Wararkii ugu Dambeeyey ee Jowhar:::

WARARKII: June 14, 2006

Midowga Maxkamadaha Islaamiga oo la wareegay Magaalada Jowhar

Wararka ugu dambeeyey ee ka imanaya magaalada Jowhar ayaa sheegay in midowga maxkamadaha Islaamiga ay galeen magaalada Jowhar kaddib markii halkaas looga itaal roonaaday Isbahaysigii la baxay la dagaalanka Argaggagixisada, maleysiyooyinkii taageerijina ay ka baxeen fariisimohoodii, sidaasna ay magaaldu ugu soo wareegtey midowga Maxkamadaha Islaamiga.

Waxaa wararka ugu horeeyey ee duhurnimadii maanta ka soo baxay ay muujinayaan in magaaladu ay deggan tahay oo aan hadda dhexdeeda wax dagaal ah ka socon kaddib markii si rasmi ah loogala wareegey isbahaysigii la baxay argaggaxiso la dirirka.

Garoonkii diyaradaha Jowhar iyo Gebi ahaanba magaalada Jowhar waxa ay hadda gacanta ugu jirtaa Midowga Maxkamdaha Islaamiga. Jowhar waxa ay Muqdisho u jirtaa 95km. Midowga Maxkamaduhu waxa ay hore isbahaysigii la baxay Argaggixisada uga qabsadeen magalda Muqdisho, Balcad iyo wadad isku xirta Jowhar iyo Muqdisho.

Toddobaadkii hore ayey ahayd markii Midowga Maxkamadah Islaamiga ay ku baaqeen in aan magacyadooda la sheeg-sheegin raggii sameystay isbahaysigii la  magac baxay la dagaalanka Argaggixisada.

Qabqablayaashii dagaalka 16-kii sano ee ku sugnaa magaalada Jowhar ayaa xalay halkaas kahuleelay kaddib markii ay u caddaatay in Midowga Maxkamadaha Islaamigu ay kusoo fool lahaayeen Jowhar (Akhri wararka hoose oo ah warkii ka hor intii aan magaaladu gacanta u gelin maxkamadaha).

Dhanka kale guddoomiyaha Midowga Maxkamadaha ayaa beeniyey warkii laga faafiyey in maxkamaduhu ay weerar ku yihiin magaalada Baydhabo. Sheikh Shariif sheikh Axmed  waxa uu sheegay warka sheegayey in ay weerarayaan Baydhabo in uu ahaa Barobagaando aan waxba ka jirin oo la fafiyey, waxana uu intaas ku daray "Matageereyno ciidamo shisheeye oo la keeno dalka, laakiin qastiganagu ma ahan in aan weerareyno Baydhabo."

• "NSG" Waa Shirkad Caynkee ah
  Northbridge Services Group, Ltd oo ah shirkadda ay DFKMG siisay xuuuqda bixinta shatiyada shidaalka ayaa .. Guji....

