WARARKII JUNE 8, 2006
Barnaamijka Xisbiga Ramaas Political Party
(RPP)
RAADADKA AY REEBEEN DAGAALADII KA DHACAY MUQDISHO....
Tan iyo markii dagaaladu ka
dheceen magaalada muqdisho waxaa soo baxayey dhibaatooyin badan oo ay qabaan
dadka taagta daran ee ku dhaqan aagaga ay ka dhacayeen dagaalada .
Deegaanka SII SII oo ahaa
meeshii ugu ba,naa oo ay ka dheceen dagaaladii ugu darnaa muqdisho balse iminka
la kala qaadey milayshiyaadkii isku hor fadhiyey oo aan soo booqday ayaan kula
kulmey qaar kamida dadkii ay dagaaladu saamaynta ku yeesheen ,gaar ahaan hooyo
lagu magacaabo Fahmo Nuur Xaaji oo ku dhaqan deeegaanka SII SII oo iyadu horey
uga tabanaysay dhibaato nolol xumo oo la xidhiidhto arimo qoys haatana ay usii
dheer tahay saamaynta dagaalada .
Hooyo Fahmo iyo wiilkeeda Zakariye C/Qaadir
Hooyadaas oo aan kula kulmay
hoygeeda oo ahaa guryaha ka samaysan jiingad ayaa ku bilowday hadalkeeda sidan:
"anigoo ah Fahmo Nuur Xaaji ku nool magaalada xamar gaar ahaan degmada yaaqshiid
waxaa dhacdey maalin maalmaha kamida nikayga oo la dhihi jirey C/qaadir Cali
Jaamac oo ah dadka laga tirada badan yahay isagoo ku maqan garaash uu ka shaqayn
jirey ayaa waxaa ii yimid walaalahay waana i jir dileen gurigiina waa iga
jejebiyeen waxii ii yaalayna way iga kexeeyeen waxayna igu xireen gurigooda
kadibna waxay radiyeen ninkayga iyagoo rabay inay dilaan ,markii ay waayeen
isaga waa ay i dayriyeen waxayna iga cayriyeen gurigooda .
Hooyo Fahmo iyo wiilkeeda Zakariye C/Qaadir
Hooyo Fahmo oo hadalkeedii sii
wadata ayaa ku catoowday waxaa intaa iisii dheer in ninkaygii markii iigu war
dambaysey ay ahayd bishii todobaad ee 2004 meel alla iyo meel uu jirona aanan ka
war qabin ayaa hadana waxaa si xun ii saameeyey dagaaladii ka soconayey
magaalada muqdisho iyadoo dadkii awoodey ay ka qaxeen xabadaha laakiin aniga iyo
wiilkayga zakariye c/qaadir waanu awoodi weyney inaan ka qaxno xabadaha waayo
waxaan ku nool nahay maanta waad badbaadeene berito ma badbaadi doontaan.
Si kastaba ha ahaatee
dagaaladii ka dhacay magaalada muqdisho ayaa wiiqay noloshii qoysas badan oo ku
dhaqan magaalada muqdisho iyadoo ay adag tahay in dib usoo kabsadaan
qoysaskaasi.
Muuse Maxamuud Jiisow
Somali39@hotmail.com
Mogadishu – Somalia
002521576666 / 002521653623
Aabbe
Soomaaliyeed oo maxkamad loo horkeenayo Gabadhiisa oo loo gudey gudniin
(fircooni ah) awgeed...
Dacwad ka dhan ah aabe Soomaaliyeed oo ku nool magaalada Gothenburg ee wadankan
Sweden ayaa Arbacadii dacwadiisa loo soo gudbiyey maxkamad ku taala magaalada
Gothenburg. Aabahan ayaa lugu eedeyey in sanadkii 2001-da uu labo kamid ah
afartiisa carruur ahi u kaxeeyey Soomaaliya, halkaasoo gabadha dacwada ku soo
oogtay ku soo guday sanadkii hore.
