Mudanayaal waxaan idinku salaamey
salaanta Islaamka Asalaamucalaykum.:
Salaantaas islaamka kadib waxaan
marka hore idinkugu hambalayeynayaa guulihii iyo wax qabadkii aan ku
diirsanay ee aad sida degdega ah ugu tillaabsateen shantii bilood ee lasoo
dhaafay waxaan idiin sheegayaa inguushaasi ay ahayd mid u soo hoyatay umada
soomaaliyeed meelwalba oo ay joogto maxaa yeelay waxaa nasoo gashay rajo iyo
hanqaltaag nabadeed oo aanan arag lix iyo tobonkii sano ee lasoo dhaafay.
Sidaas darteed waxaan madaxda sharafta leh ee warqaddaani ay kusocoto halkan
ugu soo gudbinayaa dhawr qodob oo aan jeclaystay inaan talo ahaan u soo
jeediyo maxaa yeelay waxaaan dareemayaa inaad aad ugu baahantihiin talo si
aysan u burburin guusha aad gaarteen.
Waxaan idinkulataliyanaa inaad
latashataan cuqaasha, aqoonyahanada, siyaasiyiinta, iyo qofkasta oo wax ku
biirin kara hawlaha balaaran ee aad haysan si ay hawsha aad haysaan u noqoto
mid ay Soomaalidu u dhantahay.
Waxaan idinkula talinayaa inaad
xoogiina iyo maskaxdiina iskugu gaysaan sidii ay magaalada Muqdisho u noqon
lahayd mid leh hal maamul amaankeeduna noqdo mid sugan.
Waxaan idinkaga digayaa wadadii ay
ku burbureen hoggaanadii iyo kacdoonadii idinka horeeyey wadadaas oo ah
qabyaalad iyo damac shaqsi oo awood doon ah.
Waxaan idiin soo jeedinayaa inaad hagaajisaan
xiriirka iyo wadahadalka aad la leedihiin bulshadda caalmaka si aysan u
dhicin in awoodiina iyo koacdoonkiina loo abuuro cadow badan oo khatar
galiya habsimi u socodka hawlihiina sidoo kale waa inaad ka dheerataan
caqabad kasta oo keeni karta khilaaf dhexdiina ah.
Waxaan aaminsanahay hawsha aad
qabateen iyo arrimaha aad wadaan inay yihiin natiijo ka dhalatay kocdoonkii
shacab sidaas darteed waxaan idinka digayaa inaad si fudud u taageertaan
dowlad aysan ummadda Soomaaliyeed soo dhisan iyo madax fulinaya dano
dowladdo shisheeye oo aan marna u adeegayn danaha shacabka iyo qaran
Soomaaliyeed.
Waxaan idinku dhiirigalinayaa
wadahadalkasta oo xal ugu jiro ummada Soomaliyeed laakiin wadahadalkaasi waa
inuusan noqon mid keena in laga tanaasulo arimaha taabanaya qaranimada
Soomaaliya ama hakad ku keena hawlaha aad wadaan.
Ugu dambeyntii waxaan idin
rajaynayaa guul iyo talo mid ah waxaana rajaynayaa inaad noqotaan kuwii u
horseeda ummadda Soomaaliyeed cadaalad iyo qaranimo soo laabata.
Cabdi Xoosh Ashkir
Siyaasi iyo Ganacsade
Soomaaliyeed.
Tel+442089075142
Mobile+44 7944821554
London, uk
Faafin: SomaliTalk.com | Jun 27, 2006
»Isbeddelka
aasaasiga ah ee ka dhacay Muqdisho| Abokor
»Talo-siin
Maxkamadaha iyo Maanso. | Caliqeyr
»Maxaa sababay
isbadka Muqdisho? Sidee buu ku waari karaa? | Caafi
»Ba' Dagaal
Oogaha, Barkhada Wadaadada iyo Baraaraha Shacabka
»Muqdisho:
shalay, maanta iyo barri (Q. 1aad/2aad) | Axmad
»Horumarka
Maxkamadaha Mogadishu: Guul mise Khatar? | Faysal
»Taladaan la
Ruugin, Waa Lagu Rafaadaa | C/xakiim
»WARQAD
FURAN OO KU SOCOTA MIDOWGA MAXAAKIINTA | Cumar
»Talo Wax-ku-ool ah
oo ku socota Maxkamadaha Islaamka | Yusuf
»Aynu wada dhawrno....
| Jaamac
»MUQDISHO
WAA LOO YAABAA | C/laahi
Daabaco
Boggan | Print