Kulankii wadamada IGAD ee Nairobi. Warbixintii Canab Mumtaz | SomaliTalk.com | canabmumtaz@yahoo.com   Wasiirada arimaha dibadda ee wadamada ku bahoobay urur goboleedka IGAD ayaa ka barandagaya in xayiraado xaga safarka ah ay ku soo rogaan qabqablayaasha dagaalka ee dalka soomaliya. Kulan wasiradaasi uga socda magalada nayroobi ayaa waxaa ay ku falqeynayaan in dagaal oogaysha dalka soomaliya laga mamnuco in ay u safraan wadamada bariga Afrika.   Qodobka ku saabsanaa xayiraada xaga safarka ah ayaa waxaa wasiradaasi hor digey wasiirka arimaha dibada ee Kenya Rapheal Tuju oo sheegey in ay tahay arin aan la aqbali ka reynin in qabqablayaasha dagaalka ay xarun u noqoto waddamada jaarka la ah wadanka Soomaaliya isla markaana ka abaabulaan  qorshoyinkooda ku aadan carqaladeynta xasiloodida dalka soomaliya.   Dowlada Kenya ayaa baryahan dambe talaabo dardar leh ku haysa ka haddlida xaalada SoomaaliyaWasiirka Arrimaha dibada Mr. Raphael Tuju waxaa kale uu yiri wadankeena uma ogolaan doono dad soo burburiyay wadankooda,waxa ay dowladu ka fiirsanaysaa ayuu yiri sidii ay usii adkayn lahayad cunaqabataynta saaran Hogaamiyayasha dagaalka oo uu tilmaamay in ay cabaqad ku noqdeen habsi u shaqaynta dowladii Soomaaliyeed ee lagu Magaalada Nairobi sidoo kale dowladu uma ogolaan doonto ayuu yiri in bangiyo ka dhigtaan wadanka kenya.    Ra'isal wasaaraha DFK soomaliya Cali Maxamad gedi ayaa ku baaqey in ciidamo ajnabi ah oo amaanka suga oo lageeyo dalka soomaliya. Raisal wasaaraha oo hadal ka jeediyey kulankii wasiirada arimaha dibada ee urur goboleedka IGAD ayaa waxaa kale oo uu sheegey in beesha caalamka aysan sidoo la rabay waxba uga qabanin Arrimaha  Dalka Soomaliya.,Mr.Gedi ayaa waxa uu sidoo kale ugu mahadceliyey dowlda Wadanka Kenya go’aankii ay ka qaadatay qabqablayaasha dagaalka.   Dowladaha IGAD Arrimaha kale ee laga sugayon go'aan ka gaaristooda ayaa ah ciidamada suga amaanka oo ay dowlada dalbatay kadib markii ay maara u waysay Amaan ku soo celinta halka ay ka dagan yihiin gobolka Bay ee baydhabo,Ra'iisal wasaaraha Somaliya Cali Maxamad gedi ayaa u sheegay TV Aljazeera  in ciidamada Ajnabiga ah ay wax badan ka tari doonaan Xaalada Amaan ee guud Ahaan wadanka Somaliya ka jirta.   Hadalka raisal wasaaraha ayaa ku soo beegmey iyadoo malintii labaad maanta barlamaanka Soomaliya uu xal ka gaari waayey in ciiddamo shisheeye la geeyo dalka soomaliya iyo in kale.. Gudoomiyaha barlamanka sharif Hassan Sheikh aaadan oo gudoominayey kulankii maanta ay yeesheen xubnaha barlamaanka ayaa ku dawaaqey in doodaasi la hakinayo ilaa malinta berita ah si xildibaanada isku khilaafsan amurtaasi ay u helaan waqti ay ku gudbiyaan fikirkooda.   Dhinaca kalane Dowladda Maraykanka ayaa Faafisay in Fadhi caalamiga ah oo looga hadli doono arrimaha Soomaaliya la qabano maalinta qamiista ah oo ay tarikhduna tahey 15 bisha june. Afhayeenka waaxda arrimaha dibadda ee dalka Maraykanka Sean McCormack ayaa sheegay in kulankaasi oo lagu qaban doono magaalada New York ay gudoomin doonto haweneyda Jendayi Frazer oo ah kaaliyaha xoghaya arrimaha dibada ee arrimaha Africa.Waxaana ilaa iyo haatan si rasmi ah loo sheegay inay ka qayb geli doonaan kulankaasi wadamada xubnaha ka ah Qaramada Midoobay iyo dalalka  Norwey,Sweden,talyaaniga, Ingiriiska iyo Tanzania.Afhayenku waxaa uu sheegey in kulankaasi looga hadli doono sidii wadamadaasi ay u midayn lahaayeen siyaasadohooda iyo xiriirkooda diblomaasiyadeed ee ku aadan arrimaha Soomaaliya, si markaasi loola shaqeeyo hay’adaha Federaalka. Warar Dheeraad ah hoos ka akhri....

Qabqablayaashii Dagaalka oo ka Cararay Jowhar

Wararka ka imanaya magaalda Jowhar ayaa tibaaxay in qabqablayaashii dagaalka ee ka mid ahaa isbahaysigii la baxay "la dagaalanka argagxisada" ay ka carareen magaalada Jowhar ayadoo aan la xaqiijin meesha ay u dhaqaaqeen, in kasta oo wararka qaar ay sheegayaan in ay aadeen dhanka gobolada dhexe ee Soomaaliya. Waxa ay magaalda ka baxeen kaddib markii ay Maxkamadaha Islaamigu ay dagaal ku aadeen magaalda Jowhar.

Waxaa wararku intaas ku darayaan in uu dagaal ka dhacay meel magaalada Jowhar u jirta 15 km, dagaalkaas oo ay qaadeen Maxkamada Islaamiga ah.

Cabdulahi Daahir oo ka mid ah mamulka magaalada Jowhar ayaa waxa uu hay'adda wararka ee Reuters u xaqiijiyey in ay magaalda Jowhar ka baxeen  Bootan Ciisse Caalim iyo Maxamed Qanyare. Maxamed Dheere oo ay Jowhar fariisin u ahaan jirtey asago hore ayuu magaaladaas uga huleelay.

Warar kale ayaa tibaaxay in Maxkamaada Islaamigu ay qarka u saaran yihiin Garoonka magaalada Jowhar. Dagaal ayaana aggaa Jowhar u dhow ka socdey xilligii aan warkan qoreyney.