Cadeymo
la xirriira gudniinka gabadhasi yar ayaa waxaa cadaayey dhakhaatiirka
baaritaanka ku sameeyey, sidoo kale maxkamada oo kaashaneysa, safaarada Sweden
ee Itoobiya, iyo hey'ada ceymiska qoyska ayaa dhamaantood isku raacay abaahasi
in gabadhiisa isagoo ogolaansho ka heysan guday.
Waa markii ugu horeysay muddo 24 sanno ah dacwad ka dhan ah gudniinka lagu soo
oogo qof ajanabi ah, iyadoo dalkan Sweden la ogyahay in amuurtaasi tahay mid
mamnuuc ah oo aan sharcigooda dhigeynin.
Lama oga goorta ay maxkamadu qaadan doonto goorta aabahan soomaaliyeed lasoo
taagayo maxkamad, mar ay Arbacadii June 7 suuragal ii noqotay inaan tago
maxkamada ayey ii sheegeen mas'uuliyiinta Maxkamada in toddobaadka dambe ay
gaareyso go'aanka ninkaasi maxkamad lagu horkeenayo, sidoo kalena aan isha aan
soo mariyey warqad qoraal ah oo ay ku qornaayeen qodobada lagu heysto aabahan oo
ah in gabadhiisa uu si ulakac ah u guday isagoo ogsoon in dalkan mamnuuc ka
tahay.
Ikraam Cali-kaar
ikraam@journalist.com
Mr.Francois Fall oo ugu Baaqay Madaxda
Maxaakiimta in la Wadahadlo.
Canab Mumtaz |
canabmumtaz@yahoo.com
|
Somalitalk.com
 Wakiilka
Xoghayaha Guud ee Qaramada Midoobay u qaabilsan Arrimaha
Somaliya Mr.Fall ayaa ka codsaday Maxaakiimta Islaamiga ah ee
Muqdisho gacanta ku dhigay in ay Furaan wadahadal laga sii
wadayo Hanaanka Nabadeed ee ay wadaan si Amni guud wadanka Loogu
soo celiyo.
Mr.Fall oo baaq ka soo saaray
Arbacadii Magaalada Nairobi ayaa intaas ku daray in Maxkamadaha
ay sameeyeen wadaxaajood ku salaysan sidii loo heli lahaa
dowlada midaysa Shacabka oo dhan,gacantana ku dhigta Amniga
Wadanka si looga gudbo Caqabadaha Nabad La'aaneed ee ka jira
wadanka Soomaaliya.
Francious Fall ayaa waxaa intaas
ku darey in beesha caalamka ay xaqiijinayso taageerada iyo soo
dhaweynta ay u hayso dadaalka hay’adaha Federaaliga ah ugu
jiraan sidii lagu heli lahaa dib u heshiisiin iyo maamul degan,
taasi oo ku qotonta axdiga KMG ah ayaa lagu yiri qoraalka
Francious Fall.
Dhanka kalane Magaalada Muqdisho
waxaa gacanta ku haya Maxaakiimta islaamiga ah ee Muqdisho oo
midoobay waxaana aad loo hadal hayaa in Awoodoodu ay ku fiddo
wadanka oo dhan taasna waxa ay ku timid Rabitaanka Shacabka iyo
Niyad Wanaaga Maxaakiimta Islaamiga ah oo Awood iyo Xilkasnimo
Daacadeed Muujiyay sanado badan kadib.
|
Amir Waliid Bin Talaal oo ugu deeqay W/bari
Kenya hal malyan oo dollar.
Canab Mumtaz |
Somalitalk.com
 Maalgaqabeenka
Qoyska Boqorada Sacuudiga Amir Waliid Bin Talaal ayaa shalay booqasho ku
yimid Magalada Gaarisssa iyadoo ay dhinacyda ka socdaan saraakiil sarsare oo
ka tirsan Dowlada Kenya,Kuwa Qaramada midoobay Hay'adaha Maxaliga ah Iyo
Madaxweyne Ku xigeenka Wadanka Moddi Awori.
