WASHINGTON: Soomaalida Maraykanka ku jooga sharciga
kumeel gaarka ah waxa ay sii joogi karaan dalka muddo dheeraad ah oo ah 18
bilood, sidaas waxaa Khamiis July 27, 2006 sheegay waaxda USA u qaabilsan
ammaanka ee loo yaqaan Department of
Homeland Security (DHS), sida ay soo werisey wakaalada wararka ee AP.
"Iskama taagnaan karno annagoo aan waxba qaban, mana
ogolaan karno in bulshada Soomaaliyeed ee ku nool Minnesota iyo daafada
dalka Maraykanka in loo celiyo gobol ay ka jiraan colaad iyo rabshado,"
sidaas waxaa yiri Sen. Norm Coleman, oo DHS kala shaqeeyey arrimaha la
xiriira kordhinta waqtiga.
Waxaa la rumaysan yahay in Minnesota ay ku dhaan
yihiin Soomaalida ugu badan ee dagan USA.
Sida ay sheegtay DHS, qiyaastii 250 qof ayaa
sharcigan ah dib u cudboonaysiinta ka faa'iidaysan doona.
DHS waxa ay arrintan ku dhaqaaqday isla maanta (July
27, 2006) oo ay 20 ka tirsan
Baarlamaanka (wasiiro) dowladda Soomaaliya ay is casileen ayagoo
dowlada (Soomaaliya) ee aan awooda lahayn ku eedaynaha in ay ku guul
daraysatay in ay dalka nabad ka dhigto, waa sida warka (AP) u dhigaye.
Afif Abdiaziz Ahmed,
26-jir
isha Sawirka:
KSTP
|
Booliska magaalada St. Paul ee gobolka Minnesota
ayaa xabsiga u taxaabay nin lagu soo eedeeyey in uu dhaawac aad u daran
garsiiyey ilaa ay suuxday qof dumar ah oo hooyo u ah canugiisa (ama isaga
canug u dhashay).
Booliska ayaa waxaa telefoon 911 ah loo soo diray
qiyaastii 3 a.m oo ah waaberi-soo-dhowaadkii Talaadada, waxaana booliska loo
sheegay in Afif
Abdiaziz Ahmed, oo 26-jir ah, uu aad u
garaacay qof dumar ah. Qofka booliska soo wacay waxa uu sheegay in ay
ilmo-adeer yihiin Afif Ahmed, waxaana la sheegay in Afif Ahmed uu qirtay in
uu falkaas geystey.
Markii boolisku yimaadeen meeshii loogu tilmaamay in
arrintu ka dhacday (oo ah guri ku yaal 1247 St. Anthony Ave.), waxa ay
heleen qof dumar ah oo taal sagxadda qolka hurdada taas oo dhiig badani ka
baxay. Sida ku cad faldembiyeedka la soo oogey, boolisku waxa uu sheegay in
"Madaxeeda dhaawac aad u badan loo geystey, oo dhiig aad u badani ka baxay,
wajigeedu waxa uu noqday mid aan loo garan karin in uu yahay mid bini-aadam
sida loo garaacay awgeed."
Boolisku waxa ay heleen mindi iyo ul yaal sagxada
qolka, oo labaduba leh dhiig.
Dacwad-oogayaashu waxa ay sheegeen in aalada video-ga
gurigu ay duubtay Afif Ahmed oo xilli ah fiid-dambe oo Isniintii ah uu galay
qolka ay dhibanuhu deganeyd. Gurigaas oo hore looga mamnuucay Afif Ahmed,
karin kaddib markii lagu soo ogey dacwad dhan ka ah April 17.
Markii qofta dumarka ah ee la dhaawacay loo sii
wadey dhakhtarka ayaa sarkaal boolis ah waxa uu arkay gaari madow oo soo
gelaya meesha gawaarida la dhigto (Parking) oo uu saaran yahay qof leh
tilmaanta Afif Ahmed.
Markii boolisku joojiyey gaarigii, Afif Ahmed waxa
uu booliska u sheegay magac kale, laakiin waxa uu booliska u dhiibey teesare
(ID) uu ku qoran yahay
Afif Abdiaziz Ahmed.
Waxaana laga helay in uu watey $520 iyo teesaraha loo yaqaan (social
security card) oo ay leedahay qofta dumarka ah ee uu dhaawaca gaarsiiyey.
