SOCOD NABADEED OO MAANTA LAGU
SOO MARAY WADDOOYINKII XIR-XIRNAA MUDDADA 16-KA SANO AHEYD
Socod
nabadeed oo ka qeyb qaadanayaan in ka badan 200 oo baabuurta yar-yar, kuwaasoo
cagta soo mariyay waddooyinkii xirnaa muddadii 16-ka sano aheyd ayaa shalay ka
dhacay magaalada Muqdisho.
Socodkaasi dheer ayaa wuxuu salaadda jimcaha kaddib ka billowday hotelka
nabadda, iyadoo marka hore la maray waddada Warshadaha ilaa Xoosh, kaddibna
waxaa lala soo wareegay waddada xoosh ilaa International Airport kaddibna waxaa
ay gawaaridaasi soo mareen waddada airport ilaa Otte-otte, waxaana laga leexday
waddada Maka Al-mukarrama ilaa Dekedda weyn ee Muqdisho, iyadoo kaddibna la sii
raacay waddada isku xirta Dekedda ilaa Hotel Curuba oo u dhexeysa Isbitaal
Martiini, Maxkamadda gobolka iyo, Madxafka Ummadda, kaddibna waxay la laabteen
waddada isku xirta Bankiga ganacsiga ilaa dekedda Sugunta lido oo u dhexeysa
dekedda hore ee Muqdisho, Masjidka C/casiis, kaddibna waxa ay la soo laabteen
waddada Mariina, iyadoo la soo dhinac maray wadada Bisha Cas, kaddib waxaa laga
laabtay dhabarka dambe ee Hotel Global, waxaa la sii maray waddaa isku xirta
Sanca ilaa Suuqa xoolaha, kaddibna waxaa lala lala soo noqday waddada
warshadaha, waxaana ugu dambeyntii dib loogu soo laabtay Hotelka nabadda.
Waddooyinkaasi la soo maray
dhamaantood waxaa dhinacyadooda tubnaa oo soo dhoweynayay garaaridaasi socodka
nabadeed ku mareysay waddooyinka, iyadoo mararka qaarkood lala kulmayay dad aan
taageersaneyn maxkamadaha oo ku dhawaqayay maxkamaduhu ha dhacaan, halka mararka
qaarkood lala kulmayay dad taageersan maxkamadaha oo ku dhawaaqayay ha
noolaadeen maxkamaduhu, waxaase la yaab leh in waddadii weyneyd ee halbowlaha u
aheyd magaalada Muqdisho, waddaadoo horta isbahaysiga, shineemo Nasar, SyL,
Golaha shacabka, Tiyaatarka ilaa Taalada Xaawa Taako oo ay gacanta ku hayaan
taageerayaasha isbahaysiga SNA, waana goobta kaliya ee aan weli u soo gacan
galin maxkamadaha.
 Muuse
Maxamuud Jiisow
Somali39@hotmail.com
Muqdisho Somalia
002521576666
Faafin: SomaliTalk.com | July 22, 2006
|
Daabaco
Boggan | Print