Amir Talaal oo lagu tilmaamo hantiilaha 3aad
ee dunida ayaa socdaalkiisa ugu kuurgalayay deeq lacag iyo mucaawino kaleba
iskugu jirtay oo uu ugu deeqay gobolka W/bari kenya oo ay Somalidu dagto
laba bilood ka hor,lacagtaaas oo ahayd hal malyan oo dollarka maraykanka ah
ayuu Hantiilahani ugu tala galay in wax weyn loogu qabto dadka ay Abaartu
saamaysay xoolihiina ay ka dhamaysay bilowgii sanadkan iyo dhamaadkii
sanadkii horeba.
Waleed oo oo la hadlayay Idaacadda STAR FM ee
Gobolka W/bari ayaa sheegay in Madaxweynaha Wadanka Mwai Kibaki uu kala
xaajoon doono Xaaladaha taagan ee Gobolka,hase yeeshee waxa uu carabka ku
dhuftay in xiligan waxa uu u yimid ay tahay in uu la socdo sida loo
gaarsiiyay deeqaha uu bixiyay dadkii loogu talagalay ee gobolka abaarihii
darnaana ay cayrteeyeen.
Bin Talaal iyo Wafdigii la socday ayaa booqday
dhowr goobood oo ka mid ah baadiyaha dagmada gaarissa si ay u hubiyaan inta
ay gaarsiisan tahay gargaarka la siiyo dadka dhibaataysan iyo hadda
dhibaatada ay qabaanba,Hantiilahan ayaa la rumaysan yahay inuu deeqo raashin
ah u marinayo WFP dadka dhibaataysan ee Abaarihiina ay waxyeeleeyeen
sanadkan.
Mar wax laga waydiiyay Bin Talal in deeqahan
uu bixinayo ay ku kooban tahay dadka Muslimka ah kaliya ayaa ku soo koobay
in gargaarka uu u dhaxeeyo Bini'aadmiga u baahan oo dhan,Prince Waleed ayaa
uga jawaabay su'aal ahayd inta ay gaarsiisan tahay deeqaha iyo maalgalinada
uu ku sameeyo dalalka Qaarada afrika in aan la soo koobi karin.
Hantiilaha Sacuudiga waxa uu kulamo la yeelan
doonaa Madaxweynaha Dalka Kenya Mwai Kibaki iyagoo ka wada hadli doona
Arrimo badan oo ay ka mid tahay gargaarka loo fidinayo Gobolka W/bari Kenya
iyo sida ay dadka lagu gaarsiin karoba.
Muddo aan sidaas u fogayn ayay ahayd markii
Mas'uuliyiinta Gobolka qaarkood ay dhaliileen sida ay dowladu u maamushay
gargaar lacageed oo loogu talagalay dadweynaha gobolka si xoolihii ka
dhamaaday badalkooda lacag ama wax u dhigma loogu badali lahaa si ay xoolo u
abuurtaan mar kale.
Dadweynaha Gobolka ayaa Badankood waxba badan
kala soconin deeqaha la soo gaarsiiyo,xiligan abaartii waa mid taagan
wali,dadkana waxaa ka dhamaaday hantidii oo ahayd xoolaha nool,dadka gobolka
maahan kuwo beeraha ku nool mana lahan gobolka wax soo saar dhaqaale oo ku
dhisan ganacsi,wadooyinka oo xun iyo canshuurta oo badan ayaa dad badan ku
abuurtay niyad jab ah in ay ganacsiga balaariyaan si dhaqaalaha gobolka kor
loogu qaado.
Hadalka Sheekh
Shariif ka soo yeeray ma yahay mid u cuntami doona shacabka..
