ay ku danbeysey aan la garaneynin  waloow dadka qaar ay sheegayaan inay u baxsatay  xaafad ka mida xaafadaha magaalada muqdisho.

Sidoo kale ninkan ayy ka gubtay  meel halis ah iyadoo uu dabku ka gaaray inta u dhaxaysa, saablayda caloosha iyo inta u dhaxaysa xubinta taranka  raga  oo dhamaan uu dabku u waxyeeleeyey, xaalada uu hada ku jiraana ay tahay mid  halis ah  waloow aad loola tacaalay  oo dhakhaatiirta isbitaalka caraafaad ay ku mashquulsan yihiin sidii loo  badbaadin lahaa . 

Ninkaan oo aan ku booqanay isbitaalka carafaad ayaa waxaa war kooban naga siiyey  walaalkii ka weyn oo ku hayey isla goobtaasi waxuuna noo sheegay inuu hada kasoo raynayo  waloow markii aan aragnay uu ahaa mid si weyn looga naxayo . 

Si kastaba ha ahaatee maaha markii ugu horaysay dhib caynkan oo kala ah uu ku dhaco raga  oo ay u gaysataan haweenka  soomaaliyeed  khilaafkan ayaa badanaaba ka biloowda raga iyo haweenka  oo ay soo wajahaan dhibaatooyinka  la xalin waayo  ,masayrka , iwm .

Muuse Maxamuud Jiisow

Somali39@hotmail.com

Muqdisho Somaliya

Xafiiska warqabadka muqdisho