Daabaco Boggan | Print

Miless Zanawi: Ilinta Iska Tir Ra'iisul wasaaraha Ethiopian Meles Zenawi oo wajiga qabsaday markii uu khudbada jeedinayey Xoghayaha Guud ee Qaramada Midoobey Kofi Annan, khudbadaas oo ku saabsanayd arrimaha Afrikaanka, taas oo uu  July 1, 2006 ka jeediyey kulanka Midowga Afrika uga socda caasimada dalka Gambia ee Banjul. Kulankaas oo laba maalmood soconaya waxaa looga hadlay arrimaha Soomaaliya iyo gobolka Dafur ee dalka Suudaan. Sawirka REUTERS. Warbixinta Khudbadii Annan ka akhri halkan...

Nin aan Xildhibinow, Xildhibaan!!

W/D: Imaan Max’ed Jimcaale
E-mail: iimaan123@hotmail.com

Shirkii dibuheshiisiinta Soomaalida ee lagu qabtay Eldoreed kuna soo gabagaboobay Imbagati, isla markaana ergadii ka qaybgalay shirkaasi ay is hor fadhiyeen mudo labo sano ah, waxaana ugu horeyntii lagu guuleystay in heshiis xabad joojin ah la kala saxiixdo taasoo aysan hirgelin qolyihii kala saxiixday heshiiskaasi. Talaabadii xigtay ayaa iyana ahayd in la dhiso xubnaha Baarlamaanka oo iyagu doortay Madaxweyne isna uu magacaabay Ra’isul Wasaare kaasoo dhisay golihiisa Wasiirada, waxaana sidaa lagu soo gebagabeeyay dhismihii Hay’adda ugu weyn ee sharci dejinta iyo waliba Xukuumadda Federaalka, kuwaasoo dhamaantood lagu saleeyay qaab beeleed huwan magac loo baadi goobay si loo qurxiyo oo ah 4.5.

Intaa oo dhan marka laga soo tago waxaa xusid mudan in shirkaasi lagu sameeyay Dastuur, kaasoo aan wax is qabqabsi ah xiligaasi ka imaan, balse ay goor dambe yimaadeen murana la xiriira wixii ay ku heshiiyeen, Tusaale waxaan u soo qaadan karnaa kala qaybsanaantii labada gole ee Xamar iyo Jowhar taasoo dhinac waliba uu sheeganayay in dastuurka ay ku qoran tahay in magaalada ay joogaan la yimaado, laakiin Cali Cabdala Saalax oo isugu yeeray Madaxweyne C/llaahi Yuusuf iyo Guddoomiye Shariif Xasan, ayaa isla gartay in laga talo baxo Jowhar iyo Xamar oo Baydhabo in lagu wada furto ayay go’aamiyeen.

Haddii aynu wax iska weydiino dastuurkaa muranku ka dhashay, ma yahay mid afti dadweyne lagu ansixiyay?.

Waxaa kaloo jirta in Xubnaha Baarlamaanka ay yihiin kuwo matala sida ay sheegeen shacabka Soomaaliyeed ee gudaha dalka iyo dibaddiisaba ku sugan, iyadoo taasi jirto ayaysan Xildhibaanada qaarkood garaneyn waxa ay matalaan iyo waxa shaqadoodu tahay.

Sida aynu ka warqabno Sanaddii 1977-kii waxaa Dowladda Soomaaliyeed iyo Dowladdii Wayaanaha ee Itoobiya dhex maray dagaal qaraar oo Soomaali badani ay ku shahiideen halka ay Dowlada Wayaanaha (Itoobiya) kumanaan ciidamadeeda ku weyday, dagaalkaasi markii uu gabagoobay ma aanay jirin heshiis dhex maray mas’uuliyiintii labada dhinac, inkastoo wixii xiligaas ka dambeeyay aysan jirin wax weerar labada dhinac u dhexeeyay ilaa iyo xiligaas, marka laga reebo Itoobiya oo ilaa sanadii 1992-dii xiligii Burburka Soomaalida ku dadaaleysay in mar dambe aysan dib u midoobin oo ay kala daadsanaanto. Hadaba inagoo sidaa u wada og in Itoobiya ay tahay cadowga 1-aad ee Soomaaliya ayaa dad badan oo u adeega nacabkayaga waxa ay doonayaan inay Soomaalida ka dhaadhacsiiyaan in Itoobiya ay tahay Dowlad daris ah oo aan wax colaada haba yaraatee u qabin dadka iyo dowladda Soomaaliyeed, si arrintaas loo fuliyana waxay ay dowladu Wayaanaha (Itoobiya) u wakiilatay kuwa damiirlaawayaasha, ah ee aan ciidooda iyo calankooduba aan difaacin.