Amiin Yuusuf | Muqdisho
Dagaalo ay
ku naf waayeen dad aad u fara badan, isla markaana ay ku dhaawacmeen tiro kale
ayaa afartii bilood ee la soo dhaafay ka dhacay magaalada Muqdisho kaasoo u
dhexeeyay Midowga Maxaakiimta Islaamiga ah iyo Isbahaysi isku magacaabay la
dagaalanka Argagixisada, waxaana kacdoonkaan hogaaminayay Sheekh Shariif Sheekh
Axmed oo isagu si weyn u kasbaday quluubta shacabka Soomaaliyeed oo mudo dheer
ku soo jiray dhibaatooyin ay badeen hogaamiye kooxeeyada hadaba Sheekh Shariif
wareysi uu siiyay wargeyska Asharqul-Awsad ayaa waxa uu ku sheegay in uu
daneynayo in uu iska casilo xilka uu hayo ee midowga maxaakiimta Islaamiga ah.
“waxaan
doonayaa in aan dib ugu laabto macallinimadeydii, waxaa jira dad iga mudan in ay
xilkaan qabtaan waayo hadafkii aan u qabtay xilkaan waxay ahayd in aan shacabka
Soomaaliyeddka ka saaro dhibaatada’ ayuu yiri Sheekh Shariif oo wax laga
weydiiyay cidda mudan in loo dhiibo xilkaasi waxa uuna yiri ‘waxaan xilkaasi iga
mudan Sheekh Xasan Daahir Aweys”. Sheekh Shariif waxa uu sheegay in Midowga
Maxaakiimta Islaamiga ah ay u dhiman yihiin howlo fara badan isla markaana ay ku
soo wajahan yihiin caddow fara badan oo ku sugan dalka gudihiisa iyo dibaddiisa
isagoo sheegayin arrintaasi looga gudbi karo wadajir ah iyo iskaashi, mar waxa
laga weydiiyay bal ay wada xaajood la galayaan Dowladda Federaalka ayaa waxa uu
sheegay in Midowga Maxaakiimta ay diyaar u yihiin in ay wada hadal la furaan
Dowladda Federaalka.
“Aad baan
uga naxay markii aan maqlay Sheekh Shariif ayaa dhiibiya xilka, waxaan leeyahay
Sheekh Shariif xilka waxaa kuu dhiibtay shacabka, welina waxaa jirta baahidii
xilkaasi laguugu dhiibay xilkaasi” ayuu yiri Max’ed Cali oo ah nin dhallinyaro
oo degan Xaafadda AL-Barka. “Cid kale oo na faceysa ma jirto ee aan ka ahayn
Sheekh Shariif, waxaan leeyahay Sheekh Shariif ha tixgeliyo inta badan
shacabka”sidaa waxaa yiri Faadumo Ismaaciil oo iyana si aad ah uga walwashay
hadalkii Sheekh Shariif ee ahaa in uu xilka ka degayo.
Dowladda Uganda oo
sheegay in Soomaaliya oo si dhaqsi leh ugu soo direyso
ciidamo
Saraakiil
sare oo ka socotay Dowlada Uganda ayaa maalintii shalay ahayd si dhaqsi leh ku
soo gaaray magaalada Baydhabo, waxayna saraakii-shaasi kulan la yeesheen
Madaxweyne C/llaahi Yuusuf Axmed iyo Ra’isul Wasaare Cali Max’ed Geeddi waxayna
isla iskula soo qaadeen arrimo la xiriira xaaladda Soomaliya iyo sidii Dowlada
Uganda uga qayb-qaadan lahayd amiga iyo dib u dhiska dalka.
Saraakiishii
ka socotay wadanka Uganda ee ka hadashay waxay sheegeen in Dowladda Uganda ay
haatan diyaar u tahay in Soomaaliya ay u soo dirto ciidamo nabad ilaalin ah,
hase yeeshee su’aasah is weydiinta mudan waxay tahay dadka Soomaaliyeed ma
doonayaan ciidamo nabad ilaalin ah maadaama ay horey soo arkeen ciidamdaasi
sidoo kale, sidoo kale waxaa iyana arrintaani ka soo horjeeda Xildhibaanada
Baarlamaanka.