Waxaa xalay fiidnimadii Dalka kenya lagu soo gebagabeeyay shir ay isugu yimaaden wasiirada Arrimaha dibadda ee wadamada IGAD waxaana shirkaasi ka qaybgalay todobada wadan ee xubnaha ka ah urur gobaleedkaasi, waxaana Soomaaliya u matalayay Ra’isul Wasaare Cali Max’ed Geeddi, iyadoo Ra’isul Wasaare Geeddi uu halkaasi ka jeediyay khudbad dheer oo uu IGAD ugu faahfaahinayay xaaladda Soomaaliya, gaar ahaan waxyaabihii ugu dambeeyay ee ku soo kordhay Soomaaliya, waxa uuna sheegay in Dowladda Federaalka ay diyaar u tahay in ay wada hadal la furto Midowga Maxaakiimta Islaamiga ah, maadaama qabqablayaasha dagaalku ahaayeen kuwo ay ka shaqeyn weysay Dowladdu mudadii ay jirtay.

Ra’isul Wasaare Geeddi ayaa waxa uu ka codsaday wadamada IGAD in Soomaaliya laga qaado cunaqabateynta hubka iyo waliba in Soomaaliya loo soo diro ciidamo nabad ilaalin ah.

Gebagabadii shirka ayaa waxaa laga soo saaray dhowr qodob oo ay ugu muhiimsaneyd in wadamada IGAD aysan dalalkooda u ogolaan in ay soo galaan qabqablayaasha dagaalka ee looga itaal roonaaday magaalada Muqdisho, sidoo kale waxay isku raaceen in xayiraad lagu soo rogo lacagaha iyo dhaqdhaqaaqyada kale ee ay ka dhex sameeyaan xubnahaasi wadamada IGAD, waxaa kaloo Dowladda Federaalka loo soo jeediyay in ay wadahadal la furto Midowga Maxaakiimta islaamiga ah si nabad loogu soo dabaalo gudaha dalka. Qodobada kale waxaa ka mid ahaa in wadamada IGAD ay ciidamo nabad ilaalin ah u diraan wadanka Soomaaliya si ay uga qayb-qaataan hub ka dhigista iyo soo celinta amniga.

Dhanka kale ururka midowga Yurub ayaa sheegay in loo baahan yahay in la khafiifiyo cunaqabataynta hubka ee saaran Soomaaliya.

IGAD oo Dowladda Federaalka ku Cadaadinaya in ay wada hadal la furto...

Wararka naga soo gaaraya Magaalada Nayroobi waxay sheegayaan in Wadamada IGAD ay Dowladda Federaalka ku cadaadinayaan sidii ay wada hadal ula furi lahayd Midowga Maxaakiimta Islaamiga ah oo dhawaan gacanta ku dhigay Magaalada Muqdisho.

Inta aysan wada hadal yeelan Dowladda Federaalka iyo Midowga Maxaakiima Islaamiga ah waxaa ka horeyn doona in ergay ka socda wadamada IGAD uu soo gaaro Magaalada Muqdisho si uu ula kulmo mas’uuliyiinta Midowga Maxaakiimta Islaamiga ah si uu halkaasi uga uruuriyo warbixin la xiriirta qaabka ugu haboon oo ay u wada hadli karaan Dowladda Federaalka iyo Midowga Maxaakiimta Islaamiga ah

Dhawaan ayaa Guddoomiyaha Midowga Maxaakiimta islaamiga ah Sheekh Shariif Sheekh Axmed waxa u ku dhawaaqay in ay wadahadal la furi doonaan Dowladda Federaalka, hase yeeshee wareysi uu doraad bixyay guddoomiyuhu waxa uu sheegay in aysan wax wadahadal ah la gali doonin Dowladda Federaalka inta ay dalbaneyso ciidamo shisheeye oo ka socda beesha Caalamka.

Ciidamo ka tirsan Midowga Maxaakiimta oo ku sii qulqulaya Deegaano ku dhow dhow..

Wararka naga soo gaaraya magaalada Jowhar ee gobalka Sh/dhexe waxay sheegayaan in Maleeshiyooyin ka tirsan Midowga Maxaakiimta ay si aad ah ugu sii qulqulayaan goobi ku dhow dhow magaalada Jowhar oo haatan xarun u ah Isbahaysiga la dagaalanka Argagixisada.

Maleeshiyooyin iyo tikniko fara badan oo ay leeyihiin Midowga Maxaakiimta ayaa la sheegay in ay ka ambabaxeen wado ka tagta deegaanka Buur-Hakaba, iyagoo doonaya in ay Johar ka soo galaan dhinaca waqooyi, sidoo kale ciidamo ka tirsan Midowga Maxaakiimta ayaa iyana ka dhaqaaqay dekedda Ceel-Macaan iyagoo doonaya in ay ka soo galaan magaalada Jowhar dhinaca Bari.