Waxana boolisku arkeen dhibco casaan ah oo ka muuqata shaarkiisa iyo wax u
muuqda dhiig qalalay oo ku yaal gacmihiisa.
Qof kale oo gaariga saarnaa waxa uu sheegay in uu
yahay Afif Ahmed ina-adeerkiis, waxana uu qirtay in uu yahay kii booliska u
soo diray telefoonka 911 qarsoodiga ahaa kaddib markii uu Afif Ahmed isaga u
qirtay in uu falkaas soo geystey, waxana uu sheegay sababta uu telefoonka u
soo diray in ay ahayd isagoo ka welwelsanaa dhibanaha dhaawaca loo geystey,
waxa kale oo uu sheegay in Afif Ahmed uu isaga weydiistey in uu u soo raaco
guriga si uu u soo qaato canugiisa yar.
Afif Ahmed,
isha Sawirka: WCCO |
Dhakhaatiirtu waxa ay sheegeen in ay qaliin ku
sameeyey dhibanaha dhaawaca loo geystey, waxana ay sheegeen in ay filayan in
ay badbaado, waxaana laga yaabaa in dhaawac ka soo gaarey maskaxda, waxaana
dhici karta in ay beesho indhaheeda.
Sida ay sheegtay jariidada Pioneer Press,
dhakhaatirta cisbitaalka Regions Hospital waxa ay booliska u sheegeen in ay
dhici karto dhibanuhu in ay beesho isheeda midig, ayna yeelan doonto nabarro
jirkeeda ka muuqan doona oo aad u farabadan.
Markii ay boolisku waraysteen, Afif Ahmed waa
uu qirtay falkaas, sida warku sheegay, isagoo turjumaan Soomaali ah
adeegsanaya, waxa uu yiri waxaan mindi u adeegsadey farjiga dhibanaha si aan
u xaqiijiyo "in aysan weligeed ku laban nin kale abidkeed".
Jariidada Pioneer Press waxa ay qortay in
Afif Abdiaziz Ahmed oo
adeegsanaya turjumaan Soomaali ah uu dimbi baarayaasha u sheegay in uu
saaxibadiis garaacay ilaa ay miyir beeshay kaddib markii ay murmeen. Waxa uu
booliska u sheegay in uu adeegsatey feer, laad iyo xaaqin ka samaysan bir
markii uu arintan geysaneyey, markii dambena uu mindi ku jaray wajigeeda iyo
ferjigeeda, markii ay suuxday oo ay ku dhex taaley dhiigeeda, waxa uu yiri
waxaan ku istaagey korkeeda si aan cunto u siiyo canaga oo ooyayey, uguna
qubeeyo canuga. Waxana uu qirtay, sida boolisku sheegay, in uu isku deyey in
uu dhiiga ka tirtiro kabixihiisa, markii uu ku guulaysan waayeyna waxa uu
iska bedeley kabihii isagoo kuwii dhiiga lahaa uga tegey qolka.
Shabakada Channel 5-TV waxa ay qortay in
Afif Abdiaziz Ahmed la xiray kaddib markii
uu xoogey saaxibadiis, uuna garaacay ilaa ay miyir beeshay, markaasna uu
mindi ku jarjaray wajigeeda iyo farjigeeda, sida ku cad dacwada
Ramsey County oo ka tirsan magaalada St. Paul, Minnesota.
Afif Ahmed waxa uu ku jiraa xabsiga, damanadiisuna
waa $500,000.
Tarjumadii: SomaliTalk.com | July 27, 2006 | Isha:
Channel-5.TV, Pioneer Press, Fox News.
44
Qof oo Lagu Eedeeyey in ay Qaad Soo Geliyeen Maraykanka
Afar iyo Toban qof oo reer
Minnesota ah ayaa ka mid ah dad lasheegay in USA soo geliyeen 25 ton oo Qaad
ah oo... Akhri...
Dood-Cilmiyeed:
Isbedelka Cusub ee Soomaaliya
Aqoonyahanno ku sugan dalka Canada ayaa ka hadlay kacdoonka Soomaaliya iyo
raadka uu... Dhegeysi...
Daabaco
Boggan | Print
Calasey
“Ninkaygii oo Kawaanle ahaa baa sidaan ii galay oo aan ku waayey
labadeydii Gacmood” Guji...
Dhibaatooyinka
ka dhalata biyaha kulul ee loo adeegsado ragga marka ay dumarku
masayraan... Guji...