Cismaan Caato “Ilama
wanaagsana in raggii dadka Soomaaliyeed ku tilmaamay argagixiso in magacooda la
sheeg sheego”
Maalintii
shalay ahayd ayaa waxaa hotelka Nabadda ee Magaalada waxaa kulan ku yeeshay
Waxgarad, Odoyaal iyo Siyaasiyiin ka tiran Beesha Sacad, waxaana looga ka
hadlayay sidii ay Beeshu ula jaan qaadi lahayd is bedelka ka soo cusboonaaday
Magaalada Muqdisho.
Kulankaan oo
uu ka qaybgalay Wasiirka howlaha guud iyo guryeynta Cismaan Xasan Cali Caato
ayaa gebagabadii waxaa laga soo saaray go’aano ay ka mid ahaayeen in la
balaariyo Maxkamadda Islaamiga ah ee Al-Furqaan, gaar ahaan deegaanada ay degan
tahay beeshaasi, Cismaan Caato oo ka hadlay kulankaasi ayaa waxa uu sheegay in
uu aad uga xun yahay in dad Soomaali ah ay shacabka Soomaaliyeedk u tilmaamaan
in ay yihiin argagixiso, waxa uuna u soo jeediyay in kooxihii laga adkaaday mar
dambe magacooda dib aan loo sheeg sheegin.
C/rashiid Ilqayte oo si
dhaqsi leh looga dhoofiyay dalka Kenya..
C/rashiid
Shire Ilqayte oo xubin ka ahaa Isbahaysigii la dagaalanka Argagixisada ee looga
adkaaday Magaalada Muqdisho ayaa shalay ciidanka Booliiska ee Kenya waxay u
dhaceen Hotel uu ka deganaa magaalada Nayroobi.
Booliiska
ayaa geeyay saldhiga Booliiska halkaas oo ay ku weydiiyeen dhowr su’aalood,
kaddibna waxay u soo dhaqaajiyeen dhinaca garoonka Diyaaradaha, waxaana lagu
amray in uu Mudo 24 saacadood ah kaga baxo dalka Kenya.
Sarkaal u
hadlay ciidanka Booliiska ayaa sheegayin sababaha ay u dhoofiyeen C/rashiid ay
tahay kaddib markii lagu tilmaamay dambiile dagaal, waxa uuna haatan ku sii
jeedaa wadanka Imaaraadka Carabta (Warar dheraad ah hoos ka akhri)
Banaanbaxyo
looga soo horjeeday in Dowladda Kenya ay martigeliso…
Wararka naga soo gaaraya Nayroobi ee dalka Kenya waxay sheegayaan in habeenkii
xalay ahayd magaaladaasi ay ka dhaceen banaanbaxyo lagu taageerayo guusha
Midowga Maxaakiimta Islaamiga ah ay ka gaareen qabqablayaasha dagaalka oo 16
sano ah dagaalo sokeeye ka waday Soomaaliya.
Banaanbaxa ayaa gundhigiisu waxa uu ahaa in Dowladda Kenya aysan marnaba u
ogolaan dambiila-yaasha dagaalka ee Soomaaliya ee looga saoo adkaaday wadanka,
waxayna sheegeen dadkaasi in raggaani ay doonayaan in ay qalalaase ka abuuraan
gudaha wadanka Kenya iyo in ay mar kale dib uga muuqdaan siyaasadda dalka.
Banaanbaxaasi oo xoogiisu ka dhacay Xaafadda Islii oo ay Soomaalidu ku badan
tahay ayaa waxay qaarkood ku dhawaaqayeen “waxaa dalkeena laga soo saaray
qabqable dagaal, ma dooneyno in Dowladda kenya ay mar kale ku martigeliso
dalkeeda, waayo Dowladda Kenya waxaan mar hore uga fadhinay in dadkaasi ay
xayiraad ku soo rogto oo ay dalkeeda ka saarto.
