• Jaamacadda Carabta oo ka digtay in Soomaaliya loo diro Ciidamo …

• Banaanbax looga soo horjeeday Ciidamo shisheeye oo shalay ka dhacay Magaalada Muqdisho...

• Culuma’u-diinka Gobalada Baay iyo Bakool oo Iclaamiyey....

• Warar ku saabsan Xaaladda Magaalada Baydhabo…

• Maalinta Carruurta Afrika oo shalay laga Xusey Muqdisho..

  ---

Jaamacadda Carabta oo ka digtay in Soomaaliya loo diro Ciidamo …

Xoghayaha Guud ee Jaamacadda Carabta Caamir Muusa ayaa si weyn uga digay in Soomaaliya loo diro ciidamo shisheeye ah oo ka socda caalamka.

“Soomaaliya horey ayaa loogu tijaabiyay Ciidamo shisheeye maanta u maleyn mayo in Soomaalidu ay u baahan tahay ciidamo shisheeye” ayuu yiri Caamir Muusa oo sheegay in loo baahan yahay in Soomaaliya laga taakuleeyo uruurinta ciidamadii hore lana siiyo wixii tasiilaad ah oo ay u baahan yihiin.

Jaamacadda Carabta kama aysan qaybgelin shirkii dhawaan uu Mareykanku ku baaqay ee looga hadlayay kana dhacay Magaalada New York ee cariga mareykanka, hase yeeshee waxaa loo maleynayaa in shirka Bisha soo socda ka dhici doona Dalka Sweden lagu martigeliyo Jaamacadda Carabta, Midowga Afrika iyo wadamada Urur Gobaleedka IGAD.

Tan iyo markii ay qalalaa-suhu ka dhaceen Soomaaliya Jaamacada Carabtu door muhii ah kuma lahayn arrimaha Soomaaliya xitaa Soomaaliya sooma gaarsiin wax gargaar ah oo muuqda.

Banaanbax looga soo horjeeday Ciidamo shisheeye oo shalay ka dhacay Magaalada Muqdisho...

Maalintii shalay ahayd ayaa waxaa magaalada Muqdisho ka dhacay banaanbax kii ugu balaarnaa oo ka dhacay Magaalada waxaana ka qaybgalay qaybaha kala duwan ee Bulshada, waxaana soo qabanqabiyay kacdoonka Shacabka, waxayna dadku wateen boorar ay ku qornaayeen “Dooni meyno Ciidamo shisheey noocay doonaanba ha ahaadeene” “waxaan kalsoonidii kala laabanay Baarlamaanka” “Mareykanku ha joojiyo faragelinta uu ku wado Soomaaliya” “Itoobiya Dooni meyno” iyo eryo kale.

Culuma’udiinkii halkaasi ka hadlay waxa ka mid ahaa Guddoomiye ku xigeenka Midowga Maxaakiimta Sheekh C/qaadir Cali Cumar waxa uuna sheegay in aysan marnaba ogolaan doonin in wadankooda ay yimaadaan ciidamo shisheey qaarad kasta haka yimaadaane, waxa kalloo uu sheegay in ay ka hortagi doonaan ciidamo shisheeye oo soo gala wadanka Soomaaliya, waxa uuna sheegay in ummadda Soomaaliyeed ay aad uga xumaatay go’aankii Baarlamaanka ee ugu yeeray Caddowga ummadda Soomaaliyeed.

Waxaa kaloo ka hadlay k hadlay Guddoomiyaha Kacdoonka Difaaca Diinta, Axmed Qare oo sheegay in ay naftooda u huri doonaan dalkooda iyo diintooda, ciidamo shisheeye oo la keeno dalka Soomaaliya, “Dalka haatna waa nabad siiba Magaalada Muqdisho marka looma baahna ciidamo shishee oo nabad suga” ayuu yiri Qamed Qare oo intaa raaciyay waxaan aad uga xunnahay in Shariif Xasan oo aan ku soo dhaweenay magaalada Muqdisho uu maanta Ummadda Soomaaliyeed u soo horseedo caddowga Ummadda Soomaaliyeed, waana mid aanan ka fileyn.

Banaanbaxa oo ahaa mid si aad ah loo soo abaabulay ayaa waxaa tabinayay war fidiyeeno ka socday beesha caalamka, waxayna si aad ah ula yaabeen Boor ay ku qornayeen “Bush dhegahaaga iyo indhahaaga fur”.

