Ku: Hogaamiyeyaasha kooxaha hubeysan
Ku: Kooxaha diinta hubeysan
Ku: Gancasatada hubeysan
Ku: Oday dhaqameedyada
Ku: Waxgaradka
Ku: Haweenka iyo Bulshada Rayadka Soomaaliyeed
UJEEDO: BAAQ NABADEED OO DEG DEG AH
Ugu horeyntii waxaanu tacsi u direynaa qoysaskii iyo eheladii ay dadku
kaga dhinteen dagaalada foosha xun, isla markaasna aan ujeedaha laheyn ee ka
qarxay Muqdishu, caasimada wadanka Soomaaliya. Intaa kadib, anagoo ku
hadleyna magaca bulshada degan gobolka Minnesota iyo waqooyiga Mareykanka
waxaa si aad ah uga xunnahay, ugana tiiraanyeysannahay dagaalada foosha xun
ee ka dhacay magaalada Muqdisho. Waxaan ku bogaadineynaa kooxaha kor ku
xusan in ay si shuruud la'aan ah oo ku saleysan diinta islaamka iyo dhaqanka
Soomaaliyeed u joojiyaan dagaalka, si deg deg ahna u kala qaadaan ciidamada
is hor fadhiya.
Waxaan xusuusineynaa shacabka Soomaaliyeed
Waxaan shacab soomaaliyeed xusuusineynaa: In Ilaahey quraanka ku sheegay
in dhammaan dadka muslimiinta ay walaalo yihiin oo qofna qofka kale
dhiigiisa si sharci daro ah ku daadin karin. Wuxuu kaloo Ilaahey na
faray markii ay walaalo muslimiin ay islaa yeen in laga dhex abuuro heshiis
oo aan dabka dagaalka la sii hurin. Nabi Muhammad NNK wuxuu yiri:
Ummaddeeda kama tirsana ruuxa dad muslimiin ah hub ku jeediya si uu ugu
laayo. Nabiga NNK intuusan dhiman ka hore wuxuu ka dardaarmay
inaan lagu fududaan dhiigga qofka muslim. Waxaana kaloon shacabka
xusuusineynaa xaddiiska laga soo wariyay Nabigeenii suubanaa NNK ha ahaatee
"Nafta qofka Muslimka ah oo si sharci darro ah lagu qaado ayaa ka weyn
aduunka dhan oo baaba'a". Sidaa aawadeed waxaa ku boorineynaa dhamaan umadda
Soomaaliyeed qeybaheeda kala duwan in ay si hagar la'aan iyo niyad sami ah
ugu dadaalaan sidii loo baajin lahaa dhiig dambe ee micno darro ku daada,
isla markaana lala shaqeeyo samo doonka ka howgalay, kuna guda jira
joojinta iyo xal u helista dagaalka Muqdishu..
Waxaan u mahad celineynaa gaar ahaan walaalaha Soomaaaliyeed iyo
Somaliland ee isu xilqaamay ka shaqeynta joojinta colaadaha ee gobolka
Minnesota iyo bulshada kale ee Soomaaliyeed ee ku nool waqooyiga
Mareykanka..Waxaa kaloo mudan in loo mahad celiyo Dawladaha caalamka,
Ururada dowliga iyo kuwa aan Dowliga aheyn, iyo gaar ahaan walaalahayaga
Soomaaliyeed ee ku sugan Muqdisho bilaabayna ama ka qeybqaadanaya nabadeynta
walaalahood.
Ugu dambeyn, waxaan digniin u direynaa cid kasta oo ay khuseyso in aan
loo dul qaadaneyn xasuuqa umadda Soomaaliyeed mid hore iyo mid dambeba,
cidii lagu soo cadeeyana ay qaadi doonta mas'uuliyadda waxa ka yimaada
falalka xasuuqan oo kale. Tii ciqaabtii Rabinna waa u dhimantahay. Waxaan
balan qaadeynaa in aan la shaqeyneyno hey'adaha ku mashquulsan in lagu soo
oogo cid kasta oo fal dambiyeed ka gashay umadda Soomaaliyeed.
Saxiixayaasha
Professor Ali Khalif Galaydh
Sh. Mohamed Garyare (Canada)
Garyaqaan Sheikh Hassan Jaamici
Ex-pilot Ibrahim Abikar
Hassan Yoonis
Osman Sahardeed (Adaani)
Ismail Jama (Heyraan)
Sheikh Maxamed Xaji Cabdullahi Xaji Xasan Barsane
Islaw Cabdulwahaab Abikar Aw-guure
Col. Cabaas Maxamud Caddow
Xabiiba Nur Gindi
Prof. Cali Xasan Cisman (Xoogsade)
Maxamed Rashid Cabdiraxman Xaji Mumin
Maxamed Aadan Tiicey- Minnesota, USA
Maxamed Cabdi Indhabuur
Cumar Ibrahim Salax (Cumar SOS)
Cabdulqaadir Xaaji Maxamed Caddow
Asseyr Shidane Abdi
Mohamed Hussien "Gudbaaye"
Mahad Hareed
Ilyaas Dahir "Jinoole"
Col. Yusuf Hassan
Jamac Omar Jimale "JJ"
Ahmed Warsame "Libooye"
Shamso Abtidoon
Fadumo Yusuf Kariye
Hussein Warsame
Raage Haji Dhore
Hassan Warsame
Alibashi Sahal
Yusuf Abdi Khaire
Mohamed Isse "Burane" - Virginia
Dr. Hussein Warsame Igal - Minnesota
Salah Warsame - Minnesota
Liban Egal - Maryland
Sh. Abdurahman Abu Turabi
Abdullahi Aalow
Salahu Diin Osman
Mohamud Qanyare
Yahye Ismael
Yura Fora
Abdulmunic Abdurahman
Asha Ahmed Hassan
Suleykha Hassan
Farhiya Abdulkadir
Fadumo Elmi
Sagal Haji
Saynab Said
Naeemo Hassan
Hassan Abdulkarim (Canada)
Abdisalam Abdulkadir (Canada)
Qoraalkan kala xiriir
Hassan Mohamud |
hmohamud@midmnlegal.org
Faafin: SomaliTalk.com | March 1, 2006
Golaha
kacdoonka difaaca Diinta iyo dalka oo looga dhawaaqey Muqdisho
»Mudo todobaad ah
oo dib loo dhigay kalfadhigii Baarlamaanka
»Shariif Xasan “ma
jiraan Qorshayaal ii qarsoon...
»Diinaari:
isku imaanshaha Golaha Baarlamaanka waa yadadiilo
»Hargeysa
sharci adag ka soo saartay af-lagaadada Diinta…
»Maxaabiis is
weydaarsadeen labadii Kooxood ee Muqdisho…
»Nin lagu toogtay
Fagaare ku yaala Ceeri-Gaabo…
»PL: Wasiirka qorshaynta
& xiriirka caalamiga xilkii laga qaaday
»Ciidamada
Itoobiya oo gacanta ku dhigay 70 Qori...
»Kenya
oo looga shakisan yahay hargabka Shimbiraha
iyo Warar
GooGoos ah ka akhri halkan... Guji... Feb 28