Xaflad aad loo soo agaasimey ayaa lagu
qabtey badhtamaha magaalada Minneapolis, Minnesota. Ujeedada xafladaas oo ahayed
in deeq loogu raadiyo Jaamacada Nugaal University. Waxaa ka soo qayb galay madax
ka socotey Jaamacada Inver Hills Community College, Minneapolis Community
College iyo madax kale oo ka kala socotey ururada bulshada: African Community
Services, Somali Women Civil War Survivals, Puntland Women Association,
Confederation Somali Community of Minnesota, Somali American Media, Somali Show
TV, iyo Professors ka socdey jaamacado kala duwan.
Xafladaas
ayaa waxa lagu soo bandhigay taariikhdii Nugaal University iyo baahida hada
jirta oo kooban. Waxana baahida lagu koobey labo arin oo muhiim ah: In loo dhiso
dhismo ay jaamacadu leedahay iyo in la badiyo dhigashada ardeyda oo la siiyo
deeq waxbarasho (scholarship).
Waxaa warbixin iyana halkaas ka soo
jeediyay waftiga u socota Jaamacada Nugaal.Waftigan ayaa ujeedada safarkeedu
yahay inay xidhiidh saxaabitinimo u sameeyaan Jaamacada Inver Hills College ee
ku taal dalka Maryanka, gobolka Minnesota iyo Jaamacada Nugaal iyana ku taala
Las,anod , Soomaaliya.
Deeqdii
halkaas lagu balanqaadey ayaa waxa ay gaaraysey $22,500 kun oo dollar, taasi oo
loogu tala galay in lagu taakuleeyo baahida jaamacada: dhismaha jaamacaddu ay
hada ku jirto oo ah mid kiro ah iyo ardeyda jecel waxbarashada oo aan awoodin in
ay iska dhiibaan waxbarashada. Dadkii lacagtaas balan qaadey oo loo qabtey in
mudo yar in ay ku soo xareeyaan lacagta si waftigan baxaya ay lacagta u sii
qaadaan.
Waftigaas oo haddii Alla nabad ku soo
celiyo diyaarin doona warbixino si weyn u taakuleeyn doona jaamacada Nugaal
University iyo guud ahaan Waxbarashada Puntland State.
Abdi Aar Labago’le
Somali American Media (SAT)
Kala xiriir:
aabdimalik@hotmail.com
Faafin: SomaliTalk.com | Jun 19, 2006
Taariikh Kooban Soomaaliya: 1960 - 2006
Daabaco
Boggan | Print