WARARKII JUNE 2, 2006

• Waftiga Madaxweynaha Soomaaliya oo ku sugan Liibiya
• MAAMULAHA DUGSIGA MAKA AL MUKARAMA ” WAXAA INOO SOCONAYO IMTIXAANKII SHAHAADADA DUGISGA DHEXE LOOGA BAXAAYEY .
• Wefdi ka socda Dowlada Soomaaliya oo soo gaaray Sweden

Waftiga Madaxweynaha Soomaaliya oo ku sugan Liibiya

Madaxweynaha dowlada federaalka kmg soomaaliya mudane C/laahi yuusuf axmed iyo wafdigiisa ayaa Khamiistii ka qeyb galay shirkii todobaad ee dowladaha siin-saad ama saaxil-wasaxaraa oo ka dhacayey dalka libya, shirka ayaa waxaa furay madaxweynaha dalka libya mucamar al qadafi. Waxuuna madaxweynaha libya ka hadlay wadamada ka mid ah ururgoboleedkan ee dhibaatadu haysato dalalkooda sida eretaria, daafuu,r soomaaliya, qaasatan waxuu ka hadlay dalka soomaliya sidii looga qaban lahaa amaan darida ka jirto iyo dhibaatada iyo macluulsha, waxayna yabooheen dowladaha saaxil wasaxaraa in ay soomaliya la garab tagan yihiin cidamo iyo weliba taageero, waxaana loo saaray guddi ka soo shaqeeyo arimahaas waxaana soomaaliya ugu jira gudigaas ismaaciil maxamuud hurre buubaa oo ah raiisul wasaare ku xigeenka ahna wasiirka iskaashiga gobolada shirkan oo ku eg gebi ahaanba maalinta beri ah ayaa u muuqdi mid ahmiyad iyo guul weyn ugu fadhiya dowlada dalka soomaliya gaar ahan dowlada federaalka soomaaliya

wafuudi ka soo qeybgashay shirka dhamaan waxaa xalay loo sameeyey casho sharaf cashadaasi oo uu u sameeyey madaxweynaha martida loo yahay waxaa dhanka soomaliya ka qeyb galay ismaaciil maxamuud hure buuba, madane salaad cali jeelle iyo xubno kale .

Wafdiga ka soo qeybgalay shirka ayaa ka kooban 15 xubnood oo isgu jira safiiro iyo wasiiro, xildhibaan iyo xoghayn la taliyeyaal shirkan oo Jimcada xirmaya.

Saciid anteno
saciidanteno@yahoo.com

MAAMULAHA DUGSIGA MAKA AL MUKARAMA ” WAXAA INOO SOCONAYO IMTIXAANKII SHAHAADADA DUGISGA DHEXE LOOGA BAXAAYEY .

Dugsiga h/dhexe ee maka al mukarama wuxuu ku yaalaa degmada yaaqshiid ee magalada muqdisho, Wuxuu hoostagaa dalladda FPENS waxaana iska kaashaday hirgalintiisa dhalinyarada islaamka ah iyo bangiga horumarinta islaamka.

Waxqabadka dugsiga waxaa ka mid ah aqoon kororsi ,warfaafinta, caafimaadka, sportiga

Wuxuuna qeyb ka yahay ilaa afar dugsi oo kale ah dugsiga h/dhexe iyo sare ee macalin jaamac ,dugisga h/dhexe iyo sare ee janaraal daauud , dugsiga h/dhexe iyo sare ee jaabir bin xayaam oo isagu waxbarasdhadiisu ay tahay luqada englishka

Waxaana gacan ka geysta dhaqaalihiisa waalidiinta ardayda oo bixisa bishiiba $10 dolar oo fii ah tan iyo markii la aasaasay waxaa ka qalin jabisey arday gaareyso 450. arday wuxuu ku sheegay dhibaatooyinka ku soo noqnoqdo xabadaha iyo dagaalada sokeeye oo uu ahaa kii ugu danbeeyey ee dib u dhac ku sameeyey qabashada imtixaanaadka mudo todoba cisho ah.

Cabdulahi maxamed maxamuud ( QOSLAAYE ) oo Ah maamule ku xigeenka dugsiga h/dhexe ee maka al mukarama ayaa ii sheegay in wax barashadu ay laba u qeybsan tahay koorso degdeg ah iyo waxbarsho caadi maadooyinka la dhigo ayuu sidoo kale ku sheegay qoslaaye in ay ka mid yihiin xisab, joqrafi, taariikh, seynis, caafimaad, tarbiyo wadaniya = oo la mid ah muxaadirooyin.

Sidoo kale wuxuu maamule ku xigeenku intaa ku daray in dugsigu uu heysto sadax shahaado sharaf oo uu ku helay howl Karnimo dheeraad ah waxeyna kala yihiin shgaahaadooyinkaasu (1) mid uu ku helay ciyaaraha fudud (2) mid uu ku helay baaskidka (3) iyo mid uu ku helay akhrinta quraanka kariimka ah

Maamulaha dugsiga h/dhexe ee maka al mukarama cabduqadir maxamed xasan ayaa sheegay in ay u socdaan ardada dugsigaasi imtixaankii shahaadada dugsiga dhexe looga baxaayey isaga oo sheegay in talaadada la soo gabagabeyndoono wuxuuna xusey in dugsigaani uu ka mid yahay jimciyada maka al muka rama ee ka tirsan dalada Fpens isaga oo xusey in ay waxka bartaan arday kor u dhaafeyso 530 oo kala ah 390 arday oo lab ah iyo 140 dhedig ah labada gelinba ayna wax ka dhigaan macalamiin gaareyso 15 oo jaamiciyiin ah .

Wuxuu sheegay maamuluhu in dugsiga maka al mukarama oo la furey sanad dugsiyeedkii 2003/2004 uu sanadka danbe ku soo biiri doono qeybta dugsiga sare oo hada ardada dhameysatey ay waxbarashada dugsiga sare ku qaataan dugsiga h/dhexe iyo sare ee macalin jaamac oo ay ka wada tirsan yihiin jimciyeda maka al mukarama .

Cabduqadir maxamed xasan wuxuu sheegay in wada shaqeyn wanaagsan ay kala dhaxeyso dadka deegaanka degmada yaashiid ee uu dugsigu ku yaalo wuxuuna xusey in ay ka xun yihiin iyaga iyo waalidiintuba dagaalada ka soo cusboonaaday deegaanka sii sii ee hakadka geliyey howlihii imtixaanaadka dugsigaasi .

dugsiga maka al mukarama ayaa ka kooban 13 fasal waxaana la dhigtaa 5 cisho todobaadkii iyada oo ardayduna ay ku qaataan maadooyinka tarbiyada islaamka, luqada carabiga, somaliga. Juqrafiga, xisaabta , taariikhda ,iyo sayniska wuxuuna u rajeeyey ardayda ka qeybgalaysa imtixaanka shahaadada dugiga dhexe guul iyo natiijo wanaagsan

Muuse Maxamuud Jiisow
Somali39@hotmail.com
Mogadishu – Somalia
002521576666
002521653623