Dadka Soomaaliyeed ayaa iyagu walwal weyn ka muujiyay in Soomaaliya waqtigaan la keeno ciidamo shisheeye, Prof. Cabdi Ismaaciil Samatar oo ah macallin Wax ka dhiga Jaamacadaha Mareykanka ayaa waxa uu sheegay in waqtigaan aysan Soomaaliya u baahneyn Ciidamo shisheeye, sidoo kale waxaa iyana arrintaani ka soo horjeestay Culuma’udiinka Gobalada Baay iyo Bakool oo sheegay in ay la jihaadi doonaan cid kasta oo Soomaaliya u soo horjseeda Ciidamo shisheeye.

Golaha Midnimada iyo Badbaada Qaranka Soomaaliyeed ayaa isagu waxa uu sheegay in ay si weyn uga soo horjeedaan in Soomaaliya la keeno ciidamo shisheeye noocaan doonaanba ha ahaadeene, iyagoo sheegay in xaaladda Soomaaliya ay ku timid is bedel weyn oo dhinaca nabadgelyada ah kaddib markii ay Maxaakiimta ka adkaadeen qabqablayaasha dagaalka oo iyagu hor taagnaa in ay Soomaaliya hesho nabad buuxda.

Maalinta Carruurta Afrika oo shalay laga Xusey Muqdisho..

Shalay oo ay ku beegneed 16-ka Juun oo ah Maalinta Carruurta Afrika ayaa xaflado lagu xusayay maalinkaasi waxay ka dhaceen magaalada Muqdisho.

Xarunta Youth Link Somalia ayaa waxaa ka dhacay xaflad si heer sare ah loo soo agaasimay oo ay ka qaybgaleen qaybaha kala duwan ee Bulshada iyo Carruurta dibjirka ah ee ku sugan xaafadaha Magaalada Muqdisho.

Guddoomiyaha Mashruuca Positive Attitude For Life Project Mudane Farxaana ayaa waxa uu sheegay in ay munaasabadda maalinta carruurta Afrika aawadeed ay 460 carruur ah oo dibjir ah ay ku gudoonsiiyeen qalab Isboorti oo isku dhan.

Qalabkaan waxaa maalgeliyay Concern Worldwide (US) ayaa halkaasi waxaa lagu soo bandhigay ruwaad ka hadleysay dhibaatada ay qabaan caruurta ku nool Afrika, iyadoo carruuta qaarkood la gudoonsiiyay abaalmarino kala duwan.

Dhinaca kale Xarunta Dr. Ismaaciil Jimcaale xaflad lagu xusayay maalinta Carruurta Afrika oo ay ka soo qaybgaleen qaybaha kala duwan ee Bulshada, waxaana halkaasi ka hadlay Maryan Xuseen Owreeye oo ka socotay xarunta Ismaaciil Jimcaale oo sheegtay in Carruurta Afrika gaar ahaan Carruurta Soomaaliyeed ay maalin walba la kulmaan dhibaatooyin loona baahan yahay in mar kasta la siiyo daryeel, sidoo kale xubnihii iyana halkaasi ka hadlay ayaa waxay u soo jeediyeen shacabka Soomaaliyeed in ay il gaar ah ku eegaan carruurta Soomaaliyeed, maadama yihiin madaxdii berito. Sawirada hoos ka eeg.

•  Taariikh Kooban Soomaaliya: 1960 - 2006

Faafin: SomaliTalk.com | Jun 17, 2006

C/Laahi Yuusuf iyo Sheikh Shariif Axmed oo Yemen ka ogolaaday In ay Wada Hadlaan
Madaxweynaha DFKMG iyo gudoomiyaha Midowga Maxaakiimta Islaamiga ayaa isla ogolaaday in ay... Guji... Jun 16

"Qabqablayaashii Soomaaliya Markii ay Qaateen Lacagtii Maraykanka ayey Guryihoodii addeen...."
Waxaana Lagu Qiyaasay in $100,000 oo doolar bil kasta la siin jirey Qabqablayaasha Dagaalka Soomaaliya.... Akhri halkan

Maraykanka oo Sheegay in uu Diyaar u yahay la Shaqaynta "Dhammaan Garabyada Soomaaliya..."
"Maraykanku waxa uu diyaar u yahay in uu la shaqeeyo dhamaan garabyada Soomaaliya si loo raadiyo xal nabadeed..." sidaas waxaa yiri...  Guji...