W/D: Amiin
Yuusuf Khasaaro
E-Mail:
amiinkhasaaro@hotmail.com
Dowlada Kenya oo Ganacsade
Abdirashiid Shire Xussen Ugu Baaqday inuu ka baxo Dalka.
- Abdirashiid ilqayte oo
Kenya laga Masaafurinayo
Ciidanka Dambi Baarista Dalka Kenya
ayaa saakay Ugu tagay Hotelka Grand Regency Abdirashid Xusen kadib
markii xalay ay ku dhawaaqaday wasaarada Arrimaha dibada ee Wadanka
Kenya in aysan wadankeeda u ogolaan doonin in ay soo galaan
Hogaamiyayasaha ku lug leh dagaalada Muqudisho ka socday baryahan.
Mr.Xussen oo ah ganacsade weyn oo
Soomaaliya caan ka ah gaar ahaan caasimadda isla markaana ah
Milkiilaha Hotelka Weyn ee Saxafi ayay Dambibaarayaasha waydiiyeen
Su'aalo kadibna waxa ay u gudbiyeen saraakiisha Amaanka ee CID-da
kuwaas oo markii dambe ka dalbaday inuu si iskiis ah uga baxo dalka
muddo 24 saacadood ah.
Abrashiid Shire(ilqayte) waa Hantiile
ahaa Ganacsade siyaasadiisu ay dhexdhexaad ahaan jirtay kuna koobnaa
Ganacsi kaliya,balse waxa uu si weyn ugu soo shaac baxay inuu ku
lug leeyahay dagalaadii u dhaxeeyay Midawga Maxaakiimta Islaamiga ah
iyo Isbahaysiga "Argagaxiso" la dagaalka,kadib markii uu
isbahaysigaas taageero siiyay kuna biiray kadibna dhalisay in
Mr.xussein laga qabsado Hotelka saxafi Maxkamaduhuna ay la wareegeen.
Dowlada Kenya waxa ay kale oo ay
dalkeeda ka mamnuucday hogaamiyayaashi laga ka tirsanaa Ururka
Argagixiso La dagaalanka ee Maxkamaduhu ay kaga awood badnaadeen
dagaalada Muqdisho,waxaana ay dowladu ku eedaynaysaa in ay yihiin
dambiilayaal.Canab
Mumtaz
canabmumtaz@yahoo.com
| Kenya | SomaliTalk
|
Tel:
658565, 253638, 920202: Mobile: 577471, 524621, 286606
Email:
kaalmeeye@hotmail.com
Ref: G.G.A.S/43/06 Date: 06/06/2006 10/05/1427.H. Muq.Somalia.
RAASHIN LAGA QAYBIYEY
J/HOOSE & MUQDISHO
Guddiga Gurmadka abaaraha soomaaliya waxay Raashin deeq ah oo loogu talo
galay dadka macluusha daran hayso u qaybiyeen dhamaadkii Bishii MAY iyo
bilowgii Bisha JUNE ee 2006 goobaha soo socda :-
- Tuulada
Ceel Moogow oo 35 kM ujirta Magaalada Kismaayo ee gobolka J/hoose, 550 Qoys
ayaa waxaa loo qaybiyey Bur, Galley, Timir, Tuuladan oo aan hadda ka hor cid
wax geysay aysan jirin.
- Jaziiradha
xeebta Kismaayo, sidaJawaay iyo Gobulow 485 qoys ayaa loo qaybshey Bur,
Galley, iyo Timir, Jaziiradan oo ah markii ugu horeysay ee deeq la gaarsiiyo
inta la xasuusan yahay.
