Midowga
Maxkamadaha oo sii xoogaystay Iyo BFKMG ah oo ciidan u codeeyay.
Faalladii Canab Mumtaz |
canabmumtaz@yahoo.com | Jun 15, 2006
Awood la’aanta iyo dhaqaale darrida ka muuqata
Baarlamaanka Iyo dowlada Soomaaliya ee Hadda fadhigoodu yahay magaalada aan
xassilanayn ee Baydhabo ayaa maanta miciin biday in ay markale u codeeyey
Qodob dhiig badani ku daatay laguna kala guuray sanadkii hore oo ahaa
keenista ciidamo shisheeye oo ay ku jiraan kuwa dalalka dariska la ah
Soomaaliya ee Safka hore loo yaqaano.
Baarlamanka KMG ah oo u muuqda kuwo soo
xaliyay mushkiladii Qodobkaas ayaa aqlabiyad xooggan ku ogolaaday in dalka
loo ogolaado in la keeno ciidamo ay ku jiraan kuwa safka hore,si ay dowladu
ugu guulaysato barnaamijkeeda Nabadgalyada ah ee ay ku doonayso in ay awooda
dalka gacanta ugu dhigto.
Waxaan shaki ku jirin in wadamada dariska ah
ee hadda baarlamaanka Soomaaliyeed ee baydhabo joogaa ay u codeeyeen uu heli
doono jawaabo liddi ku ah codayntaas oo kaga yimaada Gudaha iyo dibadaba
haba ugu darnaadeen Midawga Maxaakiimta Islaamiga ah ee hadda Isku arkay in
ay Awoodda gacanta ku hayaan siyaasad cusubna la yimid Waayadan dambe,kadib
markii ay kaga guulaysteen Goobo badanna kala wareegay Hogaamiyayaashii
dagaal ee Dhulalkaas Maamulayey.
U codaynta ciidamada shisheeye maahan igu soo
orod ee waxaa ka horeeya Howlo badan oo ah in Midawga Afrika uu ka doodo
arrimo dhowr ah oo ah dhaqaalahooda, tiradooda wadamada laga kala keenayo
iyo waliba in loo helo Aqbalaad ka timaada Gollaha Amaanka ee QM iyo
Maraykanka oo indho gaar ah ku haya Soomaaliya, si ay dhaqaalahooda u
damaanad qaadaan taas oo iyadana qaadan doonta waqti dheeraad ah haddiiba ay
ogolaadaan.
Maxaakiimta Islaamiga ah ku sii Socda wali
Dhulal hor leh kadib markii ay soo qabsadeen sadex magaalo oo waaweyn oo ay
ku jirto Caasimaddu ayaa ku niyad wanaagsan Mahadna uga haya in shacabka
Deegaanadaas iyo guud ahaan Soomaalidu in ay ku qanacsan yihiin Qorshaha ay
wadaan ee ah dhul balaarsiga Nabadda Ku dhisan, Waxa ayna Maxaakiimtu Ku
doodeen in haddii la keeno ciidamo shisheeye ay dhaawici doonto dadaalka
Nabadeed ee ay doonayaan in ay wax walba xal iyo guul kaga gaaraan.
Gudoomiyah Midawga Maxaakiimta Sheik Shariif
Sheikh Axmad Ayaa horay u sheegay in Dan loo keeno ciidamo shisheeeye aysan
jirin maadaama caqabad loo arkayay Amaan dari ka jirtay Xamr,hadana ay
Maxkamuhu gacanta ku hayaan iyagoo waliba diyaar u ah in ay wadahadal la
galaan Madaxda Labada Golle ee Baarlamaanka iyo Dowlada KMG ah.
Laakiin Dadaaladan maahan kuwa Qancin kara
Dowlada iyo Baarlamaanka waxa ayna u arkaan kuwo looga hormaray wax ay iyagu
xaq u lahaayeen in ay qabtaan,waxa ayna Aaminsan yihiin in siyaasad ahaan
aysan Maxaakiimtu u diyaarsanayn xiligan in ay soo raacaan talada iyo
dastuurka labada Golle,waana midda ku dhalisay in ay ciidamo shisheeye door
bidaan si ay Maxakiimta uga hortagaan dhul balaarsiga ay waddaan.
Ugu dambayntii Waxaan shaki badani ku jirin
Haddii Ay dhabowdo in ciidamo shisheeye la geeyo Soomaaliya oo ay waliba ku
jiraan kuwa safka hore,iyadoo aan la xaq dhowrin dadaalka Maxaakiimta
Islaamiga ah oo shaqo weyn qabtay in xaalada dalka Soomaaliya ay sii xumaan
doonto, iyadoo markii ugu horaysayna lagu guulaystay in Xamar Laga hor
wareejiyo Hogaamiyayaal aan dal iyo dad midna rabin.
Canab Mumtaz |
canabmumtaz@yahoo.com
Faafin: SomaliTalk.com | Jun 15, 2006
Warar GooGoos ah: June 13
»Sheekh Qaasim
“Haddii ay yihiin ciidamo Qaran maxay u..
»C/llaahi
Yuusuf iyo Geeddi maxay ka dooneen Kenya…?
»Dowladda
Itoobiya oo ka codsatay IGAD in ay qayb ka
»Doodii ku
saabsaneyd keenista Ciidamo oo maaanta...
»Xarunta
Ismaaciil Jimcaale oo Siminaar u soo....
»Gumaysiga
Itoobiya oo jawaasiis badan qortay.
Wararka oo dhan
ka akhri halkan... Guji... Jun 13
| 
Daabaco
Boggan | Print