Cirbadooda sunta ah waxay qaadsiiyeen Shariif Xasan sh. Aadan, oo asagu qabay fakradda ah in aan dowladdaha safka hore aan la keenin dalka Soomaaliya, si gaarna waxaa uu farta ku fiiqay Dowlada (Itoobiya) oo uu sheegay in ay Dowlada Itoobiya dan gaar ah ka leedahay Soomaaliya, taasuna waxay sababtay in 17-Maarso laysku u leeyo fadhigii golaha Baarlamaanka ee maalintaasi.

Ha yeeshee waxa la istashkiilayaba waxaa is badalay dareenkii iyo wadaninimadii qaar badan ka mid ah xubnihii golaha Baarlamaanka, ee aamin sanaa Dowlada ee tahay cadow Soomaaliyeed, waxaana 14-kii bishii lixaad 2006 golaha Baarlamaanka ansixiyey in dalka la keeno ciidamo shiysheeye oo nabad suga, kuwaasoo aan loo eegin safka hore iyo saf dhexe iyo safka danbe toona, waxaana fikradaas qabay Madaxweynaha Soomaaliyeed oo isago la sheego inuu gacan saar wanaagsan kala dhexeeyo Dowlada Wayaanaha (Itoobiya) oo uu ku tilmaamay Madxweynaha Eriteriya, Itoobiya si kastaba ay ahaataba Dowladda Itoobiya waxay haatan u faruur qaniinsanaysaa in ay carabka mariso dalka Soomaaliya, gabi haantiiba taana waxaa sababay ayadoo iyadoo daba gambaneysa qaar daba-dhilifiin ah oo u adeega oo ay qarash ku maasheysay, waxa uuna hamigeedu yahay sidii ay Soomaaliya uga dhigi lahayd qayb ka tirsan Itoobiya, waxaase hor taagan muwaadiniin Soomaaliyeed oo aan marnaba ogoleyn in Cadowga uusan libinta helin had iyo goorna waxa ay heegan ugu jiraan sidii ay isaga dhicin lahaayeen nacabka iyo kaaliyihiisan, waxaana war soo baxay sheegeen in ciidamada Itoobiya soo galeen qaybo ka tirsan Dhulka Soomaaliyeed, balse taasi in aysan dhici doonin ayay wacad ku ku galeen halyeeyo Soomaaliyeed ka xumaaday waxa Baarlamaanka yiri shacabkaan matalaa ka soo yeeray, taasoo ah wax laga xumaado in mas’uuliyiin la mooday ay soo galbiyaan cadow kuna soo hogaamiyaan dadkooda, Abwaan isagu Muujinaya in uu san marnaba ogolaan inItoonbiya ay Gumeysato ayaa waxa uu yiri “Hashaan Gaada weynow Libaax uga gamboon waayay, in aan Goronyo Cawl uga tagaa waa wax soo gurayee” , isago ummadda ku boorinaya in caddowga wadanka Doonaya in sharafta Soomaaliyeed dhaco laga hortago oo laga dhigto tiisa.

W/D: Imaan Max’ed Jimcaale
E-mail: iimaan123@hotmail.com

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | July 5, 2006

Madaxwaynaha Puntland oo ku Soo Laabtay Boosaaso bil kaddib
MDGPL, Cadde Muuse, oo mudadii bisha ahayd ee uu dalka ka maqnaa safar qarsoodi ah ku tegey Ethiopia ayaa.. Guji...

3 Qof oo ku dhintay Rasaas La isku Weydaarsadey Magaalada Kismaayo
»Wafti uu hoggaaminayo Barre Hiiraale oo soo gaaray..
»Wafdi Qaramada Midoobey oo la kulmey Maxkamadaha...
»Ciidamo Itoobiyaan ah oo lagu arkay gudaha Baydhabo..
»Shariif Xasan oo ku soo jeeda Magaalada Muqdisho...
»HOWLIHII GUDDIGA GURMADKA ABAARAHA MUDDADA 5 BILOOD AH
»Koobkii Jaaliyada Finland ee Xagaaga ku Guulaysatay..
Wararkii oo dhan ka akhri halkan... Guji... July 4