Magaalada Jowhar ayaa waxaa ka jira cabsi iyo walwal badan iyadoo Maleeshiyada Isbahaysiga ay bilaabeen dhaq-dhaqaaq ay doonayaan inay isku difaacaan, iyadoo magaalada ay haatan ku sugan yihiin xubno ka mid yihiin Max’ed Qanyare, iyo Cabdi Nuure Siyaad.

Warar kale ayaa waxay sheegayaan in Magaalada uu doraad soo galay Max’ed Dheere oo xubin ka ah Isbahaysiga la dagaalanka Argagixisada.

Ra’isul Wasaare Geeddi oo ku sii jeeda dalalka Uganda iyo Suudan..

Ra’isul Wasaaraha Cali Max’ed Geeddi oo haatan ku sugan Magaalada Nayroobi ayaa warar aanu helnay waxay sheegayaan in uu ku sii jeedo wadanka Uganda.

Sababaha uu u tagayo dalka Uganda ayaa lagu sheegay in ay tahay sidii uu ugal hadli lahaa keensita ciidamada wadanka Uganda ee Soomaaliya, maadaama Uganda ay ahayd dowladdii ugu horeysay oo ciidamo nabad ilaalin ah ugu yaboohda wadanka Soomaaliya.

Ra’isul Wasaaraha yaa inta uu joogo wadankaasi waxaa kalloo uu kala hadli doonaan mas’uuliyiinta wadankaasi in mar kale Dowladda Uganda soo dirto saraakiil indh-indheeya goobaha la dejiyo ciidamada, sidoo kale Ra’isul Wasaara ahaa la filayaa in uu gaaro wadanka Suudaan oo ah wadanka labaad oo isna ciidamo nabad ilaalin ah ugu deeqay wadanka Soomaaliya, inkastoo Midowga Maxaakiimta islaamiga ah ay si aad ah uga soo horjeestay in soomaaliya la keeno ciidamo nabad ilaalin ah sidoo kale golaha Barlamaanka ayaa isagu si aad ah ugu kala qaybsan in dalka la keeno ciidamo nabad ilaalin ah.

Dhanka kale madaxweyne Cabdullaahi Yuusuf ayaa shalay galab dib ugu soo laabtay magaalada Baydhabo kaddib markii uu kulamo magaalada Nairobi kula soo yeeshay madax ay ka mid yihiin madaxweynaha Kenya.

Xuseen Caydiid oo shalay ka qaybgalay aaskii Hooyadii oo ka dhacay Muqdisho..

Xuseen Max’ed Faarax Caydiid oo ah Ra’isul Wasaare ku xigeenka ahna Wasiirka arrimaha gudaha ee Dowladda Federaalka ayaa shalay soo gaaray magaalada Muqdisho isagoo dalka keenay maydkii hooyadii Asli Dhubad Maxamuud.

Aaska ayaa waxaa ka qaybgalay mas’uuliyiin fara badan oo ka tirsan Dowladda Federaalka iyo dhallinyaro aad u fara badan waxaana lagu aasay Qabooraha Gen. Caydiid ee deegaanka SOS.

Xuseen Caydiid ayaa mar uu la hadlayay dadweynihii ka soo qaybgalay aaska Hooyadii waxa uu u mahadceliyay ciddii ka qayb-qaatay aaskaasi, waxaa kaloo u mahadceliyay shaqsi-yaadkii Maydka hooyadii kala keenay cariga Mareykanka.

Asli Dhubad waxay ku dhimatay cariga Mareykanka labo todobaad ka hor, waxaana maalmahan magaalada Muqdisho si weyn uga socday u diyaar-garowga aaskeeda.

Cadi Qaybdiid oo ka baxay Isbahaysiga Argaggixisada....

Cadi Qaybdiid oo ka mid ahaa isbahaysiga la baxay la dagaalanka argaggixisada ayaa sheegay in uu iskaga baxay is bahaysigaas. "ka mid ma ahi isbahaysigaas, waana iskaga baxay" ayuu yiri.

W/D Amiin Yuusuf Khasaaro

E-Mail amiinkhasaaro@hotmail.com

Faafin: SomaliTalk.com | Jun 14, 2006

Warar GooGoos ah: June 13
»Sheekh Qaasim “Haddii ay yihiin ciidamo Qaran maxay u..
»C/llaahi Yuusuf iyo Geeddi maxay ka dooneen Kenya…?
»Dowladda Itoobiya oo ka codsatay IGAD in ay qayb ka
»Doodii ku saabsaneyd keenista Ciidamo oo maaanta...
»Xarunta Ismaaciil Jimcaale oo Siminaar u soo....
»Gumaysiga Itoobiya oo jawaasiis badan qortay.
Wararka oo dhan ka akhri halkan... Guji... Jun 13