- Gudaha
Magaalada Kismaayo 5 Xaafadood ka mid ah waxaa Bur iyo Timir loo qaybiyey
650 Qoys
isu geyn Qoysaska J/HOOSE Raashinka loo qaybiyey waa = 1689 Qoys,
Raashinka la qaybiyeyna wuxuu dhamaa =614 Loor oo isugu jira Bur,Timir iyo
Galley. waxaana Timirta bixiyey Hay’adda Al-Manhal Al-kheyriyah.
4. Magaalada Muqdisho Qaxooti ku sugan gaar
ahaan Kaamka lagu magacaabo Kaam Qoryooley oo ah meelihii ay saameeyeen
dagaaladii dhowaan ka dhacay Xamar, halkaasoo madfac ku soo dhacay dab ka
dhashay uu gubay dhammaan Buushashkii Qaxootiga, waxaana ku dhintay dad kuwo
kalena waa ku dhaawacmeen.
Haddaba Guddigu Qaxootigaas wuxuu u qaybiyey Raashin isugu jira Bur iyo Saliid,
waxaana ka faa’iideystay ilaa 200 Qoys
Waxaanu dadka soomaaliyeed iyo dhamman inta
samaha jecel la socodsiineynaa in ay weli baahi badan ka jirto gobolladii ay
abaaruhu ku dhufteen iyo meelo kaleba una baahan yihiin gargaar kala duwan, sida
Raashin,Daawo, Baco iwm.
Guddoomiyaha Guddiga Gurmadka Abaaraha
Soomaaliya
Sheekh Axmad Maxamed
Suleymaan
###
Waxaa soo tebiyey: Muuse Maxamuud
Jiisow
somali39@hotmail.com Muqdisho Somaliya
Faafin:
SomaliTalk.com | June 8, 2006
Ibraahim Nuur
Xabeeb "haddii aysan Dowladdu qaadan ku Dhaqanka Shareecadda.."
»Mareykanka oo mar
kale doonaya in uu soo noleeyo xiriirkii..
»Banaanbaxyo iska
soo horjeeda oo ka dhacay Muqdisho...
»Macallin Xaashi
“markii Max’ed Qanyare nagu soo duulayey..
»Kulan ay isugu
timid Beesha Sacad oo looga hadlay Isbedelka
»Annika Söder: "Ayaan
darro weeyaan in markale dagaalo ka..
»Dagaallo cadowga
Itoobiya lagu naafeeyay...
»Maalinta degaanka
oo laga xusay Puntland...
Wararka oo dhan
ka akhri halkan... Guji... Jun 7
Shiikh
Ibraahim Maxamed oo codsaday in dalkiisii lagu Celiyo
Sh. Ibraahim Sh. Max'ed |
USA: Kadib markii Shiikh Ibraahim Maxamed
lakeenay Maxkamad maalintii Khamiista 6/1/06 ayuu codsaday in dalkisii loo
celiyo kaddib markuu xiraa lixbilood iyo lix iyo toban bari isoo wax danbi ah oo
lagu xukumayna aysan jirin, sidoo kalena Maxkamdii ay ka diiday in lacag
damaanad ah laga dhigo oo uu dacwadiisa isagoo xirnayn sii wato.
Shiikh Ibraahim hadaladiisii ayaa waxaa kamid
ahaa “Maadaama aanan garanayn wax danbi ah oo aan u xiranahay, lacagtii
damaanada ahaydna aad diidee n waxaan ka door bidayaa in wadankaygii Soomaaliya
la ii celiyo intaan xabsi kujirilahaa”.
Kadib markii Maxkamadii ka xaqiijisay Shiikh
Ibraahim hadalkaas, Qareenkiisiina ay isla ogolaadeen, ayey waxay Maxkamadii
xukuntay in loo celiyo Soomaaliya.
Sharciyan qofka la xukumo in laceleyo waxay
qaadataa 14 ilaa 90 maalmood.
Shiikh Ibraahim waxaa la xiray Sanadkii 2005
waxaana lagu xiray Seattle Washington, oo uu ka ahaa Imaam iyo Siikhba, …………
sii
akhri | 
Daabaco
Boggan | Print
